19/08/2024
रामपुरमा अहिले यातायात सम्बन्धी विवाद भइरहेको छ । वर्तमान विवादको बारेमा चर्चा गर्नुभन्दा पनि रामपुरमा रहेको यातायात सुविधाको बारेमा चर्चा गर्नु आवश्यक देखिन्छ ।
अटो र भ्यान लगायतको ज्यादतीको अड्कल आम रामपुरवासीले गरिरहेका छन्। सिट क्षमताभन्दा बढी यात्रु बोकेर अटो त हिँडिरहेका छन् । अटोको सिट क्षमता कति हो ? अटो चालकले आफू बस्ने सिटमा पनि थप दुईजना यात्रु बोकेर हिँड्छ । केही समय अगाडि अटो दुर्घटनाका समाचार पनि नआएका होइनन् ।
जीपको सिट क्षमता कति हो ? मुस्ताङ र फोर्सले त जतिनी तान्छ भन्दै यात्रुको जीवन माथि नै खेलवाड हुनेगरी क्षमता भन्दा बढी समान ढुवानी र यात्रु बोकेर कुद्न पाउँछन् ? यात्रु निसासिदै यात्रा गर्नु पनि पर्ने आकासिएको भाडा पनि तिर्नु पर्ने नै के भाडा अनुसारका सेवा सुविधा यात्रुले पाएका छन् । नियमक निकायले यी यस्ता कुरामा ध्यान पुर्याएका छन् त ? रामपुरमा यातायात सम्बन्धी संस्था , इलाका प्रहरी कार्यालय अन्तर्गत रहेको ट्राफिक, इलाका प्रशासन कार्यालय , रामपुर नगरपालिका ले नियमित नियमन गर्दै यात्रुको लागि गुणस्तरीय र भरपर्दो यातायात सुविधाको सुनिश्चितता गरिदिनुपर्ने होइन र ?
यातायात व्यवसाय गर्ने ले यात्रु बढी बोक्यो बोक्यो तर यहाँ त सरकारी विद्यालयको बसले पनि कोचाकोच विद्यार्थी बोकेको छ । यस्तो कुरालाई नजरअन्दाज गर्ने हाम्रा निकायमाथि प्रश्न सबैले गर्नु पर्छ । अहिले भएको विवाद पनि Area Police Office Rampur Palpa रामपुर नगरपालिका र यहाँ रहेका यातायात सम्बन्धी संस्थाको लापरवाहीको नतिजा हो ।
