27/07/2024
*FITAR GUDAN JINI 🩸 KO KUMA WANI ABU MAI K**A DA TSOKAR NAMA 🥩 A LOKACIN JININ AL’ADA🧕🏻 🩸 (MENSTRUAL CLOT)*
https://www.maganiagonaryaro.com.ng
RUBUTAWA: DOCTOR ABDURRASHID ADAMU AHMAD (DANBAIWA) 👨🏻⚕️✍🏻
Jinin al’ada 🩸 🧕🏻yana fita ne daga al’aurar diya mace wacce ta balaga, a duk bayan wasu kidayayyun kwanaki.
Fitar jinin yana nufin mace🧕🏻 ta kai munzalin da zata iya daukar juna biyu matukar namiji ya sadu da ita a lokacin da ya dace.👌🏻
Abinda yake kawo fitar jinin shine, jikin bangon mahaifar mace🧕🏻 yana kumbura kuma ya cika da jijiyoyin jini. Wannan shiri ne na musamman domin karbar kyankyasasshen kwai na haihuwa (fertilized o**m) bayan saduwar aure.
Kumburin da mahaifa take yi yana matsayin wata shimfida ce mai laushi domin samar wa kyankyasasshen kwan makwanci mai kyau da kuma abinci.
Idan ba’a dace da samun kyankyasasshen kwai ya shiga cikin mahaifar ba, to, shimfidar zata zagwanye ta lalace, sai ta fita daga cikin mahaifa a matsayin jinin al’ada.
Wannan abin zai rika faruwa lokaci bayan lokaci gwargwadon yadda Allah ya tsara halittar jikin mace.
Ma’ana wasu matan ala’darsu takan zagayo duk bayan kowane kwana 14, ko 20, ko 30 da mak**antan haka, wanda likitoci👨🏻⚕️👨🏻⚕️👨🏻⚕️ suke kira “menstrual cycle”.
Wasu matan kuma basu ganin zuban jini, sai dai suga digon jini 🩸 kawai👌🏻 wanda ake kira “spotting”.
Sa’annan mafiyawan mata suna ganin wasu alamomi idan al’adarsu ta kusa zuwa (premenstrual syndrome), wadanda s**a hada da:
1. Ciwon mara mai tsanani ko maras tsanani
2. Ciwon baya ko kugu
3. Ciccikowar nono ko ciwon nono
4. Bacin rai da rashin walwala
5. Zafin jiki ba tare da zazzabi ba
6. Tashin zuciya ko yin amai
7. Ciwon kai ko yawan mutuwar jiki
*YANAYIN JININ AL’ADA*🩸
Launin jinin al’ada 🩸 yakan bambanta tsakanin mata🧕🏻. Mafi yawanci yakan kasance jazur (red), amma wasu s**an ganshi baki-baki (dark).
Idan kuma ya kusa daukewa sai ya koma k**ar ruwan nama (brown).
Jinin al’ada mai launi jazur 🩸 yana nuna cewa bai dade sosai a cikin mahaifa ba.
Mai launin baki-baki kuma yana nuna cewa ya dade a cikin mahaifa.
Amma idan ya kasance ruwan kwai (orange), ko ruwan toka (grey), to, yana nuna alamar
cewa kila matar tana da ciwon sanyi (infection), wanda gwaji ne zai tabbatar da hakan ko kuma akasin haka.
Idan launin ja mai haske ne (bright red), ko ruwan hoda (pink), to, yana nuna cewa jinin ya gauraya da ruwan mahaifa (cervical fluid). Amma ya k**ata mu san cewa ko ma menene launin jinin al’ada, ba abin tashin hankali bane matukar bai haddasa wata bakuwar rashin lafiya ba.
Game da sunsuna (smell ko odour) kuwa, ya k**ata mu fahimci cewa jini a karan kansa baya da kamshi ko wari. Amma jinin al’ada zai iya sauya sunsunarsa ta koma mai karni kadan. Wannan baya rasa nasaba da cudanyarsa da sinadarai na wurin da yake fitowa, ko kuma dadewarsa a cikin mahaifa.
Amma duk da haka bai k**ata jinin al’ada ya zama mai wari ba.
Idan kuma ya zamanto yana wari, to, yana alamta cewa mace tana da ciwon sanyi (infection),
ko bata tsabtace al’aurarta yadda ya k**ata, ko sinadaran da farjinta yake fitarwa domin samar da kariya daga kwayoyin cuta ko ni’ima (va**nal pH level) yayi yawa sosai.
Ana so va**na pH level ya kasance tsakanin 3.8 zuwa 4.5 na ma’aunin dakin bincike (laboratory).
Abinda ya shafi kaurin jini (blood texture) kuma shine, jini asalinsa ba tsululu bane k**ar ruwa. Yana da danko da kuma kauri kadan.
Don haka jinin al’ada ba a tsammanin ya saba ma wannan yanayin.
Hasali ma kasancewar wurin da yake fitowa, da sinadaran da yake cudanya dasu, da dadewar da yakan yi kafin ya fito ta sanya idan yana fitowa da gudaji, to, ba matsala bace. Sa’annan mata da yawa suna tambayata cewa menene mahangar likita game da wani abu mai k**a da tsokar nama da yake fita daga al’aurarsu a lokacin jinin al’ada.❓
To, a gaskiya wannan shima ba matsala bane. Abinda yakan faru shine, lokacin da bangon mahaifa ya zagwanye sak**akon rashin shigar kyanykyasasshen kwai a cikinta, k**ar yadda nayi bayani da farko.
DAGA KAMFANIN MAGANI A GONAR YARO HERBAL 🌿 NIGERIA LIMITED
📱08060606050📱
