Government Mian Meer DHQ Level Hospital, Lahore

18/11/2025

17/11/2025

روبیلا اور خسرہ ویکسینیشن مہم
گورنمنٹ میاں میر DHQ لیول ہسپتال لاہور میں روبیلا اور خسرہ سے بچاؤ کی ویکسینیشن مہم کا باقاعدہ آغاز ہو چکا ہے۔ یہ مہم 17 نومبر 2025 سے 29 نومبر 2025 تک جاری رہے گی۔

افتتاح اسسٹنٹ کمشنر لاہور کینٹ اور میڈیکل سپرنٹنڈنٹ گورنمنٹ میاں میر DHQ لیول ہسپتال لاہور نے کیا۔

اپنے بچوں کو لازمی ویکسین لگوائیں، دوسروں تک بھی یہ پیغام پہنچائیں، اور ہماری کمیونٹی کو محفوظ بنانے میں اپنا کردار ادا کریں۔

08/09/2025

صحت کے محکمہ کی خصوصی ہدایات اور صوبائی وزیرِ صحت خواجہ عمران نذیر کی نگرانی میں، ڈاکٹر غوث (میڈیکل سپرنٹنڈنٹ، گورنمنٹ میاں میر ڈی ایچ کیو لیول ہسپتال لاہور) اور اُن کی ٹیم نے ایک ہنگامی صورتحال کو کامیابی سے سنبھالا۔

سیلاب سے متاثرہ علاقے سے ایک گائنی مریضہ کو ایمرجنسی حالت میں گورنمنٹ میاں میر ڈی ایچ کیو لیول ہسپتال منتقل کیا گیا، جہاں ماہرین نے فوری طبی امداد فراہم کرتے ہوئے تمام تر طبی پروٹوکولز کے مطابق کامیاب ڈیلیوری مکمل کی۔ الحمدللہ مریضہ اور نوزائیدہ دونوں خیریت سے ہیں۔

یہ کامیابی محکمہ صحت اور ہسپتال کے عملے کی بھرپور محنت، پیشہ ورانہ مہارت اور عوامی خدمت کے عزم کی روشن مثال ہے۔

#ڈاکٹرغوث #لاہور

03/09/2025

🎗️ سروائیکل کینسر سے بچاؤ — ویکسینیشن ہے بہترین حفاظتی قدم 🎗️

سروائیکل کینسر خواتین میں سب سے عام اور خطرناک بیماریوں میں سے ایک ہے، مگر خوش قسمتی سے اس سے بچاؤ ممکن ہے۔
ایچ پی وی (HPV) ویکسین بروقت لگوا کر خواتین اس بیماری کے خطرے کو نمایاں حد تک کم کر سکتی ہیں۔

✔️ سروائیکل کینسر سے بچاؤ کی ویکسین ہر لڑکی اور عورت کے لیے انتہائی اہم ہے۔
✔️ بروقت ویکسینیشن اور باقاعدہ میڈیکل چیک اپ سے اس بیماری پر قابو پایا جا سکتا ہے۔
✔️ صحت مند طرزِ زندگی اور آگاہی آپ کو اور آپ کی فیملی کو محفوظ رکھ سکتی ہے۔

اپنی بیٹیوں، بہنوں اور ماؤں کو اس ویکسین کے بارے میں ضرور آگاہ کریں۔
آئیں! ہم سب مل کر سروائیکل کینسر کے خلاف آواز بلند کریں اور ایک صحت مند معاشرہ بنائیں۔ 🌿

#ویکسینیشن #کینسرسےبچاؤ #صحت

23/08/2025

👩‍⚕️ ہیڈ نرس (ڈائیلاسس یونٹ) کے تاثرات 👩‍⚕️

"ڈائیلاسس یونٹ میں ہماری اولین ترجیح یہ ہے کہ مریضوں کو آرام دہ اور محفوظ ماحول فراہم کیا جائے۔ ہر مریض کے ساتھ عزت، توجہ اور ہمدردی سے پیش آنا ہماری بنیادی ذمہ داری ہے۔

ہماری نرسنگ ٹیم دن رات اس بات کو یقینی بنانے کے لیے پرعزم ہے کہ ڈائیلاسس کا ہر عمل بہترین طبی معیار کے مطابق ہو۔ ہم مریضوں کے لیے صرف علاج ہی نہیں بلکہ حوصلہ افزائی اور ذہنی سکون بھی فراہم کرنے کی کوشش کرتے ہیں۔"

23/08/2025

👨‍⚕️ ڈاکٹر احمد زمان (انچارج ڈائیلاسس یونٹ) کے تاثرات 👨‍⚕️

"الحمدللہ، گورنمنٹ میاں میر ڈی ایچ کیو لیول ہسپتال لاہور میں ڈائیلاسس یونٹ مکمل طور پر فعال ہے اور مریضوں کو معیاری اور جدید سہولت فراہم کی جا رہی ہے۔ ہمارا مقصد یہ ہے کہ گردوں کے مریضوں کو اپنے علاقے میں ہی بہترین علاج میسر ہو تاکہ انہیں دور دراز ہسپتالوں کے چکر نہ لگانے پڑیں۔

ہماری پوری ٹیم دن رات اس کوشش میں ہے کہ مریضوں کو نہ صرف علاج دیا جائے بلکہ ان کے ساتھ عزت اور ہمدردی کے ساتھ پیش آیا جائے۔ انشاءاللہ یہ سہولت مزید بہتری کے ساتھ مریضوں کی خدمت کے لیے جاری رہے گی۔"

23/08/2025

🗣️ مریض کے تاثرات

"میں کافی عرصے سے ڈائیلاسس کا مریض ہوں اور پہلے دوسرے ہسپتالوں میں جانا پڑتا تھا جس سے کافی مشکلات پیش آتی تھیں۔ اب گورنمنٹ میاں میر ڈی ایچ کیو لیول ہسپتال لاہور میں ڈائیلاسس یونٹ کے فعال ہونے کے بعد مجھے اپنے ہی علاقے میں بہترین سہولت مل رہی ہے۔ یہاں کا عملہ بہت تعاون کرنے والا ہے اور علاج جدید مشینوں کے ذریعے کیا جاتا ہے۔ مجھے یہاں علاج کے دوران تسلی اور اطمینان حاصل ہوا ہے۔"

23/08/2025

🏥 گورنمنٹ میاں میر ڈی ایچ کیو لیول ہسپتال لاہور 🏥

الحمدللہ، گورنمنٹ میاں میر ڈی ایچ کیو لیول ہسپتال لاہور میں جدید ترین ڈائیلاسس یونٹ اب مکمل طور پر فعال ہو چکا ہے۔ اس یونٹ میں مریضوں کو باقاعدگی سے ڈائیلاسس کی سہولت فراہم کی جا رہی ہے۔

یہ سہولت جدید مشینوں اور تربیت یافتہ عملے کے ذریعے فراہم کی جا رہی ہے تاکہ مریضوں کو معیاری علاج، سہولت اور اطمینان مل سکے۔ ڈائیلاسس یونٹ کا قیام گردوں کے مریضوں کے لیے ایک بڑا ریلیف ہے اور اس کا مقصد عوام الناس کو ان کے اپنے شہر میں بہترین علاج فراہم کرنا ہے۔

📌 عوام الناس سے گزارش ہے کہ جو مریض ڈائیلاسس کے علاج کے ضرورت مند ہیں، وہ ہسپتال تشریف لائیں اور اس سہولت سے فائدہ اٹھائیں۔

📌 مزید معلومات، رہنمائی اور اپوائنٹمنٹ کے لیے براہِ راست ہسپتال سے رابطہ کیا جا سکتا ہے۔

11/08/2025

✨🇵🇰 جشنِ آزادی کی خوشیاں، گورنمنٹ میاں میر ہسپتال میں 🇵🇰✨

14 اگست یومِ آزادی کے موقع پر
میڈیکل سپرنٹنڈنٹ، گورنمنٹ میان میر ڈی ایچ کیو لیول اسپتال لاہور
کی خصوصی ہدایت پر پورے اسپتال کو چراغوں اور سبز ہلالی پرچموں سے سجا دیا گیا ہے۔

یہ سجاوٹ نہ صرف ہمارے وطن سے محبت کی علامت ہے بلکہ ہمارے اسٹاف کے حوصلے اور توانائی کو بڑھانے کا بھی ایک خوبصورت پیغام ہے۔

آئیں! ہم سب مل کر عہد کریں کہ پاکستان کی خدمت میں اپنی محنت اور جذبے کو ہمیشہ بلند رکھیں گے۔

پاکستان زندہ باد! 💚🤍
یوم_آزادی ِندہ_باد #14اگست

31/07/2025

اعلان برائے افتتاح ڈائلیسس یونٹ*
*گورنمنٹ میاں میر ہسپتال، لاہور

تمام معزز شہریوں کو یہ اطلاع دی جاتی ہے کہ گورنمنٹ میاں میر ہسپتال، لاہور میں جدید سہولیات سے آراستہ ڈائلیسس یونٹ یکم اگست 2025 سے باقاعدہ طور پر کام کا آغاز کر رہا ہے۔ اس یونٹ کا قیام مریضوں کی سہولت، بروقت علاج اور گردوں کے مرض میں مبتلا افراد کو معیاری طبی خدمات فراہم کرنے کے مقصد سے کیا گیا ہے۔

ڈائلیسس یونٹ میں رجسٹریشن کا عمل فوری طور پر شروع کیا جا رہا ہے، اور مریضوں کی رجسٹریشن پہلے آئیں، پہلے پائیں کی بنیاد پر کی جائے گی۔ مریضوں سے گزارش ہے کہ وہ ہسپتال تشریف لا کر رجسٹریشن ڈیسک سے مکمل معلومات حاصل کریں اور اپنی رجسٹریشن مکمل کروائیں۔

ڈائلیسس یونٹ میں درج ذیل سہولیات دستیاب ہوں گی:

جدید مشینری کے ذریعے ڈائلیسس کی سہولت

مریضوں کی طبی ضروریات کے مطابق آرام دہ ماحول

تربیت یافتہ اور تجربہ کار طبی عملہ

مکمل حفاظتی اور صفائی کے انتظامات

روزانہ مخصوص اوقات میں سروس کی دستیابی

یہ اقدام ہسپتال کی جانب سے مریضوں کو معیاری، قابلِ اعتماد اور باوقار علاج کی فراہمی کی جانب ایک اور عملی قدم ہے۔ ہم اُمید کرتے ہیں کہ یہ یونٹ گردوں کے مریضوں کے لیے ایک بڑی سہولت ثابت ہوگا۔

تمام شہریوں سے گزارش ہے کہ وہ رجسٹریشن اور ڈائلیسس سے متعلق مزید معلومات کے لیے گورنمنٹ میاں میر ہسپتال، لاہور سے براہ راست رابطہ کریں۔

والسلام،
میڈیکل سپرنٹنڈنٹ
گورنمنٹ میاں میر ہسپتال، لاہور

03/07/2025

*🩺✨ خصوصی بچوں کے لیے ہیلتھ اسکریننگ اور علاج کیمپ
📍 گورنمنٹ میاں میر ڈی ایچ کیو لیول اسپتال لاہور
📅 آغاز: 1 جولائی 2025*

محکمہ صحت و آبادی حکومت پنجاب کے زیرِ اہتمام خصوصی بچوں کے لیے ہیلتھ اسکریننگ اور مفت علاج کا کیمپ کامیابی سے جاری ہے۔

یہ کیمپ خصوصی بچوں کو مکمل طور پر مفت علاج اور محبت بھری نگہداشت فراہم کرنے کے لیے قائم کیا گیا ہے۔ ❤️

🔹 کیمپ میں فراہم کی جانے والی سہولیات:
✅ ڈینٹل چیک اپ
✅ ادویات اور ماہر ڈاکٹروں کی مشاورت
✅ بچوں کے ماہر امراض (پیڈیاٹریشن)
✅ فزیوتھراپی سیشنز
✅ آنکھوں کے ماہر (آفتھلمولوجی) کی سہولت
✅ تازہ جوسز اور خصوصی بچوں کے لیے نرمی و محبت سے مہمان نوازی

🌟 اس موقع پر محکمہ صحت و آبادی پنجاب کے اسپیشل سیکریٹری اور سی ای او، ڈسٹرکٹ ہیلتھ اتھارٹی لاہور نے کیمپ کا دورہ کیا، اسٹاف کی کوششوں کو سراہا اور بھرپور حوصلہ افزائی کی۔

گورنمنٹ میاں میر ڈی ایچ کیو لیول اسپتال لاہور
جہاں ہر بچہ ہے خاص، اور ہر مسکراہٹ ہے ہماری کامیابی۔ 🌈💫

📢 آئیں! اس پیغام کو آگے پہنچائیں تاکہ ہر مستحق بچہ بہترین علاج اور پیار بھری دیکھ بھال حاصل کر سکے۔

19/05/2025

گورنمنٹ میاں میر ڈی ایچ کیو لیول ہسپتال لاہور کا ایک اور نمایاں سنگِ میل

مورخہ *19 مئی 2025* کو گورنمنٹ میاں میر ڈی ایچ کیو لیول ہسپتال لاہور نے محترمہ #مریم نواز صاحبہ ، #وزیر اعلیٰ پنجاب کے ویژن کی روشنی میں، محکمہ صحت و آبادی کے تعاون سے ایک انقلابی اقدام کا آغاز کرتے ہوئے صوبہ بھر کے رجسٹرڈ ٹائپ-1 ذیابیطس میں مبتلا 19 سال سے کم عمر مریضوں کو انسولین کی گھر پر 3 ماہ کی فراہمی کی سہولت متعارف کروائی۔

اس سلسلے میں والدین/سرپرستوں کے لیے ایک جامع تربیتی و جانچ سیشن کا انعقاد کیا گیا، جس کا باقاعدہ افتتاح #ایڈیشنل #سیکرٹری (ایڈمن) / #پروگرام #مینیجر برائے انسداد غیر #متعدی امراض، #محکمہ #صحت و آبادی اور #میڈیکل سپرنٹنڈنٹ، گورنمنٹ میاں میر ڈی ایچ کیو لیول ہسپتال لاہور، #ڈاکٹر حافظ #غوث احمد غوث نے کیا۔

تربیتی نشست میں ماہر امراض بچگان نے #والدین کو انسولین کے محفوظ، مؤثر اور ذمہ دارانہ استعمال سے متعلق تفصیلی رہنمائی فراہم کی، تاکہ بچوں کی صحت کا معیار بہتر بنایا جا سکے۔

یہ اقدام حکومت پنجاب کی جانب سے طبّی سہولیات کو جدید خطوط پر استوار کرنے اور بچوں کے لیے مؤثر علاج کی فراہمی کے عزم کا عملی مظہر ہے۔


#وزیراعلیٰ_پنجاب