Судлаач Эм Зүйч Академи/ The Academy of Research Pharmacists

Судлаач Эм Зүйч Академи/ The Academy of Research Pharmacists Мэргэжлийн эм зүйч нар танд эмийн талаар болон эрүүл мэндийн боловсрол олгоно.

✨ЭМ ЗҮЙН САЛБАРЫН ТУЛГЫН ЧУЛУУГ ТАВЬСАН ЭМ ЗҮЙЧИД! ✨Монгол улсын ууган эм зүйч, химич, эдийн засагч, улс төрч ШАРАВЫН ГА...
15/04/2026

✨ЭМ ЗҮЙН САЛБАРЫН ТУЛГЫН ЧУЛУУГ ТАВЬСАН ЭМ ЗҮЙЧИД! ✨

Монгол улсын ууган эм зүйч, химич, эдийн засагч, улс төрч ШАРАВЫН ГАРАМЖАВ эм зүйч.

Ш.Гарамжав нь эм зүйн салбарын хүний нөөцийн хөгжил, тэдний эрх ашгийн төлөө дуу хоолой болж, зохицуулалт, төрийн бодлого хэрэгжилтэд анхааран, салбартаа манлайлагч, нийтийн төлөө идэвх зүтгэлтэй, ёс зүйг эрхэмлэгч, шударга үнэнийг баримтлагч Монгол улсын ууган эм зүйч. Тэрбээр хот хөдөөгийн эм хангамжийн байгууллагуудыг нэгтгэх, эмийн мэргэжилтнүүдийн хамтран ажиллах уялдаа холбоог нэмэгдүүлэх, төрөл бүрийн нийгмийн ажлуудыг тасралтгүй зохион байгуулж, бусдыгаа уриалан ажиллаж байсан нь Монгол улсын өнөөгийн эм зүйн салбаруудын хамтын ажиллагааг хөгжүүлэхэд чухал суурийг тавьсан дайчин, шаргуу хөдөлмөрч нэгэн.

👨‍🎓Хүн эмнэлгийн техникумд эм найруулагч, АУДэС-д эм зүйч, МУИС-д химич, ШУТИС-д эдийн засагч, ЗХУ-д Марксизм, ленинизмийн их сургуульд улс төрч мэргэжлээр тус тус суралцаж төгссөн.

👩‍💼 Ажлын гараагаа Сэлэнгэ аймгийн Зүүн хараа хотын эмийн сангийн эрхлэгчээр эхэлж, Эрүүлийг хамгаалах яамны харьяа Улсын эм бэлтгэлийн газарт байцаагч, Дархан болон Улаанбаатар хотын Эмийн сангийн удирдах конторт ерөнхий мэргэжилтэн, Үнэ стандартын улсын хорооны хүнд үйлдвэрийн хэлтэст мэргэжилтэн, лабораторийн эрхлэгч, ерөнхий газрын орлогч дарга, Эрдэм шинжилгээний институтэд мэргэжилтэн, секторын эрхлэгч, Үндэсний дизайны төвийн дэд захирал, ШУТИС-ийн Компьютерын техник, менежментийн сургуульд захиргаа боловсон хүчний албаны даргын албан тушаалд тус тус ажиллахын сацуу Монголын эм хангамжийн байгууллагын холбооны гүйцэтгэх захирал, Монголын нийгмийн эрүүл мэндийн холбооны гишүүнээр тус тус ажилласан. Олон салбарт хөрвөн тасралтгүй 60 жил үр бүтээлтэй ажилласныг төр засаг үнэлж, Хөдөлмөрийн гавьяаны улаан тугийн одонгоор шагнасан.

