Dar us Shifa

Dar us Shifa it focused on providing information and resources to help the people maintain & improve their health.

31/07/2024

ہجو م کے ساتھ غلط راہ پر چلنے سے بہتر ہے کہ آپ تنہا راہ ہدایت پر چل پڑیں

11/03/2023

*ادویات جسم میں کس طرح اثر انداز ہوتی ہیں؟*
کوئی بھی دوا جب کھائی جاتی ہے تو انسانی جسم میں جانے کے بعد خون میں پہنچ کر اپنا اثر ظاہر کرتی ہے۔
*خون پر ادویات کے اثرات*

*١۔اعصابی ادویہ کے خون پر اثرات*
اعصابی ادویہ چوں کہ تری کی حامل ہوتی ہیں اس لئے جب اعصابی ادویہ کھائی جاتی ہیں تو خون میں رطوبت غریزی بڑھ جاتی ہے۔خون کا قوام پتلا ہو جاتا ہے چونکہ خون میں ابتدائی طور پر کھاری اثر زیادہ ہو جاتا ہے اس لئے خون میں جمنے کی صلاحیت کم ہوتی ہے۔اخراجِ خون بھی نہیں ہوتا۔یہ تمام صفات کیلشیم میں بھی پائی جاتی ہیں۔
آک کا دودھ سونف،زیرہ سفید،قلمی شورہ،جو کھار،صندل،کهربا شمعی وغیره اس قبیل کی ادویہ ہیں۔یہ ادویہ خون کے قوام کو پتلا کرنے میں مدد دیتی ہیں۔جب کبھی اخراج خون روکنا ہو تو اس قسم کی ادویہ کھلا کر خون بند کیا جا سکتا ہے۔
*اہم نکتہ:* ان ادویہ کےاثرات عضلاتی ادویہ سےختم کیےجاسکتےہیں۔

*٢۔خون پر عضلاتی ادویہ کے اثرات*
عضلاتی ادویہ خشک سرد سے خشک گرم اور مزاج کی حامل ہوتی ہیں۔اس لئے ان کے استعمال سے خون میں ترشی وسودا کی زیادتی ہو جاتی ہے۔ان ادویہ کے استعمال سے خون کا قوام گاڑھا ہو جاتا ہے اور یہی وہ ادویہ ہیں جن کے استعمال سے لیفین یا انجماد کا مادہ پیدا ہوتا ہے۔اگر جسم کےکسی حصہ سے خون نکلناشروع ہو جائے تو یہی ادویہ لیفین پیدا کر کے خون کا اخراج بند کر سکتی ہیں۔ ان ادویہ میں پھٹکڑی،گیرو، دم الاخوا ئین اورکونین وغیرہ شامل ہیں۔
یہ تمام عضلاتی اعصابی ادویہ ہیں یہ خون کا قوام گاڑھا کر کے اخراج خون کو روکتی ہیں۔جبکہ عضلاتی غدی ادویہ خون کے قوام میں پتلا پن پیدا کرتی اور خون میں خشکی گرمی بڑھا کر اخراجِ خون کاباعث بنتی ہیں۔یہی وجہ ہے کہ بغیرمزاج و ماہیتِ مرض کو سمجھے ایسی ادویہ کے کثرتِ استعمال سے اکثر خونی قے،خونی دست، بلغم میں خون آنا،حیض کی کثرت،استحاضہ اور جریانِ خون جیسی علامات پیدا ہو جایا کرتی ہیں۔اس قسم کی ادویہ خون کو جمنے نہیں دیتیں۔ان میں پپیتہ،لونگ دارچینی،ازراقی،مصبر،مرکی وغیرہ شامل ہیں۔
*اہم نکتہ:* ان ادویہ کےاثرات غدی ادویہ سےختم کیےجاسکتےہیں۔

*٣۔خون پر غدی ادویات کے اثرات*
غدی ادویه محرک جگر و غدود اور مولد صفرا ادویہ ہیں یہ ادویہ خون میں لیفین اور فائبرین کو کم کر دیتی ہیں جس سے خون میں پتلا پن پیدا ہو جاتا ہے۔ انجماد خون کی صفت کم ہو جاتی ہے یہی وجہ ہے کہ اس مزاج کےافراد اگر کسی وجہ سے زخمی ہو جائیں تو خون کا اخراج جلد بند نہیں ہوتا۔یا درکھیں غدی ادویہ کے استعمال سے خون میں نمکیات کی زیادتی ہو جاتی ہے جس سے خون منجمد نہیں ہوتا۔لیکن اگر کیلشیم اوگزالیٹ یا کیلشیم لیکٹیٹ وغیرہ مریض کو کھلا دیئے جائیں یا ان کی پچکاری کی جائے تو نمک نیوٹرل ہو جاتاہے جس سے پھر انجماد خون ہونے لگتا ہے۔سائنسی اصطلاح میں نمک(سوڈیم کلورائیڈ )میں اگر الکلی ملادی جائے تو نمک بے اثر یا ختم ہو جاتا ہے۔
غدی ادویہ میں اجوائن دیسی،حب سلاطین،بائچی،رائی،سنڈھ اور مرچ سیاہ وغیرہ شامل ہیں۔
*اہم نکتہ:* غدی ادویہ کے اثرات اعصابی مزاج کی ادویہ سے ختم کئے جاسکتے ہیں۔

11/03/2023

*ساری عمر دوائیں کھانےکانام علاج نہیں*

ماضی میں اگر کوٸی شخص نشہ کاعادی ہوجاتاتھا تو لوگ اس سے نفرت کرتے تھے۔لیکن نصف صدی گزرنے کے بعد اب حالات زمانہ میں ایسی تبدیلی اور ترقی ہوٸی کہ وہی نشہ جو شراب اور ہیروئین کی شکل میں تھا اب کیپسول اور گولیوں کی شکل میں میڈیسن کےنام پرآگیا۔پہلے نشہ خریدنا اور استعمال کرنا مشکل تھا اب خریدنا اور استعمال کرنا دونوں آسان ہو گئے ہیں۔مثلاجسے گولی کے بغیر نیند نہیں آتی وہ بظاہر تو یہی کہتا ہے کہ میں نیند کی ایک گولی کھالوں تو سکون سے نیند آتی ہے اور کئی سالوں سے کھا رہا ہوں اس سے میں بہت پرسکون ہوں اسی طرح نشہ کرنے والےبھی کہتے ہیں جب تک ہم یہ نشہ آور چیز نہ کھائیں اس وقت تک ہمیں سکون نہیں آتا۔بالکل اسی طرح درد کےمریض کو درد کی دوا کا نام دے کر نشہ دیاجارہاہے۔جونہی وہ دوا کھاتا ہے اس کا درد کہیں غائب ہو جاتا ہے۔جب اس دوا کا نشہ ختم ہو جاتا ہے تو دوبارہ کھا لیتا ہے۔اور پھر جوں جوں وقت گزرتا ہے۔نشے کی مقدار بڑھا دی جاتی ہے۔جس طرح شروع میں ایک چاول افیون کا نشہ شروع کرنے والے کی خوراک دو تین سال بعد پندرہ سولہ چاول تک پہنچ جاتی ہے اسی طرح نشہ آور دواؤں کی مقدار بھی بڑھانی پڑتی ہے پہلے اگر ایک گولی سے نیند آتی ہے یا ایک گولی سے بلڈ پریشر نارمل ہو جاتا تھا اب دو تین کھاتے ہیں تو اثر ہوتا ہے اس طرح زندگی کی گاڑی اور نشہ آور دوا دونوں چلتے رہتے ہیں یہاں تک کہ مریض زندگی کی بازی ہار جا تا ہے۔ہر چوتھا پانچواں شخص کسی نہ کسی مرض کی دوائیں لمبے عرصے سے کھا رہا ہے ہر وقت دوائیں اس کی جیب میں ہوتی ہر گھر میں ایک دوافراد دوائیاں کھا رہے ہیں۔غذائی طور پر جتنا خرچ ہوتا ہے اس کا چوتھا حصہ لازمی دواؤں پر خرچ ہو رہا ہوتا ہے اور اگر خدانخواستہ کوئی فرد خطرناک مرض میں مبتلا ہے تو یہ خرچہ بڑھتے بڑھتے غذائی ضروریات سے بھی آگے نکل جاتا ہے یعنی اس قدر کھانے پینے پر خرچ نہیں ہوتا جتنا دواؤں پر خرچ ہوتا ہے۔اس کی بنیادی وجہ یہ ہے کہ ہر شخص چاہتا ہے کہ بس ایک خوراک کھاتے ہی اسے آرام آ جائے اگرچہ اسےمعلوم بھی ہو کہ فوری اثر دوائیں نقصان دہ ہوتی ہیں۔کون ایسا شخص ہے جسے ان دواؤں کے نقصان کے متعلق معلوم نہیں؟لیکن اس کے باوجود وہ یہ چاہتا ہے کہ بس ادھر دوا جسم میں جائے اور ادھر فائدہ شروع ہو جائے خواہ مرض کتنا ہی پرانا اور سیریس ہو۔بس ایک ہی خوراک سے فرق پڑتا چاہئے۔ تو عوام کی اس خواہش کو پورا کرنے کے لئے کمپنیوں نے بھی نشہ کا سہارا لیا۔ ہماری دیسی دوائیں دو دن کھانے کے بعد مریض کہتے ہیں کہ دودن ہو گئے ابھی تک میرا مرض ختم نہیں ہوا۔لیکن نشہ آور دوائیں جن کی ایک ہی خوراک فورا مرض کودبادیتی ہے بے شک ساری زندگی کھانی پڑے وہ قبول ہے۔دراصل مریض اپنی مرض کا علاج کرنا ہی پسند نہیں کرتا بس فوری فائدہ کے چکر میں ساری عمر دوائیں کھاتا رہتا ہے۔دو تین ماہ مرض کا علاج کرنا برداشت نہیں کرتا۔مثلا شوگر کے مریض ہروقت اپنی دوا جیب میں رکھتے ہیں زیادہ بگڑ نے والے صبح دو پہر شام انسولین کے انجیکشن لگاتے ہیں حیرانگی اور افسوس اس بات کا ہے کہ جب کسی مریض کو کہا جائےکہ تین چار ماہ دیسی دواؤں سے شوگر کا علاج کیا جائے تو مرض مکمل ٹھیک ہوسکتا ہے لیکن وہ بھی یہی چاہتا ہے کہ آج دوا کھاؤں تو آج ہی فائدہ ہونا چاہئے۔بس اسی آج کےوقتی فائدہ کے لئے ساری عمر دوائیں کھاتا رہتا ہے۔پھر دو چار سال بعد جب دوائیں کھا کر تھک جاتاہےاور مرض بڑھتاہی جاتاہے،جسمانی قوتیں بھی کمزور ہوجاتی ہیں تو دیسی علاج یاد آجاتاہے۔دواٸیں کھا کھا کر اعضا ٕ اس قدر متاثر ہو چکے ہوتے ہیں کہ مرض کے علاج سے ان دواؤں کےاثرات کا خاتمہ مشکل ہوجاتاہے۔اس طرح بے شمار مریض ہیں جو ہر روز سالوں سے دوائیں کھا رہے ہیں۔سالہا سال دوائیں کھانا کامیاب علاج نہیں بلکہ ناکامی ہے۔

Address

Karachi

Telephone

+923453326873

Website

Alerts

Be the first to know and let us send you an email when Dar us Shifa posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dar us Shifa:

Shortcuts

Share

Category