Ярилцах чөлөө төв

Home
Ярилцах чөлөө төв

Хүссэн цагтаа ирээд, сэтгэл мэдрэмжийн ярилцлагад оролцоорой.

Тойрч суугаад сэтгэл санаагаа ярилцдаг газар.
Мягмар, Лхагва, Пүрэв гарагт 19-21 цагт,
Бямба гарагт 11-13 болон 13-15 цагт бүлгийн ярилцлага тотмол явагдаж байна.
Мөн онлайнаар болон биечлэн уулзаж ганцаарчилан ярилцах боломжтой.
91913618

30/06/2025

Шинэ 7 хоногоо ганцаарчилсан ярилцлагаар эхлүүллээ..

19/06/2025

Үсээ багасгаад сахлаа авчихсан, танигдаж байна уу? Би бол өөрөө хүн танихдаа муу, хөх нүдэн хүн. Ирж ярилцсан хүмүүсийнхээ зүс царайг ихэнхдээ танихгүй. Хоёр дахь удаагаа ирээд ярьж суухад нь, аа тийм тийм гээд бага багаар таньж эхлэнэ. Хол зайтай ирсэн хүмүүсийн ярьж байсныг ч бас мартчихна, гэхдээ тэр хүний хуваалцсан мэдрэмжийг бол мартахгүй. Мартахгүй ч гэж дээ, ойлголцлын тэр мэдрэмжийн орон зайруугаа буцаад амархан орцгоож болдог.
Аз болоход би хүний хэцүү мэдрэмжийг удаан тээдэггүй. Ер нь ч яг ярьж байх тухайн үед нь сэтгэл мэдрэмжийг нээлттэй хүлээн авах ёстой гэж боддог, тойруулж тавьсан сандал дээрээ суухаар тийм нээлттэй горимд орчихоод байгаа юм шиг санагддаг. Гэхдээ хүнийг ойлгох, хүлээж авах, нээлттэй байх чадвар гэдэг оройгүй өндөр эрдэм байх, миний энэ чадвар зориулалтын орчиндоо, зориод ирсэн хүмүүсийнхээ өмнө нэмэгддэг юм шиг байгаа юм. Ахуй амьдралын орчинд үл ойлголцох, харилцааны зөрчил үүсэх, хаалттай хандах тохиолдлууд зөндөө. Наад зах нь автобусанд утсаа дуугаргаад яваа хүмүүст ер нь л таагүй хандаасай явдаг хүн би. Улс төр, нийгэм орчныг ч сүрхий шүүмжилнэ. Уг нь гудманд, автобусанд хаа сайгүй хүн бүрийг хүлээн зөвшөөрч, ойлгож болох учиртай ч, тийм төлөв ховор шүү дээ. Өндөр, сэргэг ухамсар шаардана.
Бичвэрийнхээ эхлэлтэй дахин холбогдох нэг зүйл байна. Таниа муутай намайг уучлаарай 😇
Тантай тун нарийн утга учиртай ярилцаж, ойлголцож байсан би, таныг танихгүй хаа нэгтэй зөрөх магадлал өндөр. Нэг удаа Метро молл дотор танайд 2 ч удаа очсон шүү дээ гээд байхад би таниагүй, хичээгээд ч таниагүй. Энэ маань зарим хүнд эвгүй сэтгэгдэл төрүүлэх, гомдоох ч магадлалтай. Бас зарим хүнд олзуурхууштай санагдаж ч болох юм. Таны нууцийг, таны эмзэглэлийг би аль хэдийнээ мартчихсан, та ч бас эдгэчихсэн.
Марталт гэдэг бас сайхан зүйл ч байж болох юм.

18/06/2025

6-р сарын 19-ний Пүрэв гарагийн ярилцлага
явагдахгүйн мэдэгдье.

10/06/2025

Өнөөдрийн ярилцлагад ирэх хүн хэр байна, чат бичээрэй.

26/05/2025

Мягмар гарагт 20 орчим насныхны бүлгийг ярилцлагатай.
19-21 цагтаа.

24/05/2025

"Гэрлэлтийн там" гэдэг нэвтрүүлэг сонирхолтой юмаа. Central Tv дээр хагас дугаар үзлээ.

22/05/2025

Бүлгийн ярилцлага энэ хуваарьт шилжлээ. Бүртгүүлж оролцох хэрэгтэйг анхаарна уу.

