Zindagi Homeopathic Clinic Township Lahore

06/03/2025

Life changing words.

06/03/2025

Hold on, what?
https://www.facebook.com/watch/?v=844119254323032&rdid=pIpxJm8UhKvJuihX

06/03/2025

Parenting guide..
https://www.facebook.com/reel/1687160735541614

06/03/2025

Why your diet is making you age faster! https://www.facebook.com/watch/?v=952269020305919&rdid=WTzlgwTth1CfhqWl

06/03/2025

We want to be more modern. ہم لوگ ماڈرن کہلائے جانے کے چکر میں بہت قیمتی چیزیں چھوڑ بیٹھے ہیں۔ ہم نے آسانیاں ڈھونڈیں اور اپنے لیے مشکلیں کھڑی کر دیں۔
-
آج ہم دھوتی پہن کے باہر نہیں نکل سکتے لیکن صدیوں کی آزمائش کے بعد یہ واحد لباس تھا جو ہمارے موسم کا تھا۔ ہم نے خود اپنے اوپر جینز مسلط کی اور اس کو پہننے کے لیے کمروں میں اے سی لگوائے۔ شالیں ہم نے فینسی ڈریس شو کے لیے رکھ دیں اور کندھے جکڑنے والے کوٹ جیکٹ اپنا لیے۔ ہمیں داڑھی مونچھ اور لمبے بال کٹ جانے میں امپاورمنٹ ملی اور فیشن بدلا تو یہ سب رکھ کے بھی ہم امپاورڈ تھے!
-
ہم نے حقہ چھوڑ کے سگریٹ اٹھایا اور ولایت سے وہی چیز جب شیشے کی شکل میں آئی تو ہزار روپے فی چلم دے کر اسے پینا شروع کر دیا۔ ہے کوئی ہم جیسا خوش نصیب؟
-
ہم نے لسی چھوڑی، کولا بوتلیں تھام لیں، ہم نے ستو ترک کیا اور سلش کے جام انڈیلے، ہم نے املی آلو بخارے کو اَن ہائی جینک بنا دیا اور وہی چیز ایسنس کے ساتھ جوس کے مہر بند ڈبے خرید کے بچوں کو پلائی، وہ پیک جس کے آر پار نہیں دیکھا جا سکتا کہ گتے کا ہوتا ہے۔ ہم نے ہی اس اندھے پن پہ اعتبار کیا اور آنکھوں دیکھے کو غیر صحت بخش بنا دیا۔
-
ہم نے دودھ سے نکلا دیسی گھی چھوڑا اور بیجوں سے نکلے تیل کو خوش ہو کے پیا، ہم نے چٹا سفید مکھن چھوڑا اور زرد ممی ڈیڈی مارجرین کو چاٹنا شروع کر دیا، اس کے نقصان سٹیبلش ہو گئے تو پھر ڈگمگاتے ڈولتے پھرتے ہیں۔ گوالے کا پانی ہمیں برداشت نہیں لیکن یوریا سے بنا دودھ ہم گڑک جاتے ہیں، الحمدللہ!
-
اصلی دودھ سے ہمیں چائے میں بو آتی ہے اور ٹی واٹنر ہم نوش جان کرتے ہیں جس پہ خود لکھا ہے کہ وہ دودھ نہیں۔ گھر کے نیچے بھینس باندھ کر ہم نے سوکھا دودھ باہر ملک سے خریدنے کا سودا کیا اور کیا ہی خوب کیا!
ہم تو وہ ہیں جو آم کے موسم میں بھی اس کا جوس شیشے کی بوتلوں میں پیتے ہیں۔
-
ہم گڑ کو پینڈو کہتے تھے، سفید چینی ہمیں پیاری لگتی تھی، براؤن شوگر نے ہوٹلوں میں واپس آ کے ہمیں چماٹ مار دیا۔ اب ہم ادھر ادھر دیکھتے ہوئے گال سہلاتے ہیں لیکن گڑ بھی کھاتے ہیں تو پیلے والا کہ بھورا گڑ تو ابھی بھی ہمیں رنگ کی وجہ سے پسند نہیں۔
-
آئیں، ہم سے ملیں، ہم ایمرجنسی میں پیاسے مر جاتے ہیں، گھروں کی ٹونٹی کا پانی نہیں پی سکتے، نہ ابال کر نہ نتھار کے، ہم پانی بھی خرید کے پیتے ہیں۔ ہم ستلجوں، راویوں، چنابوں اور سندھوں کے زمین زاد، ہم ولایتی کمپنیوں کو پیسے دے کے پانی خریدتے ہیں۔
-
ہم تو پودینے کی چٹنی تک ڈبوں میں بند خریدتے ہیں۔ چھٹانک دہی اور مفت والے پودینے کی چٹنی ہم ڈیڑھ سو روپے دے کے اس ذائقے میں کھاتے ہیں جو ہمارے دادوں کو ملتی تو انہوں نے دسترخوان سے اٹھ جانا تھا۔
-
سوہانجنا ہمیں کڑوا لگتا تھا، جب سے وہ مورنگا بن کر کیپسولوں میں آیا ہے تو ہم دو ہزار میں پندرہ دن کی خوراک خریدتے ہیں۔ وہی سوکھے پسے ہوئے پتے جب حکیم پچاس روپے کے دیتا تھا تو ہمیں یقین نہیں تھا آتا۔
-
پانچ سو روپے کا شربت کھانسی کے لیے خریدیں گے لیکن پانچ روپے کی ملٹھی کا ٹکڑا دانتوں میں نہیں دبانا، ’عجیب سا ٹیسٹ آتا ہے۔‘
-
ہم پولیسٹر کے تکیوں پہ سوتے ہیں، نائلون ملا لباس پہنتے ہیں، سردی گرمی بند جوتا چڑھاتے ہیں، کپڑوں کے نیچے کچھ مزید کپڑے پہنتے ہیں اور زندگی کی سڑک پہ دوڑ پڑتے ہیں، رات ہوتی ہے تو اینٹی الرجی بہرحال ہمیں کھانی پڑتی ہے۔
-
ہم اپنی مادری زبان ماں باپ کے لہجے میں نہیں بول سکتے۔ ہم زبان کے لیے نعرے لگاتے ہیں لیکن گھروں میں بچوں سے اردو میں بات کرتے ہیں۔ ہم اردو یا انگریزی کے رعب میں آ کے اپنی جڑیں خود کاٹتے ہیں اور بعد میں وجہ ڈھونڈتے ہیں کہ ہم ’مس فٹ‘ کیوں ہیں۔
-
عربی فارسی کو ہم نے مدرسے والوں کی زبان قرار دیا اور ہاتھ جھاڑ کے سکون سے بیٹھ گئے۔ ’فورٹی رولز آف لَو‘ انگریزی میں آئی تو چومتے نہیں تھکتے۔ الف لیلیٰ، کلیلہ و دمنہ اور اپنے دیسی قصے کہانیوں کو ہم نے لات مار دی، جرمن سے گورے کے پاس آئی تو ہمیں یاد آ گیا کہ استاد مال تو اپنا تھا۔

