Сэтгэлийн гоёл ТББ

06/09/2025

АХЛАХ АНГИЙН ХҮҮХЭДТЭЙ ЭЦЭГ ЭХ СУРАГЧИД энэ бичвэрийг нэг уншаад шэйрлээд өгөөрэй.

9 сард хожимдсон ухаарал болсон 12 ангийнхан зөвлөгөөний дараалал маш их болдоог. Зөндөө олон хувийн, улсын сургуулийн сурагч эцэг эх нартай хийсэн уулзалтаас нийтлэг харагдаж байгаа #АСУУДЛУУДЫГ бичье.

#ЭРТ БЭЛТГЭЛ- Хэрэв таны хүүхэд гадаадад суралцана гэж бодож байгаа бол дунд ангиас эхлэн тууштай урт хугацаанд бэлтгэлээ хангана. Ихэнх аав ээжүүд бага анги төгсөөд дунд ангид оронгуут бие даасан том болсон юм чинь гээд хаячихдаг. Тэгээд гэнэт 11, 12 ангид анхаарч эхэлдэг.

#МЭРГЭЖИЛ СОНГОЛТ- дунд ангиас эхэлж хийлгэх мэргэжлийн дагуу сайн дур, дадлага, тэмцээн уралдаанд орж мэргэжлийнхээ төлөө маш олон зүйлсийг хийсэн байвал тэр өөрөө давуу тал болдог. Гэтэл 12 ангид орчхоод Монгол ч бай гадаад ч бай мэргэжлээ сонгоогүй яах аа мэдэхгүй хүүхдүүд их байна. Бидний үе шиг нийт масс ямар мэргэжил сонгож байна, аав ээж юу гэж хэлснээр мэргэжлээ сонгодог үе AI роботод ажлын байруудаа алдаж байгаа өнөө үед байж боломгүй зүйл шүү. Таны хүүхэд төгсөөд 4 жил сураад ажлын байранд гарахад өнгөц сонгосон мэргэжил нь уже хэрэггүй болчихсон байх вий.

#АНГЛИ ХЭЛ- хэрэгцээ биш ХЭРЭГЛЭЭ болчхоод байхад 12 төгсөхдөө хэлний оноотой, мэдээлэл мэдлэгээ авчихдаг байх маш чухал шүү. Хувийн сургуулиуд зарим нь оноо авах хэмжээний хэлний сургалтыг өгж чадахгүй байгаа нь үнэн тул нэмэлт хөтөлбөрт ядаж 10 ангиас нь явуулаарай. Ийм хурдтай хөгжиж буй эрин цагт ганц англи хэл ч хангалтгүй болох гээд байгаа шүү. Монголд дэлхийн хаана ч байхгүй чанартай англи хэлийг хэлний төвүүд олгодог шдээ. 3 сарын 800-1 сая хооронд байгаа хөтөлбөрийг хамгийн хямд монголчууд их явдаг Ирландад жишээ нь зөвхөн сургалтын төлбөр нь багадаа 10 сая дээр нь байр хоол нэмэгдэж авна шүүдээ. Оноо амлах уу гээд ороод ирнэ амлахгүй шдээ хүүхэд бүрийн суралцах арга барил өөр түвшингээрээ ахиад л явна, хүүхэд нь хичээлээ хийхгүй хичээхгүй байгаад бид хариуцлага хүлээгээд ахитал нь үнэгүй хичээл заана гэдэг бол утгагүй шүү. B2 дунд түвшинтэй хүүхдүүд 9 сар тууштай яваад өөрөө хичээхэд хангалттай IELTS оноотой болчихно. Одоо youtube-ийн англи хэлээр хүүхдээ англи хэлтэй гэж худлаа уянгалахаа болиорой.

