Номун Дагина Охид Эмэгтэйчүүдийн Эмнэлэг

04/03/2026

Хөхүүлэх давтамж ямар байх ёстой вэ?

Ангир уураг гэдэг нь жирэмсний 16-22 долоо хоногоос эхийн хөхөнд үүсч эхлэн зөвхөн төрсөний дараах 2-3 хоногт ялгардаг шаргал өнгөтэй өтгөн сүү бөгөөд нэгхэн дусал нь л 1 аяга ердийн сүүтэй тэнцэхүйц хэмжээний шим тэжээлтэй юм. Дөнгөж төрсөн нярайн ходоодны хэмжээ жижигхэн байдаг тул дусал дуслаар гарах ангир уургаа л хүлээж авах боломжтой байдаг юм. Иймээс төрсөний дараах 2-3 хоногт байнга хөхүүлэх хэрэгтэй. Төрсөний дараах 3 хоногтойгоос ангир уураг шингэрч цэхэр өнгөтэй болно.

Энэ сүү нь 14 хоног хүртэл уураг ердийн сүү хоёрын завсарын найрлагатай байдаг тул “шилжилтийн сүү” гэдэг. Энэ хугацаанд мөн ойр ойрхон хүссэн үед нь хөхүүлж байх нь ээж, нярай хоёрт хоёуланд нь чухал ач холбогдолтой байдаг. (нярай хөхөж сурна, илчлэг их зарцуулдаг үе тул жингийн алдагдалд орох нь бага, эхийн сав сайн агшина, сүүжих процесс улам түргэсэнэ)

Харин 14 хоногоос хойш сүүний найрлага тогтмолждог тул ‘’найрлага тогтмолжсон сүү ’’ гэдэг. Энэ үеэс харин хүүхдийг хэт их хооллох юм бол гэдэс дүүрэх, эх нь хэт ядардаг тул хоногтоо 8-10 удаа л хөхүүлнэ.

04/03/2026

Ургийн гаж хөгжлөөс сэргийлж хийгдэх шинжилгээнүүд

Жирэмсний эхний 3 сард

1. NT үзэх

Хэт авиан шинжилгээгээр жирэмсний 11-13 долоо хоног 6 хоногтойд ургийн шилэн хүзүүний арын зайг хэмжинэ. Хэрэв энэ хэмжилт өөрчлөлттэй бол ургийн бусад хэмжилтүүдийг нарийвчлан хийнэ. Жирэмсний энэ хугацаанд хэт авиан шинжилгээгээр ургийн байдал, урагт том хэмжээний гажиг бий эсэх, жирэмсний хугацаа болон ихэр жирэмслэлтийг тогтоох ач холбогдолтой байдаг.

2. Сийвэнгийн А уураг (РАРР-А)

Эхийн цусанд биохимийн маркер болох жирэмсэнтэй хамаатай сийвэнгийн А уураг (PAPP-А) болон хүний цэлмэнгийн гонадотропинийг тодорхойлно. Хоёрол тест нь ургийн төрөлхийн хөгжлийн гажиг, удамшлын ба хромсомын эмгэгтэй хүүхэд төрөхөөс сэргийлэх зорилгоор жирэмсний тодорхой хугацаануудад хийгддэг хэд хэдэн төрлийн шинжилгээний нэг юм. Бүүр дэлгэрэнгүй тайлбарлавал жирэмсэн эхийн цусны ийлдсэнд 9-13 долоо хоногтойд PAPP-A, BhCG-ыг тодорхойлохыг хоёрол тест гэдэг бөгөөд энэхүү сорил дээр нэмж хэт авиан шинжилгээгээр ургийн шилэн хүзүүний арын зай /NT/-г хэмжин, эхийн насыг хамтатган эрсдлийг үнэлдэг. Хоёрол тестээр Даун, Эдвардс, Патаугийн хамж шинж зэрэг хромсомын #гажгийг 75-80%-aар илрүүлэх боломжтой

Гурвал тест нь ургийн төрөлхийн хөгжлийн гажиг, удамшлын ба хромсомын эмгэгтэй хүүхэд төрөхөөс сэргийлэх зорилгоор эхийн цусанд AFP, HCG. uE3-ыг тодорхойлон хийгддэг. Жирэмсний 16-21 долоо хоногт тодорхойлдог.

