09/05/2026
ناڑی چنداں دیگوار میں فرسٹ ایڈ پوسٹ کا افتتاح
ناڑی چنداں دیگوار میں فرسٹ ایڈ پوسٹ کا باقاعدہ افتتاح ڈاکٹر تسکین احمد راٹھور ڈسٹرکٹ ہیلتھ آفیسر حویلی نے کیا۔اس موقع پر محکمہ صحت عامہ حویلی نے وزیراعظم آزاد کشمیر جناب فیصل ممتاز راٹھور صاحب کا بھی شکریہ ادا کیا۔ یہ اقدام علاقے میں بنیادی صحت کی سہولیات کی بہتری اور عوام کو فوری طبی امداد کی فراہمی کے لیے ایک اہم پیش رفت ہے۔
افتتاح کے موقع پر ڈی ایچ او حویلی نے کہا کہ دور دراز اور پہاڑی علاقوں میں بروقت طبی سہولیات کی دستیابی نہایت ضروری ہے تاکہ ہنگامی حالات میں قیمتی جانوں کو بچایا جا سکے۔ انہوں نے محکمہ صحت کی ٹیم کی کاوشوں کو سراہا اور کہا کہ ایسے اقدامات صحت عامہ کے نظام کو مزید مؤثر بناتے ہیں۔
نئی قائم شدہ فرسٹ ایڈ پوسٹ سے مقامی آبادی کو فوری طبی امداد، ابتدائی علاج اور ریفرل سہولیات میسر آئیں گی، جس سے علاقے میں صحت کے نظام میں واضح بہتری آئے گی۔
علاقہ مکینوں نے اس اقدام کو خوش آئند قرار دیتے ہوئے محکمہ صحت کا شکریہ ادا کیا۔