جا کے دیکھیں تو سہی، عربی فارسی کی پرانی ہوں یا نئی، صرف وہ کتابیں ہمارے پاس اب باقی ہیں جو مدرسوں کے نصاب میں شامل ہیں۔ باقی ایک خزانہ ہے جسے ہم طلاق دیے بیٹھے ہیں۔ پاؤلو کوہلو اسی کا ٹنکچر بنا کے دے گا تو بگ واؤ کرتے ہوئے آنکھوں سے لگا لیں گے۔ متنبی کون تھا، آملی کیا کر گئے، شمس تبریز کا دیوان کیا کہتا ہے، اغانی میں کیا قصے ہیں، ہماری جانے بلا!
-
ہماری گلیوں میں اب کوئی چارپائی بُننے والا نہیں آتا، ہمیں نیم اور بکائن میں تمیز نہیں رہ گئی، ہمارے سورج سخت ہوگئے اور ہمارے سائے ہم سے بھاگ چکے، ہمارے چاند روشنیاں نگل گئیں اور مٹی کی خوشبو کو ہم نے عطر کی شکل میں خریدنا پسند کیا۔
-
وہ بابا جو نیم کی چھاؤں میں چارپائی لگائے ٹیوب ویل کے ساتھ دھوتی پہنے لیٹا ہوتا ہے، وہ حقے کا کش لگاتا ہے، ہمیں دیکھتا ہے اور ہنس کے آنکھیں بند کر لیتا ہے۔ اسے کب کی سمجھ آ گئی ہے، ہمیں نہیں

05/03/2025

05/03/2025

Jack Fruit helps to treat diabetic.
https://www.facebook.com/watch/?v=453356304335891

05/03/2025

Why fatty lever. فیٹی لیور کیوں ہوتا ہے؟

فیٹی لیور (Fatty Liver)
اس وقت ہوتا ہے جب جگر میں غیر معمولی مقدار میں چکنائی جمع ہو جاتی ہے۔ اس کی درج ذیل وجوہات ہو سکتی ہیں:
1.
2. غیر متوازن خوراک
3. – چکنائی اور جنک فوڈ زیادہ کھانے سے
4. موٹاپا
5. – زیادہ وزن رکھنے والے افراد میں خطرہ زیادہ ہوتا ہے
6. ذیابیطس اور انسولین کی مزاحمت
7. – شوگر کے مریضوں میں فیٹی لیور عام ہے
8. شراب نوشی
9. – الکوحلک فیٹی لیور کی بڑی وجہ شراب نوشی ہے
10. بے حرکت طرزِ زندگی
11. – جسمانی سرگرمی کی کمی
12. کولیسٹرول اور ٹرائی گلیسرائیڈ کی زیادتی
13. – خون میں چکنائی کی مقدار زیادہ ہونا
14. ادویات کا زیادہ استعمال
15. – کچھ دوائیں جگر پر بوجھ ڈال کر فیٹی لیور کا سبب بنتی ہیں
فیٹی لیور کے نقصانات
اگر فیٹی لیور کا علاج نہ کیا جائے تو اس کے درج ذیل نقصانات ہو سکتے ہیں:
• جگر کی سوزش (Hepatitis)
• – جگر میں انفیکشن ہو سکتا ہے
• جگر کا سکڑ جانا (Fibrosis & Cirrhosis)
• – جگر کی کارکردگی متاثر ہو سکتی ہے
• جگر کا ناکارہ ہونا (Liver Failure)
• – اگر معاملہ بگڑ جائے تو جگر مکمل طور پر کام چھوڑ سکتا ہے
• جگر کا کینسر (Liver Cancer)
• – لمبے عرصے تک فیٹی لیور رہنے سے کینسر کا خطرہ بڑھ جاتا ہے
ہومیوپیتھی کا کردار
ہومیوپیتھی میں فیٹی لیور کا علاج ممکن ہے اور اس کا مقصد جگر کو صحت مند بنانا اور چکنائی کی مقدار کو نارمل کرنا ہوتا ہے۔ اللہ آپ کو صحت دے، ش٘فا دے۔:
احتیاطی تدابیر
• چکنائی اور جنک فوڈ سے پرہیز
• روزانہ کم از کم 30 منٹ کی ورزش
• زیادہ پانی پینا
• چینی اور الکوحل کا استعمال کم کرنا
• تازہ سبزیوں اور پھلوں کا استعمال
اگر آپ کو فیٹی لیور کی شکایت ہے تو کسی ماہر ہومیوپیتھک ڈاکٹر سے مشورہ کریں تاکہ مناسب علاج تجویز کیا جا سکے۔

04/03/2025

Mother Teresa's prayer.

04/03/2025

Pain killer, which cannot be avoided.

127.2K followers, 791 likes, 21 comments