https://www.facebook.com/576152615591087/

DG Health GB updates, Street 2, Noor colony , jutial, Gilgit (2026)

08/01/2026

سالانہ جائزہ اجلاس – ضلع گانچھے

آج بروز 8 جنوری 2026 ضلع گانچھے میں تمام ہیلتھ فسیلیٹیز کے انچارجز کا سالانہ جائزہ اجلاس منعقد ہوا، جس کی صدارت ڈاکٹر محمد کاظم (ڈسٹرکٹ ہیلتھ آفیسر) نے کی۔

اجلاس کے دوران ڈی ایچ آئی ایس رپورٹنگ، بایومیٹرک حاضری، او پی ڈی فعالیت، ادویات کی دستیابی، نظم و ضبط اور انفیکشن پریوینشن اینڈ کنٹرول (IPC) اقدامات کا تفصیلی جائزہ لیا گیا۔

ڈی ایچ او گانچھے نے بہتر کارکردگی کا مظاہرہ کرنے والے عملے کی حوصلہ افزائی کی، ضروری ہدایات جاری کیں اور سال 2025 میں نمایاں کارکردگی دکھانے والی ہیلتھ فسیلیٹیز میں شیلڈز تقسیم کی گئیں۔

محکمہ صحت ضلع گانچھے صحت کی معیاری سہولیات کی فراہمی کے لیے پرعزم ہے

08/01/2026

دیامر: دفتر ڈسٹرکٹ ہیلتھ آفیسر دیامر میں یونیسف کے تعاون سے انفیکشن پریوینشن اینڈ کنٹرول (IPC) کے موضوع پر ایک جامع تربیتی ورکشاپ کا انعقاد کیا گیا۔
ورکشاپ کی میزبانی ڈسٹرکٹ ہیلتھ آفیسر دیامر ڈاکٹر صلاح الدین اور ایم ایس ریجنل ہیڈ کوارٹر ہسپتال جلاس ڈاکٹر نواب خان نے کی۔

اس تربیتی ورکشاپ کا مقصد صحت کے شعبے سے وابستہ عملے کی پیشہ ورانہ صلاحیتوں میں اضافہ، طبی مراکز میں انفیکشن سے بچاؤ اور مریضوں و عملے کی حفاظت کو یقینی بنانا تھا۔ ورکشاپ میں میڈیکل آفیسرز، پیرا میڈیکل اسٹاف، نرسنگ اسٹاف اور دیگر متعلقہ عملے نے بھرپور شرکت کی۔

تربیتی سیشنز کے دوران ہاتھوں کی صفائی، ذاتی حفاظتی آلات (PPE) کے درست استعمال، ہسپتال ویسٹ مینجمنٹ، جراثیم کشی کے مؤثر طریقوں اور متعدی امراض کے پھیلاؤ کی روک تھام سے متعلق تفصیلی آگاہی فراہم کی گئی۔ شرکاء کو عملی مشقوں کے ذریعے معیاری آئی پی سی پروٹوکولز پر مؤثر عملدرآمد کی تربیت بھی دی گئی۔

یونیسف کے نمائندوں نے اس موقع پر صحت کے نظام کو مضبوط بنانے کے لیے ایسے تربیتی پروگرامز کے تسلسل کے عزم کا اظہار کیا۔ ڈسٹرکٹ ہیلتھ آفیسر دیامر نے ورکشاپ کے انعقاد پر یونیسف کا شکریہ ادا کرتے ہوئے کہا کہ آئی پی سی جیسے پروگرامز عوامی صحت کے معیار کو بہتر بنانے میں کلیدی کردار ادا کرتے ہیں۔

08/01/2026

محکمۂ صحت گلگت بلتستان اور شفا انٹرنیشنل ہسپتال اسلام آباد کے مابین طے پانے والے معاہدے کے تحت گلگت بلتستان کے بڑے ہسپتالوں سے منتخب پیرا میڈیکل اور نرسنگ اسٹاف کے لیے ریفریشر کورسز اور پیشہ ورانہ تربیت کا باقاعدہ آغاز کر دیا گیا ہے۔

اس پروگرام کے پہلے مرحلے میں آئی سی یو (ICU) اور این آئی سی یو (NICU) سے وابستہ عملے کو جدید طبی تقاضوں کے مطابق خصوصی تربیت فراہم کی جا رہی ہے۔ اس تربیت کا مقصد مریضوں کی نگہداشت کے معیار کو مزید بہتر بنانا، جدید کلینیکل اسکلز سے آگاہی اور ہیلتھ اسٹاف کی پیشہ ورانہ صلاحیتوں میں اضافہ کرنا ہے۔

محکمۂ صحت گلگت بلتستان معیاری اور جدید طبی سہولیات کی فراہمی کے لیے ہیلتھ ہیومن ریسورس کی استعداد کار بڑھانے کے عزم پر کاربند ہے۔

08/01/2026

منسٹر ہیلتھ گلگت بلتستان ڈاکٹر نیاز علی نے منصب سنبھالنے کے بعد بلتستان ریجن پہنچنے پر ڈائریکٹوریٹ ہیلتھ سروسز بلتستان کا دورہ کیا۔ اس موقع پر ڈائریکٹر ہیلتھ سروسز بلتستان ڈاکٹر اشرف حسین کریمی، ڈپٹی ڈائریکٹر ڈاکٹر شبیر حسن، پرنسپل نرسنگ اسکول ڈاکٹر صابر حسین، ڈسٹرکٹ ہیلتھ آفیسر ڈاکٹر کرامت رضا، سینیئر ڈرگ انسپکٹر ڈاکٹر حمایت صاحب، ایڈمن آفیسر ڈی ایچ ایس بلتستان مظفر علی سمیت دیگر ہیلتھ اسٹاف نے اُن کا پُرتپاک استقبال کیا اور پھولوں کے ہار پہنائے۔

منسٹر ہیلتھ نے بلتستان ریجن میں صحت کی سہولیات کی بہتری اور عوام کو معیاری طبی خدمات کی فراہمی کے عزم کا اظہار کیا۔

07/01/2026

ضلع غذر

ڈاکٹر محمد تنویر، ضلع ہیلتھ آفیسر غذر نے تحصیل گوپس میں قائم مختلف ہیلتھ سہولیات کا تفصیلی دورہ کیا۔ دورے کے دوران مراکز صحت میں فراہم کی جانے والی طبی سہولیات، صفائی ستھرائی اور مجموعی انتظامات کا بغور جائزہ لیا گیا۔

انہوں نے صفائی کی صورتحال پر اطمینان بخش اور مؤثر اقدامات کو یقینی بنانے کی ہدایت دیتے ہوئے کہا کہ مریضوں کے لیے صاف اور صحت مند ماحول ہر صورت فراہم کیا جائے۔ اس موقع پر اسٹاف کی حاضری بھی چیک کی گئی اور غیر حاضر عملے کے حوالے سے سخت ہدایات جاری کی گئیں کہ ڈیوٹی میں غفلت ہرگز برداشت نہیں کی جائے گی۔

ڈی ایچ او غذر نے مریضوں اور تیمارداروں سے ملاقات کر کے فراہم کی جانے والی سہولیات سے متعلق رائے بھی لی۔ انہوں نے واضح کیا کہ عوام کو معیاری اور بروقت طبی سہولیات کی فراہمی محکمہ صحت کی اولین ترجیح ہے۔ انچارجز کو ادویات کی دستیابی، ریکارڈ کی درستگی اور نظم و ضبط پر خصوصی توجہ دینے کی ہدایت کی گئی۔

آخر میں ڈاکٹر محمد تنویر نے عملے کو پیشہ ورانہ ذمہ داریاں دیانتداری سے ادا کرنے پر زور دیتے ہوئے کہا کہ اسی صورت میں عوام کا محکمہ صحت پر اعتماد مزید مضبوط ہوگا۔

07/01/2026

فری میڈیکل کیمپ – تلو بروق، روندو

محترم ڈائریکٹر ہیلتھ سروسز بلتستان کی ہدایات پر ڈسٹرکٹ ہیلتھ آفسر سکردو نے AKHSP کے تعاون سے ایڈیشنل ضلع روندو کے علاقے تلو بروق میں فری میڈیکل کیمپ کا انعقاد کیا۔

میڈیکل کیمپ میں ڈاکٹر نزاکت، اسپیشلسٹ (سول ہسپتال تھوار) نے مجموعی طور پر 163 مریضوں کا طبی معائنہ کیا۔
زیادہ تر مریض معمر افراد تھے جو جوڑوں کے درد (آرتھرائٹس) اور ہائی بلڈ پریشر میں مبتلا پائے گئے، جبکہ بچوں میں خارش، فنگل انفیکشن اور کان کے انفیکشن (اوٹائٹس میڈیا) کے کیسز زیادہ سامنے آئے۔

شدید سرد موسم کے باوجود تلو بروق کے عوام کو بروقت اور مؤثر طبی سہولیات فراہم کی گئیں، جو محکمۂ صحت کے عوامی فلاح و بہبود اور دور دراز علاقوں تک صحت کی سہولیات کی فراہمی کے عزم کا واضح ثبوت ہے۔

07/01/2026

گلگت

آج ڈی جی ہیلتھ ڈاکٹر صادق شاہ، ایم ایس کارڈیک ہسپتال اور ایم ایس پی ایچ کیو ہسپتال نے نگران وزیر صحت سے ملاقات کی۔

ملاقات کے دوران گلگت بلتستان میں صحت کے نظام، جاری اصلاحات، درپیش چیلنجز اور عوام کو بہتر طبی سہولیات کی فراہمی سے متعلق امور پر تفصیلی تبادلۂ خیال کیا گیا۔ نگران وزیر صحت نے محکمہ صحت کی کارکردگی کو سراہتے ہوئے نظامِ صحت کی مزید بہتری کے لیے بھرپور تعاون کی یقین دہانی کرائی

07/01/2026

ای پی آئی سالانہ جائزہ اجلاس – ضلع گانچھے

آج بروز 07 جنوری کو ضلع گانچھے میں ای پی آئی (Expanded Program on Immunization) کا سالانہ جائزہ اجلاس ڈسٹرکٹ ہیلتھ آفیسر گانچھے ڈاکٹر محمد کاظم کی صدارت میں ان کے دفتر میں منعقد ہوا۔

اجلاس کے دوران سال 2025 میں حفاظتی ٹیکہ جات، پولیو مہم اور خسرہ و روبیلا مہم کی مجموعی سالانہ کارکردگی کا تفصیلی جائزہ لیا گیا۔ کوریج، ڈراپ آؤٹس، مسڈ بچوں، کم کوریج والے علاقوں اور رپورٹنگ سے متعلق درپیش مسائل پر سیر حاصل گفتگو کی گئی۔

ڈاکٹر محمد کاظم نے عملے کی محنت اور کارکردگی کو سراہتے ہوئے مزید بہتری کے لیے واضح ہدایات جاری کیں، جبکہ ڈسٹرکٹ سپرنٹنڈنٹ ویکسی نیشن (DSV) نے سالانہ سرگرمیوں کا خلاصہ پیش کرتے ہوئے ٹیم کی حوصلہ افزائی کی۔

اجلاس کے اختتام پر بہترین کارکردگی دکھانے والے اہلکاروں میں شیلڈز تقسیم کی گئیں، جبکہ ویکسینیٹرز میں ویکسین کیریئرز فراہم کیے گئے۔

06/01/2026

تربیتی پروگرام (ICP اسکلز)

ڈسٹرکٹ ہیلتھ آفیسر ڈاکٹر سیدہ ارم بتول کی نگرانی میں فرنٹ لائن ورکرز کے لیے ICP اسکلز پر مشتمل ایک روزہ تربیتی پروگرام کامیابی کے ساتھ منعقد کیا گیا۔

یہ تربیتی سیشن نہایت مؤثر اور انٹرایکٹو رہا، جس کا بنیادی مقصد محکمۂ صحت کے ہیروز یعنی فرنٹ لائن ورکرز کی انٹر پرسنل کمیونیکیشن صلاحیتوں کو مضبوط بنانا تھا۔ یہ تربیت روٹین امیونائزیشن اور پرائمری ہیلتھ کیئر سروسز کے حوالے سے کمیونٹی کے اعتماد کو مزید بڑھانے میں بھی معاون ثابت ہوگی۔

📍 مقام: ضلع ہیلتھ آفس نگر
📅 تاریخ: 05 جنوری 2026

06/01/2026

آج بروز 06 جنوری 2026 کو وادی چھوربٹ کے انعام شہید ماڈل ہائی اسکول، پیون میں پاکستان آرمی اور محکمۂ صحت ضلع گانچھے کے باہمی اشتراک سے ایک روزہ فری میڈیکل کیمپ کا انعقاد کیا گیا۔

میڈیکل کیمپ میں محکمۂ صحت کی جانب سے ڈاکٹر محمد امین اور ڈاکٹر سبطین احمد جبکہ پاکستان آرمی کی میڈیکل ٹیم میں میجر ڈاکٹر خرم اور کیپٹن ڈاکٹر طلحہ نے اپنی پیشہ ورانہ خدمات انجام دیں۔
کیمپ کے دوران مجموعی طور پر 165 مریضوں کو مفت طبی معائنہ، ادویات اور صحت سے متعلق مشاورت فراہم کی گئی۔

یہ فری میڈیکل کیمپ پاکستان آرمی اور محکمۂ صحت گانچھے کے مؤثر باہمی تعاون اور عوامی فلاح و بہبود کے عزم کا واضح مظہر ہے

06/01/2026

فری میڈیکل کیمپ – وادی ہوشے، ضلع گانچھے

محترم ڈائریکٹر ہیلتھ سروسز بلتستان کی ہدایات پر ڈسٹرکٹ ہیلتھ آفس گانچھے نے AKHSP کے تعاون سے وادی ہوشے، ضلع گانچھے میں ایک روزہ فری میڈیکل کیمپ کا انعقاد کیا۔

میڈیکل کیمپ میں ڈاکٹر محمد کاظم (ڈسٹرکٹ ہیلتھ آفیسر گانچھے) اور ڈاکٹر محمد علی جوہر (ای این ٹی اسپیشلسٹ، ڈی ایچ کیو ہسپتال خپلو) نے تقریباً 215 مریضوں کا طبی معائنہ کیا۔
زیادہ تر بزرگ مریض جوڑوں کے درد (آرتھرائٹس) اور ہائی بلڈ پریشر میں مبتلا تھے، جبکہ بچوں میں خارش، فنگل انفیکشن اور کان کے انفیکشن (اوٹائٹس میڈیا) کے کیسز زیادہ پائے گئے۔

شدید سرد موسم کے باوجود وادی ہوشے کے عوام کو بروقت اور مؤثر طبی سہولیات فراہم کی گئیں، جو محکمۂ صحت کے عوامی فلاح و بہبود اور دور دراز علاقوں تک معیاری صحت کی سہولیات کی فراہمی کے پختہ عزم کی عکاسی کرتا ہے

06/01/2026

📢 Caretaker Minister for Health Assumes Office

Dr. Niaz Ali today assumed charge as Caretaker Minister for Health, Gilgit-Baltistan. He reaffirmed his commitment to ensuring continuity of quality healthcare services across the region.

The Health Department extended its full cooperation and best wishes to the Caretaker Minister for a successful and impactful term in office.

DG Health GB updates

08/01/2026

08/01/2026

08/01/2026

08/01/2026

07/01/2026

07/01/2026

07/01/2026

07/01/2026

06/01/2026

06/01/2026

06/01/2026

06/01/2026

Address

Website

Alerts

Shortcuts

Share

Category