28/12/2025
پیغامِ پاکستان اولمپک گیمز خیرپور 2025 کے تحت منعقدہ اسپورٹس ایونٹ میں مجموعی طور پر 12 مختلف کھیلوں کا کامیاب انعقاد کیا گیا، جن میں کھلاڑیوں نے بھرپور جوش، محنت اور اسپورٹس مین اسپرٹ کا مظاہرہ کیا۔ آج اس شاندار ایونٹ کی اختتامی تقریب منعقد ہوئی، جس میں معزز مہمانوں کی شرکت نے تقریب کو مزید باوقار بنا دیا۔
اختتامی تقریب کے چیف گیسٹس میں محمد علی اسسٹنٹ کمشنر خیرپور، علی گل ملاح آئی بی آفیسر، شاہزیب عوان ڈسٹرکٹ اسپورٹس آفیسر، حُما رضوان فوکل پرسن ایجوکیشن، ڈاکٹر سعید اعوان چیف وارڈن سول ڈیفنس، ڈاکٹر وجے کمار فزیو تھراپسٹ ، اشرف باجوہ صدر پیغامِ پاکستان سکھر ڈویژن، عبدالرازق کھوسو ہیڈ رانا لیاقت نرسنگ کالج شامل تھے۔
تقریب کے دوران کامیاب کھلاڑیوں اور ٹیموں میں میڈلز اور ٹرافیاں تقسیم کی گئیں، جبکہ معزز مہمانوں کو ان کی خدمات کے اعتراف میں اعزازی شیلڈز پیش کی گئیں۔ مہمانانِ خصوصی نے ایونٹ کے کامیاب انعقاد کو سراہتے ہوئے پیغامِ پاکستان کی کاوشوں کی تعریف کی۔
یہ اولمپک گیمز نوجوانوں کو مثبت سرگرمیوں کی جانب راغب کرنے، کھیلوں کے فروغ اور قومی یکجہتی کو مضبوط بنانے کی ایک بہترین مثال ثابت ہوئے۔
