
10/12/2021
BSU-Bokod campus, posible a mangipatungpal iti face-to-face classes inton sumaruno a tawen
INAPROBARAN iti Sangguniang Bayan ti Bokod iti Resolution No. 192 s. 2021 a mangibilbilin iti panangisayangkat ti nasao a munisipyo iti face to face classes iti umay a tawen partikular iti BSU-Bokod Campus.
Impeksa ni Mayor Thomas Wales Jr.,a napirmaanan ti resolution ket maisubmitir iti Commission on Higher Education para iti approval.
Namnamaen ti mayor a maaprobaran daytoy iti kabiitan a panawen gaputa nakasaganan ti nasao a pagadalan.
Sigun kenkuana, ti resolution ket addangda kas maibasar metlaeng iti panakaipasidong ti Benguet iti Alert Level 2.
Patienna nga inton sumaruno nga school year ket mabalinen a maisayangkat iti face-to-face classes dagiti estudiante sadiay BSU-Bokod campus nangruna ta bassit ti bilang dagiti enrollees sadiay.
Dagiti kurso a maid-idiaya iti nasao a pagadalan ket pakairamanan ti Bachelor of Elementary Education, Bachelor of Science in Industrial Education, Bachelor of Science in Technology ken Trade Technology ken dadduma pay.
📸 BSU - Bokod Campus Registrar Office