13/07/2025
अलग अलग किसिमको विषको पहिचान र त्यसबाट हुने समस्याको उपचार अगद तन्त्र अन्तर्गत पर्छ । आयुर्वेद अनुसार विष कुनैपनि किसिमको हुन्छ जस्तो रुख विरुवाबाट, खनिजबाट निस्कने विष , सर्प, विच्छु आदिको टोकाइबाट र अरु कुनै माध्यमबाट निस्कने विष । यी भिन्न भिन्न किसिमको विषलाई भिन्न भिन्नै उपचार विधी अपनाएर गरिने उपचारलाई अगद तन्त्र भनिन्छ । आयुर्वेद विज्ञानमा वास्तवमा हरेक कुराको सम्भावना हुँदाहुँदै पनि राज्यको निकायले हेर्ने दृष्टिकोण साघुरिएको हुँदा आज गर्मी एवं बर्खायाममा सर्पको विषका कारण तुल्सीपुर क्षेत्रमा सर्पदोंस उपचार केन्द्रको व्यवस्था नहुँदा अकालमै मृत्युवरण गर्नुपरेको सम्बन्धीत सबैलाई जानकारी भएकै कुरा हो। मैले यो विषय उठान गर्नुको कारण हाम्रो तुलसीपुर उपमहानगरपालिका वडा नम्बर १९ मा रहेको प्रादेशिक आयुर्वेद चिकित्सालय बिजौरीमा यसको उपचार सम्भव छ। मलाई जानकारी भएसम्म अगततन्त्र मा मास्टर डिग्री गरेका डाक्टर साहबहरू अहिले पनि बिजौरी बेल्झुण्डी कलेजमा हुनुहुन्छ। उहाँहरूको सीपलाई प्रयोग गर्दै र प्रोत्साहित गर्दै वास्तवमा बिजौरी आयुर्वेद अस्पताललाई एउटा सर्पदंश उपचार केन्द्रको रुपमा पनि विकास गर्नका लागि सम्पूर्णमा हार्दिक अनुरोध गर्दै आवश्यक परेको खण्डमा म पनि आयुर्वेद क्षेत्रकै भएको कारण सधैं सहयोगको लागि तत्पर रहने कुरा जानकारी गराउँदछु।
