Mahir-e -Nafsiyat ki Batain

25/10/2024

MENTAL HEALTH
عام زندگی ، روزمرہ کی زندگی ، شادی شدہ زندگی ، تعلقات ، اور دیگر کئی طرح کے مسائل آج کل بہت عام ہیں۔ بیشتر لوگوں کو اپنے مسائل کا ہی علم نہیں ہوتا، جبکہ اکثر لوگوں کو صرف اپنے مسائل کا علم ہوتا ہے، لیکن یہ پتا نہیں ہوتا کہ ان مسائل کی وجہ سے کس حد تک اپنی ذہنی و جسمانی حالت خراب کر چکے ہیں، اس ذہنی و جسمانی مسائل کو Mental Disorders کہتے ہیں، جس کے سبب انسان کی روزمرہ کی زندگی کافی ڈسٹرب رہتی ہے، دن کو سکون نہیں اور رات کو آرام نہیں ۔

ان مسائل سے نمٹنے کے لئے دو طرح کے ڈاکٹرز یا پروفیسرز جن کو ماہر نفسیات " سائیکالوجسٹ اور سائیکائٹریسٹ کہتے ہیں۔ اس میں بھی "اپلائیڈ سائیکالوجسٹ اور کلینکل سائیکالوجسٹ " سب سے اوپر ہوتے ہیں۔ یہ دونوں ڈاکٹر یا پروفیسرز کسی بھی انسان کی کن حالات یا واقعات میں مدد کر سکتے ہیں، وہ کچھ یوں ہیں؛

1. ذہنی دباؤ (Stress) کو کم کرنے میں مدد:
سائیکالوجسٹ ایسے طریقے سکھاتے ہیں جو ذہنی دباؤ کو مؤثر انداز میں کنٹرول کرنے میں مدد دیتے ہیں، جیسے ریلیکسیشن تکنیک، سٹریس مینجمنٹ اور مثبت سوچ۔

2. ذاتی اور پیشہ ورانہ تعلقات میں بہتری:
لوگوں کو تعلقات کے مسائل، اعتماد کی کمی، یا کمیونیکیشن کے مسائل میں مدد فراہم کرتے ہیں تاکہ وہ بہتر تعلقات قائم کر سکیں۔

3. فیملی اور شادی شدہ زندگی کے مسائل:
خاندانی مسائل، لڑائی جھگڑے، ازدواجی مشکلات، اور فیملی ممبران کے ساتھ مسائل کے حل میں بھی رہنمائی فراہم کرتے ہیں۔

4. فیصلہ کرنے میں مدد:
زندگی میں بڑے فیصلے جیسے کہ کیریئر کا انتخاب، رشتہ داری کے معاملات یا کسی بھی قسم کا ذاتی فیصلہ لینے میں رہنمائی فراہم کرتے ہیں، جس سے لوگ بہتر فیصلہ کر پاتے ہیں۔

5. خود اعتمادی بڑھانا:
اگر کسی کو اپنی ذات پر اعتماد کا مسئلہ ہو تو سائیکالوجسٹ اس پر کام کرتے ہیں تاکہ وہ اپنی صلاحیتوں پر اعتماد بحال کر سکے اور خود کو اچھا سمجھ سکے۔

6. بچوں اور نوعمر نوجوانوں کی رہنمائی:
اسکول، تعلقات، اور جذباتی مسائل میں بچوں اور نوجوانوں کو تربیت دیتے ہیں تاکہ وہ ذہنی اور جسمانی طور پر صحت مند رہ سکیں۔

7. خود کو سمجھنے میں مدد:
سائیکالوجسٹ لوگوں کو اپنے خیالات، جذبات، اور رویوں کو بہتر انداز میں سمجھنے میں مدد کرتے ہیں، جس سے وہ اپنی زندگی میں مثبت تبدیلی لا سکتے ہیں۔

سبھی ماہر نفسیات لوگوں کی زندگی کے مختلف مسائل میں ان کے ساتھ تعاون کرتے ہیں، ان کی بات سن کر اور انہیں بہتر حل بتا کر ان کی زندگی کو بہتر بنانے میں مدد فراہم کرتے ہیں۔

