25/12/2025
सूचना. सूचना. सूचना.
😲
नेपाल तराई सिटी अस्पतालले शल्यक्रियामा भारी छुट दिने गरे
घोषणा, आजदेखि लागू, गर्भवती महिला र सर्वसाधारणलाई प्रत्यक्ष लाभ ।
मंसिर २७ गते, रौतहट ।
रौतहट जिल्लाको यमुनामाई गाउँपालिका–१, सुकदेव चौकमा अवस्थित नेपाल तराई सिटी अस्पतालले विभिन्न शल्यक्रियामा आजदेखि लागू हुने गरी भारी छुटको व्यवस्था गरेको छ।
अस्पतालले केही महिनासम्म लागू हुने गरी शल्यक्रिया (अपरेशन) सेवामा करिब आधा शुल्क कटौती गरेको जनाएको छ। यसबाट आर्थिक अभावका कारण उपचारबाट बञ्चित हुँदै आएका बिरामीहरूलाई प्रत्यक्ष राहत पुग्ने विश्वास लिइएको छ।
अस्पतालका चिकित्सक मधुरेन्द्र यादवका अनुसार बच्चादानी (हिस्टेरेक्टोमी) को शल्यक्रिया शुल्क २० हजार रुपैयाँ, अपेन्डिक्स १८ हजार, हर्निया २० हजार, हाइड्रोसिल १५ हजार, पाइल्स १५ हजार तथा फिस्टुलाको शुल्क १५ हजार रुपैयाँ मात्र तोकिएको छ।
यसअघि बच्चादानीको शल्यक्रियामा ३० देखि ३५ हजार रुपैयाँ खर्च हुने गरेकामा अब २० हजारमै सेवा उपलब्ध हुने छ। यस्तै, पहिले पेट खोलेर बच्चा निकाल्दा ५० हजारदेखि १ लाख रुपैयाँसम्म खर्च लाग्ने गरेकोमा अब उक्त शुल्क घटाएर ३० हजार रुपैयाँ मात्र कायम गरिएको अस्पतालले जनाएको छ।
यस्तै, अपेन्डिक्स शल्यक्रिया अब १८ हजार रुपैयाँमा गरिनेछ, जुन पहिले २८ हजार रुपैयाँसम्म पर्थ्यो। हर्निया शल्यक्रियाको शुल्क २० हजार रुपैयाँ कायम गरिएको छ, जबकि यसअघि ३० हजार रुपैयाँसम्म लाग्ने गरेको थियो।
त्यसैगरी, हाइड्रोसिल शल्यक्रिया अब १५ हजार रुपैयाँमा उपलब्ध हुनेछ, जुन पहिले ३० हजार रुपैयाँसम्म खर्च हुने गर्थ्यो। पाइल्स (बवासीर) र फिस्टुला शल्यक्रिया दुवैको शुल्क १५–१५ हजार रुपैयाँ मात्र तोकिएको छ, जबकि यसअघि यी शल्यक्रियामा २५ हजार रुपैयाँसम्म खर्च लाग्ने गरेको थियो।
गर्भवती महिलाका लागि अझै ठूलो राहत दिँदै अस्पतालले पेट खोलेर बच्चा निकाल्ने (सिजेरियन CS) शल्यक्रियाको शुल्क जम्मा ३० हजार रुपैयाँ मात्र तोकेको छ। यसअघि सोही शल्यक्रियामा ५० हजार देखी १ लाख रुपैयाँसम्म खर्च हुने गरेको थियो।
अस्पतालले विभिन्न सात प्रकारका शल्यक्रियामा करिब आधा छुट प्रदान गरेपछि बिरामीहरूको उपचार खर्चमा उल्लेखनीय बचत हुने भएको छ। विशेषगरी गर्भवती महिला तथा निम्न आय भएका परिवारहरूका लागि यो सुविधा अत्यन्तै लाभदायक हुने अपेक्षा गरिएको छ। धन्यवाद 🙏
