08/09/2025
📢Remember: Antibiotics save lives, pero kapag mali ang gamit, baka wala nang bisa pag kailangan mo talaga. Huwag mag-self medicate, magpakonsulta muna. 💊❤️
❗Paulit-ulit na UTI? Baka dahil sa ANTIBIOTIC RESISTANCE na yan.
May pasyente ako na nagpa-check up dahil masakit daw kapag umiihi siya 🚻 (among other symptoms). I diagnosed her with Urinary Tract Infection (UTI) and after much probing, nalaman ko’ng niresetahan na pala siya ng antibiotics 1 week ago ng ibang doctor.
Kaya lang, ininom niya lang nang dalawang beses 💊 dahil nawala na daw ang symptoms niya at dahil mahal ang gamot at may iba pa siyang maintenance medication kaya mas pinili niyang doon gastusin ang pera.
Nalaman ko din na pabalik-balik ang symptoms niya na mukhang UTI for the past years at every time nagkakaroon siya ng sintomas, bumibili siya ng antibiotic na walang reseta at walang konsulta. Umiinom lang siya ng 1-3 tablets o hanggang mawala ang symptoms.
Ngayon, bumalik ang symptoms after 4-5 days kaya nagpacheck up siya ulit. Dahil dito, nagpa-work up ako at nag-request ng Urine GS/CS.
🔬 Ang Urine GS/CS ay isang klase ng test sa ihi para malaman:
🔸Kung anong klaseng bacteria ang cause ng infection.
🔸Anong antibiotic ang pwedeng gamitin para gumaling ang sakit.
Ginamit ito para sa targeted approach sa pagbibigay ng antibiotic lalo na kung paulit-ulit na ang infection at hindi na gumagana ang mga first-line treatment.
Pagkakuha ko ng resulta, nakita ko na RESISTANT na ang bacteria sa halos lahat ng gamot. Ang natirang epektibong gamot ay Linezolid. Hindi ito first-line, second-line o kahit third-line na antibiotic. Binibigay lang ito kapag wala nang ibang gumagana.
💸 Mahal ang Linezolid. Nasa Php 1,000-5,000+++ (depende sa brand, kung saan kayo bibili, at kung tablet o via injection) at binibigay ito nang 2 weeks or more depende sa uri at severity ng sakit.
-
⚠️Ano ang Antibiotic Resistance? 🦠
Ang antibiotic resistance ay nangyayari kapag ang bacteria sa katawan ay natutong “lumaban” sa bisa ng antibiotic. Sa madaling salita, kahit inumin mo ang gamot, hindi na ito tatalab dahil matibay na ang bacteria.
⚠️Bakit nagkakaroon ng Antibiotic Resistance?
❌ Hindi pagkumpleto ng gamutan - huminto sa pag-inom kahit hindi pa tapos ang prescribed na araw.
❌ Maling dose - kulang o sobra ang iniinom na tableta.
❌ Self-medication - pagbili ng antibiotic nang walang reseta at walang gabay ng doktor.
❌ Paulit-ulit na pag-gamit ng parehong antibiotic - kaya nasasanay ang bacteria.
❌ Overuse - pag-gamit ng antibiotic kahit hindi kailangan, halimbawa sa simpleng ubo o sipon na viral lang.
Kapag nangyari ito, mas mahirap at mas magastos gamutin ang sakit dahil mas “malalakas” na antibiotic na lang ang gumagana, na kadalasan ay mas mahal at may mas maraming posibleng side effects 💊💸.
📌BTW, ayon sa DOH-FDA Advisory No. 2012 - 017, ipinagbabawal ang pag-bebenta o pag-dispense ng antibiotic o ibang ethical drugs nang walang prescription tamang prescription mula sa licensed physician. Pwedeng i-report ang mga establishment na nagbebenta nang ganito.
"The selling or dispensing of antibiotics or other ethical drugs without the required prescription issued by a licensed physician is strictly prohibited".
Source:
DOH-FDA Advisory
Subject: ANTIMICROBIAL RESISTANCE
https://www.fda.gov.ph/wp-content/uploads/2022/06/DOH-FDA_Advisory_No_2012-017.pdf
-
💡My Takeaways:
Dati sobrang frustrated ako kapag hindi umiinom ng gamot sa tamang dose at duration ang pasyente, to the point na napapagalitan ko sila. Pero habang tumatagal, narealize ko na maraming dahilan kung bakit ito nangyayari: financial reasons, takot sa side effects, maling pag-aakala kung paano inumin, maling impormasyon tungkol sa sakit at gamot, kawalan ng access sa gamot, at marami pang iba.
Kaya kailangan itanong at intindihin ang sitwasyon ng pasyente. Naniniwala ako na lahat ng pasyente gusto namang gumaling at gawin ito sa lowest possible cost. Kaya napakahalaga ng tamang consultation, tamang health education, at personalized care. Dahil mapapamahal ang gastusin kung mali ang pag-inom ng gamot.
-
📢Remember: Antibiotics save lives, pero kapag mali ang gamit, baka wala nang bisa pag kailangan mo talaga. Huwag mag-self medicate, magpakonsulta muna. 💊❤️
Source of picture: southstardrug.com.ph