#ГАДААДАД МАТЕРИАЛ ИЛГЭЭХ- 12 ангидаа орох жилдээ сурагчид материалаа илгээдэг гэхдээ үүнээс өмнө бэлтгэлээ хийсэн байх ёстой гэсэн үг. Гэтэл маш олон эцэг эх 12 ангид нь бүх юм нь бэлэн болсон байх үед одоо л анхаарал хандуулах гээд хүрээд ирдэг. Үгүй шдээ хамгийн оройдоо 11 ангиасаа бэлдэж эхэлнэ 11 ангиа төгссөн зун бол ихэнх хүүхдүүдийн завгүй зуны амралт байдаг. Тийм ч болохоор бэлтгэх хөтөлбөр гээд 11 ангийнханд чиглүүлэг хийдэг. Гэтэл чиглүүлэх гээд ажиллахаар яг хүсэж байгаа хүүхдүүд бол өгсөн даалгавар маш сайн хийнэ. Тусгайлан явуулсан боломжуудыг атгаж аваад профайлаа сайжруулаад хөөрхөн байдаг. Гэтэл ээж аав нь хүчээр авчирсан сурагчид бол ёстой юмаа хийж өгөхгүй тэгээд хийхгүй болохоор би юун дээр нь зөвлөхөв дээ тэ? тэгэнгүүт үр дүн гарсангүй гэж мэр сэр гомдолноо, таны хүүхэд үйлдэл хийхгүй, хичээхгүй байхад би бид хариуцлага хүлээх жаахан хэцүү л санагддаг даа. Фитнесийн багш авчхаад дасгалаа хийхгүй л үр дүн хараад суугаад байгаатай адил тэ.

#ХАНДЛАГА- Яг хичээж байгаа эцэг эх ба сурагч бол хандлага нь шал өөр өө. Багшид байгууллагад даатгаад хаячихгүй хамтдаа хичээдэг, анхаарал хандуулдаг юм. Бид сурагчдадаа ойр ажиллахын тулд групп чат үүсгэдэг ажлын цагаар, ажлын өдрүүдийг чөлөөтэй юмаа асуугаад яваасай гээд хамгийн ойр ажиллахыг хичээдэг. Зарим сурагчид явуулсан мэдээллийг зүгээр л seen-дээд өнгөрч байхад өөр нэг нь орж үзээд материалаа илгээгээд илгээх явцдаа асуух зүйлс байвал хэл ам сугалчих гээд хичээдэг. Өгсөн даалгавар, мэдээллийг хийхгүй яваад л байвал өөрөө л хохирно шдээ уул нь. Бусад энэ төрлийн хөтөлбөрүүд бол материалаа илгээх процессын талаар сургалт урьдчилж ороод дуусчихсан, яг материалаа илгээх болоход хүүхдүүд уже мартчихсан гээд ирдэг хайран мөнгө цаг хугацаа.

За үг холдож үхэр холдлоо хэрэгтэй нэгэнд нь хэрэгтэй мэдээлэл гэж бодоод цаг гарган бичлээ. Манай англи хэлний академи, материал илгээх чиглүүлэг үйлчилгээ, Канад онлайн ахлах сургуульд 2 жил шүүсээ шахуулж үр дүн үзэх бол ДМ бичээрэй. Боломжоороо зөвлөөд чиглүүлж өгнө өө.
Сору

20/08/2025

Стресстэй яваад байвал биед ингэж муугаар нөлөөлдөг:

1. Cortisol гэдэг гормон биед тань ихсээд байх тусмаа л дэмий. Стрессний гормон юм. Алдартай гормондоо. Бие тань цөвүүн цаг ирж байгаа юм байна гэж ойлгоод өөхөө хуримтлуулаад эхэлдэг аж. Тиймээс дотор өөх, гүзээ сууж эхэлнэ. Сайхан унтаж амарч, хөдөлгөөн хийж байж энэ буурна. Сэтгэлийн амар амгалан их нөлөөтэй.

2. Cortisol их өндөр байснаар хүний бие өөрийн булчингийн эдээ задралд оруулж энерги болгон ашиглаж эхэлдэг аж. Булчингийн массаа алдах нь эрүүл мэндэд маш сөрөг нөлөөтэй. Наанадаж л зүрхэнд ирэх ачаалал их болно. Ядарч эрч хүчгүй болно. Биеийг нөхөн төлжүүлдэг чухал бодисууд булчингаас бий болж байдаг.

3. Тархины соргог байх, айдсыг мэдрэх гол төв болох Amygdala нь стрессний гормоны нөлөөгөөр хэт их ачааллаж эхэлдэг. Улмаар сэтгэл тавгүйрч хямрах, сэтгэл түгших эмгэг бий болдог. Дотор хоосон оргиод, пал хийсэн муухай мэдрэмж төрөөд хямраагаад байдаг болно.

4. Хүний DNA буюу ДНК гэж удмын мэдээллийг хадгалсан утас шиг нарийхан зүйл биеийн эсүүд дотор бий шүү дээ. ДНК ын үзүүрт теломер гэдэг хамгаалалтын уураг бий. Зүйрлэж хэлбэл гутлын үдээсний үзүүрт хамгаалалтын хуванцар түрхлэг байдаг шүү дээ, түүнтэй ижил. Теломер гэмтэж эхэлдэг. Ингэснээс цааш хүний ДНК гэмтэж биеийн тань эсүүд хөгширч эхэлдэг. Та хурдан хөгширнө гэсэн үг.

5. Стрессний гормон нь дархлааны цагаан эсийг дарангуйлдаг. Хүн өвдөмтгий болж, биеийн нөхөн сэргэлт удааширдаг.

6. Хүний биед сахар, давс, муу тос гэх мэт эрүүл мэндэд сайнгүй төрлийн хүнсний зүйлийг идмээр санагдуулаад байдаг. Бие тань дайны үед энергийн эх үүсвэр олохын тулд хоол голохгүй нэхэж байна гэсэн үг. Таны бие гормоны их бага байгаагаар л цагийн байдал ямар байгааг тааж байдаг юм.

7. Стрессний гормон нь бусад гормонуудын зохист тэнцвэрийг алдагдуулж эхэлдэг. Таны бэлгийн гормон болох тестостерон, эстроген зэргийг савлуулж өгнө. Ингэснээр таны бэлгийн дуршил хэвийн бус болно. Ааштай болно. Арьс муухай болно.

8. Таны нойр муудна. Шөнө дунд contesol ихсэх нь жирийн зүйл биш юм. Шөнө юм бодож сэрээд, унтаж чадахгүй хөрвөөгөөд байгаа нь энэ гормоны нөлөө юм. Нойр муутай удаан явснаар таны тархины ой санамжийн төв болох Hippocampus агшиж эхэлдэг гэнэ.

09/08/2025

Existential anxiety гэж юу вэ?🧐

💡Оршихуйн түгшүүр нь хүн өөрийн амьдралын утга учир, яагаад амьдарч байгаа тухайгаа, эрх чөлөөтэй байна уу? эсвэл ганцаардалтай байна уу? гэх мэт амьдралын том асуултуудтай нүүр тулахад үүсдэг гүн гүнзгий мэдрэмж юм. Энэ нь хүн бүрт байх боловч үл тоон орхивол хоосон мэдрэмж, дотоод шалтгаант стресс, цөхрөл, эсвэл сэтгэл гутралд хүргэх боломжтой.

📑Виктор Франкл оршихуйн түгшүүрийг цөхрөл, зорилгогүй, дотоод хоосон байдлын вакумд орох гэж үзсэн бол Карл Юнгийн хувьд оршихуйн олон янзын асуултдаа хүн хариулт олж авснаар тэнд эмчилгээ эхэлдэг тухай дурдсан байдаг. Ролло Мэй, Ирвин Ялом нар бидний хамгийн гүн гүнзгий хямрал бол утга учиргүй байдал, тусгаарлалт, эрх чөлөө, үхэлтэй нүүр тулахад үүсдэг хэмээсэн бол Альберт Камус амиа хорлолт үргэлж иррациональ байдаггүй, энэ нь амьдралын утга учиргүй байдалд үзүүлж буй хариу үйлдэл хэмээн оршихуйн түгшүүрийн тухай тайлбарласан байна.

🧿"Оршихуйн түгшүүр: Эерэг сэтгэл заслын хандлага" семинар явагдах гэж байна. Энэхүү семинарт бид оршихуйн түгшүүрийг хэрхэн ойлгож, ямар тохиолдолд энэ нь невротик асуудал болж хувирдаг талаар болон эерэг сэтгэл засал энэ нөхцөлд ямар шийдэл санал болгодгийг авч хэлэлцэнэ.