3. Хэт авиан шинжилгээнд хамар яс тодорхойлох шинжилгээ

Жирэмсний 11-13 долоо хоног 6 хоногтойд ургийн шилэн хүзүүний арын зайг хэмжээсийг эхийн настай харьцуулан тооцоход ургийн хромосомын эмгэгийг илрүүлэх хувь нь 75%-тай байдаг бол үүн дээр эхийн цусанд жирэмсэнтэй хамаатай сийвэнгийн А уураг (PAPP-А) болон хүний цэлмэнгийн гонадотропин дааврын түвшинг тодорхойлоход илрүүлэлтийн хувь 85-90% болдог. Дауны хам шинжийн үед дээрх хоёр шинжилгээн дээр хамар яс тодорхойлох шинжилгээг хийснээр хромосомын эмгэгийг илрүүлэх хувь 95% болж нэмэгддэг байна.

Эхийн нас ахих тусам урагт хромосомын эмгэг үүсэх эрсдэл нэмэгдэж байдаг бөгөөд ихэнх хромосомын гажигтай ураг эх дотроо амьгүй болох зулбах зэрэг шалтгаанаас хамаарч жирэмсний хугацаа нэмэгдэх тусам хромосомын эмгэгтэй ургийн тоо багасдаг.

Жирэмсний хоёр дахь 3 сард

1. Дөрвөлсөн сорил:

Эхийн цусанд хүний хорионы гонадотропин, альфа-фетопротейн, чөлөөт эстриол, ингибин А зэрэг 4 төрлийн бодисыг жирэмсний 14-20 долоо хоногтойд (хамгийн тохиромжтой хугацаа нь жирэмсний 14-18 долоо хоног) шинжилнэ.

2. Нарийвчилсан хэт авиан шинжилгээ:

Жирэмсний 18-22 долоо хоногтойд хэт авиан шинжилгээ хийнэ. Жирэмсний эхний 3 сарын хавсарсан сорил болон хоёр дахь 3 сарын дөрвөлсөн сорил зэргийг хамтад нь харьцуулан шинжилж байж эцсийн дүгнэлтийг өгнө. Энэ хоёрыг хамтад нь хийлгэсэн тохиолдолд шинжилгээний мэдрэг чанар нь 88-95% байна.

Жирэмсний эхний 3 сарын илрүүлэг шинжилгээг хийлгээгүй тохиолдолд энэ шинжилгээний мэдрэг чанар 81% байна. Дээрх хоёр илрүүлэг шинжилгээг хийсний дараа шаардлагатай тохиолдолд ураг орчмын шингэнээс авч шинжилгээ хийх (амниоцентез), цэлмэнгийн эдийн шинжилгээ (хорион биопси), хүйн судасны хатгалт (кордоцентез), ургийн эдийн шинжилгээ, эхийн цуснаас ургийн ДНХ ялгаж шинжилгээ хийх зэрэг нэмэлтээр хийнэ.

16/02/2026

16/01/2026

📌Та бүхэнд АУ-ны Магистр, Эх барих эмэгтэйчүүдийн Тэргүүлэх зэргийн эмч Д.Март үйлчилж байна ❤️

Цагийн хуваарь:
Даваа - Баасан: 09:00 - 18:00
Бямба: 10:00 - 16:00
Ням : Амарна
Та бүхэн үйлчлүүлэхээр ирэхдээ ☎️99097074 утсаар холбогдоод ирээрэй ❤️

11/01/2026

🍀Биеийн юм өвдөлт ихтэй ирэх нь хэвийн үзэгдэл биш.🍀
Охид, бүсгүйчүүдийн хувьд биений юм бага зэрэг өвдөлттэй 3-4 өдөр ирэх нь хэвийн үзэгдэл боловч өвдөлт намдаах эмэнд өвдөлт нь дарагдахгүй, ажил сургуулиа тасдах, гадуур явж чадахгүй, өдөр тутмын ажилаа хийж чадахгүй байгаа бол энэ нь биеийн юм өвдөлттэй ирэх хам шинж юм
Анхдагч, хоёрдогч гэж ангилдаг.
· Анхдагч гэдэг нь түгээмэл тохиолдох бөгөөд биений юм ирэхээс 1-2 өдрийн өмнөөс хэвлийн доод хэсгээр өвдөж эхлэн 2-4 өдөр үргэлжлэхийг хэлнэ
· Хоёрдогч гэдэг нь эмэгтэйчүүдийн үрэвсэлт өвчнүүдийн үед тохиолддог Жишээ нь эндометрит Эндометрит нь умайн дотор хананы салстын үрэвсэл юм.Энэ нь ихэвчлэн биеийн юмны үед хэвлийн доод хэсэг, давсаг орчмоор хүчтэй өвдөх шинжээр илэрдэг эмгэг юм.
Ямар шалтгааны улмаас өвдөлт үүсдэг вэ?
· Умайн булчин хэт агчиж, чангарч, умайн хүзүү тэлэгдсэнээс биеийн юм өвдөлт ихтэй ирдэг байна.
Мөн умайн дотор хананаас простагландин их хэмжээгээр ялгарснаас биений юм ирэх хэдэн хоногт хэвлийн доогуур өвдөх,ууц нуруугаар чилж өвдөх, суулгах, өтгөн хатах, дотор муухайрах, бөөлжих , толгой эргэх шинж тэмдэг илэрдэг.

