20/07/2025
कर्णाली प्रदेश सरकार, सामाजिक विकास मन्त्रालयका मन्त्री माननीय घनश्याम भण्डारी र लुम्बिनी प्रदेश सरकार, स्वास्थ्य मन्त्रालयका मन्त्री माननीय खेम बहादुर सारु एवं उक्त मन्त्रालयका सचिवहरू सहितको उपस्थिति तथा गण्डकी प्रदेश सरकार, स्वास्थ्य मन्त्रालयका मन्त्री माननीय कृष्ण प्रसाद पाठकज्यूको अध्यक्षतामा मिति २०८२ श्रावण ४ गते पोखरामा अन्तरप्रदेश अनुभव आदानप्रदान कार्यक्रम सम्पन्न भएको छ ।
उक्त अवसरमा कर्णाली र लुम्बिनी प्रदेशमा मानसिक स्वास्थ्य, मनोसामाजिक परामर्श सेवाको अवस्था र सो सम्बन्धी रणनीति निर्माण तथा सो को कार्यान्वयन लगायतका पक्ष तथा गण्डकी प्रदेशमा डिजिटल हेल्थ कार्यान्वयनको अवस्था, अस्पताल स्तरोन्नति लगायतका विषयमा प्रत्येक प्रदेश सरकारका तर्फबाट प्रस्तुतीकरण हुनुका साथै छलफल भएको थियो ।
उक्त कार्यक्रममा CMC-Nepal को प्राविधिक सहयोग रहेको थियो । उक्त महत्त्वपूर्ण छलफलबाट स्वास्थ्य क्षेत्रको सुदृढीकरणको लागि प्रदेशहरूको साझा पहलको जरुरी देखिनुका साथै थप कार्य सम्पादनका लागि अघि बढ्न गण्डकी प्रदेश सरकार, स्वास्थ्य मन्त्रालयलाई थप हौसला मिलेको छ ।
