22/11/2023
Mga ka-healthy!
Tag-ulan na naman kaya doble-ingat sa mga bagyo at pagbaha. ⛈️⚠️
ℹ️ Alamin ang mga dapat gawin BAGO, HABANG, at MATAPOS and isang bagyo o baha:
✅Bago bumagyo o bumaha:
- 1-check ang mga parte ng bahay. Ayusin ang mga sirang bahagi
- Ibaba ang mga babasaging gamit sa sahig
- Maghanda ng Emergency Go Bag o E-Balde
- Makinig sa radyo o TV para sa mga balita tungkol sa bagyo
- Alamin ang mga emergency numbers na maaaring tawagan
- Alamin kung saan ang evacuation center sa inyong lugar
✅Habang Bumabagyo o Bumabaha:
- Makinig sa radyo o TV ukol sa balita tungkol sa bagyo
- Huwag hayaan ang mga bata na maglaro sa ulan
- Ihanda ang mga pagkain upang hindi ito masira
- Uminom lamang ng malinis na tubig. Kung hindi sigurado, pakuluan ito hanggang dalawang minuto
- Huwag buksan ang mga kagamitang nabaha tulad ng gas o electrical appliances
- Kung hindi kinakailangan, huwag lumabas ng bahay
- Mag ingat sa mga lumilipad na bagay
- Huwag pumunta sa tabing-ilog o dagat, pati sa mga lugar na maaaring mag-landslide
- Tumawag o huminging tulong kung nasugatan
- Iwasan ang mga lugar na may baha. Maaari itong makakuryente o magdulot ng sakit.
- Mag evacuate kung kinakailangan. Sundin ang protocol ng inyong barangay.
✅Pagkatapos bumagyo o bumaha:
- Magsuot ng protective equipment tulad ng gloves at bota. Suring mabuti ang inyong bahay bago bumalik dito
- Mag ingat sa mga hayop na maaaring nakapasok sa loob ng inyong bahay.
- report agad kung mayroong sirang electrical cable o linya ng telepono
- Huwag buksan ang main power switch o magsaksak ng electrical appliances.
Tumawag muna sa isang electrician.
- Suriin ang mga pagkain at itapon ang mga nasira dahil sa baha.
