Ahmed Zakaria احمد زكريا

Ahmed Zakaria احمد زكريا Contact information, map and directions, contact form, opening hours, services, ratings, photos, videos and announcements from Ahmed Zakaria احمد زكريا, Salalah.

أخصائي تغذية شمولية ومدرب معتمد
وببني طريقي كـ Life Coach
رسالتي: أعيش بوعي… وأساعدك تعيشها بوعي وبصحه
جلسات Online أو حضوري بمسقط لتغيير حياتك وصحتك للأفضل

13/11/2025

أقوى درع ضد التوتر مش في عقلك بس … ده في جسمك كمان !
كل يوم ضغط، قلق، توتر… بس محدش قالك إن جسمك هو أول وسيلة دفاع ضد كل ده.
التمرين مش بس بيغير جسمك، ده بيعيد ضبط كيمياء دماغك بالكامل.
مش لازم تبدأ كبير، بس لازم تبدأ.
فكر في كل مرة قلت فيها "مش فاضي أتمرن"… هل فعلاً مش فاضي؟
ولا مش مصدق إنك تستاهل الراحة النفسية اللي جسمك بيصرخ يطلبها؟ 👇
✨ احفظ البوست وارجع له لما تحس بالضغط.

06/11/2025

القصة دي حصلت معايا فعلاً ...
وصدقني كانت أقوى تمرينه عقل عملتها في حياتي 🧠🔥

صحيت رايح الجيم، بس جسمي كان بيقول لأ...
كل دقيقة وأنا في الطريق، صوت في دماغي بيقولي: “ريح النهارده، انت تعبان.”
لحد ما كنت فعلاً هلف وارجع البيت.
لكن في لحظة وعي… قررت أتمرن حتى لو نص ساعه.
ورحت الجيم، وخلصت تمريني، وروحت الشغل، والدنيا تمام.

الفكرة كانت بسيطه:
أي فعل بيبدأ بفكره.
لو كنت استسلمت للفكره دي، ماكنتش لا هتمرن ولا هشتغل.
بس لما وقفت لحظه، وقررت أغيّر الفكره، كل حاجه اتبدلت.

💭 متخليش فكرك يقودك في الاتجاه الغلط…
أنت اللي تسوق مش هو.

لو مرّه حسّيت إنك مش قادر تكمل…
ارجع للفيديو ده، وافتكر إن أقوى تمرينه بتبدأ من جواك.
احفظ الفيديو ❤️ وشاركه مع حد محتاج يسمع الكلام ده النهارده.





#تحفيز


30/10/2025

بتحاول تلتزم بالدايت…
بس كل اللي حواليك بيوقعوك؟

المشكلة مش فيك، ولا في إرادتك!
المشكلة في البيئة اللي مش مساعداك 👇

في الفيديو ده بحكيلك قصة حقيقية لحد كان ماشي صح 100٪،
بس خسر التزامه بسبب بيئته.
وهقولك كمان إزاي تغيّر بيئتك خطوة بخطوة علشان تساعدك مش تعطلّك

شوف الفيديو للآخر وقولي في الكومنت:
إيه أكتر حاجة في بيئتك بتبوّظ الدايت؟ 🧠
📲 واحفظ الفيديو عشان تفتكر الخطوات وقت ما تحتاجها




#دايت #تغذية

28/10/2025

متغلطش غلطتي…
قبل ما أدرس كوتشينج، كنت دايمًا بناقش في المشاعر.
كنت فاكر إني كده بساعد اللي قدامي، بس الحقيقة كنت بأذي العلاقة من غير ما أحس.
اتعلمت إن المشاعر لا تناقش …
المشاعر محتاجة حد يسمعها ، ويحتويها ، وحد يسمع بجد من غير حكم.

احنا مش دايمًا محتاجين حد يصلحلنا،
ساعات كل اللي محتاجينه حد يسمعنا ويفهمنا بس.

تابعني لو حابب تبدأ رحله وعي وتعرف نفسك اكتر

#كوتشينج #مشاعر

23/10/2025

💭 مش دايمًا الحماس موجود…
بس الانضباط هو اللي بيكمّل الطريق.
الفرق بين اللي وصل واللي لسه بيفكر يبدأ هو "الـ Discipline".
سواء في الجيم، الشغل، أو حتى في قرارات حياتك.
استمر، حتى لو مش حاسس إنك في أفضل حال. 💪



#ɢʏᴍᴍᴏᴛɪᴠᴀᴛɪᴏɴ

21/10/2025

ابدأ بخطوة بسيطة 💪
اطلع السلم، اتمشى لمشاويرك، واركن العربية… المهم تتحرك 🔥



18/10/2025

لو عندك دهون عنيدة وجربت كل حاجة وبرضه مش بتنزل 😤
الحل عندنا في عيادات دايموند الطبية!
مع جهاز الكول تيك، في ٤ جلسات ممكن تنزل لحد ٦ سم فعليًا 🔥