“СУДЛААЧ ЭМ ЗҮЙЧ – ENGLISH CLUB”Эм зүйч, эмийн мэргэжилтнүүдээсээ ирүүлсэн санал хүсэлт, хэрэгцээний дагуу бид мэргэжил ...
14/04/2026

“СУДЛААЧ ЭМ ЗҮЙЧ – ENGLISH CLUB”

Эм зүйч, эмийн мэргэжилтнүүдээсээ ирүүлсэн санал хүсэлт, хэрэгцээний дагуу бид мэргэжил нэгтнүүдээрээ нэгдэн, хамтдаа байж, Англи хэлийг хамтдаа давтах дадал бий болгож, өдөр тутмын хэрэглээ болгох зорилгоор “СУДЛААЧ ЭМ ЗҮЙЧ – ENGLISH CLUB”-ийг нээлээ.

Бид бүгд нэг л зорилготой:
Англи хэлээ хамтдаа давтаж бодитоор хэрэглэх хэвшил бий болгох
Энэхүү зорилгоо биелүүлэхэд бид бүхэн олон улсын эм зүйн салбарын мэдээ, мэдээллийг уншиж, ойлгож, өөрийгөө хөгжүүлэхэд, бүр цаашлаад өөрийн мэргэжлээрээ мөрөөдлийн карьераа бүтээхээр олон улсын түвшинд гарахад гээд тоолж баршгүй олон боломжуудийг бий болгох боломжтой билээ.

Та бүхэн минь бидэнтэй нэгдээрэй, хамтдаа сурч, хамтдаа хөгжицгөөе!

🌍 Англи хэлийг хамтдаа сурч, дэлхийтэй хөл нийлүүлсэн эм зүйч болцгооё🌍“Анхан шатнаас IELTS оноо авах” сургалтын танилцу...
28/03/2026

🌍 Англи хэлийг хамтдаа сурч, дэлхийтэй хөл нийлүүлсэн эм зүйч болцгооё🌍

“Анхан шатнаас IELTS оноо авах” сургалтын танилцуулга өдөрлөг маань амжилттай зохион байгуулагдлаа.

Сурч хөгжих чин хүсэлтэй 30гаруй эм зүйч, эмийн мэргэжилтнүүд оролцож, АШУҮИС – Эм Зүйн Сургууль, ЭЗШУИС, Этүгэн их сургууль болон эх орны өнцөг булан бүрээс, цаашлаад Ирланд, Австрали улсаас хүртэл зорин ирж оролцсон нь бидний эвентийг улам үнэ цэнтэй болголоо.

Та бүхэндээ чин сэтгэлийн талархал илэрхийлэе!

🎯 Бидний зорилго:
2026 оныг хэлний түвшингээ ахиулж, IELTS оноогоо авсан амжилтын жил болгох!

📌 📌 Бүртгэлийн мэдээлэл:

🗓 Хэлний түвшин тогтоох: 3 сарын 30–31
📝 Сургалтын бүртгэл: 4 сарын 1–8
🚀 Сургалт эхлэх хугацаа: 4 сарын 10

💡 Сургалтанд хамрагдахдаа түвшингээ тогтоолгож бүртгэлээ хийлгэнэ.

📩 Бидний эвентэд орж амжаагүй та Англи хэлний түвшнээ ахиулах болон IELTS оноо авах зорилготой бол бидэнтэй холбогдож мэдээлэл аваарай!

🔥 Өнөөдөр шийдвэр гаргаад тууштай байхад ирээдүйн боломж нээгддэг шүү

Үйл ажиллагаа эхлэхэд 1 цаг 30 минут үлдлээ. Та бүхэн дараах зүүм линкээр орж хамрагдана уу. Meeting ID: 87414180055Pass...
28/03/2026

Үйл ажиллагаа эхлэхэд 1 цаг 30 минут үлдлээ. Та бүхэн дараах зүүм линкээр орж хамрагдана уу.
Meeting ID: 87414180055
Password: 232793

“Англи хэлийг хамтдаа сурч – IELTS оноогоо авах"-д чиглэсэнАНГЛИ ХЭЛИЙГ ХАМТДАА СУРАХ АЯН-г эхлүүлж байна. Та бидэнтэй н...
26/03/2026

“Англи хэлийг хамтдаа сурч – IELTS оноогоо авах"-д чиглэсэн
АНГЛИ ХЭЛИЙГ ХАМТДАА СУРАХ АЯН-г эхлүүлж байна.

