Dr.Wasif Diabetes Centre ll ڈاکٹر واصف شوگر سنٹر

16/06/2025

زندگی صحت کے معاملے میں سانپ سیڑھی کے کھیل کی مانند ہے۔ ہر صحت مند عادت (جیسے صحت بخش غذا، باقاعدہ ورزش، یا کولیسٹرول کو قابو میں رکھنا) ایک سیڑھی کی مانند ہے جو آپ کو طاقت، توانائی، اور لمبی عمر کی جانب لے جاتی ہے۔
لیکن غیر صحت مند عادات (جیسے سگریٹ نوشی، پروسیس شدہ کھانے کا استعمال، یا طبی معائنے کو نظرانداز کرنا ) سانپ کی طرح ہیں جو آپ کو نیچے گرا دیتی ہیں اور آپ کی صحت کو خطرے میں ڈالتی ہیں۔ اچھی صحت کے سفر میں آپ کا ہر فیصلہ اہمیت رکھتا ہے۔
تندرستی کی سیڑھیاں چڑھ کر اور نقصان دہ عادات کے سانپوں سے بچ کر آپ اپنی زندگی کو بہتر اور صحت مند بنا سکتے ہیں۔

12/06/2025

جو ہے 🤷🏻‍♂️

11/06/2025

نیا واک ٹرینڈ:
جاپان میں متعارف کرایا گیا نیا واک ٹرینڈ آج کل دنیا بھر میں مقبول ہو رہا ہے۔ یہ طریقہ انٹرویل واکنگ کہلاتا ہے۔ اس کے مطابق، واک کو کم شدت سے شروع کریں۔
تین منٹ آرام دہ رفتار سے چلیں۔ اس کے بعد تین منٹ تیز رفتار سے چلیں، جس میں جسم کو زیادہ محنت کرنی پڑتی ہے۔
یہ عمل 30 منٹ یا اس سے زیادہ وقت تک کریں۔
یہ طریقہ دل اور پٹھوں کی صحت کے لیے فائدہ مند ہے، اور بزرگوں کے لیے خاص طور پر مفید ہے۔

08/06/2025

امریکا میں ٹیکساس کے علاقے فرسکو سے تعلق رکھنے والے یہ 14 سالہ طالب علم جس نے ایک انقلابی ایپ "سرکیڈین اے آئی" (Circadian AI) تیار کی ہے۔ یہ ایپ دل کی آوازوں کو سنتی ہے اور مشین لرننگ کا استعمال کرتے ہوئے دل کی بیماری کی ابتدائی علامات کو صرف سات سیکنڈ میں پہچان لیتی ہے۔
امریکہ اور بھارت میں تقریباً 18,500 مریضوں پر اس ایپ کا تجربہ کیا گیا، جہاں اس نے دل کے مسائل کی نشاندہی میں 96% سے زیادہ درستگی ظاہر کی۔ فی الحال، اسے طبی ماہرین کے لیے کلینیکل سیٹنگز میں استعمال کرنے کے لیے ڈیزائن کیا گیا ہے۔
اس نئی ایجاد کے پیچھے موجود نوجوان، سدھارتھ نندیالا، پہلے ہی ایک اسٹارٹ اپ کے بانی ہیں، انہیں STEM کے شعبے میں قومی سطح پر پہچانا جاتا ہے، اور فی الحال وہ یو ٹی آسٹن (UT Austin) میں کمپیوٹر سائنس کی تعلیم حاصل کر رہے ہیں۔ ان کا اگلا ہدف اسی ٹیکنالوجی کی مدد سے پھیپھڑوں کی بیماریوں کا پتا لگانا ہے۔

08/06/2025

روم کے ایک سرجن نے تاریخ رقم کر دی—جب اُنہوں نے بیجنگ میں موجود مریض کا 8,000 کلومیٹر دور بیٹھ کر کامیاب آپریشن کیا۔ یہ کارنامہ جدید 5G نیٹ ورک اور اگلی نسل کے روبوٹک نظام کی مدد سے ممکن ہوا، جس نے طب کی دنیا میں ایک نیا انقلاب برپا کر دیا۔

ریئل ٹائم فیڈبیک اور حسی کنٹرول والے روبوٹک پلیٹ فارم کی مدد سے سرجن نے ایسے درست چیرا اور ٹانکے لگائے گویا وہ خود آپریشن تھیٹر میں موجود ہوں۔

یہ حیرت انگیز کامیابی نہ صرف دُور دراز علاقوں، جنگی یا آفت زدہ زونز اور خلائی مشنز میں علاج کو ممکن بناتی ہے، بلکہ اس سے یہ بھی ثابت ہوتا ہے کہ اب انسانی جان بچانے کے لیے سرحدیں کوئی رکاوٹ نہیں رہیں۔

07/06/2025

دوستو آپ نے پچھلے کچھ عرصہ میں ایک چلن اور رجحان دیکھا ہوگا کہ شوگر اور دیگر صحت کے معاملات کی آگاہی اور علاج کے لیے بے شمار صحت کے گروپس، کورسز ، ممبرشپس اور دیگر خوش نما آفرز کی بھرمار ہو گئی ہے
وہ کسی خاص علاج ، کسی خفیہ معلومات کا وعدہ اور دعویٰ کر کے آپ کے دکھ اور خواہشات کا مہنگے میں سودا کرتے ہیں