ایسے تمام لوگ جو درج بالا معاملات یا مسائل کا شکار ہیں انہیں کوشش کرنی چاہیے کہ وہ بروقت کسی ماہر نفسیات سے رابطہ کریں، اور اپنے مسائل بغیر کسی ہچکچاہٹ کے ڈسکس کریں، اور ان مسائل سے باہر نکلنے کی کوشش کریں، جس سے روزمرہ کی زندگی انسان ہو سکے۔

منقول : رانا محسن

21/02/2024

03/02/2024

*نیند کے مسائل*

نیند نا آنے کی صورت میں یا نیند کی خرابی میں نیند کے معیار، وقت اور مقدار کے ساتھ مسائل شامل ہوتے ہیں۔ نیند کے مسائل اکثر میڈیکل یا mentally صحت میں بگاڑ کے ساتھ ہوتے ہیں اور باز اوقات پریشانی یا حالات کے خراب ہونے کی وجہ سے بھی نیند کے مسائل پیدا ہو جاتے ہیں نیند کے دوران، آپ کا جسم صحت مند دماغی کام کرنے اور آپ کی جسمانی صحت کو برقرار رکھنے کے لیے کام کر رہا ہوتا ہے ۔ بچوں اور نوعمروں میں، نیند ترقی اور نشوونما میں بھی مدد کرتی ہے۔ وقت کے ساتھ کم نیند لینے سے آپ کو دائمی یا طویل مدتی جسمانی یا دماغی صحت کے مسائل کا خطرہ بڑھ سکتا ہے۔

*علامات*
ٹھکاوٹ
غصہ
بے چینی
چڑ چڑ ا پن
سستی
سر کا بھاری پن
سر میں درد
کام کاج کرنے میں مشکل

اچھی نیند کے لئے درج ذیل کام کیے جا سکتے ہیں

1-آرام دہ نیند کا ماحول بنائیں
اپنے سونے کے کمرے میں لائٹس کو ڈم رکھیں ، نارمل درجہ حرارت اور جتنا ممکن ہو پرسکون رکھیں اور الیکٹرانکس جیسے کمپیوٹر، ٹی وی اور موبائل فون کو سونے کے کمرے سے باہر رکھیں۔ کمپیوٹر اور ٹی وی اور موبائل کی اسکرینوں سے محرک اشیاء اور روشنیوں کی نمائش میلاٹونن کی سطح کو متاثر کر سکتی ہے، یہ ایک ہارمون ہے جو آپ کے جسم کی اندرونی گھڑی کو منظم کرتا ہے

2- نیند کا شیڈول مرتب کریں
۔ نیند کا معمول برقرار رکھیں۔ روزانہ ایک ہی وقت پر بستر پر جائیں اور ہر روز ایک ہی وقت پر اٹھیں، یہاں تک کہ اختتام ہفتہ پر بھی۔ بہت جلدی بستر پر نہ جائیں اور نہ ہی دیر سے اٹھیں۔

3- نیند کو محدود کریں
دوپہر کے آخر میں کی جانے والی جھپکی رات کی نیند میں خلل ڈال سکتی ہے لہٰذا اس سے بچیں

4- ورزش
ورزش کے معمول کو برقرار رکھیں۔ تحقیق سے پتہ چلتا ہے کہ ورزش نیند کے کل وقت کو بڑھاتی ہے، خاص طور پر نیند جو کہ جسم کی مرمت اور دیکھ بھال کے لیے اہم ہے۔ تاہم، دن میں زیادہ دیر سے ورزش نہ کریں۔ سونے کے وقت کے قریب ورزش کرنا توانائی کی سطح اور جسم کے درجہ حرارت کو بڑھا سکتا ہے، جس سے سونا مشکل ہو جاتا ہے

5- رات گئے کھانے نکوٹین اور الکحل کے استعمال

سونے سے پہلے بھاری کھانا چھوڑ دیں،چاۓ اور کافی کا استمال محدود کریں یہ نیند کے معیار میں خلل ڈال سکتا ہے ۔ لہٰذا نیکوٹین اور کیفین کے استعمال کو روکیں۔ یہ محرکات سونا اور سوتے رہنا مشکل بنا سکتے ہیں

