Haukeland universitetssjukehus

30/12/2025

2026 nærmar seg, og det same gjer nyttårsfeiringa. I år som i fjor har overlege Lasse Mulstad Skrivervik ved Augeavdelinga gode råd til korleis du kan feire tryggast mogleg:

👉Les bruksrettleiinga på fyrverkeriet grundig

🎆Bruk vernebriller – alle i nærleiken av fyrverkeriet bør beskytte augo

👉Hugs at alkohol og fyrverkeri ikkje høyrer saman

🎇Tenk på dei og det du har rundt deg – hald sikker avstand frå menneske, dyr og bygningar

Saman kan vi gjere feiringa av det nye året trygg og minneverdig for alle, vi ønsker deg ei god nyttårsaftan! 🫶

24/12/2025

Julekonserten i foajeen på Haukeland universitetssjukehus på julaftan er ein årelang tradisjon.

Og som alltid er Rune Larsen og resten av artistane der. År etter år.

Det gir gåsehud. Det gir julestemning.
Takk til alle som har stått på – både på scena og bak kulissane.

God jul frå alle oss på Haukeland universitetssjukehus.

Vi ønskjer dykk ei fredfull jul.🎄

23/12/2025

Nokre barn kjem til oss utan ord.

Stillheita kan vere tung – for barnet, for foreldra, for alle rundt.

Så kjem ein radiostyrt bil rullande bortover golvet. Ein som barnet har kontrollen over. Som kan krasje litt, skrus på, reparerast. Køyrast fram og tilbake – utan krav, utan spørsmål.

For somme barn er det nett dette som skal til.
I leiken skjer det noko. Hendene jobbar. Blikket løftar seg. Og av og til kjem det eit ord. Kanskje berre eitt. Men eitt er meir enn ingenting.

På Haukeland har radiostyrte bilar vorte meir enn leik. Dei er ein veg inn. Ein trygg stad. Eit rom der barn kan vere barn – også når livet er på sitt mest krevjande. For familiane betyr det håp. Små augeblikk av normalitet. Ein pause frå det som er vanskeleg.

Takk til Haukelands Venner og Foreningen til Barns Beste som har gjort dette mogleg.

Dei veit at også små ting kan bety uendeleg mykje.
🚗💙

Les meir👇🏾

22/12/2025

Vi er stolt samarbeidspartnar med Psykiatrialliansen. I jula tilbyr alliansen aktivitetar kvar dag. Sjekk oppdatert timeplan for jula 2025. Alle er velkomne, alltid 🫶😊

Psykiatrialliansen tilbyr aktiviteter hver dag i hele julen! Se våre oppdaterte timeplaner for julen 2025.

19/12/2025

Ikkje alle er heime i jula, vi er her for deg.

Vi ønsker deg alt godt og at julehøgtida blir så fredfull og god som den kan bli.

19/12/2025

No har vi fått to nye PET-skannarar ved Haukeland. Dei gir betre bilete, raskare undersøkingar og meir tryggleik for pasientane våre – og for dei som jobbar tett på dei.

Dette hadde ikkje vore mogleg utan Trond Mohn.
Tusen takk🫶🏾
Les meir👇🏾

12/12/2025

✨ Blanke auger, varme hjarte og stor applaus ✨ Fleire tårer trilla då barnehagebarna frå Vognstølen sang julesanger for oss i dag. Ei påminning om glede og håp. 💙 Ta vare på kvarandre – det er den beste julegåva vi kan gi.

🎄 Tusen takk til Haukelands venner for eit nydeleg juletre – det lyser opp for oss alle.

10/12/2025

Når verdas fremste forskarar går saman for å løyse dei vanskelegaste helseutfordringane, er Haukeland med heilt i front.

No viser ein stor internasjonal studie at ny teknologi kan hjelpe legane å finne bukspyttkjertelkreft tidlegare – ei kreftform som ofte er skjult heilt til det er for seint.

Våre eigne fagfolk har vore med på arbeidet, og resultatet gir håp. For pasientar. For pårørande. Og for framtida.

Dette er forsking som kan endre kvardagen i helsetenesta – og redde liv.

Les saka her👇🏾

05/12/2025

Frvivilligheita sin dag! Vi hyller alle som stiller, raud vest eller ei, og hjelper oss på sjukehuset❤️🩷❤️

01/12/2025

De er dei som kjem på jobb før dei fleste.
De er dei som sørgjer for reine operasjonssalar, reine omgivnader rundt oss og tryggleik for både pasientar og kollegaer. Smitte blir stoppa, rom blir klare og kvardagen vår blir mogleg – alt gjennom arbeidet de gjer.

På Haukeland kjem de frå mange stader i verda. De snakkar ulike språk, men deler det same ansvaret: å halde sjukehuset trygt og reint for dei som treng det mest.

I dag vil vi seie takk. For innsatsen. For omsorga. For alt som blir gjort – ofte utan å bli sett, men alltid med stor betydning.

Gratulerer med dagen til alle reinhaldarar – og takk for den jobben de gjer, kvar einaste dag!

26/11/2025

Våre 417 helsefagarbeidarar møter pasientane med omtanke, kompetanse og stort fagleg engasjement, kvar einaste dag, året rundt. 💚✨

Tusen takk for den viktige jobben de gjer! 🤝🌟

19/11/2025

Takk til alle våre 3530 mannlege medarbeidarar som jobbar for god helse kvar dag 💙 Menn tek sjeldnare kontakt med helsetenesta 🏥. Å be om hjelp er styrke, ikkje svakheit 💪

Vi oppmodar alle til å vere merksame på eigne symptom 🔍 og ta praten når noko er vanskeleg 💙