YDA Punjab Official

02/04/2026

ڈاکٹر شعیب نیازی کے خلاف یہ کارروائی محض ایک فرد کو نشانہ بنانا نہیں، بلکہ ہر اس سچّی آواز کو دبانے کی کوشش ہے جو ڈاکٹرز اور مریضوں کے حقوق کے لیے اٹھتی ہے۔ وہ ان لوگوں میں سے ہیں جو خود مشکل برداشت کر کے دوسروں کے لیے آسانیاں پیدا کرتے ہیں اور آج اسی اصولی جدوجہد کی قیمت ادا کر رہے ہیں۔

ان کی سالوں پہ محیط بے لوث خدمت، اور ان کا ڈٹ جانا ہمیں یاد دلاتا ہے کہ اصل قیادت قربانی مانگتی ہے، سہولت نہیں۔ یہ وقت خاموش رہنے کا نہیں، بلکہ ان کے حوصلے کو اپنا حوصلہ بنانے کا ہے۔

ہمیں یاد رکھنا چاہیے کہ جو شخص آج نشانہ ہے، وہ اپنی وجہ سے نہیں بلکہ کمیونٹی کی جنگ لڑنے کی وجہ سے ہے کیونکہ وہی کل ہمارے حق کے لیے سب سے آگے کھڑا تھا۔ ایسی آوازیں دبائی نہیں جاتیں، بلکہ وقت کے ساتھ اور مضبوط ہو کر ابھرتی ہیں۔

31/03/2026

جدو جہدِ مسلسل کا استعارہ —

ڈاکٹر شعیب نیازی، واحد صدر جنہوں نے اپنی نوکری قربان کر کے بھی ڈاکٹرز اور مریضوں کے حقوق کے لیے آواز بلند کی۔
آج بھی اصولی مؤقف کی پاداش میں انہیں نشانہ بنایا جا رہا ہے، مگر ان کی ثابت قدمی مثال ہے۔
ڈاکٹر کمیونٹی اپنے اس ہیرو کے ساتھ کھڑی ہے اور انہیں خراجِ تحسین پیش کرتی ہے۔

29/03/2026

https://www.facebook.com/share/18KdtvTe2e/?mibextid=wwXIfr

پریس ریلیز

بِسمہ اللّٰہ الرحمٰن الرحیم

مورخہ26-03-30بروز پیر

کل بروز پیر وائی ڈی اے میو وائی ڈی اے پنجاب کے ساتھ لیڈی والنگٹن ہسپتال میں متاثرہ ڈاکٹرز کے ہمراہ 12 بجے پریس کانفرنس کرے گی جس میں تمام میڈیا پرسنز کو مدعو کیا جاتا ہے
ایک چیز سمجھنے کی ضرورت ہے کہ پہلے تو ہر معاملے کی انکوائری کا ایک طریقہ کار وضع ہے جو کہ ہمیشہ ڈاکٹرز کے معاملے میں نظر انداز کیا جاتا ہے جیسا کہ ہر الزام علیہ کو قانون پورا حق دیتا ہے کہ وہ اپنے دفاع کرے اور اپنی طرف کی بات سامنے رکھے مگر یہاں ایک عجیب موب لنچنگ کا طریقہ کار بن چُکا ہے کہ جو سامنے آئے بس ختم کر دو اسے ہمیں اس سوچ کو ٹھیک کرنے کی ضرورت ہے اس مخصوص معاملے میں ڈاکٹرز کو منصفانہ حق نہیں دیا گیا کہ وہ اپنی بات رکھ سکیں بلکہ ان کے لکھے ہُوئے بیانات کو زبردستی پھاڑ کر اپنی مرضی کے بیانات قلم بند کروائے گئے
دوسری بات یہ کہ ہر جُرم کی سزا سزائے موت نہیں ہو سکتی مطلب ایک بندہ چوری کرے اور قتل کری دونوں کو سزا موت نھی دی جا سکتی بالکل اِسی طرح بغیر جُرم کی نوعیت کا تعین کیے سبکو شعبے سے فارغ کر دینا یہ کہاں کا انصاف ہے ؟
یہ امر بھی یاد رکھنا ہو گا کہ جن ڈاکٹرز کو ایک ویڈیو کی بنا پہ فارغ کیا گیا ہے اِنکو ایم بی بی ایس سے اب تک
13 سے 14
سال کا عرصہ ہو گیا ہے میڈیکل کی تربیت حاصل کرتے ہُوئے اور مختلف امتحانات پاس کرتے ہُوئے اور اچانک سے آپ اُنہیں ٹریننگ سے نکال دیں ان کے کیریئر اور فیملی کو تباہ کر دینے کے مترادف ہے ہم اِس ظُلم کے خلاف آواز اُٹھانے کا آئینی حق رکھتے ہیں

منجانب

کابینہ وائی ڈی اے میو ہسپتال لاہور

رابطہ نمبر : 0305 4886889 ڈاکٹر احمد گجر ( صدر وائے ڈی اے میو )

+92 322 4114848 ( Dr Shoaib Niazi President YDA Punjab )

ARY News UrduWorld Health Organization South-East Asia Region - WHO SEAROYDA Punjab OfficialGeo News Urdu