11/01/2026

04/01/2026

2025 оны бүх зүйлд талархая
Манай эмнэлгийг сонгон ирж үйлчлүүлсэн та бүхэндээ маш их баярлалаа
2026 онд та бүхний эрүүл мэнд болон бүх талбар нь амжилттай сайн байж, илүү их хайр, аз жаргалаар дүүрэн байх болтугай.
НОМУН ДАГИНА охид эмэгтэйчүүдийн эмнэлэг.

09/12/2025

Хэвлийдээ амьдрал урлаж байгаа эмэгтэй бол дэлхийн хамгийн үзэсгэлэнтэй эмэгтэй юм.

08/09/2025

Мэргэжил нэгтнүүдтэйгээ мэдлэгээ тэлж сайхан чууллаа. Баярлалаа МЭУАУҮЧАН

20/04/2025

PCR-ИЙН ШИНЖИЛГЭЭ ЯАГААД ЧУХАЛ ВЭ?

Эмэгтэйчүүдийн PCR шинжилгээ нь нэг сорьсноос 14 төрлийн бактери болон вирус үүсгэгчийг нэг зэрэг богино хугацаанд илрүүлэх боломжтой, шинжилгээний мэдрэг чанар өндөр, нарийвчлал 100% байдаг.

⚠️PCR ШИНЖИЛГЭЭГ ЯМАР ҮЕД ӨГӨХ ВЭ?

✅Ураг өсөлтгүй, зулбалт, ураг амьгүй, умайн гадуурх жирэмслэлт болж байсан ужиг өгүүлэмжтэй эмэгтэйчүүд
✅Жирэмслэхээр төлөвлөх үед ;
✅Цитомегаловирус илрүүлэх ;
✅Бэлгийн замаар халдварлах HPV вирус илрүүлэх ;
✅Бэлэг эрхтэн дээр тууралт гарах ;
✅Ямар нэг хэвийн бус шинж тэмдэг бүдэг үед эрт илрүүлэх ;
✅Бэлгийн замаар дамжих халдвар илрүүлэх ;
✅Хосын хамт эмчилгээний үр дүнг хянах гэх мэт зорилгоор эмэгтэйчүүдийн PCR шинжилгээг өгдөг.

Шинжилгээний хариу : 1 хоног

21/03/2025

ЭСТРОГЕН ДААВАР БА ЭМЭГТЭЙ ХҮН.

