Pasig City Disaster Risk Reduction and Management in Health

11/11/2025

Tignan. Ang Pasig City Health Department ay tumugon sa pangangailangang medikal ng mga Pasigueno na nasa iba't-ibang evacuation camps sa kasagsagan ng pananalasa ng bagyong Uwan.

Ang nasabing programa ay isinagawa upang mabilisang matugunan at mapanatili ang kalusugan ng bawat Pasigueno na naapektuhan ng kalamidad sa pamamagitan ng medical check-up, pamimigay ng mga bitamina ("micro and macro nutrients"), pagpapatupad ng "milk code" at pagbibigay ng "stress debriefing o mental health and psychosocial support (MHPSS)" sa mga nangangailangan. 🩺💊🥛🧠💖

Isinagawa rin ang disinfection at pagsusuri sa tubig sa bawat evacuation camp upang mapanatili ang kalinisan at maiwasan ang pagkalat ng anumang nakakahawang sakit o karamdaman. 💧🔬

Ang DRRM-H ang nanguna sa operasyong medikal sa pamamagitan ng komunikasyon sa ating City Incident Management Team (IMT) at iba pang opisina upang mapanatili ang maayos at mabilisang pagtugon at maisagawa ang mga nasabing programa. 🏥⚕️

08/11/2025

Mga "emergency medicine" na maaring ihanda sa inyong tahanan, sasakyan, emergency go bags o first aid kits.

‼️DOH: IHANDA ANG MEDICINE KIT NA SASAPAT SA TATLONG ARAW‼️

Ayon sa DOST-PAGASA, inaasahang magla-landfall ang Typhoon Uwan sa katimugang bahagi ng Isabela o hilagang bahagi ng Aurora bukas ng gabi o Lunes ng madaling araw.

Kasalukuyan ding nasa Typhoon category ito ngunit inaasahang lalakas pa at magiging ganap na super typhoon sa mga susunod na oras.

Sa mga ganitong panahon, tumataas ang panganib ng pagkakasakit. Dahil dito, mahalagang tiyakin na may handa at kumpletong medicine kit ang bawat tahanan para agad matugunan ang mga simpleng karamdaman.

Buuin ang medicine kit na parte ng inyong Emergency Go Bag!
✅ Siguruhing ang gamot ay hindi pa expired at walang discoloration
✅ Dapat walang sira ang packaging ng mga gamot
✅ Ilagay sa matibay na lalagyan na hindi madaling mabasa o masira

08/11/2025

Tignan, kasalukuyang nakapaghanda na ang Lungsod ng Pasig kasama ang Pasig City Health Department, Pasig DRRMO, CSWDO at mga barangay sa mga evacuation camps/area para sa paparating bagyo na si UWAN. ⛈️🙏

Ang Pasig City DRRM-H ay kasalukuyang nakaduty sa ating Incident Command Post/Incident Management Team (IMT) upang maisagawa ang mabilisang koordinasyon, komunikasyon at aksyon sa paparating na bagyo. ⛈️🚨

Pinapaalalahanan ang lahat na maghanda, ihanda ang ating mga "go bags", mag-charge ng mga cellphone at iba pang kagamitan kagaya ng emergency lights at radyo. 🎒📱💡📻

Kung sakali na kailanganin na uminom ng gamot na doxycycline, o magpaturok/magpabakuna ng anti-tetano ay maaring pumunta sa pinakamalapit na health center o ospital sa inyong lugar. 🏥💉💊

***Sa anumang emergency, tumawag sa ating Pasig C3 sa numerong 8643-0000.

Mag-ingat po ang lahat at maging handa.

07/11/2025

Ngayong araw ay isinagawa ang Joint Pre-disaster Risk Assessment (PDRA) Meeting ng Pasig City DRRM Council at ng Barangay DRRM para sa paparating na "Super Typhoon Uwan."

Ang aktibidad na ito ay pinangasiwaan ng Pasig City Disaster Risk Reduction and Management Office (PCDRRMO) sa pamumuno ni Mayor Vico Sotto, kasama ang mga iba't ibang Lokal na Opisina ng Pasig City, kabilang ang ating City Health Department at iba pang kawani o opisina ng National Government at mga Kapitan ng barangay. 🇵🇭🤝

Ang aktibidad na ito ay para paghandaan ang anumang maaaring maging epekto ng bagyo sa Pasig City. ⛈️ Tinalakay dito ang paghahanda, pagbabala, pagbawas sa epekto, pagtugon, at rehabilitasyon pagkatapos ng sakuna. 🇵🇭

Ang Pasig City Health Department sa pangunguna ng Pasig City DDRMH ay kaagabay ng ating lungsod sa pagtugon sa aspeto ng pangkalahatang KALUSUGAN at KALIGTASAN ng bawat mamamayan. Dahil sa PASIG ang BAWAT KALUSUGAN AT BUHAY ay MAHALAGA. ❤️‍🩹🏥💪

06/11/2025

Ngaung araw, Nobyembre 6, 2025 sa ganap na alas-9 ng umaga, ang Pasig City Health Department ay nakiisa sa 4th Quarter National Simultaneous Earthquake Drill (NSED) na ginanap sa iba't- ibang pasilidad, opisina at health centers. 🏥🏢🩺 Ang nasabing aktibidad ay pinangunahan ng Pasig City DRRM-H. 🇵🇭🚨
Ang nasabing aktibidad ay sinagawa upang maging handa at ligtas ang bawat Pasigueno sa anumang sakuna katulad ng lindol. Dahil sa PASIG, ang bawat BUHAY at KALUSUGAN ay MAHALAGA. 💖🏥

27/10/2025

Mga dapat gawin sa paggunita sa upang maging ligtas at manatiling malusog na Pasigueno.

20/10/2025

📸 In Photos: Basic Life Support and Standard First Aid Training for City Health Employees

The 5th Batch of City Health Department employees successfully completed their Basic Life Support (BLS) and Standard First Aid (SFA) Training held on October 13–15, 2025, at the RED Training Center.

Disclaimer: Photos and scenarios shown are for training purposes only.

14/10/2025

Pasig City Disaster Risk Reduction and Management in Health (DRRM-H)

"Kahandaan ng Mamamayan, Kaligtasan ng Bayan,
DRRM para sa Kalusugan."


Mas Ligtas, Mas Malusog at Mas Matatag na Lungsod ng Pasig.

13/10/2025

Mga dapat malaman sa panahon ng sakuna.

26/09/2025

Patuloy ang Serbisyo 🌧️

Sa kabila ng hagupit ng Bagyong Opong, nananatiling bukas at handa ang mga Health Centers upang magbigay ng serbisyong medikal sa ating mga kababayan. 💙

Salamat sa ating mga health workers na walang sawang naglilingkod at nagsisigurong ligtas at maalaga ang bawat isa, lalo na sa panahon ng sakuna. 🙌

12/09/2025

Nakiisa ang Pasig City Health Department kasama ang mga health centers sa ibat- ibang barangay at mga health facilities sa ika-tatlong (3rd) Quarter National Simultaneous Earthquake Drill (NSED) na ginanap ng alas kwatro ng hapon noong Septyembre 11, 2025. Ang bawat health centers o pasilidad ay isinagawa ang "duck/drop, cover and hold". Naisin ng aktibidad na ito na maging handa ang bawat isa sa anumang sakuna o kalamidad na katulad ng Lindol. Ang naturang aktibidad ay pinangunahan ng Pasig City Disaster Risk Reduction and Management in Health (DRRM-H).

11/09/2025

Tayo ay makiisa sa ating 3rd quarter National Simultaneous Earthquake Drill (NSED) mamayang alas kwatro (4PM), Septyembre 11, 2025.

Makiisa sa mga isinasagawang Earthquake Drill 📢

Layunin nitong pagtibayin ang ating kaalaman at kahandaan para sa mga dapat gawin bago, habang, at matapos lumindol.

Alamin ang mga hakbang sa pagsasagawa ng Earthquake Drill.

Makilahok sa 2025 Third Quarter Nationwide Simultaneous Earthquake Drill o NSED na nakatakdang isagawa ngayong araw, Setyembre 11, 2025 sa ganap na alas 4:00 ng hapon.