Sgt. BantayTubig

  • Home
  • Sgt. BantayTubig

Sgt. BantayTubig Philippine National Police - Maritime Group

21/09/2025

PNP NAKAHULI NG P25.4M SMUGGLED NA SIGARILYO SA KARAGATANG ZAMBOANGA

Bilang tugon sa direktiba ng Pangulo na paigtingin ang kampanya laban sa smuggling at protektahan ang lokal na industriya, isang malaking tagumpay ang naitala ng Philippine National Police sa kanilang pinaigting na operasyon.

Dakong alas-tres ng hapon noong Setyembre 12, 2025, nasabat ng Zamboanga City Mobile Force Company ang isang walang sakay na bangka na may kargang 445 kahon ng Fort ci******es na tinatayang nagkakahalaga ng ₱25,498,500 sa karagatang sakop ng Sacol at Manalipa Islands. Agad itong isinailalim sa kustodiya ng Bureau of Customs, Port of Zamboanga, para sa tamang disposisyon.

Pinuri ni Acting PNP Chief PLTGEN Jose Melencio C. Nartatez Jr ang mabilis at koordinadong aksyon ng mga pulis, at sinabi, “Pinapakita ng operasyong ito na agad nating tinutupad ang utos ng Pangulo na wakasan ang smuggling at iba pang krimen. Hindi natin pahihintulutan ang mga sindikato na nakawin ang kita ng bansa at ilagay sa peligro ang kabuhayan ng ating mga kababayan.”

Dagdag pa niya, “Ang tagumpay na ito ay bunga ng matibay na pagtutulungan ng komunidad at iba’t ibang ahensya ng pamahalaan. Sa tulong ng Bureau of Customs at ng ating mga lokal na katuwang, patuloy nating hahabulin ang mga smuggler na sumisira sa ating ekonomiya.”

Tiniyak ng PNP na magpapatuloy ang mas pinaigting na maritime patrol at intelligence-driven operations upang mapanatiling ligtas ang karagatan ng bansa at tuluyang masugpo ang lahat ng uri ng ilegal na kalakalan.

21/09/2025

PNP SUPORTADO ANG SEGURIDAD NG MGA INSPEKSYON SA DPWH FLOOD-CONTROL PROJECTS

Bilang tugon sa panawagan ni Pangulong Ferdinand R. Marcos Jr. para sa tapat at maayos na pagpapatupad ng mga proyektong pang-imprastruktura, tiniyak ng Philippine National Police (PNP) ang buong pakikipagtulungan upang mapangalagaan ang isinasagawang inspeksyon sa mga pangunahing proyekto sa flood-control na pinangungunahan ng Department of Public Works and Highways (DPWH).

Tiniyak ni Acting Chief PNP, Police Lieutenant General Jose Melencio C. Nartatez Jr., na handa ang mga yunit ng pulisya sa buong bansa na magbigay ng nakatutok na seguridad habang bumibisita ang mga koponan ng DPWH sa mahahalagang lugar ng flood-mitigation.

“Buong Philippine National Police ang kaisa ng Pangulo sa panawagan para sa tapat at responsable na pagpapaunlad ng imprastruktura. Tungkulin naming protektahan ang mga tao at mga proyektong magliligtas sa ating mga komunidad laban sa pagbaha. Hindi man kami eksperto sa teknikal na aspeto, eksperto kami sa pagbibigay ng seguridad, at titiyakin naming ligtas at walang banta ang mga inspeksyong ito,” aniya.

Tugma rin ito sa direktiba ni Department of the Interior and Local Government (DILG) Secretary Juanito Victor “Jonvic” Remulla na nagbibigay-diin sa pangangailangan ng tuluy-tuloy na seguridad para sa mga inhinyero at tauhan ng DPWH habang nagsasagawa ng field inspections.

Dagdag pa ni Gen. Nartatez, inatasan na ang mga regional at lokal na tanggapan ng pulisya na makipag-ugnayan sa tanggapan ng DPWH at lokal na pamahalaan upang matiyak ang maayos at ligtas na pagbisita sa mga site.

“Kaisa kami ng pamahalaan sa pagtiyak ng kaligtasan ng mga proyektong ito. Bawat flood-control project na nagpoprotekta sa ating mga komunidad ay nararapat na mabigyan ng buong seguridad, at bawat yunit ng PNP—mula dito sa national headquarters hanggang sa pinakamaliit na yunit ng PNP—ay nakatuon sa misyong ito,” kanyang binigyang-diin.

Muling tiniyak ng PNP ang kanilang suporta sa layunin ng pamahalaan para sa matibay na imprastraktura at paghahanda sa sakuna, at sinabi na ang pagprotekta sa mga nagtatrabaho sa mga proyektong ito ay mahalaga para sa kaligtasan ng bawat pamilyang Pilipino.

21/09/2025

PNP, BUONG SUPORTA KAY PBBM AT HANDA SA SEGURIDAD NG PUBLIKO SA KABILA NG PLANONG PROTESTA

Ipinahayag ng Philippine National Police (PNP) ang buong suporta nito kay Pangulong Ferdinand R. Marcos Jr. kaugnay ng kanyang pahayag hinggil sa mga nagaganap at planong kilos-protesta. Tiniyak ng PNP na mananatiling ligtas at mapayapa ang bawat komunidad habang isinasagawa ang mga pagkilos.

Kinilala ng Pangulo ang galit at pagkadismaya ng mamamayan bilang bunga ng mga isyung naibunyag sa publiko. Binigyang-diin niya na karapatan ng bawat isa ang magpahayag at magtipon, ngunit dapat itong gawin nang mapayapa at naaayon sa batas.

Sa kanyang mensahe, tiniyak ni Acting Chief PNP, Police Lieutenant General Jose Melencio C. Nartatez Jr. ang kahandaan ng pambansang pulisya upang protektahan ang taumbayan at panatilihin ang kaayusan.

“Buong suporta kami sa pahayag ng ating Pangulo. Iginagalang ng PNP ang karapatan ng bawat mamamayan na magpahayag sa mapayapang paraan. Kasabay nito, hindi namin hahayaang may sinuman o grupong magsamantala para maghasik ng gulo at karahasan,” ani PLTGEN Nartatez.

Dagdag pa niya, mananatiling magpapakita ng maximum tolerance ang mga pulis ngunit mahigpit na ipatutupad ang batas laban sa sinumang lalabag at magdudulot ng panganib sa buhay at ari-arian.

“Kasama ng PNP ang sambayanang Pilipino. Patuloy kaming maglilingkod nang may propesyonalismo, integridad, at katarungan upang mapanatili ang katahimikan ng ating mga komunidad. Nananawagan kami sa lahat na manatiling kalmado, mapagmatyag, at masunurin sa batas,” dagdag pa ng Acting Chief PNP.

Ayon sa PNP, nakalatag na ang masusing paghahanda sa seguridad para sa mga nakatakdang kilos-protesta upang mapangalagaan ang karapatan ng mga nagpoprotesta at ang kaligtasan ng nakararami.

21/09/2025

HIGIT 50,000 PULIS ANG IDEDEPLOY PARA SA MALAWAKANG PROTESTA SA SEPTEMBER 21

Kasunod ng panawagan ni Pangulong Ferdinand R. Marcos Jr. para sa ligtas at maayos na pagpapahayag ng saloobin ng publiko, nakapaghanda ang Philippine National Police (PNP) ng mahigit 50,000 tauhan sa buong bansa upang tiyakin ang kaligtasan ng darating na protestang raliy sa Setyembre 21, 2025. Layunin ng malawakang deployment na protektahan ang mga kalahok at ang publiko habang pinapanatili ang maayos na daloy ng buhay sa mga lugar na maaapektuhan.

“Habang nirerespeto namin ang karapatan ng bawat Pilipino na maipahayag ang kanilang saloobin ng mapayapa, ang pangunahing tungkulin namin ay protektahan ang buhay at ari-arian. Handa at sinanay ang aming mga tauhan upang matiyak na magiging maayos at ligtas ang mga protesta para sa lahat,” ani Acting Chief PNP Police Lieutenant General Jose Melencio C. Nartatez Jr.

Sa kabuuan, ang deployment ay kinabibilangan ng halos 10,000 tauhan sa fixed visibility posts, higit 17,000 sa mobile patrol, mahigit 3,000 sa tulong-trapiko, mahigit 9,000 sa mga checkpoint at border control points, halos 6,000 na naka-standby para sa crowd management, mahigit 4,500 sa Rapid Special Security Force, at 415 drone operators. Sama-sama, ang mga yunit na ito ay magkatuwang upang tiyakin ang seguridad ng komunidad habang iginagalang ang karapatan ng publiko na makilahok sa mapayapang pagtitipon.

Dagdag ni Police Brigadier General Randulf T. Tuaño, PNP Spokesperson at Chief ng Public Information Office, “Gaya ng nakaraang mga protest rally, makikita at mararamdaman pa rin ang presensya ng pulis sa buong bansa. Nakahanda kaming tumugon at ipatupad pa rin maximum tolerance upang panatilihing ligtas at maayos ang bawat pagtitipon.”

Hinihikayat ng PNP ang lahat ng kalahok na ipakita ang kanilang karapatang makilahok sa mapayapang pamamaraan at ang publiko na sundin ang mga tagubilin ng pulis at mga abiso sa trapiko sa panahon ng raliy.

21/09/2025

PNP Spokesperson and Public Information Office Chief, PBGEN Randulf T. Tuaňo, assured the public that the nationwide police deployment for the September 21, 2025 protest rally is firmly in place to guarantee both safety and order.

21/09/2025

PNP TODO-HIGPIT LABAN SA PRIVATE ARMED GROUPS SA PAPALAPIT NA BARMM ELECTIONS

Sa nalalabing 27 araw bago ang Bangsamoro Autonomous Region in Muslim Mindanao (BARMM) Parliamentary Elections 2025, binigyang-diin ni Pangulong Ferdinand R. Marcos Jr. ang matatag na paninindigan ng pamahalaan na tiyakin ang mapayapa, maayos, at kapanipaniwalang halalan sa darating na Oktubre 13, 2025, sa kabila ng mga kasalukuyang isyung legal.

Bilang tugon, pinaigting ng Philippine National Police (PNP) ang mga hakbang para mapanatili ang katahimikan at protektahan ang karapatan ng bawat botante. “Malinaw ang aming tungkulin—siguraduhin na ang mga mamamayan ng BARMM ay makakaboto nang malaya at walang takot,” ani PNP Chief Police Lieutenant General Jose Melencio C. Nartatez Jr. “Mananatiling mahigpit ang aming pagiging neutral at propesyonal anuman ang tensyon sa pulitika, at ipatutupad namin ang batas nang walang kinikilingan.”

Mula Agosto 14 hanggang Setyembre 16, nakapagtala ang PNP ng 14,828 Comelec checkpoint, na nagresulta sa 22 na naaresto at 32 na nakumpiskang baril kaugnay ng umiiral na gun ban. Tuloy-tuloy din ang mga operasyon laban sa mga pribadong armadong grupo at masusing pagbabantay sa paggalaw ng mga loose firearm.

Nakahanda at operational na rin ang ating Regional Joint Security Control Center upang magbigay-daan sa agarang koordinasyon ng PNP, Armed Forces of the Philippines (AFP), at Commission on Elections (Comelec) para sa mabilis na pagtugon sa anumang insidente.

“Aktibo naming kinakausap ang mga lokal na pamahalaan, mga lider-komunidad, at iba pang pangunahing sektor upang maiwasan ang anumang posibleng tensyon,” pahayag ni PNP Spokesperson at Public Information Office Chief, Police Brigadier General Randulf T. Tuaño. “Prayoridad namin ang kaligtasan ng mga botante at ang kredibilidad ng halalan, at hindi kami papayag na may sumira sa prosesong ito.”

Tiniyak ng PNP na patuloy ang mahigpit na pagpapatrolya, pagpapatupad ng gun ban, at pagsasagawa ng inter-agency drills habang papalapit ang araw ng halalan.

21/09/2025

As the BARMM Parliamentary Elections 2025 approach, the Philippine National Police (PNP) is strengthening its preparations to ensure a safe and orderly voting process on October 13, 2025.

21/09/2025

During this morning’s press briefing, Chief PIO and PNP Spokesperson PBGEN Randulf T. Tuaño highlighted that the ongoing investigation has the explicit backing of the country’s top leadership.

21/09/2025

PNP, TINIYAK ANG KAAYUSAN SA SETYEMBRE 21 RALLY AT TRANSPORT STRIKE

Binigyang-diin ni Pangulong Ferdinand R. Marcos Jr. ang kahalagahan ng pagtugon sa mga isyu ng katiwalian at pamamahala nang may ganap na katapatan at malinaw na pananagutan, at siya mismo ang nagpasimula ng isang independiyenteng imbestigasyon kaugnay ng mga proyekto sa flood control. Kaugnay nito, tiniyak ng Philippine National Police (PNP), sa pamumuno ni Acting Chief PNP PLTGEN Jose Melencio C. Nartatez Jr., ang pagiging propesyonal at hindi pagkiling sa politika habang naghahanda para sa anti-corruption rally sa Setyembre 21 at nakatakdang tatlong araw na transport strike.

