Chiniot Diagnostic Center

23/08/2025

Chicken pox
کاکڑا لاکڑا

یہ بچوں کی ایک عام بیماری ہے جو کسی بھی عمر میں ہو سکتی ہے، زیادہ تر اسکول جانے والے بچوں میں دیکھنے کو ملتی ہے ۔ اس کی وجہ ایک وائرس ہے۔

👈اس کی علامات کیا ہیں؟
یہ بیماری 3 سے 4 دن کے تیز بخار سے شروع ہوتی ہے جس میں بچے کو سردرد، بھوک نہ لگنا، جسم میں درد کی شکایت ہو سکتی ہے۔ 3 سے 4 دن بعد جسم پر پانی والے دانے نمودار ہوتے ہیں جو چھاتی کمر اور پیٹ سے شروع ہو کر سارے جسم پر پھیل جاتے ہیں۔ 2 سے 3 دن بعد دانے پر کھرنڈ آجاتا ہے اور پھر سے نئے دانے نمودار ہو جاتے ہیں یہ سلسلہ 5 سے 10 دن تک جاری رہتا ہے۔ بخار اور باقی علامات دانے نکلنے کے 2 سے 3 دن بعد ختم ہو جاتی ہیں۔

👈کاکڑا لاکڑا کیسے پھیلتا ہے؟
یہ سانس کی بوندوں کو مریض کھانستے اور چھینکتے ہوئے پیدا کرتا ہے اور متاثرہ فرد کی رطوبتوں کے براہ راست رابطے سے پھیلتا ہے۔

👈کیا یہ خطرناک ہے؟
زیادہ تر مریضوں میں یہ بغیر کسی مستقل نقصان کے ٹھیک ہو جاتا ہے۔ لیکن اس کی پیچیدگیاں بھی ہو سکتی ہیں۔

👈 پیچیدگیاں
1)دماغی بخار
2)آنکھوں میں اور جنسی اعضاء میں دانے
3)جوڑوں کی سوجن
4) دانوں میں انفکشن

👈علاج
اس کا علاج علامتی ہے جس میں بخار اور خارش کی دوائیں دی جاتی ہیں۔ اگر دانوں میں انفکشن ہو جائے تو antibiotics تجویز کی جاتی ہیں۔

👈کاکڑا لاکڑا سے کیسے بچا جا سکتا ہے؟
حفاظتی ٹیکوں کے ذریعے کاکڑا لاکڑا سے بچوں کو بچایا جاسکتا ہے۔ اگر آپکے بچے کو کاکڑا لاکڑا ہو جائے تو اس کو سکول سے چھٹی کروائیں جب تک سب دانوں پر کھرنڈ نہ آجائے۔

15/08/2025

15/08/2025

07/08/2025

السلام علیکم
کیا آپ گردن توڑ بخار کے بارے میں جانتے ہیں؟
یہ ایک مہلک بیماری ہے جو عمر کے کسی بھی حصے میں ہو سکتی ہے لیکن زیادہ تر اس کے شکار چھوٹی عمر کے بچے ہوتے ہیں اس بیماری میں دماغ کی اور دماغ کی جھلی کی سوجن ہو جاتی ہے اگر بر وقت علاج نہ کیا جائے تو یہ بچے کو زندگی بھر کے لیے مفلوج بنا سکتی ہےاور جان لیوا بھی ثابت ہو سکتی ہے۔

👈اس بیماری کی وجہ کیا ہے؟
گردن توڑ بخار مختلف قسم کے bacteria اور viruses کی وجہ سے ہوتا ہے۔ ہر عمر میں بیماری کے مخصوص جراثیم ہوتے ہیں۔

👈گردن توڑ بخار کی علامات کیا ہیں؟
نوزائیدہ اور چھوٹے بچوں میں یہ بخار، سستی، جھٹکے، دودھ نہ پینے جیسی علامات کے ساتھ ظاہر ہوتا ہے۔ بڑے بچوں میں یہ تیز بخار، گردن کے اکڑاؤ، سر درد، قے، جھٹکے، بیہوش ہو جانا یا فالج جیسی علامات کے ساتھ ظاہر ہوتا ہے۔

