10/20/2025
Tihar Memories! कस–कसको बाल्यकालमा यस्तै रमाइला सम्झनाहरू छन् त?🙂🤔
एउटा बाल्यकालको संस्मरण तिहारसँग जोडेर यसो सेयर गर्न मन लाग्यो......
दशैं–तिहारको समय धान काट्ने चटारो हुन्थ्यो। अनि सुरु हुन्थ्यो हाम्रो बालमनोविज्ञानको एउटा अनौठो साहसिक खोज–
धान काटिसकेको खेतमा साना साना प्वालहरू हुन्थे, जहाँ मुसाले बोकेर लगेका धानका बालाहरू जम्मा हुन्थे।
हामी केटाहरू कोदालो लिएर ती प्वाल खन्दै ती बालाहरू निकाल्थ्यौं।
जम्मा गरेर सफा पार्थ्यौं, अनि मिलमा लगेर बेच्थ्यौं।
त्यसरी कमाएको पैसाले तिहारमा सिमानापारि गएर पटाका किन्थ्यौं, लुकाएर ल्याउथ्यौं, अनि धमाका साथ मनाउँथ्यौं तिहार।
आज सम्झिँदा, ती दिनहरू साँच्चै गज्जब थिए! ❤️
कस्तो लाग्यो तपाईहरुलाई ? 🙂🙂
✍️Mukesh Adhikari