Эстроген даавар нь хүний биед олон төрлийн үүрэг гүйцэтгэдэг. Эмэгтэй хүнд эстроген даавар нь нөхөн үржихүйн болон бэлгийн хоёрдогч шинж бүрэлдэн хөгжихөд чухал үүрэгтэй. Уг даавар нь эрэгтэй, эмэгтэй хүнд аль алинд нь нийлэгжих бөгөөд эмэгтэй хүнд илүү түлхүү нийлэгждэг байна.
Гурван төрлийн эстроген даавар бий.
Эстрон. Эстрон нь цэвэршилтийн дараа биед нийлэгждэг эстрогений нэгэн хэлбэр бөгөөд шаардлагатай үед бие махбод эстроныг бусад эстрогены хэлбэрт шилжүүлэх замаар бие махбодын хэрэгцээг хангадаг.
Эстрадиол. Эстрогений үндсэн хэлбэр бөгөөд эмэгтэй хүнд нөхөн үржихүйн насанд түлхүү нийлэгждэг байна.
Эстрадиол их хэмжээгээр ялгарах нь батга гарах, бэлгийн дур хүсэл буурах, ясны сийрэгжилт болон сэтгэл гутрал үүсэх нөхцлийг бүрдүүлнэ. Харин хэт их хэмжээгээр ялгарахад умайн болон хөхний хорт хавдарын эрсдлийг нэмэгдүүлдэг. Мөн бага хэмжээтэй байх нь жин нэмэгдэх болон зүрх судасны өвчлөлийн шалтгаан болдог.
Estradiol нөхөн үржихүйн насанд жирэмсэн төрөх үеийн туршид, цэвэршилт хүртэл бусад төрлийн эстрогенээс илүү байдаг. Эстрадиол нь өндгөвч дээр үйлдвэрлэгддэг. Өндгөвчний эсийн эстрадиолийн хэмжээг сарын тэмдгийн мөчлөгийн туршид өөр өөр байдаг. Эстрадиол дааврыг өөрөөр 17 бета – эстрадиол эсвэл E2 гэж нэрлэдэг. Эстрадиол нь өндгөвч, хөх болон бөөрний дээд булчирхайнаас, жирэмсэн үед бага хэмжээтэйгээр ихэсээс ялгардаг. Тус даавар нь эмэгтэйчүүдийн нөхөн үржихүйн эрхтэний өсөлт, хөгжилтөнд оролцдог.
Жишээ нь:
* Умай
* Үрийн суваг
* Үтрээ
* Хөх
Түүнчлэн эмэгтэй хүний биеийн өөхөн эдийн хуваарилалтыг зохицуулахаас гадна яс болон үений бүтцийг бүрдүүлэхэд оролцоно.
Эрэгтэй хүнд тодорхой хэмжээний эстрадиол ялгардаг бөгөөд энэ нь эмэгтэй хүнийхээс харьцангуй бага хэмжээтэй байдаг.
Эрэгтэйчүүдийн бөөрний дээд булчирхай болон төмсөгнөөс эстрадиол нийлэгждэг. In vitro орчинд туршилт хийхэд эр бэлгийн эс гэмтэхээс хамгаалдаг болох нь тогтоогдсон. Эмнэлзүйн үүднээс эстрадиол нь эрэгтэйчүүдийн бэлгийн амьдралд эмэгтэйчүүдийнхээс илүү чухал үүрэг гүйцэтгэдэг байна.
Эстриол. Эстриолын түвшин жирэмсний үед нэмэгдэх ба умайг тэтгэх, төрөлтөнд бэлтгэх үүрэгтэй. Төрөхийн өмнөх үед хамгийн оргил үедээ хүрдэг.
Эстрогений тогтворгүй байдал дараах эмгэгүүдэд нөлөөлнө.
* Хэвийн бус сарын тэмдэг эсвэл сарын тэмдэг ирэхгүй байх
* Сарын тэмдэг хэт их эсвэл бага ирэх
* Сэтгэлзүйн өөрчлөлт болон нойрны хямрал
* Жин нэмэх, ялангуяа бугуй, ташаа, гуя хэсгээр таргалах
* Бэлгийн дур хүсэл буурах
* Үтрээ хуурайших болон хатингарших
* Ядарч сульдах
* Сэтгэл гутрал, сэтгэл зовнилийн шинжүүд илрэх зэрэг өөрчлөлтөнд нөлөөлдөг.

Эмэгтэйчүүдийн эстроген бууруулдаг хүчин зүйлс.
-Удаан хугацаагаар биеийн хүчний хөдөлмөр хийх
-Хорт зуршил, архи уух тамхи татах, мансуурах донтой болох
-Өнчин тархины эмгэгүүд
-Өндгөвчний үйл ажиллагааны алдагдал
-Стресс, сэтгэл гутралын эсрэг эм удаан хэрэглэх
-Хавдар, хавдар төст эмгэгүүдээр өвдөх
-Зарим нэг эмийн төрлийн бодис удаан хугацаагаар хэрэглэх.

30/01/2025

БАРТОЛИНИТ БУЮУ БЭЛГИЙН ИХ УРУУЛЫН БУЛЧИРХАЙНЫ ҮРЭВСЭЛ ГЭЖ ЮУ ВЭ?