👈اس کی تشخیص کیسے ہوتی ہے؟
اس کی تشخیص کے لیئے کمر سے پانی نکال کر لیبارٹری میں معائنہ کروایا جاتا ہے، دیگر ٹیسٹ جن میں خون کی رپورٹ اور دماغ کا CT Scan بھی معاون ثابت ہو سکتے ہیں لیکن کمر کے پانی کی رپورٹ تشخیص کے لیئے ضروری ہے۔

👈کیا کمر سے پانی نکالنے کا کوئی نقصان ہو سکتا؟
ہسپتال میں کیئے جانے والے تمام procedures کی طرح اس میں بھی پیچیدگیاں ہو سکتی ہیں لیکن ان پیچیدگیوں کی شرح بہت کم ہے۔ اگر تربیت یافتہ اور ماہر ڈاکٹر کے ہاتھ سے جراثیم کش اقدامات کے تحت انجام دیا جائے تو اس کی پیچیدگیاں تقریباً نہ ہونے کے برابر ہیں۔

👈کیا ہمارا بچہ کمر سے پانی نکالنے کے بعد مفلوج ہو سکتا ہے؟
عوام میں یہ ایک عام سوچ ہے کہ کمر سے پانی نکالنے کے بعد بچہ چل نہیں سکتا، کمر سے پانی گردن توڑ بخار کی تشخیص کے لیے نکالا جاتا ہے۔ جیسے بتایا گیا ہے کہ دماغی بخار میں دماغ کی سوجن ہو جاتی ہے اگر علاج یا تشخیص میں دیر ہو جائے تو بچے میں جسمانی کمزوری/فالج کی علامات آ سکتی ہیں۔ اگر کوئی بچہ کمر سے پانی نکالنے کے بعد چل نہیں رہا تو یہ کمر سے پانی نکالنے کی وجہ سے نہیں بلکہ گردن توڑ بخار کے بعد ہونے والے دماغی نقصان کی وجہ سے ہے-

👈دماغی بخار سے کیسے بچا جا سکتا ہے؟
بچوں کو حفاظتی ٹیکوں کا مکمل کورس کروا کر (جو حکومت پاکستان کی طرف سے مفت کروایا جاتا ہے) دماغی بخار سے بچایا جا سکتا ہے۔

👈علاج
جس بچے میں گردن توڑ بخار کی علامات ظاہر ہوں اسکا ہسپتال میں داخل کروا کر علاج کروانا ضروری ہے۔ ڈاکٹر کے ساتھ علاج کے دوران مکمل تعاون اور علاج میں باقاعدگی ہی بچے کو مفلوج ہونے سے بچا سکتی ہے۔

👈یاد رکھیں اگر بچے میں دماغی بخار کی علامات ظاہر ہوں تو اس کو فوری طور پر علاج کی ضرورت ہوتی ہے ایک دن کی کوتاہی بھی بچے کی جان لے سکتی ہے۔ جب بھی بچے کو جھٹکے لگیں اس کو فوری طور پر ہسپتال لے جا کر چیک کروائیں۔ دم درود اپنی جگہ پر علاج میں دیر نہ کریں۔

05/08/2025

السلام علیکم
Mumps
کن پیڑے

👈کن پیڑے کیا ہوتے ہے؟
یہ چھوٹی عمر میں ہونے والی کی ایک عام بیماری ہے اور کبھی کبھار بچپن کے بعد بھی ہو سکتی ہے۔ یہ بیماری ایک وائرس سے ہوتی ہے جو سانس لینے، چھینکنے یا کھانسی کرنے کے دوران پیدا ہونے والی بوندوں کے ذریعے پھیلتی ہے جو انتہائی متعدی ہے اور ہر ایک کو شکار بناتی ہے جس کو پہلے یہ بیماری نہ ہوئی ہو یا بچپن میں اس بیماری کے حفاظتی ٹیکے نہ لگے ہوں۔

