Nicholas Briffa

Nicholas Briffa Contact information, map and directions, contact form, opening hours, services, ratings, photos, videos and announcements from Nicholas Briffa, Is-Siggiewi.
(1)

Dr Nicholas Briffa is a Warranted Clinical Psychologist, Sexologist, Couple Therapist, Visiting Lecturer (University of Malta) & Elected Committee Member/Researcher at the European Federation of Sexology.

Meta kienet l-aħħar darba li bdejt inti is-sess (qiegħed nirreferi għal kull tip ta' attività sesswali mhux biss sess pe...
20/08/2025

Meta kienet l-aħħar darba li bdejt inti is-sess (qiegħed nirreferi għal kull tip ta' attività sesswali mhux biss sess penetrattiv)? Il-ġimgħa l-oħra? Xahar ilu? Xhur ilu? Tiftakar meta 🤔?

Li tibda s-sess jikkomunika b'mod non-verbali lill-partner tiegħek li għadek tixtieqha/tixtiequ. Tikkomunika wkoll il-fatt li hija xewqet qalbek li flimkien tieħdu pjaċir u li profondament tħossukom konnessi! Juri wkoll li trid tesprimi l-imħabba u l-vulnerabbiltà tiegħek għalih/għaliha b’mod intimu u fiżiku!

Allura din hija tfakkira ċkejkna imma importanti - tinsiex tibda s-sess!

Nhar it-tnejn li għadda fuq il-ġurnal Ligurjan Il Secolo XIX qrajt dwar miżuri ġodda f'Portofino, l-Italja. Minn issa sa...
20/08/2025

Nhar it-tnejn li għadda fuq il-ġurnal Ligurjan Il Secolo XIX qrajt dwar miżuri ġodda f'Portofino, l-Italja. Minn issa sa tmiem is-sajf, min iżur hemmhekk ma jistax idur il-belt ħafi, bi ħwejjeġ tal-baħar jew topless. Ix-xorb fit-toroq pubbliċi ġie projbit. Tista' tixrob biss f'bars, ristoranti jew fi spazji apposta. Saħansitra li torqod fuq bank, tqatta', l-ħin mimdud fuq bankina jew tagħmel picnic fil-pjazez, issa hu projbit. Is-Sindku tal-lokalità ffirma dawn ir-regoli mingħajr biża', għax ir-rispett lejn il-komunità jiġi l-ewwel. Dan kollu minkejja li kien hemm xi reżistenza minn xi negozji.

Issa Malta m'aħniex eċċezzjoni. Qegħdin nesperjenzaw ukoll, bħal pajjiżi oħra, imġiba partikolari, ġejja wkoll mill-użu tas-sustanzi.
Nemmen li huwa importanti li nirriflettu dwar ir-raġuni għaliex Malta għadha tibża' tieħu pożizzjoni soda fuq l-alkoħol? Nemmen li tali pożizzjoni tagħmel sens meta naħsbu fuq kemm anke rikbuna ċertu drogi bħal kokaina, li illum ilkoll nafu li tista' ssibha prattikament kullimkien.

Ftit ġimgħat ilu kont qed nitkellem ma' sindku ta' belt ewlenija Maltija u qed jgħidli kif bħalissa, minn nhar ta' Erbgħa sal-Ħadd, it-toroq qed ikunu mimlija biċċiet tal-ħġieġ ta' fliexken imkissra. Qalli wkoll li kuljum ikellmuh residenti li ma jkunux jistgħu jorqdu għax ikun hemm wisq għajjat u ġieli anke ġlied. Qed naqraw dejjem aktar dwar inċidenti marbuta max-xorb u l-użu ta' drogi. U xorta waħda, jibqa' jsir ftit infurzar.

Li tkun destinazzjoni turistika ma jfissirx li rridu nbiegħu d-dinjità tagħna jew inħallu lit-toroq tagħna jsiru mhux sikuri. Dan jista' jsir billi l-kunsilli lokali terġa' tingħatalhom lura is-saħħa li xi darba kellhom. Kunsilli b'poteri reali u mhux simboliċi. Hemm bżonn li nerġgħu nġibu ordni u rispett. Sindku għandu jkun gvernatur tal-lokal u mhux customer care ta' ħafna entitajiet.

Jekk Portofino rnexxielu, għaliex Malta le? Għaliex il-kunsilli tagħna jibqgħu bla setgħa u għaliex il-gvernijiet tagħna jibqgħu jinżlu għarkupptejhom quddiem il-lobby tal-alkoħol u n-negozji marbutin magħhom b'detriment għas-sigurtà u l-paċi pubblika?

Il-fatt li l-popolazzjoni ta' Malta splodiet u l-fatt li anke t-turiżmu żdiet, dan jitlob organizzazzjoni aħjar u sens ta' dixxiplina.

Ejja nipproteġu lil Għawdex, għax faċli ħafna jispiċċa bħal Malta!

Dan kollu qed ikollu effett fuq is-sens ta' komunità tagħna u s-saħħa mentali tagħna ilkoll. Flimkien naslu żgur!

