12/05/2026
Instruksyon para sa YAKAP Check-up ug GAMOT Program
Lakang 1: Pag-setup sa eGovPH App
1. I-download ang eGovPH App sa imong phone.
2. I-register ang imong mobile number ug i-verify ang imong account gamit ang National ID o selfie verification.
Lakang 2: Pag-pili sa San Fernando Hospital (Check-up)
1. Sa dashboard sa app, adto sa Health section ug pilia ang PhilHealth YAKAP/Philhealth Member Portal
2. Pilia ang "Register/Enroll/Add to a YAKAP Provider".
3. Sa listahan sa mga clinic/hospital, pangitaa ug pilia ang San Fernando Hospital Mao kini ang imong mahimong "Home Clinic" kung diin ka magpa-check-up sa doktor nga accredited.
4. Human sa pag-enroll, adto sa San Fernando Hospital para sa imong First Patient Encounter (FPE) o ang unang check-up aron ma-activate ang imong record.
Lakang 3: Pag-avail sa Libreng Gamot sa Jhoebs Pharmacy
1. Kung hatagan na ka og reseta sa doktor gikan sa San Fernando Hospital, siguruha nga ang reseta naay Unique Prescription Security Code (UPSC) nga makita sa imong eGovPH app.
2. Adto sa Jhoebs Pharmacy (siguruha nga sila ang imong napili nga accredited botika sa app).
3. Ipakita ang imong eGovPH Digital ID ug ang UPSC code gikan sa imong digital prescription sa Jhoebs.
4. I-release nila ang imong tambal nga walay bayad basta pasok kini sa ₱20,000 nga limit matag tuig gikan sa PhilHealth.
Unsa ang angay dad-on sa Jhoebs Pharmacy?
- Valid ID: Mas maayo kung ang National ID o bisan unsang government-issued ID ang dad-on aron ma-verify ang imong identity.Siguruha nga match ang ngalan sa ID sa ngalan nga naa sa reseta.
- Representante: Kung dili ang tag-iya sa account ang mokuha (pananglitan, gisugo lang ka), kinahanglan magdala og Authorization Letter gikan sa pasyente, ang Valid ID sa pasyente, ug ang Valid ID sa mokuha.
PARA SA MGA MENOR DE EDAD (18 Anyos Paubos):
• Kung ang pasyente nag-edad og 18 anyos paubos, ang ginikanan o guardian gyud ang kinahanglan mokuha sa tambal sa botika.
• Kinahanglan magdala ang ginikanan og Government Valid ID ug pruweba (sama sa Birth Certificate o ID sa bata) aron mapamatud-an ang relasyon sa pasyente.