6- تنا ؤ یا اضطراب
سونے کے وقت سے پہلے تناؤ یا اضطراب پیدا کرنے والے حالات پر بات نہ کریں اور نہ ہی ان سے نمٹیں۔ جس طرح ورزش توانائی کی سطح اور جسم کے درجہ حرارت کو بڑھا سکتی ہے، اسی طرح مشکل موضوعات پر گفتگو کرنے سے تناؤ بڑھے گا اور دل کی دھڑکن تیز ہو سکتی ہے جس سے سونے میں مشکل آ سکتی ہے ۔

7- ڈیپ بریڈنگ (گہرے لمبے سانس کی مشک)
دماغ کو پرسکون رکھنے اور دن بھر اس کا خیال رکھنے کے علاوہ، سونے سے پہلے فوری طور پر سانس کو اندر اور باہر کرنے کے لیے صرف 5 منٹ کا وقت لگانا دماغ کو سکون دینے میں مددگار ثابت ہوتا ہے۔ سانس کے اندر اور باہر نکلنے کے قدرتی بہاؤ پر آگاہی پر توجہ مرکوز کریں، اور جب بھی آپ محسوس کریں کہ آپ کا ارتکاز ختم ہو گیا ہے، تو آہستہ سے اپنی توجہ اپنی سانسوں پر واپس لائیں۔

ان تمام چھوٹی چھوٹی چیزوں پر عمل کر کے آپ اچھی نیند حاصل کر سکتے ہیں مزید رہنمائی کے لیے قریبی سائیکالوجسٹ سے رابطہ کر سکتے ہیں

دعا گو
محمدکامران کلینیکل سائیکالوجسٹ

19/12/2023

آپکی مینٹل ہیلتھ روپے، پیسے، جائیدادوں، نام، مشہوری سب سے زیادہ اہم ہے۔ اس پر فوکس کریں اپنی مینٹل ہیلتھ کو خراب مت ہونے دیں

پیسے اور بڑا انسان بننے کی دوڑ میں اس بات کو مت بھول جانا!

وہ تمام نوجوان جو اپنا اور اپنی فیملی کے لیے جان مار رہے ہو، تم عظیم انسان ہو! تم جتنا کر سکتے تھے کر رہے ہو، کامیابی دینے والی ذات اللہ کی ہے، وہ جب تمہارے حق میں بہتر سمجھے گا تمہیں کامیاب کر دے گا۔

اس نے ہمارے ذمہ محنت لگائی ہے، پھل پھول اسی نے لگانا ہے، ہم نے بس فصل اگانے کے لیے محنت کرنی ہے، پھل وہی لگائے گا، محنت ضایع نہیں کرے گا۔

خود پر غصہ مت کرو، خود پر بہت زیادہ بوجھ نہ ڈالو، خود کو اتنا سب کچھ کرنے کے بعد بھی مت کوسو، تم سے جو ہو سکتا ہے کر رہے ہو۔

ہاں اپنی محنت نہیں چھوڑنی، لگن سے، تندہی سے، ایمانداری سے جو کام کر سکتے ہو کرو۔ اپنا فوکس اپنا گول سیٹ رکھو اور مسلسل محنت جاری رکھو

اچھی سادہ خوراک، تازہ سلاد، چٹنی، گھر کی سادہ تندور یا توے کی روٹی کا کوئی بڑے سے بڑا فائیو سٹار ہوٹل بھی نعم البدل نہیں ہے اور سپورٹس، چاہے وہ کرکٹ ہو، فٹبال، بیڈمنٹن یا گلی ڈنڈا، اپنی زندگی میں شامل کر لو اور اسے مت چھوڑنا، پازیٹو سوچو، پازیٹو سوچ والے دوستوں میں بیٹھو۔ اگر اپ کی مینٹل ہیلتھ اچھی ہے تو اپ کسی بھی چیز کو اچیو کر سکتے ہو اگر اپ کی مینٹل ہیلتھ میں بگاڑ پیدا ہو گیا تو بہت پیچھے رہ جاؤ گے

اچھا سوچو گے، اچھا ہوگا۔
برا سوچو گے، برا ہی ہوگا۔

08/12/2023

معاشرے میں بہت سے لوگ ایسے ہیں جو ذہنی اور روحانی زخموں سے چور ہیں جن کو سننے والا کوئی بھی نہیں ہے ایسے لوگ دشواری اور اذیت میں زندگی گزار رہے ہوتے ہیں اور کچھ لوگ اذیت برداشت نہ کرتے ہوئے اپنی زندگی کا خاتمہ کر لیتے ہیں اگر ایسے لوگوں کو بروقت سن لیا جاتا نہ صرف ان کی ذہنی سڑیس اور گھٹن ختم ہوتی بلکہ زندگی بھی بچ جاتی ہے

ایک ماہر نفسیات الجھی ہوئی سوچوں کو ایک ترتیب سے سلجھاتا ہے اور اپ کو ان بے ترتیب سوچوں کو ترتیب دینے کا فن سکھاتا ہے اپ کو زندگی ایک نئے زاویے اور انداز سے دیکھنے کا طریقہ سکھاتا ہے زندگی کو کیسے پر مسرت بنانا ہے اور مشکلات کو کیسے قابو میں لانا ہے یہ بھی سکھاتا ہے

زندگی بہت انمول ہے اس کی قدر کریں خوش رہیں اور اپنے قریبی لوگوں کو خوش رکھیں اپ کے ہمدردی کے دو بول کسی کی زندگی کو بچانے میں اور پر مسرت بنانے میں بہت اہم کردار ادا کر سکتے ہیں

دعا گو
محمد کامران ماہرنفسیات

29/11/2023

غصہ کیا ہے ؟ اور قابو کیسے کیا جا سکتا ہے

غصہ ایک قدرتی ایموشن ہے جو کہ اللہ تعالی کی طرف سے عطا کیا ہوا ہے اسی ایموشن کی بنا پر انسان نے اغاز دنیا میں اپنا وجود قائم رکھا اسی ایموشن کی بنا پر کبھی حیوانات سے خود کو محفوظ رکھ کر اور کبھی مشکلات کا سامنا کر کے لیکن اس ایموشن کا استعمال اس کی حدود میں رہ کر کیا جائے تو ہمیں فائدہ حاصل ہوسکتا ہے تجاوز کرنے کی صورت میں اپنا بہت بڑا نقصان کر بیٹھتے ہیں اور خود پر کنٹرول نہیں رکھ پاتے جس کا خمیازہ ہماری انے والی نسلوں تک کو بھگتنا پڑتا ہے اگر ہم اپنے اپ پر قابو کرنا سیکھ لیں تو بہت بڑے نقصان سے بچا جا سکتا ہے جس سے ہماری انے والی نسلیں بھی محفوظ رہ سکتی ہیں اگر ہم غصے کے پیچھے میڈیکل سائنس کو دیکھیں تو ہمیں پتہ چلتا ہے کہ غصہ زیادہ دیر پا نہیں ہے یہ ایک ایسا ایموشن ہے جو جتنی تیزی سے جاگتا ہے اتنی ہی تیزی سے دوبارہ سو جاتا ہے اپ نے کبھی نوٹ کیا ہوگا کہ کبھی اپ غصے میں سیخ پا ہوئے ہوں گے اور کچھ ہی لمحے کے بعد وہ غصہ غائب بھی ہو چکا ہوگا غصہ ایک ایسے گھوڑے کی مانند ہے ہم اس کو جتنی تیز بھگائیں گے یہ اتنا ہی تیز بھاگے گا اور اگر ہم اس کو لگام ڈال کر رکھیں گے تو یہ بندھا رہے گا تو اس سے ہمیں یہ پتہ چلا کہ اس کو قابو کرنا ہمارے اپنے ہی اختیار میں ہے لیکن سوال یہ پیدا ہوتا ہے کہ اس گھوڑے کو لگام ڈالیں کیسے ؟
غصہ ایک ایسا ایموشن ہے کہ اگر غصے کے دوران خلل پیدا کر دیا جائے تو یہ ایموشن اہستہ اہستہ مرنے لگتا ہے مطلب یہ ہے کہ غصے کی حالت میں اگر ہم کچھ وقفہ ڈال دیں تو یہ ایموشن اپنی طاقت کھونا شروع کر دیتا ہے اور میڈیکل سائنس بھی یہی کہتی ہے کہ اس ایموشن کے دوران اگر ہم کچھ خلل یا وقفہ پیدا کر لیں تو یہ ایموشن اپنی طاقت کھونا شروع کر دیتا ہے جیسے کہ حدیث مبارکہ میں ہے "نبی پاک صلی اللہ علیہ والہ وسلم نے فرمایا غصے کی حالت میں پانی پینے سے غصہ کم ہو جاتا ہے" مطلب یہ ہے کہ جب غصے کی حالت میں ہم نے پانی پیا تو ہم نے اس ایموشن میں کچھ وقفہ یا خلل پیدا کر دیا جیسے ہی وقفہ پیدا ہوا ہمارا وہ ایموشن کم ہونا شروع ہو گیا تو ثابت یہ ہوا کہ میڈیکل سائنس کے ساتھ ساتھ ہمارا دین بھی یہی کہتا ہے کہ اس موشن کے درمیان خلل پیدا کرنے سے اس ایموشن کی طاقت کو کم کیا جا سکتا ہے تو ہمیں یہ چاہیے کہ غصہ کی حالت میں ہم اپنی سوچ کو کسی اور ڈائریکشن میں بدل لیں یا کسی اور چیز کی طرف سوچنا شروع کر دیں یا خود کو کسی دوسرے کام میں مشغول کر لیں صرف کچھ سیکنڈز کی یہ پریکٹس اپ کی نسلوں کو اور اپ کو بہت بڑے نقصان سے بچا سکتی ہے ۔

دعا گو
محمد کامران کلینیکل سائیکالوجسٹ

23/11/2023

ہم اپنے موڈ کو کیسے بہتر کر سکتے ہیں ؟

تحریر کا اغاز میں ایک مثال سے دینا چاہوں گا اگر ہم کسی مشین کو استعمال نہ کریں تو کچھ عرصہ بعد اپ دیکھیں گے کہ وہ مشین مکمل طور پر کام نہیں کرے گی اس کے مختلف فنکشنز میں خرابی پیدا ہونا شروع ہو جائے گی اور کوی امکان ہیں کہ اس کی باڈی کو بھی زنگ لگ جائے گا اسی طرح انسانی دماغ بھی ایک مشین کی مانند ہے اگر اس کو بھی اپ کچھ عرصہ تک استعمال نہیں کریں گے تو یہ کمزور پڑ جائے گا اور نیگٹو خیالات کا گڑھ بن جائے گا اور اس کے فنکشنز اہستہ اہستہ نکارہ پڑھتے جائیں گے

ایسے لوگ جو زندگی کے پیچیدہ حالات سے متاثر ہیں اور اور ساتھ مکمل فارغ رہتے ہیں منفی خیالات کی وجہ سے اہستہ اہستہ دماغ کے ساتھ ساتھ ان کا جسم بھی نکارہ پڑنا شروع ہو جاتا ہے تو ایسے لوگوں کو چاہیے کہ وہ خود کو زیادہ سے زیادہ مصروف رکھیں مثبت سوچیں اور دماغ کو مثبت پہلوؤں کی طرف راغب کریں

ورزش اپنی زندگی کا ایک حصہ بنا لیں ورزش کرنے سے خون جسم کے تمام حصوں بشمول دماغ تک باسانی اور کثیر مقدار میں پہنچتا ہے اور برین کیمیکلز کا اخراج ہوتا ہے جو کہ اپ کے موڈ کو بہتر کرنے میں مددگار ثابت ہوتے ہیں ورزش کرنے سے نہ صرف اپ خود کو جسمانی طور پر صحت مند محسوس کرتے ہیں بلکہ دماغی طور پر بھی اپ خود کو خوش و خرم پاتے ہیں

ڈیپ بریدنگ اس مشق کو کرنے سے اپ اپنے ذہنی تناؤ میں کمی کو محسوس کریں گے اور موڈ کو بھی بہتر پائیں گے

مناسب اور زود ہضم خوراک کا انتخاب کریں پھلوں سبزیوں اور سلاد کو ترجیح دیں پانی کا مناسب استعمال کریں اور اپنی باڈی کو ہائیڈریٹ رکھیں

خود کو مصروف رکھنے کے لیے کوئی اچھا سا مشغلہ اپنا لیں جیسے کہ کچن گارڈننگ ،پرندے یا جانور کو پالنا ،اچھی کتب کا مطالعہ یا پھر والنٹیئر کاموں میں بڑھ چڑھ کر حصہ لینا وغیرہ چھوٹی چھوٹی چیزوں پر عمل کرنے سے نہ صرف اپ خود کو مصروف رکھ سکتے ہیں بلکہ منفی خیالات سے بھی خود کو دور رکھ سکتے ہیں جس سے اپ کی زندگی میں سکون اور موڈ کو بہتر کرنے میں مدد ملے گی اللہ اپ کو ہمیشہ خوش و خرم رکھے

دعا گو
محمد کامران کلینیکل سائیکالوجسٹ

13/11/2023

بائپولر ڈس ارڈر (Bipolar Disorder)

بائپولر (BPD) ایک ذہنی عارضہ ہے جس کی خصوصیت یہ ہے کہ یا تو انسان ڈپریشن میں یا پھر بہت ذیادہ پرجوش رہتا ہے، ڈپریشن (افسردگی) کی اقساط اداسی، پریشانی اور روزمرہ کی سرگرمیوں میں دلچسپی کم ہونے کے جذبات سے ہوتی ہیں، جبکہ مینک ہونے کی صورت میں ضرورت سے زیادہ خوشی کے جذبات، انتہائی سرگرمی، اور بڑھتے ہوئے خود اعتمادی کے جذبات.

بائپولر(BPD) عمر، جنس یا نسل سے قطع نظر کسی کو بھی متاثر کر سکتی ہے۔ دو قطبی بیماری کا علاج ادویات اور سائیکو تھراپی سے کیا جاتا ہے۔ سائیکو تھراپی مریض کو بیماری کی علامات کو کنٹرول کرنے کا طریقہ سیکھنے میں مدد کرتی ہے۔

بائپولر کی کچھ عام علامات ہیں:

ڈپریشن کے اثرات:
* اداسی اور پریشانی کے احساسات
*روزمرہ کے کاموں میں دلچسپی کھو دیتا ہے۔
* سونے میں دشواری یا بہت زیادہ سونا
*بھوک نہ لگنا یا زیادہ کھانا
*تھکاوٹ یا نامردی محسوس کرنا
* جرم یا بے حسی
* خودکشی کے خیالات

- مینک فیز:
* انتہائی خوشی کے احساسات
* بہت زیادہ سرگرمی
*خود اعتمادی کو بڑھاتا ہے۔
* بات کرنے کی رفتار
* نیند کی کمی
*جلدی فیصلے کرنا
* لاپرواہ رویے

اگر آپ ان علامات میں سے کسی میں مبتلا ہیں یا آپ کے آس پاس کوئی شخص ہے تو فوری طور پر ماہر نفسیات سے رجوع کریں، ماہر نفسیات مرض کی صحیح تشخیص اور علاج کر سکتا ہے۔

محمد کامران کلینکل سائیکالوجسٹ

07/11/2023

عارضی فالج (SLEEP PARALYSIS)

عارضی فالج ایک خوفناک اور حیرت انگیز تجربہ ہے۔ جس میں انسان خود کو ہوش میں تو محسوس کرتا ہے مگر اپنے جسم کو حرکت نہیں دے سکتا۔
عارضی فالج(sleep paralysis ) تب نمودار ہوتا ہے جب انسان سویا ہو یا نیند سے بیدار ہونے کے قریب ہو۔ عارضی فالج کے دوران انسان کا دم گُھٹتا ہے اور سینے پر وزن محسوس ہوتا ہے۔اور جسم کے اعضا حرکت نہیں کرتے اور بعض اوقات عجیب و غریب مخلوق بھی نظر اتی ہے یہ حالت چند سیکنڈز سے چند منٹس تک ہو سکتی ہے۔ ریسرچ کے مطابق صدمے، اضطراب اور ذہنی دباؤ کی وجہ سے عارضی فالج (sleep paralysis ) ہونے کا امکان بڑھ جاتا ہے۔ عاضی فالج تب ہوتا ہے جب انسان REM سائیکل ختم ہونے سے پہلے بیدار ہو جاتا ہے۔ REM Sleep نیند کی ایسی حالت ہے جس میں دماغ بہت فعال ہوتا ہے اور خواب بھی اسی حالت کے دوران آتے ہیں۔ REM Sleep کے دوران جسم کے مسلز بنیادی طور پر ریلیکس ہو جاتے ہیں اور کام کرنے کی صلاحت نہیں رکھتے تا کہ آپ اپنے خواب کے مطابق حرکت کرتے ہوئے خود کو نقصان نہ پہنچا لیں۔ عارضی فالج (سلیپ پیرالسز) تب ہوتا ہے جب ہمارا دماغ تو REM فیز سے باہر آ چکا ہوتا ہے لیکن جسم ابھی بھی اسی حالت میں ہوتا ہے۔ یعنی ہمارے جسم کے پٹھے (مسلز) ابھی بھی غیر فعال ہوتے ہیں۔ اس دوران لوگ سحر انگیزی کی کیفیت سے گزرتے ہیں کیونکہ ہمارا دماغ ابھی بھی خواب کی سی حالت میں ہوتا ہے۔ لوگوں کا کہنا ہے کہ وہ عارضی فالج کے دوران غیرمعمولی اور عجیب مخلوق کو دیکھتے ہیں۔ عارضی فالج میں انسان مختلف اقسام کے دھوکے میں آ جاتا ہے۔ ان میں سے ایک انٹروڈر فینومینن (intruder phenomenon) کہلاتا ہے جس میں انسان محسوس کرتا ہے کہ ان کے پاس کمرے میں کوئی ہے۔ جبکہ ایک دوسرے مظہر کو انکیوبس فینومینن (incubus phenomenon) کہتے ہیں جس میں انسان نیند کے دوران خود پر دباؤ محسوس کرتا ہے۔ ایک اندازے کے مطابق تقریباً 7.8 فیصد لوگ عارضی فالج کے تجربے سے گزرتے ہیں۔ عارضی فالج کا شکار میں سے 28 فیصد وہ لوگ ہیں جنہوں نے اپنا نیند کا سائیکل خراب کر رکھا ہے۔ جو نہ مخصوص وقت پر سوتے ہیں اور نہ ہی مخصوص وقت پر جاگتے ہیں۔ جبکہ 37 فیصد وہ لوگ ہیں جو ذہنی دباؤ کا شکار ہیں۔ یہ بیماری عام طور پر دس سے پچیس سال کی عمر کے افراد میں پائی جاتی ہے۔ یہ بیماری جینیاتی بھی ہو سکتی ہے۔ بلکل سیدھا لیٹ کر سونے سے عارضی فالج کا امکان بڑھ جاتا ہے۔

وجوہات
نیند کے مسائل
ذہنی دباؤ یا تناؤ
انزائٹی
ڈپریشن
صدمہ
بے خوابی

احتیاطی تدابیر یا بچاؤ
ڈ یپ بریتھنگ Deep Breathing
میڈیٹیشن Meditation
سلیپ ہائی جین Sleep hygine
روزانہ ور زش Daily Exercise
سادہ اور ذود ہضم خوراک Simple & healthy diet

ایک بات یاد رکھیں سلیپ پیرالائز کی صورت میں ہمیشہ دائیں طرف کروٹ لے کر سوئیں اور کبھی بھی سینے پر ہاتھ رکھ کر سیدھا مت لیٹیں یہ چند احتیاطی تدابیر ہیں جس کی مدد سے اپ سلیپ پیرالائز سے بچاؤ کو ممکن بنا سکتے ہیں

11/10/2023

زندگی کے کچھ مقامات پر ہمیں لاپرواہ ہونا چاہیے جیسے کہ ہم کچھ باتوں کو ہر جگہ پر نہیں کرتے اسی طرح ہمیں کچھ خیالات سوچو اور رویوں کی بنا پر خود کو اذیت نہیں دینی چاہیے بلکہ ان سے لاپرواہ رہتے ہوئے خود کو سکون اور تسکین دینی چاہیےیقین مانیں کبھی کبھی یہ لاپرواہی اپ کو بہت فائدہ دیتی ہے یہ اپ کی ذہنی نشونما اور سکون کے لیے بہت ضروری ہے ۔

دعا گو
محمد کامران کلینیکل سائیکالو جسٹ

07/10/2023

Welcome to my page Mahir-e -Nafsiyat ki Batain!🌱💚 Here, we strive to create a supportive community where we can openly discuss, learn, and share resources about mental health. Together, we can break the stigma surrounding mental health and promote well-being for all. Join me in this journey towards a healthier mind and a brighter tomorrow. Remember, you're never alone. Let's support one another.
" " " #