Nicholas Briffa

Nicholas Briffa Contact information, map and directions, contact form, opening hours, services, ratings, photos, videos and announcements from Nicholas Briffa, Triq Mons. Mikiel Azzopardi, Is-Siggiewi.

Dr Nicholas Briffa is a Warranted Clinical Psychologist, Sexologist, Couple Therapist, Visiting Lecturer (University of Malta) & Elected Committee Member/Researcher at the European Federation of Sexology.

06/04/2026

Fil-jiem li ġejjin se nkun qed intella' sett ta' attivitajiet li ġejt mistieden nieħu sehem fihom f'Għawdex kemm fi tmiem dan ix-xahar kif ukoll fil-bidu ta' Mejju. Se jkunu ta' interess għal ħafna.

06/04/2026

Ieqaf ħossok ħati għax tagħżel dak li hu tajjeb għalik.

Il-paċi tiegħek u l-ferħ tiegħek għandhom valur daqs ta' ħaddieħor.

05/04/2026

Nixtieq lilkom u lill-familja tagħhom Għid hieni.

Jalla l-Għid iġib miegħu sena ta' tiġdid, tama u saħħa f'qalbkom 🌿✨

Aħna m'aħniex maħluqin biex inkunu waħedna, imma lanqas m'aħna maħluqin biex inkunu fil-kumpanija ta' kulħadd. Hu min hu...
04/04/2026

Aħna m'aħniex maħluqin biex inkunu waħedna, imma lanqas m'aħna maħluqin biex inkunu fil-kumpanija ta' kulħadd. Hu min hu u hi min hi.

Il-ħtieġa għall-konnessjoni hija umana, profonda, u neċessarja, imma tant ieħor hija importanti l-ħtieġa li nħossuna meqjusa, rikonoxxuti, u rispettati fl-awtentiċità tagħna.

Mhux il-preżenzi kollha huma tajbin għas-saħħa mentali tagħna. Xi wħud jimlew il-ħin, oħrajn bil-mod il-mod ibatluna internament.

Huwa għalhekk li s-solitudni, meta tkun konxja u maħsuba tista' ssir spazju għas-smigħ u l-bini mill-ġdid tagħna nfusna, u mhux vojt li wieħed għandu jibża' minnu.

Il-kwalità tal-ħbiberiji/relazzjonijiet tagħna hija aktar importanti mill-kwantità. Għax mhijiex il-viċinanza li tagħmel id-differenza, imma l-abbiltà li tkun verament int innifsek mingħajr ma jkollok bżonn tnaqqas jew tbiddel lilek innifsek.

Good Friday is usually spoken about in spiritual terms - the passion and death of Jesus Christ, God. But even if you put...
03/04/2026

Good Friday is usually spoken about in spiritual terms - the passion and death of Jesus Christ, God. But even if you put faith and tradition aside, it reflects something very close to everyday life. It reminds us of what it means to suffer without escaping it, of moments that feel unfair, heavy, and beyond our control. Most people have known days like that, even if they call them something else. They gave these moments deep meaning.

Life is not always about fixing things or moving forward. Sometimes it is about staying with what hurts, sitting in it, and carrying it quietly. And still, there is strength in that. Not loud strength, not the kind people applaud, but the kind that keeps you going when everything feels difficult, the kind that chooses not to harden even when it would be easier to.

Whether you see it through faith or simply through life experience, today speaks about something real. Pain is part of being human, but so is the strength to keep going through it.

A 📸 shot by Marika Caruana of the Paschal Moon rising from behind the Laferla Cross in Siġġiewi. This full moon is central to determining the date of Easter.

02/04/2026

Nixtieq naqsam magħkom xi ħaġa li kont sibtha affaxxinatni meta konna nistudjaw Ruma, grazzi għal ħabib tiegħi li kien ħadni naraha.

Hija propju l-aktar toqba taċ-ċavetta famuża f'Ruma. Tafu li f’Ruma hemm toqba ta' serratura li hija tant famuża li trid tistenna ġo kju biex tħares minn ġo fiha?

Il-partikolarità ta’ dan is-serratura hija marbuta mal-possibbiltà li wieħed iħares lejn il-koppla tal-Bażilika ta’ San Pietru, inkluż kuritur ta' siġar u sisien tal-ħaxix li jagħtu s-sensazzjoni qisu xi ħadd qiegħed josserva din il-panorama permezz ta' teleskopju.

Ir-riżultat finali huwa tassew sorprendenti u ta’ min, mill-inqas darba f’ħajtu, jieqaf għal ftit minuti biex iħares minn din is-serratura. Huwa pajsaġġ romantiku, kif taf toffri Ruma. Hija inkredibbli l-perfezzjoni li biha l-bieb u l-ġonna huma ċċentrati u allinjati mal-koppla tal-Bażilika ta' San Pietru. Qisu saru għal tal-apposta biex iżidu s-sbuħija tagħha.

Is-serratura hija dik tal-bieb prinċipali tal-Villa tal-Prijorat tal-Kavallieri ta’ Malta, li tinsab ġewwa l-pjazza tal-kavallieri ta' Malta fuq l-Għolja Aventin, ftit passi minn attrazzjoni romantika oħra: il-Ġnien tal-larinġ.

Id-darba li jmiss li tkunu Ruma, wara xi tazza Sangiovese 🍷tajba, u platt Carbonara 🍝Alla Romana skwiżit morru arawha. Jekk għandkom ulied adoloxxenti ħuduhom f'postijiet bħal dawn kemm f'Malta kif ukoll barra minn xtutna. B'hekk inrawmu fihom l-għatx għall-għarfien u l-edukazzjoni politika, kulturali u storika.

Hemm xi ħaġa li taffaxxinani f'ritratti sempliċi bħal dawn. Iz-ziju tiegħi Dione ta' 79 sena u ibni Ġwann ta' 5 snin, wi...
01/04/2026

Hemm xi ħaġa li taffaxxinani f'ritratti sempliċi bħal dawn. Iz-ziju tiegħi Dione ta' 79 sena u ibni Ġwann ta' 5 snin, wieqfin ħdejn xulxin, jgħidu ftit imma fl-istess waqt japprezzaw ix-xogħol li sar fl-għelieqi. Żewġ staġuni differenti tal-ħajja.

It-tnejn għandhom l-istess passjoni, l-agrikoltura u l-annimali. Wieħed għexha għal snin twal (fil-ħin liberu tiegħu), b'sabar u xogħol iebes. L-ieħor għadu qiegħed jibda jiskopriha. Normalment jiskopriha waqt li joħodlok rasek huwa u jistaqsi mitt mistoqsija, katina waħda wara l-oħra. "Għaliex saqqejt issa? U dan għaliex? In-naspli nistgħu naqtawhom? Il-ful meta se naqtugħ? X'nistgħu nagħmlu biex l-istrawberries ma jiklux il-bebbux? Il-fniek jiżżewġu wkoll? L-ilma minfejn jiġi?" Eċċ eċċ eċċ. U forsi proprju hemmhekk jibda t-tagħlim.

It-tfal ma jitgħallmux minn dak li ngħidulhom biss. Jitgħallmu minn dak li jaraw. Minn kif nittrattaw l-art, in-natura, kif nimxu mal-oħrajn u kif nieħdu ħsieb tal-affarijiet tagħna.

Dan l-iskambju transġenerazzjonali sabiħ wisq! U forsi dak hu li verament jibqa'. Mhux il-kliem kumplikat, imma mumenti sempliċi bħal dan. Kwieti, awtentiċi u mimlijin tifsira ❤️

Hemm xi ħaġa li ħafna minna ma jħossux li huwa sew meta t-tfal u l-kannabis jissemmew fl-istess inizjattiva. Bħala missi...
31/03/2026

Hemm xi ħaġa li ħafna minna ma jħossux li huwa sew meta t-tfal u l-kannabis jissemmew fl-istess inizjattiva. Bħala missier ninkwieta meta xogħoli jġiegħelni nirrealizza kemm id-droga ta' kull tip saret aċċessibbli illum. Aħseb u ara meta nisma' b'tali inizjattiva. Dan mhuwiex kwistjoni ta' politika. Dan huwa dwar responsabbiltà. It-tfal ma jifhmux fil-policies. It-tfal josservaw x'qed jiġi korrelatat flimkien.

Meta xi ħaġa bħal kannabis titqiegħed ħdejn opportunitajiet għat-tfal, anke indirettament, faċli tibda tiġi normalizzata. Dan huwa r-riskju.

U fl-istess ħin, ir-riċerka qed tkompli tqajjem mistoqsijiet serji. Studju riċenti (Aquino-Servin et al., 2026) kompla juri li użu fit-tul u frekwenti ta' din id-droga jista' jkun marbut ma' tibdil fl-istruttura tal-moħħ, inkluż tnaqqis fil-ħxuna tal-partijiet ta' quddiem tal-moħħ (bl-ingliż insejħulu "frontal cortex") li huma kruċjali għad-deċiżjonijiet, il-kontroll tal-impulsi u l-ippjanar eżekuttiv. Dawn huma proprju l-funzjonijiet psikoloġiċi li fit-tfal u l-adolexxenti għadhom qed jiżviluppaw.

Dan mhux dwar li tkun kontra l-kannabis. Dan huwa dwar li nżommu limiti ċari. Hemm affarijiet li għandhom jibqgħu fid-dinja tal-adulti. It-tfal jistħoqqilhom spazji sempliċi, siguri u mingħajr messaġġi mċajpra. Għax dak li nqisu normali llum jifforma l-mod ta' kif jaħsbu uliedna għada. Nittama tassew li l-gvern jieħu dan bis-serjetà u jieħu azzjoni immedjata u ma noqogħdux nipprovaw inraqqu l-pannu bil-qargħa aħmar.

F'dawn l-aħħar xhur qed niltaqa' ma' diversi nies li mhux biss qed jużaw l-AI għax xogħol tagħhom. Qed iduru lejn l-AI b...
30/03/2026

F'dawn l-aħħar xhur qed niltaqa' ma' diversi nies li mhux biss qed jużaw l-AI għax xogħol tagħhom. Qed iduru lejn l-AI biex jiftħu qalbhom miegħu/magħha (ma nafx għandhiex nirreferu għalih fil-maskil jew femminili), u xi drabi saħansitra qed jippreferu l-AI mill-kuntatt uman....ħbieb u partners. U ngħiduha kif inhi, wieħed jista' jobsor għaliex. L-AI jisma' mingħajr ma jaqtagħlek fil-qasir, iwieġeb mingħajr ġudizzju, ma jgħidx kelma b'oħra, m'għandux "Fear of commitment", jirrispondik kull meta tkellmu u qatt ma jinħass emozzjonalment assenti. Għal min iħossu mhux mifhum jew waħdu, dan jista' jħossu bħal serħan.

Imma hemm bidla sottili li qed tiġri b'dan kollu. Qed noħolqu konnessjoni mingħajr riskju, intimità mingħajr vulnerabbiltà u qrubija emozzjonali mingħajr l-isforz li titlob relazzjoni vera. Ftit ftit nibdew nidraw ngħixu b'xi ħaġa li tħossha sigura, imma li fl-istess ħin tneħħi dik it-tensjoni li fil-fatt tgħinna nikbru.

Relazzjonijiet veri ma jkunux dejjem faċli. Relazzjoni veri ikollhom nuqqas ta' ftehim, differenzi, u mumenti fejn trid tagħmel sforz biex terġa' tersaq qrib xulxin. Hemmhekk tinbena r-relazzjoni. Hemmhekk l-imħabba ssir vera.

Dak li jinkwetani mhuwiex it-teknoloġija nnifisha, imma li nibdew nevitaw il-partijiet diffiċli tar-relazzjonijiet. Is-sabar, il-ħiliet komunikattivi, il-kompromess, il-maħfra u l-isforz emozzjonali. Dawn mhumiex affarijiet li għandna naħarbu minnhom, imma ħiliet li għandna nkomplu nsaħħu u nirfinaw fihom.

Għax li tħossok mifhum hu sabiħ, imma li tibqa' hemm, li taħdem fuq id-diffikultajiet, u li tagħżel lil xulxin minkejja kollox, hemmhekk relazzjoni tieħu t-tifsira vera. U dik hija xi ħaġa li ma tistax tiġi sostitwita. B'xejn!

Pax in natura invenitur - frażi Latina li tgħid "il-paċi insibuha fin-natura". Il-faxxinu ta' dan il-post.... Wisq!
29/03/2026

Pax in natura invenitur - frażi Latina li tgħid "il-paċi insibuha fin-natura".

Il-faxxinu ta' dan il-post.... Wisq!

29/03/2026

Ejja ma ninsewx lit-tfal ta' Gaza, bħal ta' ħafna pajjiżi oħra mifnija bl-inġustizzji… għadhom hemm, ibatu fis-skiet.

Immaġina għal mument: ibnek jew bintek ta' ħames-sitt snin, jerfa' piż ikbar ferm minnu biex iġib ftit ilma lejn id-dar.

Ejja ilkoll nistaqsu...f'dan kollu, fejn marret qalbna bħala bnedmin? Fejn marret il-ħniena tagħna lejn ħutna bnedmin?

Nankurunaisa. Naħseb li hija waħda mill-isbaħ kelmiet fid-dinja. Hija kelma Ġappuniża li bejn wieħed u ieħor tfisser li ...
28/03/2026

Nankurunaisa. Naħseb li hija waħda mill-isbaħ kelmiet fid-dinja. Hija kelma Ġappuniża li bejn wieħed u ieħor tfisser li "maż-żmien kollox jiġi f'postu".

Ritratt 📸 tal-muntanja Fuji 🗻 fil-Ġappun waqt l-istaġun tal-fjuri taċ-ċirasa.

Address

Triq Mons. Mikiel Azzopardi
Is-Siggiewi

Website

Alerts

Be the first to know and let us send you an email when Nicholas Briffa posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Nicholas Briffa:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram