LIFE LINE CLINIC-Gulberg

30/05/2025

فلیورز میں چھپا ہے نقصان۔
ویپس سے درحقیقت خطرے میں ہے جان!

ہر کَش کی چکانی پڑ سکتی ہے قیمت۔
اپنی حفاضت کریں۔ تمباکو نوشی اور ویپ سے دور رہیں!

دنیا بھر میں 13 سے 15 سال کی عمر کے تقریباً 37 ملین بچے تمباکو استعمال کرتے ہیں۔ فلیورز کو نکوٹین اور تمباکو مصنوعات کا استعمال شروع کرنے کی سب سے بڑی وجہ قرار دیا جاتا ہے۔

14/05/2025

ہیٹ اسٹروک صرف تھکن نہیں ہے – یہ ایک طبی ایمرجنسی ہے، جو کہ گرمی سے متعلق شدید بیماری ہے۔
علامات کو جانیں اور اپنے آپ کو بچانے کے لیے تیزی سے عمل کریں!

06/05/2025

گردوں کی اکیوٹ انجری(اچانک خرابی) کیا ہے؟

گردوں کی اکیوٹ انجری ایک ایسی حالت ہے جس میں گردے اچانک اپنی فلٹریشن کی صلاحیت کھو دیتے ہیں، جس سے خون میں فضلات اور مائع جمع ہو جاتے ہیں۔ یہ حالت چند گھنٹوں یا دنوں میں ظاہر ہو سکتی ہے اور فوری علاج کی ضرورت ہوتی ہے۔

علامات:

پیشاب کی مقدار میں کمی
سوجن (خصوصاً ٹانگوں اور پیٹ میں)
تھکاوٹ اور کمزوری
متلی اور قے
سانس لینے میں دشواری
سینے میں درد یا دباؤ
اسباب:

گردوں کی نالیوں کا نقصان: جیسے انفیکشن یا زہر کا اثر
گردوں کی خون کی فراہمی میں کمی: جیسے دل کی بیماری یا خون کی کمی
گردوں کی نالیوں میں رکاوٹ: جیسے پتھری یا ٹیومر

خطرے کے عوامل:
ذیابیطس
بلند فشار خون
دل کی بیماری
گردوں کی پچھلی بیماری
عمر رسیدہ افراد
شدید انفیکشن

احتیاطی تدابیر:
مناسب پانی پینا
صحت مند غذا کا استعمال
باقاعدہ ورزش
دواؤں کا محتاط استعمال
باقاعدہ طبی معائنہ

علاج:
مائع تھراپی: خون میں مائع کی مقدار کو متوازن کرنا
دواؤں کا استعمال: گردوں کی کارکردگی کو بہتر بنانے کے لیے
ڈائلیسس: شدید صورتوں میں خون کو صاف کرنے کے لیے
اگر آپ یا آپ کا کوئی جاننے والا ان علامات کا سامنا کر رہا ہے تو فوراً ڈاکٹر سے رابطہ کریں۔

گردوں کی صحت کا خیال رکھیں، صحت مند زندگی گزاریں

30/04/2025

گندم کی کٹائی اور صحت کا خیال: ماسک کا استعمال اور دیگر احتیاطی تدابیر ضروری ہے

آج کل گندم کی کٹائی اور تھریشر کا موسم ہے، جس کے دوران ہوا میں گرد و غبار کی مقدار بڑھ جاتی ہے۔ یہ آلودگی نہ صرف سانس لینے میں دشواری پیدا کرتی ہے بلکہ مختلف بیماریوں کا بھی سبب بن سکتی ہے، جیسے کہ:
- سانس کی الرجی
- دمہ کے دورے
- آنکھوں میں جلن اور انفیکشن
- کھانسی اور نزلہ زکام

احتیاطی تدابیر
1. ماسک کا استعمال کریں: باہر نکلتے وقت فیس ماسک یا کپڑے سے منہ ڈھانپیں تاکہ گرد کے ذرات سے بچا جا سکے۔

2. آنکھوں کو محفوظ رکھیں: چشمے یا عینک پہن کر باہر جائیں۔

3. گھر کے دروازے اور کھڑکیاں بند رکھیں: خاص طور پر دوپہر کے وقت جب ہوا میں گرد زیادہ ہوتی ہے۔

4. حساس افراد خصوصی احتیاط کریں:بچے، بوڑھے اور دمہ کے مریض زیادہ احتیاط برتیں۔

ہم سب کی ذمہ داری
کسان بھائیوں سے گزارش ہے کہ اگر ممکن ہو تو رات یا صبح کے وقت تھریشر کا کام کریں جب ہوا میں نمی زیادہ ہوتی ہے اور گرد کم اڑتی ہے۔

📢 پوسٹ کو شیئر کریں تاکہ زیادہ سے زیادہ لوگ اس پیغام سے آگاہ ہو سکیں!

10/11/2024

29/09/2024

World heart day 2024

26/09/2024

ماحول خشک اور صاف
ڈینگی سے مکمل نجات

25/09/2024

𝐖𝐨𝐫𝐥𝐝 𝐋𝐮𝐧𝐠 𝐃𝐚𝐲

𝑩𝒓𝒆𝒂𝒕𝒉𝒊𝒏𝒈 𝑬𝒂𝒔𝒚 𝒊𝒔 𝒂 𝑮𝒊𝒇𝒕. 𝑪𝒉𝒆𝒓𝒊𝒔𝒉 𝒊𝒕, 𝑷𝒓𝒐𝒕𝒆𝒄𝒕 𝒊𝒕.

16/09/2024

26/08/2024

اینل فشر۔۔۔
A**l Fissure....
جسم پر چوٹ لگ جائے تو وقت کے ساتھ ساتھ زخم بھرتا رہتا ہے۔ تاہم بعض داخلی اور خارجی عوامل اس عمل میں مسلسل رکاوٹ ڈالتے رہتے ہیں لہٰذا زخم بھر نہیں پاتا۔ ایسا زخم جتنا پرانا ہوتا جائے، اس کا علاج بھی اتنا ہی مشکل ہو جاتا ہے۔ اس کی ایک مثال بڑی آنت کے آخری حصے یعنی مقعد پر زخم کی ہے جسے اینل فشر کہتے ہیں۔

زیادہ تر صورتوں میں یہ ایک ہی ہوتا ہے لیکن دو یا اس سے زائد زخم بھی ہو سکتے ہیں۔ یہ مقعد کے پچھلے یا اگلے کسی بھی حصے میں ہو سکتا ہے۔ اکثر اس کے نیچے والے سرے پر ایک دانہ (skin tag) سا بن جاتا ہے۔ زخم کا دورانیہ دو ہفتے سے کم ہو تو اسے تازہ جبکہ اس سے زیادہ ہو تو اسے پرانا اینل فشر کہتے ہیں۔

وجوہات کیا ہیں۔۔
Causes of A**l Fissure...
مقعد کے آخر میں دو رِنگ نما گول پٹھے (sphincters) ہوتے ہیں۔ یہاں سے مقعد کو خون مہیا کرنے والی نالیاں گزرتی ہیں۔ مقعد میں زخم بن جائے تو اندرونی رِنگ مکمل طور پر سکڑ جاتا ہے اور نالیوں میں خون نہیں پہنچ پاتا۔ نتیجتاً زخم بھرنے کا عمل متاثر ہوتا ہے۔ اس کے علاوہ پاخانے سے بھی یہ زخم تازہ ہو جاتا ہے۔ یہ دونوں عوامل اینل فشر کے بھرنے میں رکاوٹ بنتے ہیں اور زخم پرانا ہوتا چلا جاتا ہے۔

عموماً فاسٹ فوڈ اور گوشت کا زیادہ استعمال اس مسئلے کا سبب بنتا ہے۔ ان سے پاخانہ سخت ہو جاتا ہے اور خارج ہوتے ہوئے مقعد میں زخم بنا دیتا ہے۔ اس کے علاوہ آنتوں کی سوزش یا بڑی آنت کے آخری حصے میں کینسر وغیرہ کے باعث یہ مسئلہ ہو سکتا ہے۔

مرض کی علامات۔۔
Symptoms of A**l Fissure...

اس کی علامات یہ ہیں:

٭ پاخانہ کرتے وقت شدید درد ہونا ( یہ پاخانے کے بعد بھی ایک گھنٹے یا زیادہ دیر تک جاری رہ سکتا ہے)

٭ پاخانے میں خون آنا

٭ اینل فشر کے سرے پر ایک یا اس سے زائدچھوٹے چھوٹے دانے بننا

تشخیص اور علاج...
Diagnosis and Treatment...
عام طور پر جسمانی معائنے سے ہی تشخیص ہو جاتی ہے۔ اگر مریض کو شدید درد ہو اور اس کے لیے معائنہ کروانا مشکل ہو تو بے ہوشی کی حالت میں یہ کام انجام دیا جاتا ہے۔

تازہ فشر کا علاج....
Acute A**l Fissure Treatment...
اس کے علاج کا انحصار زخم کی مدت پر ہوتا ہے۔ تازہ فشر کا علاج محض غذائی تبدیلیوں سے بھی ممکن ہے۔ اس کے لیے:

٭ گوشت اور مرچ مصالحوں کا استعمال کم کریں۔

٭ فائبر کی حامل اشیاء یعنی سبزیوں اور پھلوں کا استعمال زیادہ کریں۔

٭ صبح و شام گرم پانی میں 15 سے 20 منٹ تک بیٹھیں۔ 60 سے 70 فیصد مریض ایسا کرنے سے ٹھیک ہو جاتے ہیں۔

جن لوگوں پر یہ نسخے اثر نہ کریں وہ ادویات سے ٹھیک ہو جاتے ہیں۔ اس کے لیے پاخانے کو نرم اور درد دور کرنے والی ادویات تجویز کی جاتی ہیں۔ انہیں ڈاکٹر کے مشورے سے استعمال کریں۔ فشر کی اس قسم سے متاثر ہونے والے مریضوں کو بہت کم صورتوں میں آپریشن کی ضرورت پڑتی ہے۔

پرانے فشر کا علاج...
Chronic Fissure Treatment...
اس کے علاج کو تین مرحلوں میں تقسیم کیا جاتا ہے جو یہ ہیں:

٭ مقعد کے اندر لگانے والی کریم دی جاتی ہے جسے دن میں دو سے تین بار لگانا ہوتا ہے۔ اس کے ساتھ کھانے پینے میں احتیاط اور پاخانہ نرم کرنے والی دوائیں تجویز کی جاتی ہیں۔ بعض لوگوں میں یہ سر درد یا بلڈ پریشر میں کمی کا سبب بن سکتی ہیں لہٰذا انہیں ڈاکٹر کے مشورے سے استعمال کریں۔ یہ کورس دو سے تین ماہ جاری رہتا ہے اور اس کا اثر دو سے چار ہفتوں میں شروع ہو جاتا ہے۔

٭ ادویات سے افاقہ نہ ہو تو مقعد کے اردگرد ایک ٹیکہ لگایا جاتا ہے۔ اس کا اثر عموماً تین دن میں شروع ہو جاتا ہے۔ بعض اوقات دو ٹیکوں کی ضرورت بھی پیش آ سکتی ہے۔ اس سے مریض کو متعلقہ حصے پر ہلکی سی جلن یا خارش ہو سکتی ہے۔ اس کے بعد اسے اسی دن ہسپتال سے ڈسچارج کر دیا جاتا ہے۔

٭ پہلے دو طریقوں سے افاقہ نہ ہو تو مقعد کے اندر والے رِنگ میں چیرا لگایا جاتا ہے۔ ایسے میں وہ کھل جاتا ہے اور مقعد کی جلد میں خون کا بہاؤ بہتر ہو جاتا ہے۔ اس طریقہ علاج سے فشر کے زخم کی صرف صفائی کی جاتی ہے یا دانے کو کاٹا جاتا ہے۔ یہ آپریشن بیہوشی کی حالت میں تقریباً 15 منٹ میں مکمل کر لیا جاتا ہے۔ اکثر مریض سرجری کے کچھ دیر بعد گھر چلے جاتے ہیں۔

ادویات اور انجیکشن کی صورت میں کامیابی کی شرح 40 فیصد ہے۔ ان میں سے بھی تقریباً آدھے مریضوں کو ایک سال کے اندر دوبارہ فشر ہو سکتا ہے۔ دوسری طرف آپریشن سے 90 فیصد سے زائد مریض مکمل صحت یاب ہو جاتے ہیں اور ان میں دوبارہ زخم ہونے کے امکانات بھی کم ہوتے ہیں۔

تقریباً 10 فیصد افراد میں اس علاج کے باعث پیچیدگیاں سامنے آ سکتی ہیں جو چند ہفتوں میں ٹھیک ہو جاتی ہیں مگر مستقل طور پر بھی رہ سکتی ہیں۔ مثلاً ریح کے اخراج پر قابو نہ رہنا اور پاخانے کے راستے معمولی مقدار میں پانی آنا۔

ڈاکٹر محمد بلال اشرف

17/08/2024

𝐌𝐩𝐨𝐱 𝐀𝐥𝐞𝐫𝐭!

𝐒𝐭𝐚𝐲 𝐂𝐚𝐮𝐭𝐢𝐨𝐮𝐬, 𝐒𝐭𝐚𝐲 𝐒𝐚𝐟𝐞