21/04/2025
May mga panahon sa buhay na ginawa mo na ang lahat,
Pinaghandaan mo. Pinagdasal mo. Trinabaho mo.
Pero sa dulo? Hindi natuloy. Hindi natupad. Parang biglang gumuho.
Ang sakit diba? Mapapatanong ka nalang sa sarili mo kung anong mali?
Minsan nadi-discourage ka.
At minsan, naiinis ka pa kay Lord.
Pero naisip mo na ba?
“Paano kung hindi Niya tinuloy, dahil alam Niyang ‘yun ang sisira sa’yo?”
Kasi may mga plano tayong akala natin “tama,”
Pero sa dulo pala, 'yun ang magpapalayo sa’yo sa Kanya. ☝🏼
'yun pala mas makakapag pabagal ng proseso mo.
O kaya yun ang magpapalayo sa purpose mo.
O baka ‘yun ang magdadala ng kapahamakan sa buhay mo.
-Jeremiah 29:11
"Sapagkat batid ko ang mga panukala ko para sa inyo," sabi ng Panginoon, "mga panukalang magbigay sa inyo ng kinabukasan at pag-asa."
Kapag may pintong nagsara, huwag kang magalit. Huwag kang mainis.
Magpasalamat ka. Dahil baka yung pinto na 'yon ay naglalaman ng pain, ng sakit, o ng pagsubok na hindi mo pa kayang dalhin.
May negosyo kang sinubukan pero nalugi?
Baka gusto Ni Lord na matuto ka muna sa failure para handa ka na sa mas malaki at pangmatagalang tagumpay. Katulad ng ginagawa mong negosyo ngayon.
May trabaho kang inapplyan pero hindi ka natanggap?
Baka ayaw Ni Lord na mapasok ka sa environment na sisira sa’yo. At piniprepare ka Niya sa trabahong may purpose, hindi lang pay slip.
Hindi aksidente ang pagsara ng ilang pintuan sa buhay mo.
Minsan, kailangan tayong iligtas ng Diyos…
mula sa sarili nating gusto.
Kasi, tayo aminin man natin o hindi. Minsan talaga padalos-dalos tayo sa buhay.
Kaya, si Lord pumapasok sa eksena kasi mas kilala Niya tayo kesa sarili natin.
Tandaan, Huwag kang mainis kung hindi natuloy ang plano mo. Dahil sa bawat "NO" ni Lord, may mas magandang "YES" na paparating sayo.
Hindi mo man maintindihan ngayon, pero balang araw, titingnan mo ang nakaraan at sasabihin mong,
"Salamat, Lord! Buti na lang, mas sinunod ko ang plano Mo kaysa sa plano ko!"
Rooting for you! Never give up! See you at the Top! 🙏🏽☝️❤
Be inspired awakened & motivated. Follow us for more! 😉
IG: https://www.instagram.com/allenmarvineder
TikTok: https://www.tiktok.com/
Youtube: https://www.youtube.com/