Sa isinagawang press briefing ngayong araw, iniulat ni PNP Spokesperson PBGEN Randulf T. Tuaño na naka–heightened alert ang buong PNP, partikular sa Metro Manila, at mag-aadjust ayon sa magiging sitwasyon. Aabot sa mahigit 50,000 PNP personnel sa buong bansa ang ide-deploy para sa law enforcement, checkpoint control, crowd management, at traffic assistance. Sa bilang na ito, mahigit 23,000 ang direktang nakatalaga para sa seguridad ng Setyembre 21 rally, kabilang na ang mga drone operators at traffic enforcers upang matiyak ang kaayusan at kaligtasan ng publiko.

Batay sa mga datos mula sa open sources at intelligence units, tinatayang hindi lalampas sa 10,000 ang makikilahok sa Metro Manila, subalit patuloy ang masusing pagmamanman ng PNP sa mga panawagan online. “Handa ang PNP anuman ang bilang. Ang aming deployment ay para sa kaligtasan ng publiko at para protektahan ang karapatan ng lahat ng kalahok,” ayon kay PBGEN Tuaño.

Kaugnay ng tatlong araw na transport strike, makikipagtulungan ang PNP sa LTFRB, LTO, at MMDA upang magbigay ng tulong sa mga pasahero. Maglalaan ang PNP ng 432 police vehicles sa buong bansa para sa libreng sakay, bukod pa sa mga sasakyang ibibigay ng mga lokal na pamahalaan upang matulungan ang mga manggagawa at commuters.

Sa tanong hinggil sa posibleng pag-init ng kilos-protesta dahil sa tensyon sa pulitika, mariing sinabi ni PBGEN Tuaño:
“Mananatiling propesyonal at apolitical ang PNP—ang tanging misyon namin ay ang pagpapanatili ng kapayapaan at kaayusan.”

Dagdag pa niya, mananatiling bukas ang koordinasyon sa mga organizer at ipatutupad ang maximum tolerance upang matiyak ang mapayapang pagtitipon, tulad ng naging maayos na resulta ng mga kilos-protesta noong Setyembre 12 at 13.

Sa usapin ng mga batikos na tinatawag ang pulisya na “pulis ng politiko,” mariing tugon ni Tuaño:
“Ang PNP ay mananatiling non-partisan at apolitical. Iginagalang namin ang damdamin ng bawat mamamayan, ngunit ang aming tungkulin ay ang pagpapanatili ng kapayapaan at kaayusan.”

21/09/2025

PNP ASSURES PROFESSIONALISM, PREPAREDNESS FOR SEPTEMBER 21 RALLY AND TRANSPORT STRIKE

President Ferdinand R. Marcos Jr. earlier emphasized the importance of addressing issues of corruption and governance with transparency, even initiating an independent probe into flood control projects. In line with this, the Philippine National Police, under the leadership of Acting Chief PNP PLTGEN Jose Melencio C. Nartatez Jr., assured the public of its professionalism and non-partisan stance as it prepares for the September 21 anti-corruption rally and the scheduled three-day transport strike.

During today’s press briefing, PNP Spokesperson PBGEN Randulf T. Tuaño reported that the PNP has placed its forces on heightened alert, particularly in Metro Manila, with adjustments to be made depending on developing situations. A total of more than 50,000 PNP personnel nationwide will be deployed for law enforcement, checkpoint control, traffic assistance, and crowd management. Of this number, over 23,000 personnel are directly assigned to duties related to the September 21 rally, including drone operators and traffic enforcers to ensure smooth mobility and public safety.

Crowd estimates from open sources and intelligence units suggest participation will remain below 10,000 in Metro Manila, though the PNP is closely monitoring online mobilization calls. “Regardless of the numbers, the PNP is ready. Our deployment ensures both public safety and the protection of participants’ rights,” PBGEN Tuaño said.

In relation to the three-day transport strike, the PNP will support government agencies, including LTFRB, LTO, and MMDA, to provide assistance to commuters. A total of 432 police vehicles nationwide will be made available for libreng sakay (free rides), in addition to LGU support units, to mitigate the impact on workers and the commuting public.

When asked about concerns that the rally might escalate due to political tensions, PBGEN Tuaño stressed:
“The PNP stays professional and apolitical—our only mission is peace and order.”

He further assured the public that maximum tolerance will be exercised and open coordination with rally organizers will be prioritized to ensure peaceful assemblies, similar to the outcome of the September 12 and 13 protests.