17/05/2025

Зүүдэлж сэрлээ. Ярилцмаар байгаа хүмүүс нэлээн байгаа бололтой.

09/05/2025

“Бүтээлч Зөрчил”-өөр өсөх 5 алхамт дасгал

Хувь хүний гацалт, айдас, итгэлгүй байдал, зорилгоруугаа зүглэхгүй байх зэрэг сэтгэл зүйн ханыг нураах алхамууд:

1-р алхам: Бодит байдалтай нүүр тулах — “Би ингэж зугтдаг”

Дасгал:
Сүүлийн 7 хоногт чи ямар боломжийг мэдсээр байж, ухарсан, хойшлуулсан, эсвэл зөвтгөж өнгөрөөсөн бэ? Ийм хэд хэдэн тохиолдлыг тодорхой бич.
Жишээ: “Би тэр түүнрүү бичихээс айсан”, “Нэвтрүүлгээ эхлүүлэх нэрийдлээр 3 хоног видео үзээд өнгөрөөсөн” гэх мэт.

Зорилго:

Зугтаалтыг нэрлэх нь — ухамсарт оруулах анхны алхам.

2-р алхам: Зөрчилтэй байдлаа “хос дүрээр” бичих

Дасгал:
“Сайхан боломжийг хүсдэг би”
Эсрэг нь
“Тэр боломжийг үгүйсгэдэг би” гэх мэт.
Хоёуланг нь 2–3 өгүүлбэрээр өөр хооронд нь маргалдуулж бич. Эсвэл ярьж дуугаа хурааж авч болно.

Жишээ:

Хүсэгч: Би гоё подкаст хиймээр байна.
Айдагч: Чи муухай ярьвал яах вэ? Хэн ч үзэхгүй бол яах вэ?
Хүсэгч: Тэглээ ч дуугүй байснаас дээр шүү дээ...
Айдагч: Хүмүүс намайг элэглэх байлгүй...

Зорилго:

Дотоод зөрчлийг буруутган шүүмжлэх бус, хоёр талаас нь тодорхой ойлгох.

3-р алхам: Сэтгэл хөдлөлийн хана нураах — “Зоригтой улайлт”

Дасгал:
Энэ долоо хоногт 1 удаа “би энэ үед хулчгар байсаан” гэж ил тод хүлээн зөвшөөрсөн пост бич, эсвэл хүнтэй ярь. Хүнд, ичгүүртэй байж болно. Гэхдээ энэ бол чухал түлхүүр.

Зорилго:

Чи өөрийгөө өмгөөлөхөөс татгалзсан мөчөөс эхлэн өөрөө өөрийгөө нээж эхэлдэг.

4-р алхам: Гуравдагч тал — “Миний өнгө”

Дасгал:
Олон боломж дунд өөрийн яг хэн байж, юу бүтээж чадах өнгө, хэлбэрээ тодорхойл.
Жишээ: “Би гоё ярьдаг биш ч, чин сэтгэлээсээ ярилцаж чадна.” “Би олны дунд нэвтэрч чадна, гэхдээ тэнд хуурамч дүр эсгэхгүй.”

Зорилго:

Зөрчил дундах гуравдагч замыг тодорхойлох. Энэ бол “бүтээлч зөрчилдөөн” төрөх цэг.

5-р алхам: Нэг хүчирхэг үйлдэл — “Энэ би мөн”

Дасгал:
Хамгийн айдастай боломж дээр нэг зоригтой алхам хий.
→ Чухал хүмүүстэй холбогд
→ Хүлээгдээгүй пост хий
→ Ярилцлага эхлүүл
→ Өөрийн сул талыг ухаалгаар ил болго

Зорилго:

Ажил, орлого, шинэ харилцаа зэрэг нь энэ үед тийм ч чухал биш. Гол нь өөртөө итгэх хүч сэргээх нь чухал.

07/05/2025

Вэбсайт ашиглалтад орлоо. Удахгүй ярилцладаа урьдчилан бүртгэдэг болно. Бас шинэ ярилцлагууд нэмэгдэнэ.

Address

Telephone

+97691913618

Website

http://www.yarilts.com/

Alerts

Be the first to know and let us send you an email when Ярилцах чөлөө төв posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ярилцах чөлөө төв:

Shortcuts

Want your practice to be the top-listed Clinic?

Country:

City: