Dr Murja Ibrahim Duwan

15/02/2026

CIKIN HOTUNA:

Taron Seminar And Conferences Da Yake Gudana Kenan A Garin Kaduna.

10/02/2026

TARAWIHI TSAKANIN TSAWAITAWA DA TAKAITAWA
Ya kamata mu duba nassosin shari’a gaba ɗayansu, ba mu ɗauki nassi guda mu yi amfani da shi a wajen da ba shi ne abin da ake magana a kansa ba. Misali, Annabi ﷺ ya ce: *“Idan ɗayanku ya yi (limanci) salla, to ya sauƙaƙa, domin a cikinku akwai mai rauni da tsoho, da mai bukata.”*
Wannan hadisin yana nufin sallar farilla. Wato idan mutum yana yin salla, musamman sallar Isha’i, Magariba, da sauran sallolin farilla, ya kamata a sauƙaƙa su gwargwadon yanayin masu salla.

Amma wasu salloli na daban, misali sallar kusufin rana ko wata, sunnah ce a tsawaita ta. Annabi ﷺ ya kasance yana karatu har sai kusufin ya gushe. Ma’ana, yana iya yin raka’a biyu ko fiye da haka. Saboda haka idan wani ya zo ya ce mana: shi mara lafiya ne ko mai bukata ne, sai mu ce masa: kada ka yi wannan salla, domin ita sunnah ce mustahabbiya, kuma bukatunka watakila sun fi cancanta ka kula da su a wannan lokacin.

Haka ma sallar Tarawihi. Sunanta Tarawihi wato: huhhutawa (bayan doguwar tsayuwa) kuma ana kiran ta Qiyam saboda tsawon tsayuwar liman a cikinta. Shi ya sa, idan liman yana son ya karanta juzu’i ɗaya, ko biyu, ko uku, sai wasu mutane su zo su ce “a tausaya mana”. Sai mu koma mu duba nassosi: shin a irin waɗannan salloli—kamar sallar Qiyam, Tarawihi, da sallar kusuf—sunnah ita ce gajarta ko tsawaita? Halin salaf kuwa shi ne suna jingina da sanda saboda tsawon tsayuwa; daga tsawon raka’a huɗu sai su huta, sannan su ci gaba. Wannan yana nuna cewa asali a wannan sallah shi ne tsawaitawa.

Saboda haka, kada mu gauraya nassosin shari’a mu ce: sunnah ita ce taƙaitawa, ko gajartawa, ko sauƙaƙawa a kowane hali. Eh, hakan yana cikin sallar farilla. Amma a sallolin nafila, abin da aka fi so shi ne mutum ya kiyaye su kamar Tarawihi, domin asalinsu tsawaita salla ne.

Allah Ya albarkace ku. Idan wani me uzuri ya ce: “Ni ina so in yi Tarawihi,” sai mu ce masa: ka yi ta a gidanka. Domin sallar mutum a gidansa ta fi alheri sai dai sallar farilla, kamar yadda Annabi

10/01/2026

كن في الدنيا كأنك غريب

05/01/2026

Center for Sunnah Studies Katsina ta gudanar da taron rufe Gasar Musabaƙar Hadith karo na tara na shekarar 2025, kamar yadda ta saba gudanarwa a duk shekara.

An gudanar da taron rufe gasar ne a ranar Laraba 4 ga watan Janairu, 2026, a ɗakin taro na Hukumar Jin Daɗin Alhazzai da ke Jihar Katsina.

Da yake gabatar da jawabin buɗe taro, Imam Abdullahi Ayyuba, shugaban cibiyar a jihar Katsina, ya nuna godiya ga Allah Maɗaukakin Sarki bisa ikon da Ya ba su na kammala wannan gagarumar musabaƙa cikin nasara.

Haka kuma ya yaba wa ɗalibai bisa ƙwazo da hazakar da s**a nuna, tare da jinjinawa alƙalan musabaƙar, da kuma dukkan waɗanda s**a bayar da gudunmawa ko s**a halarci taron. Ya kammala da addu’ar Allah Ya maida kowa gida lafiya.

A nasa bangaren, Farfesa Umar Sani Rijiyar Lemu yayin gabatar da maƙalarsa, ya yaba wa cibiyar bisa kyakkyawan shiri da tsari, tare da shawararta da ta ƙara maida hankali wajen bunƙasa ilimin Hadith.

Haka zalika, Alhaji Usman Sarki na daga cikin waɗanda s**a tofa albarkacin bakinsu, inda ya bayar da gudunmawa tare da tabbatar da cikakken goyon bayansa ga cibiyar, yana mai cewa In shaa Allahu ba zai gajiya ba wajen tallafa mata.

Shi ma Dr. Rufa'i, Limamin ‘Yan Sanda kuma wakilin Kwamishinan Rundunar ‘Yan Sandan Jihar Katsina, ya isar da saƙon Kwamishinan, inda ya tabbatar da ci gaba da bayar da gudunmawa da goyon baya ga ayyukan cibiyar.

Daga cikin manyan baƙin da s**a halarci taron akwai Hon. Ali Abu Albaba, ɗan Majalisar Jiha mai wakiltar Ƙaramar Hukumar Katsina, da kuma Alhaji Sabo Hassan Musa, Alhaji Ibrahim Teacher, Sheikh Adam Imam Polytechnic da sauran jama’a masu tarin yawa.

An kammala taron da raba kyaututtuka ga ɗaliban da s**a zo na ɗaya, na biyu da na uku a Gasar Musabaƙar Hadith.

04/04/2025

05/03/2025