Дэлгэрэнгүй мэдээллийг дараах холбоосоор харна уу: https://tally.so/r/mBW2dQ

09/08/2025

Мэргэшлийн статусыг үнэн зөв, ёс зүйтэй ашиглах тухай мэдэгдэл

01/07/2025

08/11/2024

Сонирхолтой санагдаад хуулаад ирлээ.
Японы нэгэн цэцэрлэгт хүүхдээ өгөхөөр сонирхож буй ээж аав нарт урьдчилаад ийм санамж өгдөг байна. Хэсгээс нь орууллаа:
*******
☀️ Анхааралтай уншиж танилцана уу ☀️
** ..... ЦЭЦЭРЛЭГТ ХҮҮХДЭЭ ЭЛСҮҮЛЭХЭЭР СУДАЛЖ БУЙ АСРАН ХАМГААЛАГЧДАД **
Дараах нөхцөлүүдийг ойлгож хүлээн зөвшөөрсний үндсэн дээр элсэлтийн хүсэлт гаргах эсэхээ шийднэ үү.
☀️ ЖААХАН БАЙХДАА ЖИЖИГХЭН АЛДАА ГАРГАХ НЬ “ЭВЛЭРЭХ ЧАДВАР”-ЫГ ХӨГЖҮҮЛНЭ
Хүүхэд жаахан байхдаа жижигхэн алдаа, жижигхэн асуудал гаргах нь хэчнээн чухал гэж санана. Хүүхэд цугласан газар хэрүүл маргаан бол байх л юм. Харин ч хэрүүл маргаан хийх явцдаа хүүхэд бусадтай эвлэрч, эвтэй найртай байхад суралцдаг. Мэдээж бид хэрүүлийг өөгшүүлэн дэмжихгүй. Хүүхдийг гэмтэж бэртэхгүй байхад хангалттай анхаарна. Гэвч хүүхэд муудаж сайдаж л өсдөг, сурдаг. Ийм үед асран хамгаалагч хэт их оролцох дэмий байдаг. Харин хажуугаас нь харж ажиглаж, хамгаалж байх хэрэгтэй.
☀️ “ХИЧЭЭЛ НОМ” ЗААДАГ ЦЭЦЭРЛЭГ БИШ
Хүүхдэдээ хурдан үсэг тоо заах юм сан, гадаад хэл сургах юм сан, үргэлж л “Хурдан, хурдан” гэх эцэг эхчүүдийн хандлагад бид шүүмжлэлтэй ханддаг. Дөнгөж өсөж торниж буй нялх хүүхдийг томчууд бид “хүлээх” ёстой. Манай цэцэрлэгт байх 3 жилийн хугацаанд хүүхдийн тань хамгийн гол ажил “тоглох” байх болно. Бид хүүхдийг өсгөж хүмүүжүүлэхдээ энэ зарчмыг гол сууриа болгоно.
☀️ МАНАЙ БАГШ НАР “ЧАНГА ЯРЬДАГГҮЙ”
(хэт их зааварчлалгүй өсгөх, бие даах чадварыг хөгжүүлэх)
Зарим хүмүүс манай цэцэрлэгт анх ирээд “багш нар маш зөөлхөн дуутай юм аа” гэж гайхдаг. Бид зориуд нам дуугаар ярихыг хичээдэг. Зарим цэцэрлэгт багш нар тасралтгүй чанга дуугаар ярьсаар байдаг. Харин бид хүүхдийн зүрх сэтгэлийг өсгөж бойжуулах зорилготой учраас хүүхдийн сонсох чадварыг хөгжүүлэхийн чухлыг сайн мэддэг. Багш үргэлж чангаар хэлж зааварлаад байвал юу болох вэ? Хүүхэд өөрөө хичээж сонсохоос хойш суудаг болно. Чанга дуу хоолой заримдаа тун дарамттай. Тоглоход ч саад болдог. “Багш чанга яриад ядаргаатай учраас зүгээр сонссон дүр эсгэчихье..” гэж бодох бус, хүний үгийг анхааралтай сонсож тунгааж сурах, мөн тоглоомдоо төвлөрч сурах чухал шүү дээ.

08/11/2024

Өнгөрсөн амьдралаа үгүйсгэлгүйгээр, харилцан хүндлэлтэй, итгэлцэл дүүрэн, өөрийн хил хязгаарыг баримталж, эрүүл, энэрэнгүй харилцааг хэрхэн хадгалах талаар бид Ногоон бөмбөлөг сэтгэл зүйн төв-тэй хамтран подкаст хүргэж байгааг дуулгахад таатай байна.

Бидний амьдралын түүх, туулсан зам өөр байж болох ч хосын харилцаандаа өнгөрсөн үеийн шарх, шийдээгүй асуудлуудаа авч орж ирэх нь хэвийн зүйл юм. Гэвч энэ нь хэвийн хэмээгээд, бие биенээ хүндлэхгүй байх, орон зай, хил хязгаараа үл ойшоон харилцан гомдоож, асуудлаа хурцатган даамжруулах нь зохимжгүй.

