Энх Төрөхүй жирэмсэн эмэгтэйчүүдийн сургалтын төв

27/03/2026

🤍 БИЕ МАХБОД ТӨРӨЛТИЙГ ХЭРХЭН “МЭДЭГДЭГ” ВЭ?

Төрөлт ойртох тусам бие махбод дараах байдлаар дохио өгч эхэлдэг:

• Ярих, харилцах хүсэл багасна
• Юм идэх дуршил буурна
• Бие халуу оргих мэт мэдрэмж төрнө
• Сэтгэл бачимдаж, түгшүүр нэмэгдэнэ
• Орчин тойрны зүйлд анхаарал сарних
• Хийж байсан зүйлдээ төвлөрөхөө болино

👉 Эдгээр нь төрөлт ойртож буйн байгалийн шинжүүд юм.

🤍 Хамгийн чухал нь —
биеэ чагнаж, өөртөө итгэх.

Цэндээ эмчээс 💕

27/03/2026

🌿 Маргааш эхлэх Гэр бүлийн багц сургалтад цөөн суудал үлдсэн.

Төрөхөд бэлтгэх, аавын оролцоог нэмэгдүүлэх,сэтгэлзүйн бэлтгэл хийх
чухал мэдээллүүдийг тайван, ойлгомжтой ярилцана 🤍

📩 Амжиж бүртгүүлээрэй

26/03/2026

🌿 Монголчууд зөвлөх дуртай ард түмэн

Монголчууд бид бие биедээ санаа тавьж туршлагаасаа хуваалцах дуртай.

Заримдаа энэ нь санаа зовнилоосоо, туслах гэсэн сэтгэлээс үүдэлтэй байдаг.

Гэхдээ өөр хүнд тохирсон зүйл
заавал танд тохирно гэсэн үг биш 🤍

Тиймээс бүх үгийг өөртөө дарамт болгохгүйгээр өөрт хэрэгтэйг нь авч,
үлдсэнийг нь тайван орхиж болно.

⸻

🤍 Та өөрийн гэр бүлийн хэмнэлийг бүтээж байна

Хүүхдээ:
• хэрхэн тэврэх
• хэрхэн хооллох
• хэрхэн унтуулах

гэдэгт ганц зөв арга гэж байдаггүй.

Та болон таны хүүхдэд
хамгийн тухтай, зохицсон арга л зөв.

⸻

🌱 Зөөлөн сануулга

Бусдын үг заавал шүүмжлэл биш,
ихэнхдээ санаа тавьсан хэлбэр байдаг.

Харин та өөрийн мэдрэмж, хэмнэлийг
нэгдүгээрт тавих эрхтэй 🤍

Ээж бүр өөр.
Хүүхэд бүр өөр.

Тиймээс зөвлөгөөг айдас болгох биш
сонголт болгоорой.

— Цэндээ эмчээс

25/03/2026

Бяцхан үрдээ нэр бэлдсэн үү? 👶

1️⃣ Та удахгүй төрөх бяцхан үрдээ нэр бэлтгэсэн үү?
Бэлдсэн бол эхний үсгийг бичээд үлдээгээрэй ✍️

2️⃣ Хүүхдийн нэрийг хэн сонгох ёстой вэ?
👉 Ээж
👉 Аав
👉 Хамтдаа
👉өвөө, эмээ

3️⃣ Нэрийг нь хэзээ шийдэх нь зөв гэж боддог вэ?
👉 Төрөхөөс өмнө
👉 Хүүхдээ төрөөд
👉 Хэсэг хугацааны дараа

4️⃣ Хүүхдийн нэрэнд юу илүү чухал вэ?
👉 Утга
👉 Сонсголонтой байх
👉 Өвөрмөц байх
👉 Уламжлал

5️⃣ Хүүхдийн нэр энергид нөлөөлдөг гэж боддог уу?

6️⃣ Одоо хамгийн гоё сонсогддог нэр ямар байна?

7️⃣ Охин / хүүгийн хамгийн их таалагддаг нэр? 👶

8️⃣ Гэр бүлд уламжлагдаж ирсэн нэр өгөх нь зөв үү?

9️⃣ Өвөрмөц нэр гоё юу эсвэл энгийн нэр гоё юу?

🔟 Нэр сонгох хамгийн хэцүү зүйл нь юу байсан

Санал бодлоо бичээрэй 👇

25/03/2026

👩‍🍼 Шинэ ээжүүдэд хүмүүсийн өгдөг зөвлөгөө
• Хүүхдээ сайн унтуул
• Сүүгээ сайн нэм
• Дулаан байлга

25/03/2026

🤰🏻Анхны хүүхдээ төрөхөөс өмнө
хамгийн их санаа зовдог зүйл юу байсан бэ?

Зарим ээжүүд:
• өвдөлтөөс айдаг
• хярзан урагдахаас
•оёдолд санаа зовох
• хүүхдийн эрүүл мэндийг боддог
• өөрийгөө бэлэн эсэхдээ эргэлздэг

Хүн бүрийн айдас өөр байдаг 🤍

👇 Та юу гэж бодож байсан бэ?
Коммент дээр бичээрэй

25/03/2026

Таны хүүхэд хэдэн кг жинтэй төрсөн бэ?

24/03/2026

24/03/2026

Аав бол төгс байх албагүй…
Харин хамт байхад л хангалттай 🤍

Төрөх өрөөний гадаа сандралтай зогсох тэр эр хүн анх удаа ААВ болж төрдөг.

Тэр бүхнийг мэдэхгүй гэхдээ хамт байхаар ирсэн.

👶 Ээжид хамгийн хэрэгтэй зүйл
→ төгс аав биш
→ ХАМТ БАЙХ ААВ

🤍 Аавууд хамт бэлдэхийг хүсвэл
📩 Гэр бүлийн багц сургалтын бүртгэл чат

23/03/2026

🌶 Жирэмсэн үед хурц хоол идвэл хүүхэд үстэй эсвэл харшилтай төрдөг үү?

Зарим хүмүүс жирэмсэн эмэгтэйд
“хурц хоол идэж болохгүй, хүүхэд үстэй төрнө эсвэл харшилтай төрнө”гэж зөвлөдөг.

Тиймээс зарим ээжүүд хурц хоолноос бүр зайлсхийх тохиолдол ч байдаг.

Гэвч хурц хоол идэх нь:

• хүүхдийн үсний хэмжээ
• хүүхэд харшилтай төрөх гэдэгтэй холбоотой гэж баталсан шинжлэх ухааны нотолгоо байдаггүй.

Хүүхдийн үс их эсвэл бага төрөх нь ихэвчлэн:

• удамшил
• генетикийн онцлог
• ургийн хөгжлийн онцлогоос хамаардаг.

Мөн хүүхдийн харшилтай болох эрсдэлд ихэвчлэн:

• удамшлын хүчин зүйл
• дархлааны тогтолцооны онцлог
• хүрээлэн буй орчны нөлөө чухал үүрэгтэй байдаг.

🌶 Харин хурц хоол нь зарим жирэмсэн эмэгтэйд:

• ходоод хорсох
• хүчил ихсэх
• хоол боловсруулахад тавгүйрхэх
зэрэг зовиур үүсгэж болдог.

🤍 Тиймээс өөрт тохирох хэмжээгээр, хэтрүүлэхгүй хэрэглэх нь зүйтэй.

Мэдээллийг хураангуйлан бэлтгэсэн:
Д.Цэндсүрэн
Эх барих, эмэгтэйчүүдийн эмч

18/03/2026

.🤰🏻👫

Төрөхөд хамгийн хэцүү зүйл нь хүн бүрт өөр өөр байдаг ч олон ээжүүд дараах зүйлсийг хамгийн хүнд гэж хэлдэг.

1. 📌Өвдөлт. Төрөх үеийн өвдөлт нь бие махбодын хүчтэй ачаалал, умайн агшилт базлалт, умайн хүзүүний нээгдэх явцтай холбоотой байдаг.

2. 📌Айдас, сэтгэлзүйн дарамт. Юу болохыг мэдэхгүй байх, төрөх хугацаа урт үргэлжлэх вий гэсэн айдас, хүүхдийн болон өөрийнхөө аюулгүй байдлын талаар санаа зовох.

3. 📌Удаан үргэлжлэх явц. Зарим төрөлт олон цаг, бүр бүтэн өдөр үргэлжилж болдог нь сэтгэл зүйн болон бие махбодын хувьд туйлдуулж ядрааж тамирдуулдаг.

4. 📌Өөрийгөө хянаж чадахгүй мэдрэмжүүд. Биеэ удирдан захирах боломжгүй мэт санагдах, байдал хэт хурцдах үед сэтгэл гутрал эсвэл сэтгэл хөдлөлийн тэнцвэр алдагдах нь түгээмэл.

5. 📌Ганцаардал, ойлголцлын дутагдал. Эх баригч, эмч, үйлчлэгч нар хангалттай дэмжлэг үзүүлэхгүй, эсвэл гэр бүлийн хүн хамт байхгүй бол энэ нь илүү хэцүү мэдрэгддэг.

За бүгдээрээ хамтдаа бэлтгэж шинэ гишүүнээ угтаарай.

17/03/2026

☕ Жирэмсэн үед кофе ууж болох уу?

Жирэмсэн үед кофе ууж болно, гэхдээ хэмжээг нь хянах нь маш чухал.

✔ Хэд хүртэл ууж болох вэ?

Ихэнх олон улсын зөвлөмжөөр жирэмсэн үед
өдөрт 200 мг-аас ихгүй кофеин хэрэглэхийг зөвлөдөг.

Энэ нь ойролцоогоор:
• 1 аяга (200–250 мл) кофе
• эсвэл 2 аяга сул кофе гэсэн үг.

⚠ Яагаад хэтрүүлж болохгүй вэ?

Кофеиныг их хэмжээгээр хэрэглэхэд:
• ургийн өсөлтөд нөлөөлөх
• зүрхний цохилт хурдсах
• нойргүйдэх
• дутуу төрөх эрсдэлийг нэмэгдүүлэх боломжтой гэж үздэг.

☕ Анхаарах зүйл

Кофеин зөвхөн кофенд биш, дараах зүйлд мөн агуулагддаг:
• хар цай
• ногоон цай
• кола
• зарим шоколад
• энергийн ундаа

✔ Зөвлөмж

• Өглөө 1 аяга кофе ихэнхдээ аюулгүй
• Хэт өтгөн кофе хэрэглэхгүй байх
• Орой кофе уухгүй байх

📌 Товчхондоо:
Жирэмсэн үед кофе бага хэмжээгээр ууж болно, өдөрт 1 аяга орчим байхад хамгийн аюулгүй.

🙏 Аюулгүй зөвлөмжийг дагаж байгаа танд баярлалаа.

Мэдээллийг хураангуйлан бэлтгэсэн:
Д.Цэндсүрэн
Эх барих, эмэгтэйчүүдийн эмч