Та бидэнтэй нэгдсэнээр:
📌 Урам зоригтой хамт олон
📌 IELTS, Pre-IELTS сургалт (монгол + гадаад багш)
📌 Үг цээжлэх үр дүнтэй арга
📌 Ярианы бодит практик
📌 Карьерийн зөвлөгөө авах

🌍 ӨНӨӨДРИЙН ЭХЛЭЛ МАРГААШИЙН БОЛОМЖ

✨ЭМ ЗҮЙН САЛБАРЫН ИРЭЭДҮЙГ ТОДОРХОЙЛОГЧ ЗАЛУУС ГЭРЭЛТЭЖ БАЙНА! ✨Герман улсын Clariant ХХК-ийн технологи нэвтрүүлэлтийн ...
25/03/2026

✨ЭМ ЗҮЙН САЛБАРЫН ИРЭЭДҮЙГ ТОДОРХОЙЛОГЧ ЗАЛУУС ГЭРЭЛТЭЖ БАЙНА! ✨

Герман улсын Clariant ХХК-ийн технологи нэвтрүүлэлтийн менежер, химийн ухааны доктор Баатархүүгийн Золжаргал эм зүйчийг танилцуулахдаа таатай байна.

Б.Золжаргал нь биохимийн чиглэлээр эм зүйн болон анагаах ухааны салбарын ирээдүйн боловсон хүчин бэлтгэхэд гар бие оролцож байсан сурган хүмүүжүүлэгч. Биологийн хими болон биосинтезийн чиглэлээр нарийсан хийсэн судалгааны үр дүн нь дараагийн судлаачдын эрдмийн ажлын загвар болдог, тасралтгүй хөгжиж, урагшилдаг эрдэмтэн судлаач. Тэрбээр инновацын төсөл боловсруулах, шинэ технологи, салбарын чиг хандлагыг тодорхойлж үнэлгээ хийх, шинэ технологийн шийдлийг практикт нэвтрүүлэхэд олон улсын эрдэмтэдтэй мөр зэрэгцэн ажиллаж буй манлайлагч эм зүйч.

👩‍🎓ЭМШУИС-ийн Эмзүйн сургуулийг эм зүйч мэргэжлээр, Англи улсын Лондон хотын Newcastle University-д эмийн химийн чиглэлээр магистрын зэрэг, Франц улсын University of Strasbourg-д “Metabolic labeling of bacterial isoprenoids produced by the methylerythritol phosphate pathways: a starting point towards new inhibitor” сэдвээр химийн ухааны докторын зэрэг хамгаалсан.
👩‍💼Ажлын гараагаа Армон ХХК ний уламжлалт эмийн үйлдвэрийн эм зүйчээр эхлүүлж, АШУҮИС-ийн Био–анагаахын сургуулийн биохимийн химийн тэнхимд багш, Франц улсын University of Strasbourg-ийн судлаач, CNRS буюу Франц улсын эрдэм шинжилгээний судалгааны төвд докторын дараах судлаач, Франц улсын Strasbourg хотын Technology Scout-ерөнхий шинжээчээс ахлах менежер болтлоо дэвшин ажиллаж байгаад одоо Герман улсын Франкфурт хотын “Clariant” компанид технологи нэвтрүүлэлтийн менежерээр ажиллаж байна.

18/03/2026

Эм зүйн салбарынхаа эрхэм эрчүүдэдээ ЭР ЦЭРГИЙН БАЯРЫН ХАЛУУН МЭНД ХҮРГЬЕ!

Энэ баярт өдрийг тохиолдуулан Монголын эм зүйн салбарын манлайлагчдын нэг, эрхэм эм зүйч, Монгол Улсын Хөдөлмөрийн баатар, Төрийн шагналт, Монос группийн ерөнхийлөгч, эм зүйн ухааны доктор, профессор, академич Лувсангийн Хүрэлбаатар ахмад эм зүйчийнхээ үнэт захиасыг та бүхэндээ хүргэж байна.

