20/01/2026
گل پلازہ آتشزدگی: شاہی سید کا اظہار تشویش
عوامی نیشنل پارٹی سندھ کے صوبائی صدر شاہی سید نے کراچی کے ایم اے جناح روڈ پر واقع گل پلازہ میں پیش آنے والے ہولناک آتشزدگی کے واقعے پر گہری تشویش کا اظہار کیا ہے۔ انہوں نے کہا کہ اس افسوسناک سانحے میں قیمتی انسانی جانوں کے ضیاع پر انہیں انتہائی دکھ اور صدمہ ہے جبکہ متعدد دکانداروں کو بھاری مالی نقصان اٹھانا پڑا، جس پر وہ دلی رنج و افسوس کا اظہار کیا
شاہی سید نے آتشزدگی کے نتیجے میں زخمی ہونے والے افراد کے لیے جلد اور مکمل صحتیابی کی دعا کی۔
انہوں نے مزید کہا کہ صوبائی اور شہری حکومت کی یہ ذمہ داریا بنتی ہے کہ وہ زخمیوں کو فوری اور معیاری طبی سہولیات کی فراہمی یقینی بنائے اور متاثرہ عمارت میں موجود افراد کو بحفاظت نکالنے کے لیے ہنگامی بنیادوں پر اقدامات کرے اور آگ پر قابو پانے کے لیے تمام دستیاب وسائل بروئے کار لائے۔
رحمان بابر
ترجمان اے این پی سندھ