19/08/2025

Dan l-aħħar innotajt inkonsistenza fejn jidħol irrappurtar ta' ismijiet ta' minuri jew kważi minuri f'diversi każijiet differenti. Kien hemm każijiet fejn issemma' u każijiet fejn le.

M'hiniex qed nirreferi għall-ebda każ partikolari għax kull każ huwa differenti u kull każ jista' jkun li jġib miegħu riskji differenti kemm għall-persuna kif ukoll għas-soċjetà.

Lil hinn mill-inkonsistenzi li rajt, nixtieq infakkar li fl-etajiet ta' bejn 14-18 sena persuna tkun għadha qed titgħallem kif tlaħħaq mal-istress tal-ħajja u tkun qiegħda tibni l-identità tagħha. Meta xi ħadd ikun għaddej minn sitwazzjoni diffiċli bħal ngħidu aħna minn dipendenza mid-droga, għandna nqisu lill-persuna iżjed vulnerabbli mis-soltu u b'hekk għandha bżonn aktar protezzjoni u mhux li nperrċu l-identità tagħhom.

Li ssemmi l-isem tal-persuna minuri mhux biss iġib magħha t-tikketti u l-ġudizzji tan-nies minn età tenera, imma jista' jfixkel ukoll il-proċess ta' fejqan tiegħu. Minflok, jekk inħarsu l-privatezza tal-persuna, nagħtuha ċans aħjar biex terġa' tinbena u biex tirnexxi fis-soċjetà.

Il-vera riabilitazzjoni tfisser li nżommu bilanċ bejn ir-responsabbiltà li għandha l-persuna u l-kompassjoni lejn il-persuna. Jekk ma nagħmlux hekk, nirriskjaw li nħottu r-reżiljenza tiegħu minflok ngħinuha terġa' tqum fuq saqajha.

Fis-snin kollha li ilni naħdem f'dan ix-xogħol, inkluż fil-faċilità korrettiva ta' Kordin u fil-programmi ta' rijabilitazzjoni irrealizzajt li kull bniedem huwa storja għalih. Irrealizzajt ukoll li dawn il-postijiet huma "sptarijiet ta' trawmi". Kulħadd għandu l-għażla x'jagħmel b'ħajtu u għalhekk kulħadd irid iħallas ta' għemilu imma kultant irridu napprezzaw il-fatt li jekk jiena trabbejt f'kuntest nieqes mill-bżonnijiet bażiċi l-għażliet tiegħi se jkunu kundizzjonati.

Ejja jkollna iżjed ħniena ma' xulxin!

Jekk għandek problema minn xi vizzji ċempel lill-Caritas jew Sedqa. Għajnuna hemm! Anke l-iżjed lejl imdallam jispiċċa bix-xemx tiela'!

Meta ma tkunx għadek ħbieb ma' xi ħadd, irrispetta s-sigrieti li qasam/qasmet miegħek. Dawn huma l-valuri tal-lealtà u l...
18/08/2025

Meta ma tkunx għadek ħbieb ma' xi ħadd, irrispetta s-sigrieti li qasam/qasmet miegħek. Dawn huma l-valuri tal-lealtà u l-irġulija.

L-att tal-gideb huwa ħafna aktar ta' ħsara mill-gidba nnifisha. Il-ferita tal-verità tista’ tfiq. L-infezzjoni tal-qerq ...
17/08/2025

L-att tal-gideb huwa ħafna aktar ta' ħsara mill-gidba nnifisha. Il-ferita tal-verità tista’ tfiq. L-infezzjoni tal-qerq tkompli tinfirex, u dik il-fiduċja miksura tista' tagħmel ħsara lill-pedament stess ta' relazzjoni/ħbiberija. Relazzjoni sikura jew ħbiberija sikura bejn żewġ persuni għandha tipprijoritizza l-onestà...anke jekk din tkun skomda.

16/08/2025

L-imħabba awtentika hija, u dejjem se tkun, l-akbar fost l-esperjenzi umani kollha.

16/08/2025

Cartoon li nissel fija tbissima! "Life is now" nħobbu ngħidu. Jekk bħalissa m'għandek ċans għal xejn u l-anqas għandek ċans biex tgħix ħajja sew, meta se jkollok?

Nawguralkom jum mimli ħajja :)

15/08/2025

X'wirja tal-għaġeb għamlu it-tim tal-logħob tan-nar ta' Santa Marija tal-Imqabba ilbieraħ! 🎆💙

Kull splużjoni ta' kulur u dawl kienet aktar minn sempliċement logħob tan-nar. Kienet ċelebrazzjoni ta' talent, dedikazzjoni u spirtu ta' komunità.

Wara dawk il-ftit minuti ta' maġija fis-sema hemm sigħat bla għadd ta' xogħol volontarju, jiem twal, ippjanar bir-reqqa u passjoni kbira biex tinżamm ħajja t-tradizzjoni tagħna. Din mhix biss wirja. Hija att ta' mħabba lejn il-festa, lejn ir-raħal u lejn xulxin.

Lil kull min kien involut grazzi. Grazzi lil ħafna kmamar tan-nar Maltin u Għawdxin. Tfakkruna li meta l-komunità tingħaqad, jistgħu jinħolqu mumenti li jibqgħu għal dejjem fil-qlub tagħna. 🌟

Grazzi lin-nies kollha involuti fil-festa Maltija - il-parroċċi, l-Armar, in-nar, mużika, baned u ħafna iktar li jżommu din l-parti tal-identità tagħna ħajja.

Viva Santa Marija! 🙌🇲🇹

Grazzi lill-membri tal-kamra tan-nar Santa Marija tal-Imqabba li bagħtuli dan il-filmat.

Xtaqt naqsam magħkom paġna minn ktieb li qiegħed naqra bħalissa
14/08/2025

Xtaqt naqsam magħkom paġna minn ktieb li qiegħed naqra bħalissa

Id-dipressjoni mhux dejjem hi kif nimmaġinawha. Mhijiex biss dmugħ igelgel fuq l-imħadda. Xi drabi d-dipressjoni hija se...
13/08/2025

Id-dipressjoni mhux dejjem hi kif nimmaġinawha. Mhijiex biss dmugħ igelgel fuq l-imħadda. Xi drabi d-dipressjoni hija sens ta' vojt kontinwu u ħtija. Xi drabi tkun għejja fil-fond li torqod kemm torqod qisu għalxejn. Xi drabi tkun qisha rabja siekta…jew tbissima maħsuba biex taħbi l-maltemp ta' ġewwa.

Mhux kull għajta għall-għajnuna tinstema' b'leħen għoli. Ħafna minn dawn l-għajjat jinstemgħu permezz ta' ħsejjes baxxi u sinjali sottili...moħbija quddiem għajnejna.

Ħu l-pass u ċempel lil xi ħadd li ilek ma tara. Il-kelma tiegħek, il-ħin tiegħek, il-kura tiegħek… jistgħu jkunu l-ħabel tas-salvataġġ ta' xi ħadd 💙

Ritratt 📸 ta' Savoca, villaġġ Sqalli, li mingħajr ma trid jittrażmetti sens ta' paċi kbira.

Nhar is-Sibt 23 ta' Awwissu filgħaxija se tkun okkażżjoni sabiħa fejn se nkunu nistgħu nkomplu nsostnu lill-proġetti mis...
12/08/2025

Nhar is-Sibt 23 ta' Awwissu filgħaxija se tkun okkażżjoni sabiħa fejn se nkunu nistgħu nkomplu nsostnu lill-proġetti missjunarji tal-ħabib tagħna Fr Anton Grech ġewwa l-Gwatemala. Fl-istess waqt nieħdu gost flimkien. It-tfal jistgħu jieħdu l-pjaċir tagħhom ukoll permezz tal-logħob tal-ilma li se jkun imħejji għalihom.

Niltaqgħu fil-Belt Victoria. Fittxu ibbukjaw! 🍖🔥🇬🇹🤍

Kulħadd bħala ġenitur għadda minn dan li se nikteb dwaru. Kulħadd ġieli tilef il-paċenzja. Kulħadd ġieli għolla leħnu. K...
12/08/2025

Kulħadd bħala ġenitur għadda minn dan li se nikteb dwaru. Kulħadd ġieli tilef il-paċenzja. Kulħadd ġieli għolla leħnu. Kulħadd ġieli widdeb lil uliedu b'mod naqra goff li imbagħad wara ħass ċertu sens ta' ħtija li jolqotna bħal mewġa qawwija! Ġrat lil ħafna - lili, lilek u lilna ilkoll.

Imma hemm xi ħaġa b'saħħitha ferm li nistgħu nagħmlu wara dawn il-mumenti. Xi ħaġa li tista' ddawwar il-weġgħa f'fejqan...dik li jiena nħobb insejħilha t-tiswija psikoloġika.

It-tiswija mhix biss li tgħid "jiddispjaċini" jew "sorry". Hija li:

Turi dispjaċir
Tirrikonoxxi x'ġara u b'kalma tispjega ruħek
Tieħu r-responsabbiltà
Tiftaħ konversazzjoni onestà mat-tifla/tifel
Turi x'se nagħmlu differenti d-darba li jmiss.

Tista' tieħu biss 15-il sekonda, imma l-impatt tagħha jista' jkun kbir. Għax meta nużaw "it-tiswija psikoloġika", inkunu qed nerġgħu niktbu l-istorja interna ta' wliedna minn "ħbejt kollox għal dejjem" għal "minkejja li żbaljajt jien xorta tajjeb u maħbub".

M’għandniex għalfejn inkunu ġenituri perfetti. Ħadd mhu perfett wara kollox. Imma nistgħu nkunu ġenituri gwidati mill-empatija tant li nuru responsabbiltà, konnessjoni u mħabba, anke wara l-mumenti diffiċli u anke wara li niżbaljaw. B'dan il-mod inkunu qed nagħtu eżempju lil uliedna kif huma għandhom iġibu ruħhom meta jiżbaljaw.

Address

Is-Siggiewi

Website

Alerts

Be the first to know and let us send you an email when Nicholas Briffa posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Nicholas Briffa:

Shortcuts

Share