Provincial Health Office Romblon, PHO Building, RPH Compound Liwanag, Romblon, Odiongan (2026)

24/04/2026

📍 Gastrointestinal Medical Mission in Romblon

Kasalukuyang isinasagawa ang Gastrointestinal Medical Mission na naglalayong maghatid ng serbisyong pangkalusugan para sa maagang pagtukoy at pag-iwas sa mga sakit sa digestive system. Isinasagawa ang libreng konsultasyon at piling procedures tulad ng colonoscopy at endoscopy para sa mga benepisyaryo.

Layunin ng gawaing ito na mapalawak ang kaalaman ng komunidad tungkol sa kahalagahan ng regular na screening, maagang diagnosis, at tamang gamutan. Sa pamamagitan ng ganitong inisyatibo, patuloy na inilalapit ang serbisyong medikal sa mas maraming mamamayan ng Romblon.

Ang programang ito ay hatid ng Provincial Government of Romblon, katuwang ang Executive Screening Center – Centuria Medical Makati at MERIJR Enterprise, at sa koordinasyon ni SP Irene Morgado. Maraming salamat sa lahat ng patuloy na sumusuporta at nakikiisa sa mga programang pangkalusugan para sa ating lalawigan.

24/04/2026

📍 Regional Field Monitoring for Strengthened Local Health Systems

Kahapon, Abril 22, 2026 (Miyerkules), nagsagawa ang mga kinatawan ng Department of Health (DOH) Regional Office ng Regional Field Monitoring on Local Health System Maturity Level (LHSML) kasama ang mga program managers ng Provincial Health Office (PHO), sa pangunguna ng PHO-OIC na si Dr. Lino Marcus M. Viola.

Ang aktibidad na ito ay bahagi ng pagpapatupad ng DOH Administrative Order No. 2020-0037 na naglalayong subaybayan at palakasin ang integrasyon ng mga lokal na health systems tungo sa Province/City-wide Health Systems (P/CWHS) alinsunod sa Universal Health Care (UHC).

Sa isinagawang monitoring, tinalakay ang performance assessment ng mga health facilities tulad ng RHUs at hospitals, ang formulation ng Annual Investment Plan (AIP) at Annual Operational Plan (AOP), at iba’t ibang teknikal na aspeto ng implementasyon ng mga programa kabilang ang pagpapalakas ng HEPU/PESU. Binigyang-diin din ang kahalagahan ng maayos na data reporting at monitoring systems, pag-align ng mga plano sa lokal at nasyonal na prayoridad, at ang patuloy na capacity building ng mga health workers.

Layunin ng aktibidad na mapatatag ang koordinasyon ng bawat yunit at masiguro ang episyente, organisado, at dekalidad na serbisyong pangkalusugan para sa lalawigan ng Romblon.

22/04/2026

📢 Pagpapalakas at Pagpapatibay ng ating mga Kasamahan sa Barangay

Ginanap kahapon, Abril 21, 2026 (Martes), ang isang mahalagang Consultative Meeting na dinaluhan ng mga kinatawan mula sa Department of Health (DOH) Region, Provincial DOH Office, Provincial Health Office, at Barangay Health Worker (BHW) Federation Officers.

Layunin ng pagpupulong na suriin ang kasalukuyang kalagayan ng mga BHW sa Romblon at bigyang-prayoridad ang kanilang Securities and Exchange Commission (SEC) Registration. Sa pamamagitan nito, inaasahang mas mapapalakas ang kanilang organisasyon, mapapabuti ang estruktura at mga proseso, at higit pang mapahusay ang serbisyong pangkalusugan para sa komunidad.

Patuloy ang ating sama-samang pagkilos tungo sa isang mas matatag, organisado, at episyenteng serbisyong pangkalusugan para sa bawat Romblomanon.

20/04/2026

𝗣𝗔𝗥𝗔 𝗦𝗔 𝗞𝗔𝗔𝗟𝗔𝗠𝗔𝗡 𝗡𝗚 𝗣𝗨𝗕𝗟𝗜𝗞𝗢: 𝗠𝗮𝗴𝘀𝗮𝘀𝗮𝗴𝗮𝘄𝗮 𝗻𝗴 𝗠𝗲𝗱𝗶𝗰𝗮𝗹 𝗮𝗻𝗱 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻 𝗮𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗢𝗯𝘀𝘁𝗲𝘁𝗿𝗶𝗰𝗮𝗹 𝗮𝗻𝗱 𝗚𝘆𝗻𝗲𝗰𝗼𝗹𝗼𝗴𝗶𝗰𝗮𝗹 𝗦𝗼𝗰𝗶𝗲𝘁𝘆 - 𝗦𝗼𝘂𝘁𝗵𝗲𝗿𝗻 𝗟𝘂𝘇𝗼𝗻 𝗖𝗵𝗮𝗽𝘁𝗲𝗿 (𝗣𝗢𝗚𝗦-𝗦𝗟𝗖) 𝗸𝗮𝘁𝘂𝘄𝗮𝗻𝗴 𝗮𝗻𝗴 𝗣𝗮𝗺𝗮𝗵𝗮𝗹𝗮𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝗻𝗴 𝗥𝗼𝗺𝗯𝗹𝗼𝗻 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗔𝗽𝗿𝗶𝗹 𝟭𝟴-𝟮𝟭, 𝟮𝟬𝟮𝟲.

Narito ang mahahalagang detalye para sa mga nais makabahagi:

𝗠𝗚𝗔 𝗦𝗘𝗥𝗕𝗜𝗦𝗬𝗢𝗡𝗚 𝗛𝗔𝗡𝗗𝗢𝗚:
• 𝗠𝗲𝗱𝗶𝗰𝗮𝗹 𝗦𝗲𝗿𝘃𝗶𝗰𝗲𝘀: Libreng prenatal check-up, ultrasound, Implanon insertion, at Cervical Cancer screening.
• 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻: Libreng operasyon sa matris at obaryo (gaganapin sa Romblon District Hospital).
• 𝗘𝗱𝘂𝗰𝗮𝘁𝗶𝗼𝗻𝗮𝗹 𝗟𝗲𝗰𝘁𝘂𝗿𝗲: Pagtalakay sa kalusugan para sa mga kabataang edad 11-17.

𝗟𝗢𝗞𝗔𝗦𝗬𝗢𝗡 𝗔𝗧 𝗦𝗞𝗘𝗗𝗬𝗨𝗟:
• 𝗔𝗽𝗿𝗶𝗹 𝟮𝟬: Sibuyan District Hospital at Cajidiocan Multipurpose Hall
• 𝗔𝗽𝗿𝗶𝗹 𝟭𝟴: Admission Date Romblon District Hospital
• 𝗔𝗽𝗿𝗶𝗹 𝟭𝟵-𝟮𝟭: Surgical Mission sa Romblon District Hospital
• 𝗔𝗽𝗿𝗶𝗹 𝟮𝟭: Romblon District Hospital

𝗣𝗔𝗔𝗡𝗢 𝗠𝗔𝗚𝗣𝗔𝗥𝗘𝗛𝗜𝗦𝗧𝗥𝗢?
Pinapayuhan ang mga nais makinabang sa programa na magtungo sa Sibuyan District Hospital o sa mga Rural Health Units (RHU) sa inyong sariling barangay para sa screening at pagpapatala.

Para sa mga karagdagang impormasyon o katanungan, maaaring makipag-ugnayan sa mga sumusunod na numero:

• 𝗥𝗼𝗺𝗯𝗹𝗼𝗻 𝗗𝗶𝘀𝘁𝗿𝗶𝗰𝘁 𝗛𝗼𝘀𝗽𝗶𝘁𝗮𝗹 (𝗥𝗗𝗛): 𝟬𝟵𝟰𝟱-𝟴𝟳𝟱-𝟵𝟳𝟵𝟰
• 𝗦𝗶𝗯𝘂𝘆𝗮𝗻 𝗗𝗶𝘀𝘁𝗿𝗶𝗰𝘁 𝗛𝗼𝘀𝗽𝗶𝘁𝗮𝗹 (𝗦𝗗𝗛): 𝟬𝟵𝟯𝟲-𝟵𝟱𝟱-𝟬𝟲𝟲𝟳

Ang aktibidad na ito ay bahagi ng adbokasiya ni Gov. Trina Firmalo-Fabic na mailapit ang de-kalidad na serbisyong medikal sa bawat Romblomanon.

17/04/2026

📢 HIV Awareness sa Romblon

Mula 2007 hanggang December 2025, may naitalang 201 HIV cases sa probinsya ng Romblon. Karamihan sa mga kaso ay mula sa mga lalaki (193) at nasa edad 25–34 taong gulang (99 cases).

Pinakamataas na mode of transmission ang male having s*x with males (113 cases).

⚠️ Ipinapakita ng datos na ang kabataan at young adults ang pinakaapektado.

💡 Ang HIV ay maiiwasan at magagamot kung maagapan.
Alamin ang tamang impormasyon, umiwas sa stigma, at suportahan ang mga taong may HIV.

❤️ Ang kaalaman ay proteksyon. Ang pag-aalaga sa sarili ay pag-aalaga sa komunidad.

16/04/2026

𝗣𝗔𝗥𝗔 𝗦𝗔 𝗞𝗔𝗔𝗟𝗔𝗠𝗔𝗡 𝗡𝗚 𝗣𝗨𝗕𝗟𝗜𝗞𝗢: 𝗠𝗮𝗴𝘀𝗮𝘀𝗮𝗴𝗮𝘄𝗮 𝗻𝗴 𝗠𝗲𝗱𝗶𝗰𝗮𝗹 𝗮𝗻𝗱 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻 𝗮𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗢𝗯𝘀𝘁𝗲𝘁𝗿𝗶𝗰𝗮𝗹 𝗮𝗻𝗱 𝗚𝘆𝗻𝗲𝗰𝗼𝗹𝗼𝗴𝗶𝗰𝗮𝗹 𝗦𝗼𝗰𝗶𝗲𝘁𝘆 - 𝗦𝗼𝘂𝘁𝗵𝗲𝗿𝗻 𝗟𝘂𝘇𝗼𝗻 𝗖𝗵𝗮𝗽𝘁𝗲𝗿 (𝗣𝗢𝗚𝗦-𝗦𝗟𝗖) 𝗸𝗮𝘁𝘂𝘄𝗮𝗻𝗴 𝗮𝗻𝗴 𝗣𝗮𝗺𝗮𝗵𝗮𝗹𝗮𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝗻𝗴 𝗥𝗼𝗺𝗯𝗹𝗼𝗻 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗔𝗽𝗿𝗶𝗹 𝟭𝟴-𝟮𝟭, 𝟮𝟬𝟮𝟲.
Narito ang mahahalagang detalye para sa mga nais makabahagi:
𝗠𝗚𝗔 𝗦𝗘𝗥𝗕𝗜𝗦𝗬𝗢𝗡𝗚 𝗛𝗔𝗡𝗗𝗢𝗚:
• 𝗠𝗲𝗱𝗶𝗰𝗮𝗹 𝗦𝗲𝗿𝘃𝗶𝗰𝗲𝘀: Libreng prenatal check-up, ultrasound, Implanon insertion, at Cervical Cancer screening.
• 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻: Libreng operasyon sa matris at obaryo (gaganapin sa Romblon District Hospital).
• 𝗘𝗱𝘂𝗰𝗮𝘁𝗶𝗼𝗻𝗮𝗹 𝗟𝗲𝗰𝘁𝘂𝗿𝗲: Pagtalakay sa kalusugan para sa mga kabataang edad 11-17.
𝗟𝗢𝗞𝗔𝗦𝗬𝗢𝗡 𝗔𝗧 𝗦𝗞𝗘𝗗𝗬𝗨𝗟:
• 𝗔𝗽𝗿𝗶𝗹 𝟮𝟬: Sibuyan District Hospital at Cajidiocan Multipurpose Hall
• 𝗔𝗽𝗿𝗶𝗹 𝟭𝟴: Admission Date Romblon District Hospital
• 𝗔𝗽𝗿𝗶𝗹 𝟭𝟵-𝟮𝟭: Surgical Mission sa Romblon District Hospital
• 𝗔𝗽𝗿𝗶𝗹 𝟮𝟭: Romblon District Hospital
𝗣𝗔𝗔𝗡𝗢 𝗠𝗔𝗚𝗣𝗔𝗥𝗘𝗛𝗜𝗦𝗧𝗥𝗢?
Pinapayuhan ang mga nais makinabang sa programa na magtungo sa Sibuyan District Hospital o sa mga Rural Health Units (RHU) sa inyong sariling barangay para sa screening at pagpapatala.
Para sa mga karagdagang impormasyon o katanungan, maaaring makipag-ugnayan sa mga sumusunod na numero:
• 𝗥𝗼𝗺𝗯𝗹𝗼𝗻 𝗗𝗶𝘀𝘁𝗿𝗶𝗰𝘁 𝗛𝗼𝘀𝗽𝗶𝘁𝗮𝗹 (𝗥𝗗𝗛): 𝟬𝟵𝟰𝟱-𝟴𝟳𝟱-𝟵𝟳𝟵𝟰
• 𝗦𝗶𝗯𝘂𝘆𝗮𝗻 𝗗𝗶𝘀𝘁𝗿𝗶𝗰𝘁 𝗛𝗼𝘀𝗽𝗶𝘁𝗮𝗹 (𝗦𝗗𝗛): 𝟬𝟵𝟯𝟲-𝟵𝟱𝟱-𝟬𝟲𝟲𝟳
Ang aktibidad na ito ay bahagi ng adbokasiya ni Gov. Trina Firmalo-Fabic na mailapit ang de-kalidad na serbisyong medikal sa bawat Romblomanon.

14/04/2026

‼️ DOH, TULOY-TULOY ANG SERBISYONG MEDIKAL PARA SA MGA REPATRIATED OFW; MAHIGIT 300 MULA ABU DHABI, SINALUBONG‼️
Detalye sa comment section.

13/04/2026

📢 LIBRENG KONSULTA, COLONOSCOPY AT ENDOSCOPY!

Magandang balita para sa mga may gastrointestinal (GI) problems tulad ng:
pananakit ng tiyan, acid reflux, hirap sa pagdumi, dugo sa dumi, at iba pang problema sa tiyan at bituka.

🩺 LIBRENG KONSULTASYON
📅 April 24 (Biyernes)
📍 Romblon Provincial Hospital

🔬 LIBRENG COLONOSCOPY AT ENDOSCOPY PROCEDURE
📅 April 25 (Sabado)
📍 Romblon Provincial Hospital

📌 PARA SA EVALUATION AT CLEARANCE:
Pumunta sa pinakamalapit na Health Center / RHU para sa referral at laboratory.
Hintayin ang tawag para sa inyong schedule sa
Romblon Provincial Hospital (RPH) OPD.

🏥 INITIAL EVALUATION:
Magtungo sa:
OPD – Romblon Provincial Hospital

ℹ️ KARAGDAGANG IMPORMASYON:
Ang programang ito ay hatid ng Society of Gastroenterologists,
sa pangunguna ni Dr. Oscar Cabahug, na naglalayong makatulong sa mga pasyenteng may problema sa gastrointestinal tract.

✅ PAALALA:
Limitado lamang ang slots, kaya maagang magpatingin at magparehistro sa OPD.

🤝 IN PARTNERSHIP WITH:
SP Irene Morgado Ortiz

📞 CONTACT DETAILS:
📱 Hotline: 0956-297-1595
📱 RPH Medical Mission: 0967-138-6437 / 0915-971-2157
📧 Email: phoromblon2025@gmail.com
📘 Provincial Health Office

07/04/2026

𝐓𝐈𝐍𝐆𝐍𝐀𝐍 | Tagumpay ang TB, HIV, at Paragonimiasis Active Case Finding at Medical Caravan sa Romblon

Matagumpay na naitala ang pagtatapos ng halos isang buwang TB, HIV, at Paragonimiasis Active Case Finding at Medical Caravan sa buong Lalawigan ng Romblon, bilang pakikiisa sa pagdiriwang ng World TB Day.

Sa tulong ng sama-samang pagkilos ng ating mga health workers, partner agencies gaya ng Philippine Business for Social Progress (PBSP), DOH, at ng lokal na pamahalaan, naabot ng programa ang 17 bayan ng Romblon pati na ang dalawang (2) District Jail. Layunin nito na maghatid ng mga libreng serbisyong medikal kabilang ang x-ray, laboratory, screening, konsulta, at pagbibigay ng impormasyong pangkalusugan para sa mga kababayan.

Umabot sa kabuuang 5,144 na Romblomanon ang matagumpay na nabigyan ng libreng serbisyong medikal sa ilalim ng nasabing inisyatiba.

Patunay ito na kapag nagkakaisa ang komunidad, mas napapalakas ang laban kontra TB, HIV, at iba pang sakit, at mas napapalapit ang serbisyong pangkalusugan sa bawat mamamayan. Hangad ng Pamahalaang Panlalawigan ng Romblon ang patuloy na pag-unlad ng kalusugan ng bawat Romblomanon.

Nagpapaabot ng pasasalamat ang pamahalaan sa lahat ng naging bahagi ng programang ito sa mga health workers, volunteers, partners, at sa mga kababayang nakiisa. Sama-sama nating ipagpatuloy ang adhikaing malusog na Romblon para sa lahat. 💙

07/04/2026

Naganap ang 2nd Quarter Meeting ng Provincial Health Office, na nagsilbing mahalagang pagkakataon upang talakayin ang mga programa, updates, at mga susunod na hakbang para sa patuloy na pagpapalakas ng serbisyong pangkalusugan sa Lalawigan ng Romblon.

Pinag-usapan sa pagpupulong ang mga mahahalagang usapin, accomplishments, at mga hamon na kinakaharap ng ating health sector, kasabay ng pagpaplano ng mga estratehiya upang mas mapabuti pa ang paghahatid ng dekalidad at abot-kayang serbisyong pangkalusugan sa ating mga kababayan.

Patuloy ang ating sama-samang pagtutulungan para sa iisang layunin — ang mas malusog na komunidad para sa bawat
Romblomanon. 💙

06/04/2026

𝐓𝐈𝐍𝐆𝐍𝐀𝐍 | DOH MIMAROPA, Pinalalakas ang Serbisyong Pangkalusugan sa Romblon

Patuloy na pinalalakas ng DOH MIMAROPA Center for Health Development ang pakikipagtulungan nito sa Pamahalaang Panlalawigan ng Romblon upang mas mapabuti ang serbisyong pangkalusugan sa lalawigan.

Sa pangunguna ni Regional Director Dr. Rodolfo Antonio M. Albornoz, nagsagawa ang DOH MIMAROPA ng health facility visits at coordination meeting kasama ang pamahalaang panlalawigan sa pamumuno ni Governor Trina Firmalo-Fabic, katuwang ang Provincial Health Office at Provincial DOH Office.

Binisita ang mga pangunahing ospital sa Romblon, kabilang ang Romblon District Hospital (RDH), Tablas Island District Hospital (TIDH), Don Modesto Formilleza Sr. Memorial Hospital (DMFSMH), at Romblon Provincial Hospital (RPH) upang makita ang kanilang kalagayan, matukoy ang mga pangangailangan, at makapagbigay ng agarang tulong teknikal.

Sa isinagawang meeting, ibinahagi ng lalawigan ang kanilang mga hakbang upang mapalakas ang emergency response system, tulad ng pag-aaral sa posibleng patient airlift services at pagsasanay ng mga ambulance personnel bilang Emergency Medical Technicians (EMTs). Tinalakay rin ang paglalagay ng health services sa mga tourist areas tulad ng Bon Bon Beach upang masiguro ang kaligtasan ng mga residente at turista.

Nagbigay din ang DOH MIMAROPA ng technical assistance sa mga ospital, kabilang ang paghahanda para sa License to Operate at ang pagbuo ng mga specialized services. Patuloy ding mino-monitor ang mga infrastructure projects sa ilalim ng Health Facility Enhancement Program upang matiyak ang maayos at napapanahong pagkumpleto ng mga ito.

Kasabay nito, pinagtibay ang implementasyon ng Medical Assistance to Indigent and Financially Incapacitated Patients Program (MAIFIPP), na layong mapabilis at mapalawak ang pagbibigay ng tulong medikal sa mga nangangailangang pasyente.

Binigyang-diin din ang kahalagahan ng sapat at maayos na deployment ng mga health workers, pati na ang patuloy na pagsasanay upang higit pang mapahusay ang kanilang kakayahan, lalo na sa critical care.

Sa pamamagitan ng tuloy-tuloy na koordinasyon at pagtutulungan, layunin ng DOH MIMAROPA at ng Pamahalaang Panlalawigan ng Romblon na makapaghatid ng dekalidad, accessible, at makataong serbisyong pangkalusugan para sa bawat Romblomanon.

“𝑺𝒂 𝑩𝒂𝒈𝒐𝒏𝒈 𝑷𝒊𝒍𝒊𝒑𝒊𝒏𝒂𝒔, 𝑩𝒂𝒘𝒂𝒕 𝑩𝒖𝒉𝒂𝒚 𝑴𝒂𝒉𝒂𝒍𝒂𝒈𝒂;
𝑲𝒂𝒍𝒖𝒔𝒖𝒈𝒂𝒏 𝒔𝒂 𝒎𝒈𝒂 𝑰𝒔𝒍𝒂, 𝑲𝒂𝒚𝒂𝒎𝒂𝒏𝒂𝒏 𝒏𝒈 𝑴𝑰𝑴𝑨𝑹𝑶𝑷𝑨.”

Provincial Health Office Romblon

24/04/2026

24/04/2026

22/04/2026

20/04/2026

17/04/2026

16/04/2026

14/04/2026

13/04/2026

07/04/2026

07/04/2026

06/04/2026

Address

Website

Alerts

Contact The Practice

Shortcuts

Share

Category