Boldsaikhan Bundan

23/05/2026

дажгүй сайн байгаа … юм шиг царайлаад л ажилаа хийгээд явж байна 🙂 тэгж байтал дажгүй сайн болчихно доо

23/05/2026

23/05/2026

ммм :)

23/05/2026

мойлтой тос 🙂 ммм тасархай амттай байна аа

22/05/2026

урд шөнө л анх удаа бүтэн нойртой унтлаа: сүүлийн 10 хоногт 🙂 өвдөөд 03:00 гээд сэрчихээд байсан
… өнөөдөр ажилаа хийхэд тун хөнгөн байна
…. .миний бүдүүн гэдэсийг Сонгдо дээр бараг бүтэн авчихсан хүмүүс: Лхагвабаяр эмчийн баг

21/05/2026

хүн: хүнийг бүү хэл, өөрийгөө ч өмчлөх: хэрэггүй, боломжгүй … гэж санадаг даа

21/05/2026

өглөө нар мандах шиг л сайхан 🙂 5 жилийн өмнө О2 н 20% тай, мэс засалын өмнөх 6 хоногт явчих гээд л явчих гээд л сандаргаж байсан Фалло дөрвөлийн хамаг хүнд хэлбэрийн оноштой ирсэн Намуун охин сургуулид орох н гээд үзүүлэв 🙂 тун сайн О2 н 97%-той 4 дахин том болсон явна

20/05/2026

Бүгд Найрамдах Беларусь Улсаас Монгол Улсад шинээр томилогдсон Онц бөгөөд Бүрэн эрхт Элчин сайд ноён Орда БУНДАН-г зорин ирж уулзалт хийлээ.

Уулзалтын үеэр талууд Беларусь улсын зүрхний төвүүд болон Монголын эмч, мэргэжилтнүүдийн хамтын ажиллагааг өргөжүүлэх, хүүхдийн зүрхний мэс заслын чиглэлээр хамтарсан хөтөлбөр хэрэгжүүлэх боломжийн талаар санал солилцов.

Мөн ойрын хугацаанд БУНДАН ТББ-ын баг Беларусь улсад ажиллан, төрөлхийн зүрхний гажигтай хүүхдүүдэд мэс заслын тусламж үзүүлэх, туршлага солилцох ажлыг эхлүүлэхээр ярилцлаа.

Үүнээс гадна Беларусь талаас насанд хүрэгчдийн зүрхний мэс засал болон кардиологийн чиглэлийн эмч, мэргэжилтнүүдийг Монгол Улсад урьж ажиллуулах, хамтарсан сургалт, туршлага солилцооны ажлуудыг үе шаттай хэрэгжүүлэхээр тохиролцов.

Энэхүү уулзалт нь Монгол болон Беларусь улсын эрүүл мэндийн салбарын хамтын ажиллагааг өргөжүүлэх, зүрхний мэс заслын тусламж үйлчилгээг олон улсын түвшинд хөгжүүлэхэд чухал алхам болж байна.

20/05/2026

Монгол Улсын Хүний гавьяат эмч цол хүртсэн Н. Наръяа танд халуун баяр хүргэе.

Эрүүл мэндийн салбарт 36 жилийн турш тасралтгүй хөдөлмөрлөж, дотор, уушгины өвчний оношилгоо, эмчилгээний хөгжилд үнэтэй хувь нэмэр оруулан, уушгины зөвлөх зэргийг хамгаалж, олон улсын шинэ арга технологи, дэвшилтэт оношилгоо эмчилгээний стандарт, удирдамжийг эмнэлгийн практикт нэвтрүүлж, хүн ардынхаа эрүүл мэндийн төлөө тууштай ажилласан эрхэм эмч Н.Наръяа Танд Монгол Улсын “Хүний гавьяат эмч” цол хүртсэнд УБ Сонгдо эмнэлгийн хамт олноос халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе.

Н.Наръяа эмч нь УБ Сонгдо эмнэлэгт 18 жилийн турш үр бүтээлтэй ажиллахдаа уушгины тусламж үйлчилгээний хөгжилд бодит хувь нэмэр оруулж, эмчилгээ үйлчилгээний чанар, хүртээмжийг шинэ түвшинд хүргэх үйлсэд манлайлан ажилласан билээ.

Тэр дундаа ковид-19 цар тахлын хүнд үед эмчилгээний багийг мэргэжлийн удирдлагаар ханган ажиллаж, олон залуу эмч, мэргэжилтнүүдэд мэдлэг туршлагаа харамгүй хуваалцан, иргэдийн эрүүл мэндийн төлөө хоёргүй сэтгэлээр зүтгэсэн таны хөдөлмөр, хичээл зүтгэл нь эрүүл мэндийн салбарын бахархал болж байна.

Таны цаашдын ажил үйлс улам өргөжин тэлж, эрүүл мэндийн салбарын хөгжилд оруулах хувь нэмэр тань арвин байх болтугай.