Энэхүү дугаарыг "Хөөрхөн Зүрх" ТББ-аас хэрэгжүүлж буй Жендэрт суурилсан хүчирхийллээс урьдчилан сэргийлэх зорилготой Гинжийг Тасал - 3 төслийн дэмжлэгтэйгээр та бүхэнд хүргэж байна.

Сонсох холбоос - https://soundcloud.com/zurheesons/traumaandcouplerelationship

#ХосынХарилцаа #Сэтгэцийнгэмтэл #СэтгэлзүйнШарх #ЭрүүлХарилцаа #СэтгэлзүйнБоловсрол #ШархааОйлгохуй #ЗүрхээСонс

08/11/2024

📍Хүүхдийнхээ сөрөг, таагүй зан авирт эцэг эх та хэрхэн хариу үйлдэл үзүүлдэг вэ?

🫨Заримдаа тэвчихийн аргагүй байдалд орж хүүхэд рүүгээ орилж хашхирах үе ихэнх эцэг эхчүүдэд тохиолддог байх. Эцэг эх байна гэдэг нь яг л галзуу хулганаар давхих мэт байдаг.🎢

Хүүхэдтэйгээ харилцах харилцаанд тэвчихийн аргагүй уурлаж бухимдаж байгаа үедээ:

1️⃣Тухайн цаг мөчдөө
😮‍💨Зогсоод, түр азнаад, гүнзгий амьсгал аваарай. Орилж хашхирах тусам хүүхэд илүү их хариу үйлдэл үзүүлдэг. Тайван байж, нам дуу хоолойгоор ярих нь нөхцөл байдлыг улам хурцатгахгүй байхад тусалдаг.✅

2️⃣Том дүр зургаар харах
🏃🏻‍♀️‍➡️🏃🏻‍➡️Энэ нь нөгөө талаас өөрийн стресс менежментэд анхаарал хандуулах шаардлагатайг танд сануулж байж болох юм. Өөртөө цаг гаргаж, өөрийгөө тайвшруулах нь өөрийнхөө төдийгүй хүүхдийнхээ төлөө хийж байгаа үйлдэл гэдгийг санаарай.📚☕️

💓Гэр бүл хөгжлийн дэмжлэг!💓

15/10/2024

Сэтгэл заслын бараг л бүх зарчмыг Бурхан багш кинон дээрээс анзаарлаа Урд нь энэ киног үзэж байхдаа эсвэл буддын шашны номлол ишлэлийг сонсож байхад шал тусдаа хоёр зүйл шиг л хүлээж авч байсан бололтой. Бардам зангаа гээх тэвчих гэдэг нь сэтгэл засалд сэтгэл зүйч үйлчлүүлэгчтэйгээ дээрээс харилцахгүй, анхнаасаа тэгш бус байдаг харилцаанд ( би сэтгэл зүйч юу буруу зөвийг би илүү мэднэ) үйлчлүүлэгчийг ашиглахгүй хохироохгүй байх (жишээ нь өөрийгөө мундаг гэдгээ мэдрэхийн тулд үйлчлүүлэгчид зааваарлах) клиентийг байгаагаар нь хүлээн авах гэх мэт нэвт шингэсэн санагдлаа.
“Ном сударт бичсэн байсан ч би хэлсэн байсан ч шууд бүү үнэн зөв гэж хүлээж ав” гэдэг нь сэтгэл заслын зарчим, зөвлөгөөний өрөөнд өрнөдөг үйл явц, сэтгэл зүйч клиент хоёрын хоорондын харилцааны мөн чанартай нийцэж байх шиг. Сэтгэл зүйчид бэлэн хариулт байхгүй… клиентийн дотоод ертөнц, бодит туршлага мэдрэмжийг харилцан ярилцаж судалж хариултыг хайдаг. Хариултыг хамтдаа хайх дахин давтагдашгүй үйл явц болж өнгөрдөг. Сэтгэл зүйч ч тэр клиент ч тэр маш олон нээлтийг хийдэг бүтээлч ажил юм уу даа сэтгэл засал нь. Нэг клиент маань “ ямар сонин юм бэ номноос зөндөө уншиж байсан гоё гоё үгнүүд … хүн өөрийгөө олох энэ тэр гэдэг надаас өөрийн эрхгүй гараад байна… энэ үгийн утгыг бүр яг жинхэнэсээ дотроосоо мэдэрч ойлгосон чинь уншснаас шаал өөр маш утга учиртай байна” гэж билээ. Тийм эа клиент өөрөө нээлтээ хийдэг.