12/02/2023
ANECDOTE DU JOUR
PATIENT A : Allo Docteur, Bonjour!
Mo p gagne douler kot mo leker de temps en temps.
Ki capave eter sa et ki mo bizin fer?
DOCTEUR: ou capave decrire moi douleur la? Kan ou gagne li plis et kan li soulager?
PATIENT A: mo gagne douler la kan mo monte lescalier ou kan mo p fer zefort.
mo transpire gros aussi ek douler la.
douler la kuma dir mo chest p serer et ene douler fort et li areter par limem kan mo reposer.
DOCTEUR: eski ou ena lezot problem medical kuma diabete, tension, cholesterol?
PATIENT A: Mo ti ena ene ti trace diabete mais mo pa prend medicine pu sa et oui mo ena tension fort ki mo suivre traitement.
cholesterol mpa koner parski ene lepok mo pan fer test du sang.
DOCTEUR: eski ou fumer? Ou prend ban boisson alcolisee
PATIENT A: oui mo fume 5 a 7 ci******es par jour. Mais mo boire zis pu ban loccasion.
DOCTEUR: eski dans la famille, mama ou papa ti ena problem cardiaque?
PATIENT A: oui mo papa ti ena problem cardiaque.
ki mo bizin fer docteur?
DOCTEUR: Dapres seki ou in dire moi, ou ena ban facteurs de risque pu problem cardiaque.
mo ti pu conseil ou fer ban test sanguin pu check ou diabete, cholesterol et ban lezot test
routines. Ou bizin ene ECG (test leker)
Ale guet ou docteur leker (cardiologue).
