https://www.facebook.com/484081804789884/

Nutrisyong BangkHusay: Kaagapay ang Barangay Otso Para sa Nutrisyong Panalo, Barangay 8 Bangkusay, Paete (2025)

16/07/2025

🌸📜 𝐈𝐊𝐀WALONG 𝐆𝐀𝐁𝐀𝐘 📜🌸 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮:
𝑾𝑨𝑺𝑯 (𝑾𝒂𝒕𝒆𝒓 𝑺𝒂𝒏𝒊𝒕𝒂𝒕𝒊𝒐𝒏 𝒂𝒏𝒅 𝑯𝒚𝒈𝒊𝒆𝒏𝒆) 𝑷𝒓𝒐𝒋𝒆𝒄𝒕

Malinis na Tubig, Sarili, at Paligid, Pangunahing Sandata Laban sa Sakit!

Ayon sa United Nations Children’s Fund (UNICEF) noong 2023, halos 829,000 tao ang namamatay kada taon dahil sa mga sakit na dulot ng hindi ligtas na tubig, kakulangan sa kalinisan ng kapaligiran, at hindi maayos na personal na kalinisan.

Ang pag-iwas sa mga ganitong sakit ay nagsisimula sa pagpapanatili ng malinis na katawan. Gayunpaman, hindi lamang ito natatapos sa personal na kalinisan. Kagaya ng itinuturo ng Proyektong WASH o Safe Water, Hygiene, and Sanitation Project, mahalaga rin ang malinis na tubig at kapaligiran upang masiguro ang kaligtasan laban sa mga sakit na dulot ng kakulangan sa sanitasyon.

Noong nakaraang buwan, inilunsad sa Barangay 8 - Bangkusay ang proyektong WASH na pinamagatang “WASH Today, Safe All the Way!” para sa mga batang nag-aaral sa Daycare Center. Pinangunahan ito ng mga Practicum Students ng BS Nutrition mula sa UPLB, katuwang ang Barangay Nutrition Scholar (BNS) na si Ms. Grace Den Bathan at Daycare Teacher, Ma’am Fatima Valdellon. Layunin ng proyektong ito na ituro ang tamang kalinisan sa katawan at kapaligiran.

Bukod dito, isinagawa rin sa barangay ang programang “Kamalayan sa Patubig,” na naglalayong masiguro ang kalinisan ng tubig-inumin ng mga residente, lalo ko na ang free-flowing na pinagkukunang-tubig mula sa apat na lokasyon sa barangay.

Tingnan ang poster sa ibaba para sa iba’t ibang aktibidad na bahagi ng Proyektong WASH. Abangan din ang iba pang inisyatibang pangkalinisan at pangkalusugan para sa isang mas ligtas, malinis, at healthy na Barangay Bangkusay!

𝑷𝒂𝒏𝒈𝒘𝒂𝒍𝒐𝒏𝒈 𝑮𝒂𝒃𝒂𝒚 𝒑𝒂𝒓𝒂 𝒔𝒂 𝑯𝒆𝒂𝒍𝒕𝒉𝒚 𝑩𝒂𝒏𝒈𝒌𝒖𝒔𝒂𝒚
#𝑩𝑨𝑵𝑮𝑲𝒉𝑼𝑺𝑨𝒀

12/07/2025

🌸📜 𝐈𝐊𝐀PITONG 𝐆𝐀𝐁𝐀𝐘 📜🌸 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: DEWORMING

Alam niyo ba na tuwing buwan ng Enero at Hulyo ay ginugunita ang National Deworming Month?

Kasabay nito ang paghikayat sa lahat na sumailalim sa deworming o pagpurga nang mawala ang mga parasito tulad ng bulate sa katawan ng tao.

Ang bulate o soil-transmitted helminths ay maaaring makuha mula sa lupa. Ang ilan sa mga sintomas ng pagkakaroon ng bulate sa tiyan ay ang kawalan ng gana kumain, pananakit ng tiyan, pagsusuka, pamumutla, at pagbaba ng timbang.

Ang deworming o pagpupurga ay isang paraan upang mapuksa ang mga bulate sa loob ng bituka ng isang tao sa pamamagitan ng pag-inom ng gamot. Ang gamot na pamurga ay ligtas, mabisa, at libre.

Makilahok sa deworming activities ng ating lokal na pamahalaan upang maiwasan ang mga sakit na dulot ng bulate sa tiyan.

𝑷𝒂𝒎𝒑𝒊𝒕𝒐𝒏𝒈 𝑮𝒂𝒃𝒂𝒚 𝒑𝒂𝒓𝒂 𝒔𝒂 𝑯𝒆𝒂𝒍𝒕𝒉𝒚 𝑩𝒂𝒏𝒈𝒌𝒖𝒔𝒂𝒚
#𝑩𝑨𝑵𝑮𝑲𝒉𝑼𝑺𝑨𝒀

10/07/2025

🌸📜 𝐈𝐊𝐀𝐀NIM NA 𝐆𝐀𝐁𝐀𝐘 📜🌸 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: NON- COMMUNICABLE DISEASES

NON-COMMUNICABLE DISEASES AY MAIIWASAN, KUNG LAHAT TAYO'Y SUSUNOD SA MGA PARAAN NA NASA IBABA👇🏼👇🏼👇🏼

Ang pagkakaroon ng Non-Communicable Diseases (NCDs) ay maituturing na lubhang mapanganib sa paraang kaya nitong kumitil ng buhay lalo na ng mga matatanda o adulto na Pilipino.

Marahil palaisipan sa nakararami kung ang mga NCD ba ay nakakahawa at kung ang mga taong mayroon nito ay may kakayahang ipasa ito sa iba. Ang tamang sagot ay HINDI.

Ito ay nakukuha sa pamamagitan ng pagkakaroon ng hindi malusog na istilo ng pamumuhay na sumasaklaw sa paraan ng pagkain, uri ng pisikal na aktibidad, bisyong nakalakhan, at stress na nararanasan.

Suriin ang imahe na nasa ibaba upang makakuha ng impormasyon ukol sa NCD. Ilan dito ay ang kahulugan nito; bilang ng mga Pilipinong nakakaranas nito; mga pangunahing uri; at ang pinakaimportante ay ang mga paraan na maaaring isagawa ng mga tao nang sa gayon ay maiwasan ang pagkakaroon nito.
Tandaan, ang pagkakaroon ng healthy lifestyle ang pangunahing layunin at dapat makamtan ng lahat ng tao upang mabawasan ang panganib ng pagkakaroon ng NCD.

𝑷𝒂𝒏𝒈-𝒂𝒏𝒊𝒎 𝒏𝒂 𝑮𝒂𝒃𝒂𝒚 𝒑𝒂𝒓𝒂 𝒔𝒂 𝑯𝒆𝒂𝒍𝒕𝒉𝒚 𝑩𝒂𝒏𝒈𝒌𝒖𝒔𝒂𝒚

10/07/2025

🌸📜 𝐈𝐊𝐀LIMANG 𝐆𝐀𝐁𝐀𝐘 📜🌸 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: PISIKAL NA AKTIBIDAD

🎶𝙈𝙖𝙜-𝙚𝙭𝙚𝙧𝙘𝙞𝙨𝙚 𝙩𝙖𝙮𝙤 𝙩𝙪𝙬𝙞𝙣𝙜 𝙪𝙢𝙖𝙜𝙖
𝙏𝙪𝙬𝙞𝙣𝙜 𝙪𝙢𝙖𝙜𝙖, 𝙩𝙪𝙬𝙞𝙣𝙜 𝙪𝙢𝙖𝙜𝙖
𝙈𝙖𝙜-𝙚𝙭𝙚𝙧𝙘𝙞𝙨𝙚 𝙩𝙖𝙮𝙤 𝙩𝙪𝙬𝙞𝙣𝙜 𝙪𝙢𝙖𝙜𝙖
𝙐𝙥𝙖𝙣𝙜 𝙖𝙣𝙜 𝙠𝙖𝙩𝙖𝙬𝙖𝙣 𝙣𝙖𝙩𝙞𝙣 𝙖𝙮 𝙨𝙪𝙢𝙞𝙜𝙡𝙖 🎶

Gaano ka katagal at kadalas nag-eehersisyo?

ALAM 'NYO BA?
Tanging 41% ng mga matatandang Pilipino ang hindi nagsasagawa ng sapat na ehersisyo.

Ang pagsasagawa ng mga pisikal na aktibidad ay nagdudulot ng maraming benepisyo sa ating katawan. Benepisyong hindi lamang pang anatomiya o para sa mga organ sa loob ng katawan, kundi makikita rin ang panlabas na manipestasyon tulad ng pagkontrol ng timbang.

Suriin ang larawan sa ibaba upang malaman ang rekomendasyon na pisikal na aktibidad para sa mga bata hanggang sa matandang edad. Alamin din kung anu-ano ang mga posible at simpleng mga aktibidad na maaaring gawin ng mga miyembro ng pamilya sa inyong tahanan upang makamtan ang abot-kaya, ligtas, at epektibong pisikal na aktibidad.

Tandaan, upang maisagawa ang mga pang-araw-araw na gawain, nararapat lamang na tayo ay magkaroon ng lakas ng katawan, at ang lakas ng katawan ay makakamit sa tulong ng wastong pagkain at pisikal na aktibidad.

08/07/2025

🌸📜 𝐈𝐊𝐀𝐀𝐏𝐀𝐓 𝐍𝐀 𝐆𝐀𝐁𝐀𝐘 📜🌸 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: 𝗙𝗮𝗺𝗶𝗹𝘆 𝗣𝗹𝗮𝗻𝗻𝗶𝗻𝗴

Alam mo ba na ang family planning ay may mahalagang papel sa kalusugan ng ina, sanggol, at buong pamilya? 👨‍👩‍👧‍👦✨ Nakakatulong ito sa tamang agwat ng panganganak, pag-iwas sa hindi planadong pagbubuntis, at pagbabawas ng panganib ng malnutrisyon.

Sa pamamagitan ng family planning, naiiwasan ang:
✅ Delikadong pagbubuntis 🤰🚫
✅ Teenage pregnancies 👩‍🎓
✅ Sexually transmitted diseases 🛑🦠
✅ Malnutrisyon sa ina at anak 🍎🥦

Maraming pagpipilian pagdating sa family planning! Mayroong hormonal na kontraseptibo, intrauterine device (IUD), condoms, emergency contraception, at natural na pamamaraan tulad ng Lactational Amenorrhea Method (LAM). Piliin ang pinakamainam na paraan para sa iyong pamilya at hinaharap! 💖

Ang tamang pagpaplano ay daan tungo sa mas malusog at mas maunlad na kinabukasan. 🌱💡

07/07/2025

🌱📜 𝐈𝐊𝐀𝐓𝐋𝐎𝐍𝐆 𝐆𝐀𝐁𝐀𝐘 📜🌱 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: 𝗜𝗼𝗱𝗶𝘇𝗲𝗱 𝗦𝗮𝗹𝘁

Alam mo ba na ang 𝗜𝗼𝗱𝗶𝗻𝗲 ay mahalaga sa ating katawan? 💡 Ito ay tumutulong sa tamang paglaki, pag-unlad ng utak, at pagpapanatili ng malusog na thyroid gland! Ngunit, marami pa rin ang hindi nakakatanggap ng sapat na iodine sa kanilang pagkain, na maaaring humantong sa goiter, panghihina ng katawan, at mahinang kakayahang mag-isip lalo na sa mga bata.

Labanan natin ang kakulangan sa yodo sa pamamagitan ng paggamit ng iodized salt. Suriing mabuti ang asin na ating bibilhin at piliin ang mga asin na may “iodized salt”, “source of iodine”, “fortified with iodine”, o Saktong Iodine sa Asin seal sa pakete. Ang simpleng hakbang na ito ay makakatulong upang mapanatiling malusog ang iyong pamilya.

06/07/2025

🌱📜 𝐈𝐊𝐀𝐋𝐀𝐖𝐀𝐍𝐆 𝐆𝐀𝐁𝐀𝐘 📜🌱 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: 𝟭𝟬 𝗞𝘂𝗺𝗮𝗶𝗻𝗺𝗲𝗻𝘁𝘀 – 𝘚𝘢𝘮𝘱𝘶𝘯𝘨 𝘢𝘭𝘪𝘵𝘶𝘯𝘵𝘶𝘯𝘪𝘯 𝘱𝘢𝘳𝘢 𝘴𝘢 𝘮𝘢𝘴𝘶𝘴𝘵𝘢𝘯𝘴𝘺𝘢𝘯𝘨 𝘱𝘢𝘨 𝘬𝘢𝘪𝘯!

Para sa mas malakas at masiglang katawan 💪🏻, sundin ang 𝟭𝟬 𝗞𝘂𝗺𝗮𝗶𝗻𝗺𝗲𝗻𝘁𝘀 – mga simpleng paalala upang mapanatili ang balanseng nutrisyon at maiwasan ang sakit.

Ang 𝟭𝟬 𝗞𝘂𝗺𝗮𝗶𝗻𝗺𝗲𝗻𝘁𝘀 ay naglalayong itaguyod ang positibong gawi sa nutrisyon upang maiwasan ang malnutrisyon at hikayatin ang malusog na pamumuhay. Isa itong simple at madaling tandaan na gabay mula sa Nutritional Guidelines for Filipinos na inilunsad noong 2014 ng National Nutrition Council (NNC).

05/07/2025

🌱📜 𝐔𝐍𝐀𝐍𝐆 𝐆𝐀𝐁𝐀𝐘 📜🌱 𝘀𝗮 𝙊𝙩𝙨𝙤𝙣𝙜 𝙂𝙖𝙗𝙖𝙮 𝙏𝙪𝙣𝙜𝙤 𝙨𝙖 𝙈𝙖𝙡𝙪𝙨𝙤𝙜 𝙣𝙖 𝘽𝙪𝙝𝙖𝙮: 𝗣𝗶𝗻𝗴𝗴𝗮𝗻𝗴 𝗣𝗶𝗻𝗼𝘆 – 𝘛𝘢𝘮𝘢𝘯𝘨 𝘱𝘢𝘨𝘬𝘢𝘪𝘯, 𝘵𝘢𝘮𝘢𝘯𝘨 𝘯𝘶𝘵𝘳𝘪𝘴𝘺𝘰𝘯!

🎶 𝘗𝘪𝘯𝘨𝘨𝘢𝘯𝘨 𝘱𝘶𝘯𝘰 𝘯𝘨 𝘴𝘶𝘴𝘵𝘢𝘯𝘴𝘺𝘢,
𝘔𝘢𝘴𝘶𝘴𝘵𝘢𝘯𝘴𝘺𝘢𝘯𝘨 𝘬𝘢𝘪𝘯, 𝘪𝘣𝘢'𝘵-𝘪𝘣𝘢𝘯𝘨 𝘱𝘢𝘨𝘬𝘢𝘪𝘯,
𝘎𝘶𝘭𝘢𝘺, 𝘱𝘳𝘶𝘵𝘢𝘴, 𝘮𝘢𝘺 𝘱𝘳𝘰𝘵𝘪𝘯𝘢'𝘵 𝘬𝘢𝘯𝘪𝘯,
𝘗𝘪𝘯𝘨𝘨𝘢𝘯𝘨 𝘗𝘪𝘯𝘰𝘺 𝘢𝘺 𝘢𝘵𝘪𝘯𝘨 𝘴𝘶𝘯𝘥𝘪𝘯! 🎶

Ang 𝗣𝗶𝗻𝗴𝗴𝗮𝗻𝗴 𝗣𝗶𝗻𝗼𝘆 ay gabay sa wastong paghahanda ng pagkain para matiyak na sapat ang nutrisyon ng bawat Pilipino. Binubuo ito ng kalahating plato (1/2) ng gulay at prutas, isang-kapat (1/4) na bahagi ng kanin o iba pang pinagkukunan ng enerhiya, at isang-kapat (1/4) na bahagi ng protina mula sa isda, karne, itlog, munggo, o iba pang uri ng protina.

Inilunsad ng FNRI-DOST ang Pinggang Pinoy noong 2016 para sa iba't-ibang pangkat ng populasyon at pisyolohikal na grupo dahil ang pangangailangan ng enerhiya at sustansya ng bawat indibidwal ay nagkakaiba batay sa edad, kasarian, at antas ng pisikal na aktibidad. Ang mga grupo na mayroong Pinggang Pinoy food guide ay ang mga sumusunod: kids (3-12 years old), teens (13-18 years old), adults (19-59 years old), older persons (60 years old and above), at pregnant and lactating mothers.

𝗠𝗮𝗸𝗶𝗸𝗶𝘁𝗮 𝘀𝗮 𝗹𝗶𝗻𝗸 𝗻𝗮 𝗶𝘁𝗼 𝗮𝗻𝗴 𝗣𝗶𝗻𝗴𝗴𝗮𝗻𝗴 𝗣𝗶𝗻𝗼𝘆 𝗳𝗼𝗼𝗱 𝗴𝘂𝗶𝗱𝗲 𝘀𝗮 𝗶𝗯𝗮'𝘁-𝗶𝗯𝗮𝗻𝗴 𝗽𝗮𝗻𝗴𝗸𝗮𝘁 𝗻𝗴 𝗽𝗼𝗽𝘂𝗹𝗮𝘀𝘆𝗼𝗻: https://fnri.dost.gov.ph/index.php/tools-and-standard/pinggang-pinoy/94-pinggang-pinoy/190-pinggang-pinoy

01/07/2025

𝐎𝐭𝐬𝐨𝐧𝐠 𝐆𝐚𝐛𝐚𝐲 𝐏𝐚𝐫𝐚 𝐬𝐚 𝐌𝐚𝐥𝐮𝐬𝐨𝐠 𝐧𝐚 𝐁𝐮𝐡𝐚𝐲 8️⃣✨

𝑼𝒏𝒂𝒏𝒈 𝑮𝒂𝒃𝒂𝒚: 𝑷𝒊𝒏𝒈𝒈𝒂𝒏𝒈 𝑷𝒊𝒏𝒐𝒚

𝐴𝑙𝑎𝑚 𝑛𝑖𝑦𝑜 𝑏𝑎 𝑛𝑎 𝑚𝑎𝑦 𝑔𝑎𝑏𝑎𝑦 𝑡𝑎𝑦𝑜 𝑠𝑎 𝑘𝑢𝑛𝑔 𝑎𝑛𝑜 𝑏𝑎 𝑎𝑛𝑔 𝑑𝑎𝑝𝑎𝑡 𝑙𝑎𝑚𝑎𝑛 𝑛𝑔 𝑎𝑡𝑖𝑛𝑔 𝑝𝑖𝑛𝑔𝑔𝑎𝑛?

Noong 2016, inilunsad ng DOST-FNRI ang Pinggang Pinoy. Ito ay isang gabay sa pagkain na may anyong plato upang ipakita ang tamang hati ng go, grow, at glow na pagkain sa isang kainan. Dito ay makikita ang tamang dami ng pagkain na dapat kinakain ng isang matandang edad 19-59 taong gulang tuwing umagahan, tanghalian, at hapunan. Mayroon din iba’t ibang Pinggang Pinoy batay sa edad (Kids, Adults, Teens, Older Persons, at Pregnant and lactating women). Para sa karagdagang impormasyon sa Pinggang Pinoy, maaring bisitahin ang link sa ibaba.

DOST-FNRI: Pinggang Pinoy
https://fnri.dost.gov.ph/index.php/tools-and-standard/pinggang-pinoy/94-pinggang-pinoy/190-pinggang-pinoy

𝑼𝒏𝒂𝒏𝒈 𝑮𝒂𝒃𝒂𝒚 𝒑𝒂𝒓𝒂 𝒔𝒂 𝑯𝒆𝒂𝒍𝒕𝒉𝒚 𝑩𝒂𝒏𝒈𝒌𝒖𝒔𝒂𝒚

28/03/2025

IKALIMANG GABAY sa Otsong Gabay Tungo sa Malusog na Buhay: Pisikal na Aktibidad

27/03/2025

📢 𝙍𝙀𝙎𝙐𝙇𝙏𝙎 𝘼𝙍𝙀 𝙉𝙊𝙒 𝘼𝙑𝘼𝙄𝙇𝘼𝘽𝙇𝙀! 📢

Sa lahat ng lumahok sa 𝗟𝗶𝗯𝗿𝗲𝗻𝗴 𝗖𝗲𝗿𝘃𝗶𝗰𝗮𝗹 𝗖𝗮𝗻𝗰𝗲𝗿 𝗦𝗰𝗿𝗲𝗲𝗻𝗶𝗻𝗴, maaari n’yo nang makuha ang inyong resulta! 💜🎗️

📍 𝙋𝙖𝙖𝙣𝙤 𝙈𝙖𝙠𝙪𝙝𝙖?
✔ Pumunta sa Rural Health Unit ng Paete, Laguna
✔ Magdala ng valid ID para sa verification

💡 𝙈𝙖𝙮 𝙠𝙖𝙩𝙖𝙣𝙪𝙣𝙜𝙖𝙣 𝙩𝙪𝙣𝙜𝙠𝙤𝙡 𝙨𝙖 𝙧𝙚𝙨𝙪𝙡𝙩𝙖?
Maaari kayong kumonsulta online kay 𝙊𝘽-𝙂𝙔𝙉 𝘿𝙧𝙖. 𝙅𝙖𝙣𝙢𝙖𝙧𝙞𝙚 𝙎𝙖𝙣𝙙𝙤𝙫𝙖𝙡, 𝙁𝙋𝙊𝙂𝙎 (𝘿𝙧𝙖 𝙅𝙖𝙣) sa kanyang page.
https://www.facebook.com/drajansandovalobgyn

📞 𝙋𝙖𝙧𝙖 𝙨𝙖 𝙘𝙤𝙣𝙘𝙚𝙧𝙣𝙨 𝙖𝙩 𝙞𝙗𝙖 𝙥𝙖𝙣𝙜 𝙞𝙢𝙥𝙤𝙧𝙢𝙖𝙨𝙮𝙤𝙣, i-message o tawagan kami:
🔹 page: 𝙉𝙪𝙩𝙧𝙞𝙨𝙮𝙤𝙣𝙜 𝘽𝙖𝙣𝙜𝙠𝙃𝙪𝙨𝙖𝙮: 𝙆𝙖𝙖𝙜𝙖𝙥𝙖𝙮 𝙖𝙣𝙜 𝘽𝙖𝙧𝙖𝙣𝙜𝙖𝙮 𝙊𝙩𝙨𝙤 𝙋𝙖𝙧𝙖 𝙨𝙖 𝙉𝙪𝙩𝙧𝙞𝙨𝙮𝙤𝙣𝙜 𝙋𝙖𝙣𝙖𝙡𝙤
🔹 Contact Person: 𝙆𝙞𝙨𝙝 𝘿𝙚𝙡𝙖 𝘾𝙧𝙪𝙯 – 09458549241

💜 𝙈𝙖𝙧𝙖𝙢𝙞𝙣𝙜 𝙨𝙖𝙡𝙖𝙢𝙖𝙩! 💜

Nutrisyong BangkHusay: Kaagapay ang Barangay Otso Para sa Nutrisyong Panalo

16/07/2025

12/07/2025

10/07/2025

10/07/2025

08/07/2025

07/07/2025

06/07/2025

05/07/2025

01/07/2025

28/03/2025

27/03/2025

Address

Website

Alerts

Shortcuts

Share

Category