ڈاکٹر واصف شوگر سنٹر یہ واضح کرنا چاہتا ہے کہ
کبھی بھی آپ کو لبھا کے ، رازداری سے کان میں بات بتانے کی غرض سے آپ کو اپنے واٹس ایپ یا میسینجر میں نہیں بلایا جائے گا
کبھی آپ کو یہ نہیں کہا جائے گا کہ کمنٹ میں یہ لفظ، یہ کوڈ یا نمبر لکھیں ہماری ٹیم آپ سے رابطہ کرے گی
آپ کو فلاں سیزن میں شمولیت کے لیے فیس لے کے کسی واٹس ایپ گروپ کا حصہ نہیں بنایا جائے گا
کوئی خفیہ ممبرشپ یا کوڈ نہیں
کوئی پریمیم مواد نہیں

ساری معلومات، سارا علم اور ہماراسارا تجربہ آپ کو بلا معاوضہ مل رہا ہے اور ہمیشہ ملتا رہے گا (انشاء اللہ)

جو بھی دعویٰ کرے، کوئی لبھانے والا وعدہ کرے ، اسے شک کے نگاہ سے دیکھیں

شوگر یا دیگر صحت کے عمومی معاملات اور مسائل کے بارے جاننا آپ کا حق ہے
اس کے لیے کبھی کسی کو انٹرنیٹ پہ کوئی رقم ادا نہ کریں

صرف اتنا کریں کہ مستند لوگوں کے ساتھ جڑ جائیں جن کا تجربہ اس شعبہ میں ہے
کسی کے ذاتی تجربات کو مکمل علم ہرگز نہ سمجھیں

یہ پیج آپ کے سوالات اور بلا معاوضہ سیکھنے کے عمل کو ہمیشہ سپورٹ کرے گا
ہم آپ کی صحت، سرمائے اور وقت کا کبھی استحصال نہ کریں گے نہ ہونے دیں گے

آپ کیا کہتے ہیں؟

07/06/2025

دوستو آپ سوچیں گے کہ میں آپ کو منع کرنے آیا ہوں
آپ کی عید خراب کرنے آیا ہوں
حالانکہ میں آپ کو منع کرنے نہیں ، آپ کو سمجھانے آیا ہوں
آپ کی عید بہتر کرنے آیا ہوں
آپ کی طبیعت اور ترتیب سیٹ کرنے آیا ہوں

بہت سے دوست سوال کر رہے ہیں کہ آیا ہم عید قربان پر کتنا گوشت استعمال کریں ؟
طبی ماہرین کے مطابق زیابیطس کے مریض ایک دن میں 125 گرام یعنی آدھ پاؤ سے زیادہ گوشت ہر گز استعمال نہ کریں
لال گوشت کی بجائے وائٹ گوشت کو ترجیح دیں
گردے کلیجی مغز سے سختی سے پرہیز کریں
اس سے مضر صحت کولیسٹرول ایل ڈی ایل میں اضافہ ہوتا ہے جو دل کی صحت کے لئے سخت نقصان دہ ہے
گوشت کے ساتھ کولڈ ڈرنک کی بجائے سبزیوں سلاد اور دہی کے استعمال کو یقینی بنائیں
پانی کا زیادہ استعمال کریں
قربانی کا گوشت متواتر استعمال نہ کریں اس سے نہ صر ف آپکا معدہ ڈسٹرب ہو گا بلکہ پیٹ خراب ہونے کا بھی خدشہ ہے
بڑے گوشت کا استعمال کم کریں اور باربی کیو کی صورت میں تکہ بوٹی کباب وغیرہ کو بہت زیادہ پکا کر استعمال کریں تاکہ آنت کے انفیکشن کا مسئلہ نہ بنے

ڈاکٹر واصف اقبال

07/06/2025

05/06/2025

بلاول بھٹو کو اپنے حالیہ امریکی دورہ کے حوالہ سے خوب سراہا جا رہا ہے، ان کا سفارتی انداز پُراعتماد، واضح اور مؤثر تھا۔
انہوں نے اہم معاملات پر مضبوط اور پُرعزم مؤقف اپنایا
بہت سے لوگوں نے اسے پاکستان کے لیے ایک جرأت مندانہ قدم قرار دیا
ان کی بات چیت کا انداز مؤثر اور متاثر کن تھا۔
سیاست سے ہٹ کر ان کی ذاتی تبدیلی بھی توجہ کا مرکز بنی ہوئی ہے
جہاں اُنہوں نے بہت اہم نکتے اٹھائے وہاں وزن کو کم کرنے کے لیے بھی ذاتی جدوجہد اور ڈسپلن کا ذکر کیا

اے میرے مہربان ! اِک نظر ادھر بھی

30/05/2025

ہمارے ہاں پوشیدہ امراض کا سر عام علاج کیا جاتا ہے

ڈاکٹر واصف اقبال
ماہر امراض شوگر و کمزوری 🙂

29/05/2025

جی افضل بھائی
کب سے شوگر ہوئی ہے ؟
افضل صاحب ہمارے پاس پہلی بار تشریف لائے اور نئے نئے شوگر کے مریض بنے ہیں)

ڈاکٹر صاحب یہی کوئی پانچ سات دن پہلے ہی علم ہوا
کیسے ہوئی ہے آپ کو شوگر؟
کوئی وجہ سمجھ آتی ہے آپ کو؟

جی ڈاکٹر صاحب ، مجھے میری ساس سے شوگر ہوئی ہے
میں نے ان کے ساتھ ایک ہی برتن میں کھانا کھایا اور انہی کے گلاس میں پانی پیا

میں ذرا مسکرایا اور وضاحت کرنے لگا کہ شوگر کھانا کھانے ، پانی پینے ، چمچ استعمال کرنے سے نہیں ہوتی

نہیں ڈاکٹر صاحب مجھے انہی سے ہوئی ہے ، وہ بہت ڈاڈھی خاتون ہیں
فل ٹینشن دیے رکھتی ہیں ، اب شوگر بھی دے دی
چلیں اس کے ساتھ کھانے پینے سے نہیں ہوئی ، اس کی دی گئی ٹینشن سے ہوئی ہوگی
آپ اپنے نسخے پہ بھی یہ لکھ دیجئے گا کہ اس کو ساس سے شوگر ہوئی ہے

افضل بھائی ! ساس سے بحث کر کے آپ کا بلڈ پریشر تو بڑھ سکتا ہے لیکن شوگر نہیں
اور آپ کے کسی ذاتی بدلے کے لیے تو میں خود کو نہیں بدل سکتا 🙂

صاف صاف بات یہ ہے کہ
شوگر نزلہ زکام کی طرح نہیں پھیلتی
یہ خاندان میں جینز کے ذریعہ چلتی ہے
اگر آپ کے قریبی رِشتہ داروں یا والدین کو شوگر ہے تو امکان ہے کہ آپ کو بھی ہو سکتی ہے

زیادہ فاسٹ فوڈ کھانے ، کم ورزش و چہل قدمی کرنے ، وزن بڑھنے سے جسم کا نظام خراب ہو سکتا ہے، جس سے شوگر بڑھ سکتی ہے

یہ سب جینز ، ہمارے لائف سٹائل اور جسمانی نظام کا معاملہ ہے اس کا تعلق ایک ساتھ کھانے پینے سے نہیں
ہاں البتہ ایک جیسا (مضر صحت )کھانے سے اس کا تعلق ضرور ہو سکتا ہے

27/05/2025

ڈاکٹر واصف شوگر کلینک پہ ایک روایت ہم نے زندہ رکھی ہوئی ہے
ایک ایسی روایت جو صرف علاج تک محدود نہیں، بلکہ امید، جذبے اور مستقبل کی پرورش سے جُڑی ہے
جب کوئی بچہ اپنے والد یا والدہ کے ساتھ کلینک آتا ہے، تو ہم اسے اپنا روشن سویرا سمجھتے ہوئے خوش آمدید کہتے ہیں۔
ہم اسے خالی نہیں لوٹاتے ، کوئی بھی تحفہ دے کے بھیجتے ہیں ، کوئی ٹافی ، کوئی پین پینسل، یا کچھ بھی جو میسر ہو
بچے ڈاکٹرز کو ہیرو سمجھتے ہیں، اور اکثر والدین انہیں ہمارے پاس اس اُمید سے لاتے ہیں کہ شاید ہم اُن کے بچے کے دل میں کچھ جذبہ ، اُمید یا علم کی جوگ جگا دیں
لیکن کل میں نے خود کو بےبس پایا۔ میرے پاس دینے کے لیے کچھ بھی نہ تھا۔ ایک بچہ اپنی ماں کے ساتھ بیٹھا مجھے دیکھ رہا تھا، اور میں بےچینی سے کچھ تلاش کرتا رہا
کوئی چھوٹا سا تحفہ، کوئی یادگار چیز
مگر کچھ نہ ملا، دل بوجھل ہو گیا
بچے کی ماں نے کہا ڈاکٹر صاحب میرا بیٹا فیصل آپ کو بہت پسند کرتا ہے اس کے ساتھ ایک تصویر تو بنوا لیں، کب سے مجھے کہہ رہا ہے
اس ایک جملے میں معصومیت اور بے لوث محبت کی ایک کائنات چھپی تھی
مجھ سے تحفہ لینے کی بجائے وہ مجھے کچھ عطا کر گئے
فیصل کے لیے دل سے دعا نکلی
“تم سلامت رہو اور تم وہ دنیا بناؤ جس کا خواب تمہاری معصوم آنکھیں دیکھ رہی ہیں۔”

شوگر اور اس کی تمام پیچیدگیوں کی آگاہی اور علاج کے لیے مستند پلیٹ فارم
Call or Whatsapp
03333162692