28/05/2024
❝ မေတ္တာဆိုတာ… ချစ်တာ မဟုတ်ဘူး ❞
ဆိုတာ…
ချစ်တာ မဟုတ်ဘူး။
သူတစ်ပါးတို့အား
ဒုက္ခမပေးဘူးဆိုတဲ့ စိတ်ထား။
သူတစ်ပါးတို့အတွက်
ကောင်းကျိုး ဆောင်ရွက်မယ်ဆိုတဲ့
စိတ်ထား။
ကရုဏာဆိုတာ…
ဘယ်သူကိုမျှ မညှင်းဆဲဘူး။
ဘယ်သူ ဒုက္ခ ရောက်ရောက်
ငါကူညီစောင့်ရှောက်မယ် ဆိုတဲ့
စိတ်ထား။
ဥပေက္ခာဆိုတာ…
မျက်နှာလွှဲ ခဲပစ်
လုပ်တာမဟုတ်ဘူး။
ဟန်ချက်ညီအောင်နေတာ။
ကြောက်တဲ့ဘက်လည်း
ရောက်ပြီးတော့… မတုန်လှုပ်နဲ့။
ကြိုက်တဲ့ဘက်လည်း
ရောက်ပြီးတော့… မတုန်လှုပ်နဲ့။
အဲဒီအစွန်းနှစ်ခု
လွတ်အောင်ရှောင်ပြီး
အလယ်ကနေသွားတာ။
ဥပေက္ခာ ဆိုတဲ့ပုဒ်ကို
အဘိဓမ္မာမှာ…
“မဇ္စျတ္တာကာရ လက္ခဏာ” လို့
ဖွင့်တယ်။
“မဇ္စျတ္တ” ဆိုတာ
Middle Way ပဲ။
အတွေးမှန်ဖို့ရန်…
စွန့်လွှတ်ဖို့ တွေးပါ။
သူတစ်ပါး အကျိုးစီးပွား
ဆောင်ရွက်ဖို့ တွေးပါ။
သူတစ်ပါးရဲ့ ဒုက္ခကို
ပယ်ဖျောက်ဖို့ စောင့်ရှောက်ဖို့
တွေးပါ။
အတွေးသုံးပါး၊ အဲဒါကို
“သမ္မာသင်္ကပ”လို့ ခေါ်တယ်။
ကောင်းတယ် အကျိုးရှိတယ်ဆိုတဲ့
အလုပ်သည် …
စိတ်ကောင်းရှိတဲ့အခါမှ
လုပ်ဖြစ်တာ။
မကောင်းဘူး အကျိုးမရှိဘူးဆိုတဲ့
အလုပ်သည် …
စိတ်ကောင်းမရှိတဲ့အခါတိုင်း
လုပ်ဖြစ်တယ်။
ဒါကြောင့်…
စိတ်ကောင်းထားတယ်ဆိုတာ
အဓိပ္ပါယ် သိပ်ရှိပါတယ်။
လူ့ဘဝ ဆိုတဲ့
ဘဝကောင်းတစ်ခုကို
ရရှိနေချိန် မှာ…
အကျင့်ကောင်းတွေနဲ့
တိုးတက်အောင် လုပ်ကြ။
ဘဝကောင်းကို မသိရင်
အကျင့်ကောင်းကိုလည်း
မကျင့်မိတတ်ဘူး …။
လူသားအားလုံးရဲ့ ပန်းတိုင်ဟာ
ဝိသုဒ်ဓိနဲ့ ဝိမုတ်တိပါပဲ။
Purification –
သန့်ရှင်းစင်ကြယ်ခြင်းကို
”ဝိသုဒ္ဓိ” လို့ ခေါ်တယ်။
Liberation –
လွတ်မြောက်ခြင်းကို
”ဝိမုတ္တိ” လို့ ခေါ်တယ်။
သန့်ရှင်းစင်ကြယ်ခြင်း –
Purification
လွတ်မြောက်ခြင်း –
Liberation ရဖို့အတွက်
ဘာလုပ်ရမလဲဆိုရင်…
We must follow
the dhamma
ဓမ္မကို လိုက်နာကျင့်သုံးရမယ်။
ဓမ္မကို လိုက်နာကျင့်သုံးတဲ့
ပုဂ္ဂိုလ်ဟာ…
သန့်ရှင်းသွားတယ်။
သန့်ရှင်းလို့ရှိရင်
လွတ်မြောက်သွားတယ်။
မိမိကိုယ်တိုင်
နိဗ္ဗာန်ရောက်ဖို့ထက်
မိမိကြောင့်… သူတစ်ပါး
စိတ်သောက မဖြစ်အောင်
နေတတ်ဖို့ ပိုအရေးကြီးတယ်။
အဲဒါ မြင့်မြတ်သော…
လူစွမ်းကောင်းတို့ရဲ့စိတ်ထားပဲ။
#မူရင်းရေးသားသူ✍️✨️✍️✨️✍️✨️✍️✨️✍️🙏🌹🙏🌹🙏🌹🙏🌹🙏※※※ ⃣☞♠🅣🅐🅜♠☜⃣※※※
ွတ်လပ်စွာယူနိုင်ပါတယ်