Тэрээр:
Эм зүйч мэргэжилдээ дурлаж, хайрлаж явахад энэ мэргэжил асар их боломж, амжилтыг авчирдаг хэмээн онцолж, бидэнд урам зориг хайрлалаа.

Мөн эм зүйн салбар хурдацтай хөгжиж буй энэ цаг үед залуучууд бидний үүрэг, оролцоо хамгийн чухал гэдгийг онцлон тэмдэглэж, энэ салбарын дэлхийн хөгжлөөс хоцрохгүйн тулд дэлхийн хэл болсон #АНГЛИ ХЭЛИЙГ эзэмших-ийг онцгойлон захисан юм.

Энэхүү үнэт зөвлөгөөг бодит ажил болгох зорилгоор бид, Судлаач эм зүйч багийнхан, мэргэжил нэгтнүүдтэйгээ нэгдэн АНГЛИ ХЭЛИЙГ ХАМТДАА СУРЧ-IELTS оноогоо авах аяныг эхлүүлж байгаагаа эр цэргийн баярын энэ гоё өдөр албан ёсоор зарлаж байна.

Та бүхнийг
✅Монгол болон гадаад багштай IELTS-ийн сургалтад хамрагдаж
✅Үг цээжлэх өвөрмөц аргатай
✅Ярианы дадлага практик хийх боломжтой
✅Дэлхийн болоод эх орныхоо эм зүйн салбарт англи хэлийг эзэмшээд амжилт бүтээлтэй явж буй мэргэжил нэгтнээсээ суралцах боломтой орчинг бүрдүүлж байна

✨ Та бүхэн мөрөөдлийн карьераа эхлүүлэх эхний алхмаа бидэнтэй хамт хийхийг урьж байна.

Бусдаасаа суралцаж, хамтдаа хөгжье.

XVII ЖАРНЫ “СҮРЭЭР ДАРАГЧ” хэмээх гал морин жилийн сар шинийн мэндийг ЭРХЭМ ЭМ ЗҮЙЧ, ЭМИЙН МЭРГЭЖИЛТЭН та бүхэндээ дэвшү...
17/02/2026

XVII ЖАРНЫ “СҮРЭЭР ДАРАГЧ” хэмээх гал морин жилийн сар шинийн мэндийг ЭРХЭМ ЭМ ЗҮЙЧ, ЭМИЙН МЭРГЭЖИЛТЭН та бүхэндээ дэвшүүлье.

Эртний уламжлалаа эрхэмлэн дээдэлж,
Эрдэм мэдлэг, ёс заншлаа өвлүүлэн түгээж,
Энэрэнгүй сэтгэл, хариуцлагатай үйлсээрээ
Эрүүл мэндийн салбарын үнэт тулгуур болж яваа та бүхнээрээ бахархаж байнаа….

Шинэхэн бүхний эхлэл болсон сар шинийн баяраар сэтгэл тэнүүн, ажил үйлс тань өөдрөг, сайн үйлс тань дэлгэрч, сар шинэдээ сайхан шинэлж, энх амгалан байж, эрүүл саруул,
элбэг хангалуун байхыг хүсэн ерөөе.

Сар шинэдээ сайхан шинэлээрэй!

✨ЭМ ЗҮЙН САЛБАРЫН ТУЛГЫН ЧУЛУУГ ТАВЬСАН ЭМ ЗҮЙЧИД! ✨Монголын анагаах ухааны академийн гишүүн, академич, эм зүйн ухааны ...
02/02/2026

✨ЭМ ЗҮЙН САЛБАРЫН ТУЛГЫН ЧУЛУУГ ТАВЬСАН ЭМ ЗҮЙЧИД! ✨

Монголын анагаах ухааны академийн гишүүн, академич, эм зүйн ухааны доктор, профессор САНЖЖАВЫН ЦЭЦЭГМАА эм зүйчийг бид бүгд таних билээ.

