17/12/2023
✅الفرق بين الأنفلونزا و نزلة البرد وحساسية الأنف:
🥱أنفلونزا - برد - حساسية أنف ..كلها أمراض بتسبب عطس و رشح و ده اللى يعرفوه غالبية الناس عنها لدرجة إن غالبيتهم ميعرفش الفرق بينهم ولما حد بيصاب بالرشح والعطس مبيبقاش عارف هو مصاب بأى حالة منهم بالظبط علشان كده هنقول نبذة عن كل حالة فيهم علشان المصاب يبقى عارف هو مين فى التلاتة.
🌡️الأنفلونزا :
👈عدوى فيروسية فى الجهاز التنفسى، لها أعراض مميزة مش ممكن تيجى من غيرها :-
🍦تحدث عادة بعد مخالطة مصاب أو فى موسم بتشيع فيه الإصابة.
🍦إرتفاع فى درجة الحرارة .
🍦صداع .
🍦الآم فى العضلات والعظام .
🍦عطس .
🍦سيلان الأنف بمخاط بيكون سائلا فى أول الإصابة وسميك فى آخرها .
🍦قلة الشهية للطعام .
🍦الشعور بالإعياء وعدم القدرة على بذل مجهود.
🍦بتخف شدة الإصابة تدريجيا لغاية ما تختفى .
🍦بتستمر فترة أكثر من أسبوع , عادة 🔟 أيام.
🍦ممكن تحصل معاها مضاعفات فى حالة ضعف مناعة المصاب و إجهاده , زي النزلة الشعبية والألتهاب الرئوى .
👈الفيروس نفسه مبيتعالجش ب المضادات الحيوية يعنى علاج الأنفلونزا نفسها مش محتاج أكتر من مسكنات و خافضات حرارة ومضادات للرشح، مع سوايل كتير و أكل خفيف وراحة فى الفراش لكن إذا نتجت عنها مضاعفات فهنا بتتعالج المضاعفات بالمضادات الحيوية المناسبة.
🌡️نزلةالبرد:
👈عدوى بكتيرية ممكن تحصل فى أى وقت من السنة ولا يشترط لها مخالطة مصاب بها ،تحدث عادة لسبب يعرفه المريض , كتعرض لهواء بارد بعد حمام ساخن أو نوم فى درجة حرارة منخفضة , أو مخالطة مصاب, أو التعرض للبرودة الشديدة بملابس خفيفة.
👈أعراضها أقل حدة من الأنفلونزا وتتمثل فى :
🍦عطس
🍦سيلان الأنف
🍦صداع خفيف
🍦قد يحدث ارتفاع طفيف فى الحرارة وقد لا يحدث .
🍦تستمر من ٣ الى ٥ أيام ولا تزيد عن أسبوع.
🍦تتحسن بالمضادات الحيوية
🍦نادرا ما ينتج عنها مضاعفات.
👈يعنى ببساطة نزلة البرد حالة بسيطة من العطس والرشح , بتاخدلها كام يوم وتعدى وغالبا بتستجيب بسهولة لأى دوا برد .
🌡️حساسية الأنف:
👈دى بقى قصة لوحدها, مشكلة التفرقة بينها وبين غيرها من أمراض الجهاز التنفسى بتواجه عادة المرضى اللى مكتشفين الإصابة بيها حديثا أو الأمهات مع أطفالهم،إنما المريض اللى عارف إن عنده حساسية أنف بيعرف يفرقها عن غيرها كويس جدا .
👈أول فرق إن حساسية الأنف بتكون أعراضها متركزة فى منطقة الرأس فقط ،يعنى ملهاش دعوة ببقية الجسم , لا فيه الآم عضلات ولا وجع عظام ولا سدة نفس عن الأكل ولا أى حاجة تانية ،مشكلة المريض الرئيسية و الوحيدة بتكون ف إنسداد الأنف و صداع ما بين العينين وممكن يصحبه تدميع العينين تانى فرق إن حساسية الأنف بتظهر بشكل مفاجىء و شبه فورى من غير مقدمات يعنى فى البرد والأنفلونزا
الموضوع يبتدى إن العيان يسخن شوية يحس إنه همدان وجسمه مكسر بعد كده يبتدى يعطس ويرشح.
👈إنما فى الحساسية المريض يبقى قاعد لا بيه ولا عليه، وفجأة يلاقى نفسه عمال يعطس ومناخيره اتقفلت و رشح وعنيه بتدمع،لدرجة إن بعض المرضى أول ما يصحى من النوم الصبح يبقى زى الفل يفتح شباك الأوضة ويشم الهوا الخارجى و هاتك يا عطس
كمان حساسية الأنف ممكن تستمر لفترات طويلة جدا لو استمر سببها ،وممكن ببساطة تفضل مع العيان على طول لو سببها كان جزء من حياة المريض ،يعنى لو سببها مثلا شعر الحيوانات والمريض ده مربى قطة أو كلب فطالما الحيوان ده موجود فى البيت الحساسية موجودة.
👈كمان استجابة حساسية الأنف لأدوية البرد ضعيفة جدا وتكاد تكون معدومة , لأنها مش بتستجيب الا لمضادات الحساسية كمان ممكن البرد والأنفلونزا يهيجوا الحساسية،فتلاقى العيان ده يقولك انا جالى برد من شهر , ولسه مراحش ،ومفيش أبدا برد بيستمر شهر كده أخينا ده عنده حساسية أنف والبرد إبتدى نوبة الحساسية عنده، البرد راح لكن الحساسية استمرت.
🌝طيب لو العيان ده بتجيله الحساسية بأسباب مش مستمرة يعنى مثلا بياكل حاجة معينة , أو يشم ريحة معينة أو ييجى فصل معين من السنة فتحصل نوبة الحساسية ،إنما لما تختفى الأسباب دى بتختفى معاها الحساسية , يعمل إيه؟
-بسيطة جداا , اللي تعرف ديته اقتله ،يتجنب أسباب الحساسية , و ياخد مضاد للحساسية لغاية ما تنتهى نوبة الحساسية وبكدة تبقى المشكلة انتهت ،لكن فيه عيانين بيبقى مسبب الحساسية عندهم موجود فى جسمهم نفسه وميقدروش يتجنبوه طيب دول يعملوا إيه؟
-والله لو المسبب ده ينفع يتشال , زى اللحمية مثلا , اللى كل شوية تلتهب ف تثير الحساسية , يبقى خلاص , نشيل اللحمية وإنتهينا ،لكن لو المسبب مثلا هرمون بيفرزه الجسم , هنعمل فيها إيه دى؟
-هنا ملهاش حل غير اننا نمنع الحساسية بتثبيط الجهاز المناعى نفسه، يعنى نقلل نشاطه فبالتالى نقلل رد فعله تجاه مثير الحساسية و ده بيتم عادة بالكورتيزون ومشتقاته تحت إشراف طبى لتحديد الجرعة والشكل الدوائى سواء كان أقراص ولا مستنشقات ولا أى حاجة تانية..
