19/07/2025
أكيد كلنا في لحظة من حياتنا، جت في دماغنا أسئلة زي
أنا لزمتي إيه في الحياة؟
أنا هنا بعمل إيه؟
هل ليّا رسالة معينة؟
هل أنا مؤثر في حياتي؟
هل فارق في المجتمع؟ ولا وجودي زي عدمه؟
طب أنا فاهم رسالتي أصلًا؟ ولا لسه بدور عليها؟
طب عارف إن في ناس بتعيش وتموت من غير ما تعرف هي كانت جايه ليه أصلًا؟
وده مش غريب … لأن الحياة بقت صعبة فعلًا
الضغط ، المسؤوليات ، الشغل ، دوامه الحياه ..بتنسينا نسأل الأسئلة دي
بس خليني أقولك حاجةده مش مبرر إنك متدورش على نفسك
لإنك متخلقتش صدفة.
وربنا قالها بوضوح
"وما خلقت الجن والإنس إلا ليعبدون"
..والعبادة مش بس في الصلاة والصوم
العبادة كمان في نيتك ، في شغلك ، في المعاملة في الرحمة ، في الصدق في تعاملاتك ،
لما تعرف إنت جاي ليه ، وتعيش لهدف ، بتحس براحة داخلية رهيبه
بتحس إنك عايش مش بس بتتنفس وخلاص
لكن لو كل يوم زي اللي قبله..بتصحى وتنام من غير معنىهتحس دايمًا إن في حاجة ناقصة
.. دورك مفيش حد هيقولك عليه
دورك إنت اللي لازم تكتشفه وتعيشه كل يوم
متستناش لما الوقت يعدي وتفوق متأخر
اسأل نفسك
"إيه اللي أنا مميز فيه؟"
إيه الحاجة اللي أقدر أعملها وتسيب أثر حتى لو بسيط؟
مش لازم تكون حاجة كبيره
الأثر الطيب هو اللي باقي
💭 عيشها بوعي… هتفرق كتير