Бартолины булчирхай нь үтрээний үүдэнд их уруулын дотор хэсэгт байрладаг хос булчирхай юм. Бартолины булчирхайн гол үүрэг нь бэлгийн харьцаанд орохын өмнө үтрээг чийгшүүлэх үүрэгтэй.
Энэхүү булчирхай нь үрэвсэхэд бартолинит буюу энэ булчирхайн үрэвсэл үүсдэг. Ихэвчлэн нэг талын их уруулын булчирхай үрэвсдэг. Энэхүү эмгэг үүсгэгч нь олон төрлийн бичил биетэн байдаг.
Ихэвчлэн стафилококк, гонококк, гэдэсний савханцар үүсгэх нь түгээмэл. Үрэвсэл нь булчирхайн гадагшлах суваг бөглөрөх, шүүрэл хуримтлагдах, улмаар уйланхай үүсэхэд хүргэдэг.
Зарим тохиолдолд буглаа өөрөө нээгдэж, түүнээс идээ гарна. Энэ үед Бартолины булчирхай улайж үрэвсэж томорч, өвдөлт ихтэй болно. Зарим үед бүрэн илааршихгүй бөгөөд дахилт өгсөөр, архаг хэлбэрт шилждэг. Ямар ч тохиолдолд эмчид эмнэлэгт хандаж зөвлөгөө авч, эмчилгээг цаг тухайд нь эхлүүлэх нь чухал бөгөөд эс тэгвээс өвчин нь ахиж, ноцтой хүндрэлд хүргэдэг.
Үүсгэгч нь:
* трихомонад
* стрептококк;
* гонококк;
* klebsiella;
* E- коли;
* стафилококк.
зэрэг олон төрлийн нян байдаг. Бэлгийн замын халдвараас үүдэх нь олонтаа.
Өвчтөнд дараах хавсарсан эмгэгүүдтэй бол халдвар авах эрсдэл улмаар өвдөх магадлал нэмэгддэг.
* Чихрийн шижин нь дархлааны тогтолцооны үйл ажиллагаа доройтоход хүргэдэг;
* Дархлааны хомсдол, биеийн эсэргүүцлийн сулрал IDS (дархлаа хомсдолын төлөв) анхдагч эсвэл хоёрдогч - янз бүрийн өвчний суурин дээр үүссэн дархлааны хомсдол
* үтрээний дисбиоз буюу бичил орчны өөрчлөлт
* хамгаалалтгүй болон замбараагүй бэлгийн харьцаанд орох, учир нь бартолинит үүсгэдэг олон бичил биетүүд бэлгийн замаар дамжин халддаг.
Энэхүү эмгэгийн үед илрэх шинжүүд нь
* булчирхайн хэсэг хавдаж, улайдаг;
* бэлэг эрхтний орчмоор чинэрч өвдөнө, их таагүй мэдрэмж төрж, ялангуяа алхах явах үед өвдөлт бүр нэмэгдэнэ;
* биеийн ерөнхий байдалд нөлөөлөх нь бага
Гэхдээ буглаа үрэвсэхийн хэрээр биеийн ерөнхий байдал муудаж, таагүй мэдрэмж төрж, биеийн температур 38-39 хэм хүртэл нэмэгдэж, жихүүдэс хүрнэ. Гадны бэлэг эрхтний хэсэгт хавдар хэлбэртэй бүтэц үүсч, хэмжээ нь аажим томорно. Өвдөлт улам нэмэгдэж чинэрч бүх үйлдэл хийхэд саадтай болно.
Архаг бартолинит нь тодорхой шинж тэмдэггүй. Гэсэн хэдий ч даарах, сарын тэмдгийн үед эсвэл янз бүрийн өвчин эмгэгийн үед хүндэрч зовиур өгнө. Хүндрэлийн үед дараахь шинж илэрнэ.
* үтрээ орчим салтаагаар чинэрч өвдөнө.;
* өвдөлт улам эрчимжэнэ;
* алхах хөдлөх үед таагүй байдал, өвдөлт улам бүр нэмнэгдэнэ;
* бэлгийн их уруул орчим үрэвсэж, булчирхай томордог.

Өвчний оношлогоо
Оношлоход хялбар. Харахад бэлгийн их уруулын булчирхай үрэвсэж томорсон байдаг.
Лабораторийн шинжилгээнд.
* цусны ерөнхий шинжилгээ;
* үтрээний түрхэц шигжилгээ;
* өвчин үүсгэгч эмгэг төрүүлэгчийг тодорхойлох, мэдрэг антибиотикийг сонгох зорилгоор Бартолины булчирхайн шүүрэлээс авсан бактериологийн өсгөвөр шинжилгээ;
* бэлгийн замын халдварын шинжилгээ хийнэ.
Мэс заслын эмчилгээ хурц үед идээт буглааг нээх архаг үед булчирхайг шулж авах мэс засал хийнэ. Давхар антибиотек эмчилгээ хийнэ.