والأجمد؟ لو عملت معاه تيكنيكس بسيطة، ممكن توصل النتيجة لـ١٦ سم أو أكتر 💪
من غير جراحة، ومن غير فترة نقاهة — تطلع من الجلسة وتكمل يومك عادي جدًا 👌

عايز تشوف الفرق بنفسك؟ احجز دلوقتي! 👇

#كولتيك

18/10/2025

وبما إني دايمًا بمشي على قاعدة ٨٠/٢٠… جبتلكم النهارده تريند الفزعة 🍫✨

عملناها في البيت أضمن وأطعم 😍 وطبعًا مش هناكل الكمية كلها 😂

لو تحبوا أعرفكم الطريقة خطوة بخطوة؟ اكتبولي في الكومنت 👇

#الفزعة "

16/10/2025

كل يوم بتأجل تبدأ… بس جسمك مش بيأجل! ⏰💭

الرياضة مش رفاهية… دي أمانك الشخصي ضد التعب والمرض.
كل ما تأجل، جسمك بيدفع التمن من طاقته وصحته.
ابدأ بخطوة بسيطة النهارده، حتى ٢٠ دقيقة مشي سريع كفاية تغيّر يومك،
ولو كررتها… تغيّر حياتك 💪

اكتبلي في الكومنت 👇
إيه أول عادة صحية ناوي تبدأها النهارده؟
خلينا نساعد بعض نتحرك ونعيشها بوعي 💚








09/10/2025

ستي وستك وجدي وجدك كانوا بيأكلوا سمنة وسكر وبرضه صحتهم زي الفل…
طب ليه دلوقتي نفس الأكل بيجيب سمنة وضغط وسكر؟ 🤔

الحقيقة إن الأكل نفسه اتغير، والحركة قلت، وضغوط الحياة زادت.
الموضوع مش بس نوع الأكل… الموضوع أسلوب حياة كامل.

👈 لو عايز تحافظ على صحتك النهاردة… لازم تختار تعيش بوعي.

✦ شاركني رأيك: إيه أكتر فرق حاسه بين أكل زمان وأكل دلوقتي؟"

"اكتب في الكومنت فرق شايفه بين زمان ودلوقتي… يمكن تجربتك تساعد حد تاني يبدأ يغير."















02/10/2025

"عمرك فكرت إن في دهون ممكن تساعدك تحرق دهون؟! 😲
ممكن تقلل شهيتك، تزود حرقك، وتديك طاقة وتركيز أكتر… كله من خلال MCT Oil! 🥄

عايز تعرف تستخدمه صح مع نظامك الغذائي عشان النتيجة تبقى أعلى؟
سيبلي (مهتم) في الكومنتات وهقولك كل التفاصيل 👇"



#تخسيس

🚨 مفيش حاجة اسمها "إدارة وقت"… في حاجة اسمها "إدارة ذات"، والباقي وهم!✨ كنت في محاضرة من فترة…الدكتور بدأ كلامه وقال:"مص...
22/09/2025

🚨 مفيش حاجة اسمها "إدارة وقت"… في حاجة اسمها "إدارة ذات"، والباقي وهم!

✨ كنت في محاضرة من فترة…
الدكتور بدأ كلامه وقال:
"مصطلح إدارة الوقت غير دقيق… لأن الوقت ثابت، 24 ساعة لينا كلنا.
لكن الفرق… إن فيه واحد قادر يستغل يومه للآخر،
وواحد تاني اليوم كله بيضيع وهو نايم!

اللي بيتغير مش الوقت… اللي بيتغير هو إحنا: قراراتنا، عاداتنا، انضباطنا.
وده اسمه إدارة الذات."

ساعتها زميلتي "هند" رفعت إيدها وقالت:
"بس يا دكتور… إدارة الوقت موجودة!
إحنا بنعمل جداول، بنرتب أولوياتنا، ودرسنا طرق كتير لإدارة الوقت.
يعني فيه حاجة اسمها إدارة وقت."

وساعتها وحصل نقاش جميل جدًا ومثمر…
والحقيقة اللي خرجت بيها إن:
👉 إدارة الوقت مهمة فعلًا—ترتيب الأولويات، الجداول، التخطيط.

لكن كل ده مجرد انعكاس لإدارة الذات.
لأنك لو ما عندكش انضباط ذاتي…
عُمرك ما هتلتزم بأي خطة أو جدول مهما عملت.

🔑 يعني باختصار: إدارة الذات هي جوهر إدارة الوقت.

الخلاصة يا صديقي

الوقت ثابت.

الذات هي المتغيرة.

وإدارتك لنفسك هي اللي بتحدد إزاي هتستغل وقتك.

💬 سؤال للجميع:
إنت شايف نفسك أقرب لمفهوم إدارة الوقت ولا إدارة الذات؟
ولو هتختار واحدة بس… ليه؟ 👀👇

Address

Salalah

Telephone

+96894122574

Website

Alerts

Be the first to know and let us send you an email when Ahmed Zakaria احمد زكريا posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Ahmed Zakaria احمد زكريا:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram