District Health Officer , Haripur

23/03/2026

عید مبارک 🌙✨
آئیے اس عید کو صرف خوشیوں کا تہوار ہی نہیں بلکہ ہر بچے کے تحفظ کا عہد بھی بنائیں۔
مل کر ہم ایک مضبوط اور صحت مند نسل کی بنیاد رکھ سکتے ہیں۔
پولیو ویکسین کے قطرے ایک بچے کو زندگی بھر کے لیے محفوظ بنا سکتے ہیں۔ جب ہر بچہ ویکسین حاصل کرے گا تو ہر گھر ایک صحت مند اور خوشحال کل کی خوشیاں منا سکے گا۔

22/03/2026

22/03/2026 عید کے دوسرے دن، ڈاکٹر محسن رضا ترابی، ڈی ایچ او ہری پور نے RHC کوٹ نجیب اللہ اور ٹائپ ڈی ہسپتال ڈنگی کا دورہ کیا۔ دورے کے دوران انہوں نے دونوں مراکز صحت میں عملے کی حاضری، صفائی اور ادویات کے اسٹاک کا جائزہ لیا۔

18/03/2026

18 مارچ 2026 کو ڈاکٹر محسن رضا ترابی، ڈسٹرکٹ ہیلتھ آفیسر (DHO) ہری پور نے ڈاکٹر اسد محمود، ای پی آئی کوآرڈینیٹر کے ہمراہ RHC کوٹ نجیب اللہ، BHU میلم اور RHC کھلابٹ کا دورہ کیا۔ اس دوران ڈاکٹر محسن نے عملے کی حاضری، ادویات کی دستیابی اور ای پی آئی سروسز کی فراہمی کا جائزہ لیا۔ RHC کھلابٹ میں انہوں نے آپریشن تھیٹر کا بھی معائنہ کیا اور آنکھوں کے آپریشن کے آلات کو چیک کیا تاکہ ان کی کارکردگی اور سروس فراہمی کے لیے تیاری کا جائزہ لیا

14/03/2026

14 مارچ 2026 ڈاکٹر محسن رضا ترابی، ڈسٹرکٹ ہیلتھ آفیسر ہری پور نے بنیادی مرکز صحت (BHU) پنیاں کا دورہ کیا۔ دورے کے دوران انہوں نے عملے کی حاضری رجسٹر، ادویات کے سٹاک کا جائزہ لیا اور صحت مرکز کی مجموعی صفائی و ستھرائی کا معائنہ کیا۔ متعلقہ عملے کو ریکارڈ کی ادویات کی دستیابی اور مرکز صحت کی صفائی کو یقینی بنانے کے لیے ضروری ہدایات جاری کی گئیں۔

07/03/2026

07 مارچ 2026 ڈاکٹر محسن رضا ترابی، ڈسٹرکٹ ہیلتھ آفیسر ہری پور، نے ڈاکٹر شیر بہادر، ڈپٹی ڈسٹرکٹ ہیلتھ آفیسر کے ہمراہ RHC کھلابٹ، اربن ڈسپنسری تربیلا اور سول ڈسپنسری سیکٹر نمبر 04 کا دورہ کیا۔ دورے کے دوران عملے کی حاضری، صفائی کی صورتحال اور ادویات کے اسٹاک کا معائنہ کیا گیا۔

07/03/2026

ڈپٹی کمشنر ہری پور کی ہدایت پر ڈاکٹر محسن رضا ترابی، ڈسٹرکٹ ہیلتھ آفیسر ہری پور، اور مسٹر قمر ضیاء، ایڈیشنل ڈپٹی کمشنر (ریلیف) ہری پور نے حطار انڈسٹریل اسٹیٹ میں مختلف فیکٹریوں کا دورہ کیا اور مقررہ ایس او پیز پر عملدرآمد کا جائزہ لیا۔

02/03/2026

ہمارے پولیو ورکرز اپنی ذمہ داری پوری دیانتداری سے نبھا رہے ہیں—بچوں کو قابلِ بچاؤ بیماریوں سے محفوظ بنا کر۔ یہ بھی ہماری طرح مائیں، باپ اور اسی معاشرے کا حصہ ہیں۔
ان پر اعتماد کریں، ان کا ساتھ دیں۔ وہ آپ کے بچے کے محفوظ اور صحت مند مستقبل کے لیے آپ کے دروازے پر آتے ہیں۔

02/03/2026

مورخہ 02 مارچ 2026 کو ڈاکٹر احمد فیصل، ایڈیشنل ڈائریکٹر جنرل مانیٹرنگ اینڈ ایویلیوایشن (M&E) نے ڈاکٹر محسن رضا ترابی، ڈسٹرکٹ ہیلتھ آفیسر ہری پور کے ہمراہ آر ایچ سی کوٹ نجیب اللہ کا دورہ کیا۔ اسی روز ڈاکٹر طارق عزیز، ڈپٹی ڈائریکٹر M&E نے ڈاکٹر شیر بہادر، ڈی ڈی ایچ او ہری پور کے ہمراہ آر ایچ سی کانگڑہ کا دورہ کیا۔
دونوں ٹیموں نے ہسپتال کے مختلف شعبہ جات بشمول لیبارٹری، ڈینٹل سیکشن، ای پی آئی سیکشن اور میڈیسن اسٹور کا تفصیلی معائنہ کیا۔ ادویات کے اسٹاک کی مکمل جانچ پڑتال کی گئی اور فراہم کی جانے والی طبی سہولیات اور مجموعی انتظامات پر اطمینان کا اظہار کیا گیا۔

25/02/2026

Dengue fever prevention and control according Dengue Action Plan-2026
تعارف:
ڈینگی بخار ایک وائرل بیماری ہے جو ایڈیز مچھر کے کاٹنے سے پھیلتی ہے۔ یہ بیماری عام طور پر گرم اور مرطوب علاقوں میں پائی جاتی ہے اور تیزی سے پھیل سکتی ہے، خاص طور پر مون سون کے موسم میں۔ اس مشاورتی ہدایت نامے کا مقصد عوام کو ڈینگی بخار کے بارے میں آگاہی فراہم کرنا اور اس سے بچاؤ کے اقدامات پر روشنی ڈالنا ہے۔
ڈینگی بخار کی علامات:
اچانک تیز بخار
شدید سر درد
آنکھوں کے پیچھے درد
جوڑوں اور پٹھوں میں درد
جلد پر سرخ دھبے یا خارش
متلی اور قے

بچاؤ کے اقدامات:
1. مچھر کے کاٹنے سے بچاؤ:
مکمل آستین کے کپڑے پہنیں۔
مچھر دانی کا استعمال کریں، خاص طور پر سوتے وقت۔
مچھر بھگانے والے لوشن اور اسپرے کا استعمال کریں۔
2. مچھروں کی افزائش کو روکیں:
کھڑے پانی کو ختم کریں، کیونکہ مچھر اس میں انڈے دیتے ہیں۔
پانی کے ذخائر کو ڈھانپ کر رکھیں۔
فالتو برتن، ٹائروں اور گملوں میں پانی نہ جمع ہونے دیں۔
3. ماحولیاتی احتیاطی تدابیر:

گھروں اور آس پاس کی جگہوں کو صاف ستھرا رکھیں۔
مقامی انتظامیہ کی جانب سے کیے جانے والے اسپرے پروگرامز میں تعاون کریں۔
علاج اور نگہداشت:
ڈینگی بخار کا کوئی مخصوص علاج نہیں ہے، لیکن درج ذیل احتیاطی تدابیر بیماری کو سنگین ہونے سے روک سکتی ہیں:
زیادہ سے زیادہ پانی اور جوس پیئیں تاکہ جسم میں پانی کی کمی نہ ہو۔
بخار کم کرنے کے لیے پیراسیٹامول استعمال کریں (ایسپرو اور آئیبوپروفین سے پرہیز کریں)۔
اگر علامات شدید ہو جائیں، تو فوراً قریبی اسپتال یا طبی مرکز سے رجوع کریں۔
نتیجہ:
ڈ ینگی بخار سے بچاؤ ممکن ہے اگر احتیاطی تدابیر کو صحیح طریقے سے اپنایا جائے۔ ہر فرد کی ذمہ داری ہے کہ وہ مچھر کی افزائش کو روکے اور اپنے گھر اور ارد گرد کے ماحول کو صاف رکھے۔

21/02/2026

21 فروری 2026 ڈاکٹر محسن رضا ترابی، ڈسٹرکٹ ہیلتھ آفیسر ہری پور نے بنیادی مرکز صحت شاہ محمد، بنیادی مرکز صحت سرائے صالح، بنیادی مرکز صحت بانڈی شیر خان اور دیہی مرکز صحت ریحانہ کا دورہ کیا، جہاں انہوں نے عملے کی حاضری کا جائزہ لیا، ڈریس کوڈ پر عمل درآمد چیک کیا اور ادویات کے اسٹاک اور دستیابی کا معائنہ کیا، جبکہ بہتر سروس ڈلیوری اور نظم و ضبط کو یقینی بنانے کے لیے موقع پر ضروری ہدایات جاری کیں۔ مزید برآں دیہی مرکز صحت ریحانہ میں زیرِ تعمیر نئی عمارت کا بھی معائنہ کیا اور انجینئرز اور ان کی ٹیم کو ہدایت دی کہ تعمیراتی کام معیار کے مطابق اور مقررہ مدت کے اندر مکمل کیا جائے۔

06/02/2026

05/02/2026