On criticisms labeling the police as “pulis ng politiko,” Tuaño firmly responded:
“The PNP will remain non-partisan and apolitical. We respect the sentiments of every citizen, but our role will always be the preservation of peace and order.”

21/09/2025

PNP NANATILING HANDA SA BARMM ELECTIONS SA KABILA NG SUSPENSYON

Sa utos ni Pangulong Ferdinand R. Marcos Jr., mahigpit na binabantayan ng mga ahensya ng pamahalaan ang Temporary Restraining Order (TRO) na inilabas ng Korte Suprema na nag-udyok sa Commission on Elections (Comelec) na ipatigil ang lahat ng paghahanda para sa Bangsamoro Parliamentary Elections (BAMMPE) 2025 na nakatakda sana sa Oktubre 13.

Kahit may kautusan ang COMELEC, tiniyak ng Philippine National Police (PNP) na tuloy-tuloy ang kanilang paghahanda para sa seguridad upang matiyak ang ligtas at maayos na halalan sa oras na ito ay pahintulutan nang ituloy.

Binigyang-diin ni Acting Chief PNP PLTGEN Jose Melencio C. Nartatez Jr., "Nirerespeto at sinusunod namin ang desisyon ng Korte Suprema gayundin ang resolusyon ng COMELEC na pansamantalang ihinto ang paghahanda. Responsibilidad ng PNP na panatilihin ang kapayapaan at kaayusan sa rehiyon, at nananatili kaming handa upang tiyakin ang seguridad ng halalan sa oras na ito ay payagan nang ipagpatuloy.”

Ipinag-utos ni PLTGEN Nartatez sa lahat ng yunit ng pulisya sa Bangsamoro Autonomous Region in Muslim Mindanao (BARMM) na manatiling nasa mataas na antas ng alerto at ipagpatuloy ang koordinasyon sa COMELEC, Armed Forces of the Philippines, at mga lokal na pamahalaan.

Dagdag ni PNP Spokesperson PBGEN Randulf T. Tuaño, “Hindi nagbabago ang tungkulin ng PNP kahit may pansamantalang paghinto. Patuloy kaming nakikipag-ugnayan sa iba’t ibang ahensya upang tiyakin ang kapayapaan at seguridad sa buong rehiyon. Iginagalang namin ang desisyon ng korte at nananatiling handa ang ating kapulisan sa oras na ituloy ang halalan.”

Kabilang sa mga contingency plan ng PNP ang mas pinaigting na intelligence monitoring, maayos na deployment planning, at malapit na pakikipag-ugnayan sa mga lokal na peace and order council upang maiwasan ang anumang banta sa seguridad habang nakabinbin ang halalan.

21/09/2025

PNP STAYS ELECTION-READY DESPITE BARMM POLL SUSPENSION

By order of President Ferdinand R. Marcos Jr., government agencies are closely monitoring the Supreme Court’s Temporary Restraining Order (TRO) that prompted the Commission on Elections (COMELEC) to suspend preparations for the October 13 Bangsamoro Parliamentary Elections (BAMMPE) 2025.

Despite the COMELEC directive, the Philippine National Police (PNP) assured the public that its security preparations remain in full swing to guarantee a safe and orderly electoral process once the polls are allowed to proceed.

Acting Chief PNP PLTGEN Jose Melencio C. Nartatez Jr. stated, “We fully respect the Supreme Court’s decision and the COMELEC resolution to suspend election preparations. Our duty is to maintain peace and security in the region, and we will sustain our readiness so that once the green light is given, we are prepared to secure the elections.”

PLTGEN Nartatez has instructed all police units in the Bangsamoro Autonomous Region in Muslim Mindanao (BARMM) to stay on heightened alert and maintain close coordination with the COMELEC, the Armed Forces of the Philippines, and local government units.

Supporting this, PNP Spokesperson and Public Information Office Chief PBGEN Randulf T. Tuaño said, “The PNP’s mandate does not change with the suspension. We will continue to work with stakeholders to safeguard communities and protect the democratic process. Respecting the court’s ruling is essential, but so is ensuring that we are ready when the elections are rescheduled or allowed to proceed.”

The PNP’s contingency measures include intensified intelligence monitoring, detailed deployment planning, and continued coordination with local peace and order councils to deter any potential security threats while the polls remain on hold.

Address


Website

Alerts

Be the first to know and let us send you an email when Sgt. BantayTubig posts news and promotions. Your email address will not be used for any other purpose, and you can unsubscribe at any time.

Shortcuts

  • Want your practice to be the top-listed Clinic?

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram