DG Health GB updates

DG Health GB updates Health Education

📍 ڈائریکٹر ہیلتھ آفس بلتستان 📅 16 مارچ 2026مورخہ 16 مارچ 2026 کو وزیرِ صحت گلگت بلتستان، جناب ڈاکٹر نیاز علی صاحب نے ڈا...
18/03/2026

📍 ڈائریکٹر ہیلتھ آفس بلتستان
📅 16 مارچ 2026

مورخہ 16 مارچ 2026 کو وزیرِ صحت گلگت بلتستان، جناب ڈاکٹر نیاز علی صاحب نے ڈائریکٹر ہیلتھ آفس بلتستان کا دورہ کیا۔

اس موقع پر ڈائریکٹر ہیلتھ سروسز بلتستان، ڈاکٹر سید صادق شاہ صاحب، پرنسپل ایچ آر ڈی سی سکردو ڈاکٹر صابر حسین صاحب، اور ڈاکٹر کاظم رضا (انچارج آنکولوجی ڈیپارٹمنٹ، آر ایچ کیو ہسپتال سکردو) نے معزز وزیرِ صحت کا پرتپاک استقبال کیا۔

دورے کے دوران بلتستان میں کینسر کے بڑھتے ہوئے کیسز کے تناظر میں وزیرِ صحت نے تفصیلی بریفنگ طلب کی۔ ڈاکٹر کاظم رضا نے خطے میں کینسر کے بڑھتے ہوئے مریضوں، دستیاب سہولیات اور درپیش چیلنجز کے حوالے سے جامع بریفنگ پیش کی۔

وزیرِ صحت جناب ڈاکٹر نیاز علی صاحب نے ڈائریکٹر ہیلتھ سروسز بلتستان کی سفارشات کی روشنی میں کینسر کے مریضوں کو درپیش مسائل کے فوری حل اور بہتر طبی سہولیات کی فراہمی کے لیے جلد مؤثر اور عملی اقدامات اٹھانے کی یقین دہانی کرائی۔

یہ دورہ بلتستان میں صحت کے شعبے کو مزید مضبوط بنانے اور خصوصاً کینسر جیسے اہم مرض کے خلاف اقدامات کو تیز کرنے کی جانب ایک اہم پیش رفت ہے۔

آر ایچ سی سوست، ہنزہ12 مارچ 2026آغا خان ہیلتھ سروسز کے تعاون سے ڈسٹرکٹ ہیلتھ آفس ہنزہ کے اشتراک سے آر ایچ سی سوست میں ای...
18/03/2026

آر ایچ سی سوست، ہنزہ
12 مارچ 2026

آغا خان ہیلتھ سروسز کے تعاون سے ڈسٹرکٹ ہیلتھ آفس ہنزہ کے اشتراک سے آر ایچ سی سوست میں ایک مفت طبی کیمپ کا کامیاب انعقاد کیا گیا، جس کا مقصد وادی چپورسن اور سوست کے عوام کو صحت کی بنیادی سہولیات فراہم کرنا تھا۔

اس میڈیکل کیمپ کا بنیادی مقصد عوام کو صحت کی سہولیات تک بہتر رسائی فراہم کرنا اور جسمانی صحت، ذہنی سکون اور متوازن غذا کے حوالے سے آگاہی دینا تھا۔

کیمپ کے دوران درج ذیل خدمات مفت فراہم کی گئیں:✔️ مفت طبی معائنہ✔️ ادویات کی مفت فراہمی✔️ نفسیاتی مشاورت✔️ غذائی رہنمائی

یہ اقدام محکمہ صحت ہنزہ اور آغا خان ہیلتھ سروسز کی عوامی صحت کے فروغ اور اہم صحت کے مسائل کے حوالے سے آگاہی بڑھانے کے عزم کی عکاسی کرتا ہے۔

اس نوعیت کے مشترکہ اقدامات دور دراز علاقوں میں صحت کی سہولیات کی فراہمی اور عوام کی مجموعی فلاح و بہبود میں اہم کردار ادا کرتے ہیں۔

آر ایچ کیو ہسپتال سکردوآج سیکریٹری ہیلتھ گلگت بلتستان محترم آصف اللہ خان صاحب اور سیکریٹری پاور گلگت بلتستان نے آر ایچ ک...
09/03/2026

آر ایچ کیو ہسپتال سکردو

آج سیکریٹری ہیلتھ گلگت بلتستان محترم آصف اللہ خان صاحب اور سیکریٹری پاور گلگت بلتستان نے آر ایچ کیو ہسپتال سکردو کا دورہ کیا، جہاں انہوں نے گزشتہ سانحہ میں زخمی ہونے والے مریضوں کی عیادت کی اور ان کی خیریت دریافت کی۔

اس موقع پر ڈائریکٹر پلاننگ گلگت بلتستان ڈاکٹر مبشر حسن، ڈائریکٹر ہیلتھ بلتستان ریجن ڈاکٹر سید صادق شاہ اور ڈسٹرکٹ ہیلتھ آفیسر سکردو ڈاکٹر کرامت رضا بھی ان کے ہمراہ موجود تھے۔

میڈیکل سپرنٹنڈنٹ آر ایچ کیو ہسپتال سکردو ڈاکٹر آصف رضا نے معزز مہمانوں کو ہسپتال میں زیر علاج مریضوں، گزشتہ سانحہ کے زخمیوں کو فراہم کی جانے والی طبی سہولیات اور ہسپتال کی مجموعی کارکردگی کے حوالے سے تفصیلی بریفنگ دی۔

سیکریٹری ہیلتھ گلگت بلتستان نے ہسپتال انتظامیہ اور طبی عملے کی خدمات کو سراہتے ہوئے کہا کہ ہنگامی حالات میں آر ایچ کیو ہسپتال سکردو کی انتظامیہ اور عملہ ہمیشہ بروقت اور بھرپور انداز میں مریضوں کی خدمت اور علاج معالجے کے لیے اپنی ذمہ داریاں احسن طریقے سے انجام دیتا ہے۔ انہوں نے طبی عملے کے جذبہ خدمت کو خراجِ تحسین پیش کرتے ہوئے کہا کہ مریضوں کی خدمت ایک مقدس فریضہ ہے اور محکمہ صحت عوام کو بہترین طبی سہولیات کی فراہمی کے لیے پرعزم ہے۔

04/03/2026

اہم اجلاس برائے پرائم منسٹر صحت سہولت پروگرام – آر ایچ کیو ہسپتال چلاس

ڈائریکٹر ہیلتھ سروسز ریجن ڈاکٹر عبدالمبین اور میڈیکل سپریٹنڈنٹ ریجنل ہیڈ کوارٹر ہسپتال چلاس ڈاکٹر نواب خان کی زیرِ صدارت ریجنل ہیڈ کوارٹر ہسپتال چلاس میں ایک اہم اجلاس منعقد ہوا۔

اجلاس کا آغاز تلاوتِ کلامِ پاک سے ہوا، جس کی سعادت ڈاکٹر عرفان نبی نے حاصل کی۔ اجلاس میں تمام ہیڈز آف ڈیپارٹمنٹس سمیت ڈاکٹرز کی کثیر تعداد نے شرکت کی۔ میٹنگ کا بنیادی مقصد پرائم منسٹر صحت سہولت پروگرام کو شفاف، مؤثر اور منظم انداز میں جاری رکھنا اور زیادہ سے زیادہ عوام الناس کو اس سے مستفید بنانے کے حوالے سے تفصیلی مشاورت کرنا تھا۔

اجلاس کے دوران پروگرام سے متعلق درپیش امور، سہولیات کی فراہمی کے طریقہ کار اور عوامی آگاہی کے مؤثر ذرائع پر سیر حاصل گفتگو کی گئی۔ پرائم منسٹر صحت سہولت پروگرام کے ذمہ داران نے پروگرام کے مختلف پہلوؤں پر تفصیلی بریفنگ دیتے ہوئے شرکاء کو مکمل آگاہ کیا۔

اس موقع پر ڈائریکٹر ہیلتھ سروسز ڈاکٹر عبدالمبین نے کہا کہ پرائم منسٹر صحت سہولت پروگرام عوام کو معیاری طبی سہولیات کی فراہمی میں ایک اہم سنگِ میل ہے۔ انہوں نے اس عزم کا اظہار کیا کہ پروگرام کو کامیابی سے جاری رکھنے کے لیے تمام متعلقہ ادارے اور طبی عملہ بھرپور کردار ادا کریں گے تاکہ زیادہ سے زیادہ عوام اس سہولت سے مستفید ہو سکیں اور صحت کے شعبے میں حقیقی بہتری لائی جا سکے۔





ڈائریکٹر جنرل ہیلتھ گلگت بلتستان، ڈاکٹر سلیم الدین نے پی ایچ کیو ہسپتال گلگت کا تفصیلی دورہ کیا، جہاں انہوں نے ہسپتال کے...
27/02/2026

ڈائریکٹر جنرل ہیلتھ گلگت بلتستان، ڈاکٹر سلیم الدین نے پی ایچ کیو ہسپتال گلگت کا تفصیلی دورہ کیا، جہاں انہوں نے ہسپتال کے مختلف شعبہ جات کا معائنہ کیا اور فراہم کی جانے والی طبی سہولیات کا جائزہ لیا۔

اس موقع پر میڈیکل سپرنٹنڈنٹ ڈاکٹر اکبر شاہ نے ڈی جی ہیلتھ کو ہسپتال میں دستیاب طبی سہولیات، عملے کی کارکردگی اور جاری ترقیاتی امور کے بارے میں جامع بریفنگ دی۔

ڈی جی ہیلتھ ڈاکٹر سلیم الدین نے ہسپتال انتظامیہ کی کاوشوں کو سراہتے ہوئے مریضوں کو معیاری، بروقت اور بہتر طبی سہولیات کی فراہمی پر زور دیا اور متعلقہ حکام کو ہدایت جاری کی کہ عوام کو مؤثر اور معیاری علاج معالجہ کی فراہمی کو ہر صورت یقینی بنایا جائے۔

انہوں نے مزید کہا کہ محکمہ صحت گلگت بلتستان عوام کو بہترین طبی خدمات کی فراہمی کے لیے پرعزم ہے اور ہسپتالوں کی کارکردگی کو مزید بہتر بنانے کے لیے عملی اقدامات جاری رکھے جائیں گے۔

فری میڈیکل کیمپ برائے CD Dawooڈسٹرکٹ ہیلتھ آفس (DHO) گانچھے کی جانب سے بروز جمعہ، 27 فروری 2026 کو CD Dawoo میں ایک فری ...
26/02/2026

فری میڈیکل کیمپ برائے CD Dawoo

ڈسٹرکٹ ہیلتھ آفس (DHO) گانچھے کی جانب سے بروز جمعہ، 27 فروری 2026 کو CD Dawoo میں ایک فری میڈیکل کیمپ کا انعقاد کیا جا رہا ہے۔

اس میڈیکل کیمپ میں ڈاکٹر مبشر عباس (میڈیکل آفیسر، BHU Barah) مریضوں کو مفت طبی معائنہ اور ادویات فراہم کریں گے۔

علاقہ کے تمام عوام سے گزارش ہے کہ اس موقع سے فائدہ اٹھائیں اور مفت طبی سہولیات کے حصول کے لیے مقررہ مقام پر تشریف لائیں۔

یہ اقدام عوام کو بروقت اور معیاری طبی سہولیات کی فراہمی کے عزم کا حصہ ہے

📢 عوام الناس کے لیے اہم اطلاعڈسٹرکٹ ہیڈکوارٹر ہسپتال نگربذریعہ یہ اطلاع دی جاتی ہے کہ ڈسٹرکٹ ہیڈکوارٹر ہسپتال نگر، سکندر...
26/02/2026

📢 عوام الناس کے لیے اہم اطلاعڈسٹرکٹ ہیڈکوارٹر ہسپتال نگر

بذریعہ یہ اطلاع دی جاتی ہے کہ ڈسٹرکٹ ہیڈکوارٹر ہسپتال نگر، سکندر آباد نگر میں ماہر امراضِ باطنیڈاکٹر محمد امین خان (میڈیکل اسپیشلسٹ) مورخہ 20 مارچ تک باقاعدگی کے ساتھ او پی ڈی خدمات سرانجام دیں گے۔

لہٰذا ضلع نگر کے تمام معزز عوام سے گزارش ہے کہ اپنے طبی معائنے اور علاج معالجہ کے لیے مقررہ اوقاتِ کار کے دوران ہسپتال کی او پی ڈی میں تشریف لائیں اور اس سہولت سے بھرپور استفادہ حاصل کریں۔

یہ اقدام عوام کو معیاری اور بروقت طبی سہولیات کی فراہمی کے سلسلے کی ایک اہم کڑی ہے۔

فیڈرل ڈائریکٹوریٹ آف امیونائزیشن (FDI) نے عالمی ادارۂ صحت (WHO) کے اشتراک سے ای پی آئی کے مڈ لیول مینیجرز کی تربیت (9 تا...
24/02/2026

فیڈرل ڈائریکٹوریٹ آف امیونائزیشن (FDI) نے عالمی ادارۂ صحت (WHO) کے اشتراک سے ای پی آئی کے مڈ لیول مینیجرز کی تربیت (9 تا 16 فروری 2026) کامیابی کے ساتھ اسلام آباد میں مکمل کر لی۔

اختتامی تقریب میں ڈائریکٹر جنرل FDI، ڈاکٹر موسیٰ خان، اور ڈپٹی ڈبلیو ایچ او نمائندہ مس ایلن تھام کے علاوہ گلگت بلتستان، آزاد جموں و کشمیر اور اسلام آباد سے محکمہ صحت کے افسران اور شراکت داروں نے شرکت کی۔

اس موقع پر ڈاکٹر موسیٰ خان نے کہا کہ مڈ لیول مینیجرز کی تربیت پاکستان کے امیونائزیشن پروگرام کے لیے ایک اہم سنگِ میل ہے۔ انہوں نے زور دیا کہ وفاقی اکائیوں میں انتظامی صلاحیت کو مضبوط بنانا ناگزیر ہے، خصوصاً ایسے وقت میں جب پروگرام میں نئی ویکسینز اور وسیع ہدف آبادی شامل کی جا رہی ہے۔ ان کے مطابق مڈ لیول مینیجرز قومی پالیسیوں کو مؤثر عملی اقدامات میں تبدیل کرنے میں کلیدی کردار ادا کرتے ہیں، جس کے لیے بہتر منصوبہ بندی، نگرانی اور قیادت ضروری ہے۔

ایف ڈی آئی، ڈبلیو ایچ او کے تکنیکی تعاون سے، اس تربیتی اقدام کے ذریعے ای پی آئی کے مڈ لیول مینیجرز کو جدید معلومات اور عملی مہارتوں سے آراستہ کر رہا ہے تاکہ ملک بھر میں سروس ڈلیوری اور آپریشنل کارکردگی کو مزید بہتر بنایا جا سکے۔

مس ایلن تھام نے اپنے خطاب میں کہا کہ اس تربیت کی اصل کامیابی اسی وقت ظاہر ہوگی جب حاصل شدہ علم کو فیلڈ میں مؤثر انداز میں نافذ کیا جائے گا اور ہر کمیونٹی تک بہتر امیونائزیشن خدمات کی فراہمی یقینی بنائی جائے گی۔

گلگت بلتستان کی ٹیم کی قیادت ڈائریکٹر ای پی آئی گلگت بلتستان، ڈاکٹر محمد اقبال نے کی، جبکہ ضلع استور، اسکردو اور دیامر کے ڈسٹرکٹ ہیلتھ آفیسرز نے بھی شرکت کی، جو صوبے کے امیونائزیشن نظام کو مزید مضبوط بنانے کے عزم کی عکاسی کرتا ہے۔

آج بروز ہفتہ مورخہ 21 فروری کو جناب وزیرِ صحت گلگت بلتستان ڈاکٹر نیاز علی صاحب، جناب سیکرٹری صحت گلگت بلتستان آصف اللہ خ...
21/02/2026

آج بروز ہفتہ مورخہ 21 فروری کو جناب وزیرِ صحت گلگت بلتستان ڈاکٹر نیاز علی صاحب، جناب سیکرٹری صحت گلگت بلتستان آصف اللہ خان صاحب اور ڈائریکٹر پلاننگ اینڈ پروکیورمنٹ محکمہ صحت گلگت بلتستان ڈاکٹر مبشر صاحب نے ڈائریکٹر ہیلتھ آفس بلتستان اور ہیومن ریسورس ڈیولپمنٹ سینٹر (HRDC) کا تفصیلی دورہ کیا۔

ڈائریکٹر ہیلتھ بلتستان ڈاکٹر سید صادق شاہ، پرنسپل ایچ آر ڈی سی ڈاکٹر صابر حسین، میڈیکل سپرنٹنڈنٹ آر ایچ کیو ہسپتال سکردو، چاروں اضلاع کے ڈی ایچ او صاحبان اور متعلقہ اسٹاف نے معزز مہمانوں کا پرتپاک استقبال کیا اور محکمہ صحت کی مجموعی کارکردگی، جاری منصوبہ جات اور خدمات کے بارے میں بریفنگ دی۔

دورے کے دوران جناب وزیرِ صحت اور جناب سیکرٹری صحت نے شجرکاری مہم کے تحت اپنے ہاتھوں سے پودے لگا کر ماحولیاتی تحفظ اور سرسبز بلتستان کے عزم کا اعادہ کیا۔ اس موقع پر ڈائریکٹر پلاننگ اینڈ پروکیورمنٹ کی جانب سے تقریباً 15 ملین روپے مالیت کے جدید ایمرجنسی پیشنٹ بیڈز تمام اضلاع کے ڈی ایچ اوز اور ایم ایس صاحبان کے حوالے کیے گئے، جس سے ضلعی سطح پر ہنگامی طبی سہولیات میں نمایاں بہتری آئے گی۔

بعد ازاں معزز وفد نے آر ایچ کیو ہسپتال سکردو کا دورہ کیا، جہاں سرجیکل ڈیپارٹمنٹ کا تفصیلی معائنہ کیا گیا۔ اس موقع پر آر ایچ کیو ہسپتال میں اینڈوسکوپی اور ای ای جی سروس کا باضابطہ افتتاح بھی کیا گیا، جو خطے میں جدید تشخیصی سہولیات کی فراہمی کی جانب ایک اہم پیش رفت ہے۔ وفد نے آئی سی یو وارڈ کا دورہ کیا، زیرِ علاج مریضوں کی عیادت کی اور فراہم کی جانے والی طبی سہولیات کا جائزہ لیا۔

دورے کے اختتام پر صحت سہولت کارڈ کے تحت مریضوں کو فراہم کی جانے والی سہولیات، اسٹور میں ادویات کی دستیابی، معیار اور ترسیلی نظام کا تفصیلی معائنہ کیا گیا۔ معزز حکام نے محکمہ صحت کے افسران اور عملے کی کاوشوں کو سراہتے ہوئے عوام کو مزید بہتر، بروقت اور معیاری طبی سہولیات کی فراہمی کے عزم کا اعادہ کیا۔

ڈائریکٹر ہیلتھ سروسز بلتستان کی جانب سے آر ایچ کیو ہسپتال سکردو کا اچانک دورہڈائریکٹر ہیلتھ سروسز بلتستان نے آر ایچ کیو ...
19/02/2026

ڈائریکٹر ہیلتھ سروسز بلتستان کی جانب سے آر ایچ کیو ہسپتال سکردو کا اچانک دورہ

ڈائریکٹر ہیلتھ سروسز بلتستان نے آر ایچ کیو ہسپتال سکردو کا اچانک دورہ کیا، جس کا مقصد ہسپتال کی مجموعی کارکردگی اور سروس ڈلیوری کا جائزہ لینا تھا۔ دورے کے دوران ایڈمنسٹریٹو بلاک، ایمرجنسی ڈیپارٹمنٹ، سرجیکل ڈیپارٹمنٹ اور دیگر اہم شعبہ جات کا تفصیلی معائنہ کیا گیا۔

خصوصی طور پر صحت سہولت پروگرام کے تحت ادویات کی خریداری، ذخیرہ، اور تقسیم کے نظام کا جائزہ لیا گیا۔ ہسپتال کی مجموعی کارکردگی، انتظامی نظم و نسق، مریضوں کی دیکھ بھال اور صفائی کے معیار کو تسلی بخش قرار دیا گیا۔

بالخصوص صحت سہولت پروگرام کے تحت ادویات کی تقسیم کے مؤثر نظام کو بے حد سراہا گیا۔ منظم سپلائی چین، مکمل ریکارڈ اور دستاویزات، ضروری ادویات کی بروقت دستیابی اور مریضوں کی سہولت کے لیے کیے گئے اقدامات کو مثالی قرار دیا گیا۔

مزید برآں، صحت سہولت پروگرام کے تحت ادویات کی تقسیم کے اس ماڈل کو سال 2026 کی پہلی سہ ماہی کے لیے ریجن بلتستان میں ایک بہترین عملی نمونہ (Best Practice) کے طور پر تسلیم کیا گیا۔










عوامِ ضلع نگر کے لیے خوشخبری!ڈسٹرکٹ ہیڈکوارٹر ہسپتال نگر سکندر آباد کا ڈینٹل یونٹ، جو گزشتہ چند ماہ سے فنی خرابی کے باعث...
18/02/2026

عوامِ ضلع نگر کے لیے خوشخبری!

ڈسٹرکٹ ہیڈکوارٹر ہسپتال نگر سکندر آباد کا ڈینٹل یونٹ، جو گزشتہ چند ماہ سے فنی خرابی کے باعث غیر فعال تھا، اب مکمل طور پر بحال کر دیا گیا ہے اور باقاعدہ طور پر مریضوں کے معائنے اور علاج کی سہولیات فراہم کی جا رہی ہیں۔

یہ اہم بحالی ڈاکٹر عارف حسین (میڈیکل سپرنٹنڈنٹ) کی خصوصی کاوشوں اور مؤثر نگرانی میں ممکن بنائی گئی، جس کے نتیجے میں عوام کو دوبارہ معیاری دندان سازی کی سہولیات ایک ہی چھت تلے میسر آ گئی ہیں۔

ڈینٹل یونٹ میں دستیاب سہولیات:
• دانتوں کی فلنگ (Dental Filling)
• دانت نکالنا (Extraction)
• الویولو پلاسٹی (Alveoloplasty)
• جی آئی سی فلنگ (GIC Filling)
• املگم فلنگ (Amalgam Filling)
• روٹ کینال ٹریٹمنٹ (Root Canal Treatment)
• پلپوٹومی / پلپیکٹومی (Pulpotomy / Pulpectomy)
• ڈینٹل ایکس رے (Dental X-Ray)

انتظامیہ ڈسٹرکٹ ہیڈکوارٹر ہسپتال نگر تمام شہریوں سے گزارش کرتی ہے کہ دانتوں سے متعلق کسی بھی بیماری یا تکلیف کی صورت میں سرکاری ہسپتال میں دستیاب جدید اور مستند طبی سہولیات سے بھرپور استفادہ کریں۔

انتظامیہ
ڈسٹرکٹ ہیڈکوارٹر ہسپتال نگر، سکندر آباد

✨ پریس ریلیز | خصوصی گرینڈ صفائی مہم ✨جناب ڈائریکٹر ہیلتھ سروسز بلتستان ریجن، ڈاکٹر صادق شاہ صاحب کی خصوصی ہدایات کی روش...
17/02/2026

✨ پریس ریلیز | خصوصی گرینڈ صفائی مہم ✨

جناب ڈائریکٹر ہیلتھ سروسز بلتستان ریجن، ڈاکٹر صادق شاہ صاحب کی خصوصی ہدایات کی روشنی میں اور “صفائی نصف ایمان ہے” کے سنہری اصول کو مدنظر رکھتے ہوئے، ماہِ صیام المبارک کی آمد سے قبل ڈسٹرکٹ ہیڈکوارٹر ہسپتال خپلو میں مورخہ 16 فروری کو ایک خصوصی گرینڈ صفائی مہم کا انعقاد کیا گیا۔

اس موقع پر میڈیکل سپرنٹنڈنٹ ڈی ایچ کیو ہسپتال خپلو، ڈاکٹر شاہد علی کی قیادت میں سینئر و جونیئر ڈاکٹروں، پیرا میڈیکل اسٹاف، سینیٹری ورکرز اور دیگر ہیلتھ عملے نے بھرپور شرکت کی۔ ہسپتال کے تمام شعبہ جات بشمول وارڈز، ایمرجنسی، لیبارٹری، او پی ڈی، آپریشن تھیٹر اور دیگر مقامات پر خصوصی صفائی، جراثیم کشی اور نظم و ضبط کو یقینی بنایا گیا۔

اس موقع پر ایم ایس ڈاکٹر شاہد علی نے صفائی، نظم و ضبط اور انفیکشن کنٹرول کے اصولوں پر سختی سے عملدرآمد کی اہمیت پر زور دیتے ہوئے کہا کہ سرکاری ہسپتالوں کو عوام کے لیے مثالی علاج گاہ بنایا جا رہا ہے، جہاں مریضوں کو صاف ستھرا، محفوظ اور دوستانہ ماحول فراہم کیا جائے گا۔

اس مہم کا بنیادی مقصد ہسپتال کے مجموعی ماحول کو بہتر بنانا، انفیکشن کنٹرول کے اصولوں پر مؤثر عملدرآمد کو یقینی بنانا اور مریضوں کو صاف، محفوظ اور صحت مند ماحول فراہم کرنا ہے تاکہ علاج و معالجے کے معیار کو مزید بہتر بنایا جا سکے۔

اس خصوصی صفائی مہم میں ڈی ایچ او گانچھے اور فائر بریگیڈ کی ٹیموں نے بھی خصوصی شرکت کرتے ہوئے تعاون فراہم کیا۔

Address

Street 2, Noor Colony , Jutial
Gilgit

Website

Alerts

Be the first to know and let us send you an email when DG Health GB updates posts news and promotions. Your email address will not be used for any other purpose, and you can unsubscribe at any time.

Shortcuts

Share

Category