👈کن پیڑوں کی علامات کیا ہیں؟
یہ بیماری بخار سے شروع ہوتی ہے ساتھ میں سر درد، جسم میں درد ہوتا ہے، کچھ دنوں کے بعد کانوں کے نیچے اور جبڑوں کے پیچھے سوجن ظاہر ہوتی ہے جو بتدریج بڑھ جاتی ہے اور تکلیف دہ ہوسکتی ہے۔ سوجن کے ساتھ ساتھ نگلنے میں دشواری ہوتی ہے۔ علامات چند دنوں تک رہتی ہیں اور پھر ایک سے ڈیڑھ ہفتے میں مکمل طور پر ختم ہوجاتی ہیں۔

👈علاج
اس بیماری کا کوئی خاص علاج نہیں ہے صرف علامتی علاج کی ضرورت ہوتی ہے جس میں درد اور بخار کی دوائیں دی جاتی ہیں۔ ساتھ میں مریض کے والدین کو بتایا جاتا ہے کہ مریض کو نرم غذا اور مشروبات زیادہ مقدار میں پلائیں۔

👈اپنے بچوں کو اس سے کیسے بچایا سکتا ہے؟
بچپن میں لگاۓ جانے والے حفاظتی ٹیکوں کے ذریعے اس سے بچاؤ ممکن ہے۔

👈کیا بچے کو دوبارہ یہ مرض ہو سکتا ہے؟
ایک بار جب کسی بچے کو mumps ہوتا ہے تو اسے تاحیات اس مرض کے خلاف قوت مدافعت حاصل ہوجاتی ہے۔ دوبارہ بیماری ہونا شاذو نادر دیکھا گیا ہے۔

👈پیچیدگیاں
کچھ بچوں میں یہ جان لیوا پیچیدگیاں پیدا کر سکتا ہے جن میں دماغی بخار، لبلبے کی سوزش، جوڑوں کی سوجن، بہرا پن، خصیوں کی سوجن شامل ہے۔

👈کن پیڑوں میں خطرے کی علامات کیا ہیں؟
اگر بچے کو پیٹ میں شدید درد، قے، جوڑوں کی سوجن، خصیوں کی سوجن، گردن میں اکڑاؤ، بے چینی یا جھٹکوں جیسی علامات ظاہر ہوں تو فوراً ہسپتال لے جا کر چیک کروائیں۔

یاد رکھیں یہ بیماری بہت تیزی سے پھیلتی ہے اگر آپکے بچےکو یہ مرض ہو جائے تو اس کو صحت مند بچوں سے دور رکھیں، سکول/ مدرسے کی چھٹی کروائیں غیر ضروری سفر سے پرہیز کریں۔

28/07/2025

27/07/2025

فری بلڈ گروپ کیمپ زیر اہتمام المدینہ بلڈونیشن چنیوٹ بمقام فیضان مدینہ چنیوٹ
Chiniot Diagnostic Center
Jinnah Lab Chiniot

26/07/2025

17/07/2025

ٹی_بی مرض کی علامات #
ٹی بی کے جراثیم سے متاثرہ شخص میں درج ذیل علامات میں سے کوئی بھی ظاہر ہو سکتی ہیں

1 خراب کھانسی دو ہفتے سے زیادہ دیر تک
2 کھانسی کے ساتھ سینے میں درد ہونا
3 کھانسی کے ساتھ بلغم اور ریشہ کا انا
4 کھانسی کے ساتھ خون کا انا
5 رات کو بخار اور زیادہ پسینہ انا
6 بخار کے ساتھ سردی کا لگنا
7 تھکاوٹ اور کمزوری کا زیادہ محسوس ہونا
8 وزن میں مسلسل کمی کا ہونا
9 بھوک کا نہ لگنا

اگر کسی شخص میں یہ علامات یا ان میں سے کوئی علامات بھی ظاہر ہوں تو اسے فوری طور پر ڈاکٹر کو چیک اپ کروانا چاہیے اور ٹی بی کی تشخیص کے لیے ٹیسٹ کروانا چاہیے

ٹی بی کی مفت تشخیص اور فری علاج کی سہولت ڈسٹرکٹ ہیڈ کوارٹر ہسپتال چنیوٹ میں موجود ہے مزید معلومات کے لیے رابطہ کر سکتے ہیں
03457604040

15/07/2025

12/07/2025