С.Цэцэгмаа нь эм зүйн ухааны докторын зэргийг фитохимийн чиглэлээр эх орондоо анхлан хамгаалсан бөгөөд энэ чиглэлийн олон эрдэмтэд судлаачдыг төрүүлж, салбарынхаа ирээдүйн залгамж халааг бэлтгэхэд үнэтэй хувь нэмэр оруулсан эрдэмтэн эм зүйч. Тэрбээр эм зүйн боловсролын салбарын хөгжилд анхаарч үе үеийн эм зүйчдийг чанаржуулан, дэлхийн түвшинд нийцүүлэн бэлтгэхэд зориулж эмнэлзүйд суурилсан эм зүйч бэлтгэх сургалтын хөтөлбөрийн суурийг тавьж, мөн эм зүйн сургуулийн эрдэмтэн багш нарын эрдэм мэдлэгийг нийтэд түгээн дэлгэрүүлэхээр төрийн, төрийн бус болон хувийн хэвшлийн практикийн байгууллагуудтай хамтран ажиллах боломжийг нээсэн нь багш нарын нийгмийн оролцоог нэмэгдүүлж, тэдэнд дуу хоолойгоо мэргэжлийн түвшинд хүргэх боломж олгосон удирдагч. Монголын эм зүйчдийн оролцоог дэлхийн түвшинд таниулах олон төсөлт хөтөлбөрүүдийг удирдан хэрэгжүүлсний нэг нь баг, хамт олныхоо хамтаар өнөөдрийн эмийн хяналт зохицуулалтын газар байгуулагдах үндэс суурийг бүрдүүлж, эмийн бодлого, эм хангамжийн үндсэн стандартуудыг шинэчилсэн явдал билээ. Түүний удирдсан байгууллага, хамт олон нь цэцэглэн хөгждөг, зорьсон бүтээсэн ажил бүхэн нь хойч үедээ боломж нээж, зам гаргаж байдаг бөгөөд хамт олондоо эрч хүч өгдөг, чиглүүлсэн шавь бүртээ хүсэл мөрөөдөл бэлэглэдэг, эм зүйн шинжлэх ухааныг дэлгэрүүлэгч эрдэмтэн, сайн удирдагч.

👨‍🎓ОХУ-ын Эрхүү хотын АУДэС-д эм зүйч, эм зүйн ухааны магистр, Монгол улсын АУИС-д “Монголын уламжлалт анагаах ухаанд хэрэглэгдэж ирсэн зарим зүйлийн ортуузын фитохимийн судалгаа” сэдвээр эм зүйн ухааны докторын зэрэг хамгаалж, АШУҮИС болон ОХУ-ын Эрхүүгийн АУИС-ийн хүндэт профессор, Монголын Анагаах Ухааны Академийн академич цол хүртсэн.

👩‍💼 Ажлын гараагаа ЭМЯ-ны гадаад харилцааны хэлтэст мэргэжилтнээр эхэлж, АУДэС-ийн зүйн тэнхимд багш, тэнхимийн эрхлэгч, Эм зүйн сургуулийн захирлын албан тушаалыг хашихын зэрэгцээ ЭМШУИС-ийн эм шинжилгээний лабораторид эрхлэгч, зөвлөх, ЭМШУИС-ийн Эм зүйн сургуулийн эмийн хими, ургамал судлалын тэнхимд профессор багш, ЭМЯ-нд Эрүүл мэндийн хөгжил хөтөлбөр-4 төслийн эмийн аюулгүй байдлын зохицуулагч, ДЭМБ-ын суурин төлөөлөгчийн газарт зөвлөх, Монос группын Эм судлалын хүрээлэнд захирал, зөвлөхөөр тасралтгүй 48 дахь жилдээ ажиллаж байна. Энэ хугацаандаа анагаахын болон эм зүйн ухааны 11 доктор, эм зүйн ухааны 20 гаруй магистрын судалгааны ажлыг удирдан хамгаалуулж, 30 орчим ном, товхимол бичиж, редакторлож, 5 бодлогын баримт бичиг, 300 гаруй эрдэм шинжилгээний илтгэл өгүүлэл гадаад болон дотоодын сэтгүүлд хэвлүүлж, 20 орчим төсөлт хөтөлбөрт удирдагч болон судлаачаар оролцсон. ЭМЯ-ны Хүний эмийн зөвлөл, Шинжлэх ухаан, технологийн зөвлөл, Фармакопейн хороо, Стандарт хэмжилзүйн газрын итгэмжлэлийн техникийн хороо, ЭМШУИС-ийн Эм зүйн сургууль, ЭЗШУИС, УАУТХ-ийн Эрдмийн зөвлөл, Эм зүйн ухаанаар докторын зэрэг хамгаалуулах зөвлөлийн гишүүн, Эмийн эдийн засгийн үр дүнгийн судалгааны олон улсын нийгэмлэг(ISPOR)-ийн дэд ерөнхийлөгч зэрэг сонгуульт ажлуудыг хийж ирсэн байна. Салбартаа үр бүтээлтэй, тасралтгүй 50-аад жил ажилласныг төр засаг үнэлж, “Алтан гадас” одонгоор шагнасан.

