3 ton pickup for rent in Dubai

09/05/2024

29/04/2024

ہک ڈہنہ میں یار بازار گیا۔۔۔۔۔۔جتھاں ونکو ونک دے رنگ ھانی

کئی یار بازار اچ تنہا ھن۔۔۔۔۔۔۔کیندے نال یاراں دے سنگ ھانی

کئی مست ھن یار جوانی وچ۔۔۔۔کئی لوک جیونڑ توں تنگ ھانی

کیندے تن تے کپڑے لیراں ھن۔۔۔۔کیندےوکھرے ناز تے ڈھنگ ھانی

کئی یار معزورھن پیراں توں۔۔۔تے ہتھ وچ ڈنڈیاں چئ وڈے ھن

کئی بھل کے یار کفن اپنڑاں۔۔۔۔بہوں سوڑے سوٹ سوائ ودے ھن

کہی کوں فکر ہئ شام دی روٹی دی۔۔۔اتے رازق رازق لئے ودے ھن

کئی یار دی زلف دے قیدی ھن۔۔۔۔سر بھار غماں دے چئی ودے ھن

ہک پاسوں میڈی دید پئ۔۔۔پئے ڈھول تے واجے وجدے ھن

کئی لوک شباب دے نشیاں وچ۔۔۔پئے جھمراں مار کے نچدے ھن

کئی ھن مصروف عبادت وچ۔۔۔۔پئے رب دو ڈیندے سجدے ھن

کہی گھر وچ یار متام تھیائ۔۔۔۔۔۔۔۔پئے غم دے بدل گجدے ھن

تے دنیا دی ایں رونق وچ۔۔۔۔۔۔۔۔۔۔ہک عجب جہیا انسان ڈٹھم

اس خود غرضی دے عالم وچ۔۔۔ہک حسن دا یار طوفان ڈٹھم

ہس ہتھ وچ کاسا غربت دا۔۔۔۔۔۔۔۔تے سوہنڑیاں دا سلطان ڈٹھم

میڈی اکھ توں نیر تھی جاری گئے۔۔۔۔جڈاں قتل تھیندا ارمان ڈٹھم

او کوئ مجبور دوشیزہ ہی۔۔۔۔جئیں در درتوں خیرات منگی

کہیں جھنڑک کے خس خیرات ڈتی۔۔۔۔کہیں پل دو پل دی بات منگی

کہیں آکھیا بی بی معاف چا کر۔۔۔۔۔۔۔۔کہیں لحاظے دی بارات منگی

کہیں بھل کے عزت اپنڑی کوں۔۔۔۔خیرات دے بدلے رات منگی

او پنڑی بول جواب ڈتا۔۔۔۔۔۔۔۔۔میں توں جسم دی یار زکات نہ منگ

اے کھلنڑ دا ڈھنگ ھے رزق میڈا۔۔۔۔میڈو پل دوپل دی بات نہ منگ

آویز میں بہوں مجبور ہمی۔۔۔۔۔۔۔میں توں لحظے دی بارات نہ منگ

میں پنڑی ہاں کوئی کنجری نئی۔۔۔۔۔خیرات دے بدلے رات نہ منگ

24/04/2024

میڈا پوچھ نہ ہک ہک بندے توں بس اپنڑے آپ اچ غائب وداں

میکوں پیار تیڈے دی لوڑ نہیں وڈی چس اچ اجک صاحب وداں

تیڈے پیار اچ میں تے عیب لگئن ہنڑ سمجھی پیار کوں عیب وداں

بس فاخر پیار دی گال ناں کر تھیاں پیار توں توبہ تائب وداں M....A