01/01/2026

2025 онд Судлаач эм зүйч багийнхан зүгээс эм зүйн салбартаа нэгэн шинэхэн номыг өргөн барьсан гайхалтай жил болж өндөрлөлөө.

💌 Бидэнд итгэж, биднийг дэмжиж энэхүү бүтээлийг гаргахад хамтран ажилласан эрхэм захидлын эзэд, ивээн тэтгэгч, сэтгэл нэгт эм зүйчид та бүхэндээ маш их баярлалаа.

📖📚 Эм зүйн салбарын манлайлал болсон эм зүйчдийн туршлагаас сонирхон суралцаж, судалж байгаа уншигч та бүхэндээ талархая

Ирж буй шинэ ондоо та бүхэн мэдлэгээр оюунаа цэнэглэж, ур чадвараа бэхжүүлэн эерэг хандлагаар бусдад сайхан энерги түгээж, эв эеийг эрхэмлэн, ихийг хийж бүтээхийг хүсэн ерөөе. 🎄🌲🤶🧑‍🎄🇲🇳

🥰🥰 2025 онд бид 3600лаа боллоо. Энэ гоё он бидэнд эм зүйч мэргэжлээрээ илүү гоёсон, олон гайхалтай эм зүйчдийнхээ амжилт...
30/12/2025

🥰🥰 2025 онд бид 3600лаа боллоо. Энэ гоё он бидэнд эм зүйч мэргэжлээрээ илүү гоёсон, олон гайхалтай эм зүйчдийнхээ амжилт бүтээлээр гангарсан, бахархсан, тэднээсээ суралцсан, урам авсан гайхалтай гоё жил байлаа.

Энэ гоё он бидэнд хамтдаа зүтгэж, хамтдаа бүтээж болдгийн гайхамшгийг үгүйлэгдэшгүйгээр мэдрүүлсэн он байлаа.

Мөн итгэл, хүндлэл, харилцан дэмжлэг дээр тулгуурласан жинхэнэ хамтын хүч ямар агуу үнэ цэнтэйг 2025 он бидэнд тултал нь ойлгуулсан гайхалтай, БҮТЭЭЛЧ-УРАМ ӨГСӨН жил байв.

Нэг зорилгын төлөө мөр зэрэгцэн алхаж, бэрхшээлийг хамтдаа давж, амжилтыг хамтдаа бүтээсэн баг, хамт олон та бүхэндээ чин сэтгэлийн талархал илэрхийлье.

💕 Биднийг дэмжиж, бидэнтэй нэгдэн хамтран суралцдаг бүх эм зүйч, эмийн мэргэжилтнүүд, ард түмэндээ
💕 Биднийг удирдан чиглүүлж, замыг минь гэрэлтүүлдэг хоёр эрхэм багшдаа
💕 Бидний бүтээлийг хамтран бүтээлцэж, үнэ цэнийг нь нэмсэн шилдэг 52 эм зүйчдэдээ
💕 Бидний хөдөлмөрийг үнэлж, итгэл өгч, чин сэтгэлээсээ ивээн тэтгэсэн хамт олондоо
💕 Бидний бүтээлийг УТГА УЧИРТАЙ бэлэг хэмээн сонгож, хамтран ажилласан бүх байгууллага, хувь хүмүүстээ
💕 Бидний бүтээсэн контент, хийсэн бүтээлийг шимтэн үзэж, суралцаж, санал сэтгэгдлээ илгээдэг та бүхэндээ
💕 Биднийг сэтгэлээрээ, урмаар, эдийн засгаар болон хамтын хүчээр тууштай дэмждэг хамтрагч та бүхэндээ
💕 Биднийг ментороороо сонгон итгэл хүлээлгэж, зөвлөмж авдаг бүх ментее нартаа
💕 Бидний багийг бүрдүүлж, өдөр бүр үнэ цэнийг нь бүтээдэг бүх гишүүддээ
💕 Бидэнтэй нэгдэж, хамтран ажилладаг ирээдүйн эм зүйч оюутан дүү нартаа
💕 Завгүй амьдралынхаа хажуугаар бусдын төлөө ажиллахад урам зориг, боломж олгодог хайртай гэр бүлдээ
💕 Завгүй амьдралынхаа хажуугаар бусдын сайн сайхны төлөө чин сэтгэлээсээ ажилладаг БАГИЙНХАНДАА....гээд бүгдэд нь Талархлаа

💖💖💖 Та бүхний итгэл, дэмжлэг, хамтын хүч байгаагүйсэн бол энэ бүхэн бүтэхгүй байлаа💖💖💖

Бидэнтэй хамт алхаж, хамтдаа суралцаж, хамтдаа бүтээж буй ТА БҮХЭНДЭЭ чин сэтгэлийн талархал илэрхийлье.

Сэтгэлээрээ нэгдэж, зорилгоороо нийлж чадвал гайхамшиг бүтдгийг нотолсон энэ гоё 2025 он ирээдүйн илүү их ялалт, илүү том амжилтын эхлэл боллоо.

💕Талархлаа Талархлаа Талархлаа💕

25/12/2025

🎄🎄ЗУЛ САРЫН МЭНДИЙГ 🧑‍🎄🧑‍🎄эм зүйч, эмийн мэргэжилтэн та бүхэндээ энэ гайхалтай шүлгээр хүргэж байгааг минь хүлээн авна уу.

Та бүхэн бол
Бусдадаа чиглэл заах гэрэл,
Түмэн олондоо эрүүл мэнд, аз жаргал хайрлагч,
Өвчтөн бүрийн ард бат зогсох тулгуур нь болж, мэргэжлийн үнэ цэнийг өдөр бүр батлан харуулж байдаг эрүүл мэндийн салбарын чухал баатрууд юм шүү.

Зулын дөл мэт мэдлэг тань гэрэлтэж, сэтгэл тань урам дүүрэн байж, хийсэн сайн бүхэн тань өөрт тань, хамт олонд тань, салбарт тань, үйлчлүүлэгчид тань аз жаргал болон эргэн ирэх болтугай хэмээн ерөөе.

#Эм зүйч, эмийн мэргэжилтэн та бүхэндээ чин сэтгэлээсээ талархлаа. Та бүхэн минь хэн нэгэнд илэрхийлэх талархлаа бидэнд үлдээгээрэй.

Та бүхнийг хүндэтгэсэн:
СУДЛААЧ ЭМ ЗҮЙЧ АКАДЕМИ

ЖИЧ:
Шүлгийн нэр: Эмийн сангийн хүүхнүүд
Зохиогч: Л.Одончимэд
Шүлгийг уншсан О. Цэнгэлбаяр

Address

Bayanzurkh District
Ulaanbaatar
13313

Website

Alerts

Be the first to know and let us send you an email when Судлаач Эм Зүйч Академи/ The Academy of Research Pharmacists posts news and promotions. Your email address will not be used for any other purpose, and you can unsubscribe at any time.

Shortcuts

Share

Category