29/03/2026

لیڈی ولینگٹن ہسپتال لاہور، وائرل ویڈیو پر ہیلتھ ڈیپارٹمنٹ کے ایکشن پہ صدر وائی ڈی اے پنجاب ڈاکٹر شعیب نیازی کا بیان:

ہم حالیہ واقعے کی شدید مذمت کرتے ہیں جس میں سپیشلائزڈ ہیلتھ کئیر اینڈ میڈیکل ایجوکیشن ڈیپارٹمنٹ کی جانب سے پانچ ٹرینی ڈاکٹرز، ہیڈ آف ڈیپارٹمنٹ ،انیستھزیا ڈیپارٹمنٹ اور ایم ایس کو معطل کیا گیا اور شوکاز نوٹس جاری کیے گئے۔

سب سے پہلے یہ واضح کرنا ضروری ہے کہ جس ویڈیو کو بنیاد بنا کر یہ کارروائی کی گئی ہے، وہ تقریباً آٹھ ماہ پرانی ہے۔ اگر واقعی اس میں کوئی قابلِ اعتراض پہلو تھا تو بروقت ایکشن لیا جانا چاہیے تھا، نہ کہ سوشل میڈیا کے دباؤ میں آ کر اچانک اور غیر متوازن فیصلے کیے جاتے۔

دوسری اہم بات یہ ہے کہ مذکورہ ویڈیو میں کسی بھی مریض کی شناخت یا پرائیویسی واضح طور پر متاثر ہوتی نظر نہیں آتی۔ بلکہ جو چیز نمایاں ہے وہ یہ ہے کہ ڈاکٹرز انتہائی محدود وسائل اور شدید دباؤ کے باوجود مریضوں کو فوری اور بروقت علاج فراہم کرنے کی کوشش کر رہے ہیں۔ ایک ہی آپریشن تھیٹر میں بیک وقت دو کیسز کو سنبھالنا اس بات کی عکاسی کرتا ہے کہ ڈاکٹرز کس قدر ہنگامی حالات میں بھی اپنی ذمہ داریاں نبھا رہے ہیں۔

ہم یہ واضح کرتے ہیں کہ آپریشن تھیٹر میں ویڈیو بنانا پیشہ ورانہ اصولوں کے خلاف ہے، اور ہم اس عمل کی حمایت نہیں کرتے۔ تاہم، اس ایک غلطی کو بنیاد بنا کر ڈاکٹرز کے خلاف اس حد تک سخت اور یکطرفہ کارروائی کرنا سراسر ناانصافی ہے۔

یہاں ایک بڑا سوال یہ بھی ہے کہ کیا وہ حلقے جو آج ڈاکٹرز کی گرفتاری کا مطالبہ کر رہے ہیں، کبھی ڈاکٹرز کے 36 سے 48 گھنٹے مسلسل ڈیوٹیز، ذہنی دباؤ، اور انتہائی مشکل ٹریننگ کے نظام پر بات کرتے ہیں؟ کیا انہوں نے کبھی اس بات کو اجاگر کیا کہ انہی حالات کے باوجود ڈاکٹرز ہزاروں مریضوں کی جان بچا رہے ہیں؟

ہم سمجھتے ہیں کہ اس طرح کے فیصلے نہ صرف ڈاکٹر کمیونٹی کا مورال گراتے ہیں بلکہ پورے ہیلتھ کیئر سسٹم کو کمزور کرتے ہیں۔ سوشل میڈیا کے دباؤ میں آ کر کیے گئے ایسے اقدامات قابلِ افسوس اور ناقابلِ قبول ہیں۔

وائی ڈی اے پنجاب واضح طور پر یہ اعلان کرتی ہے کہ اگر اس غیر منصفانہ کارروائی کو واپس نہ لیا گیا تو ہم اپنے احتجاج کا آئینی حق محفوظ رکھتے ہیں۔

26/03/2026

https://www.facebook.com/share/1HeUfx43cx/?mibextid=wwXIfr

پریس ریلیز
ینگ ڈاکٹرز ایسوسی ایشن (YDA)
میو ہسپتال لاہور

عید ہو یا محرم، جنگ ہو یا امن کا موقع، ینگ ڈاکٹرز ہمیشہ فرنٹ لائن وارئیرز کے طور پر اپنی خدمات سرانجام دیتے ہیں۔ تاریخ گواہ ہے کہ جب بھی قوم کسی مشکل، بحران یا ہنگامی صورتحال سے دوچار ہوئی، ینگ ڈاکٹرز نے بغیر کسی خوف و خطر کے اپنی جانوں کو خطرے میں ڈال کر مریضوں کی خدمت کو اپنا اولین فرض سمجھا۔ کورونا جیسی عالمی وبا کے دوران بھی یہی ینگ ڈاکٹرز دن رات ہسپتالوں میں موجود رہے اور اپنی پیشہ ورانہ ذمہ داریوں کو احسن طریقے سے نبھاتے رہے۔

بدقسمتی سے، اس بے مثال خدمت، قربانی اور پیشہ ورانہ لگن کے باوجود ینگ ڈاکٹرز کو وہ سہولیات اور مراعات فراہم نہیں کی جاتیں جن کے وہ حقیقی معنوں میں مستحق ہیں۔ دنیا کے ترقی یافتہ ممالک میں اضافی ڈیوٹی، ایمرجنسی حالات یا تہواروں کے مواقع پر خدمات انجام دینے والے ڈاکٹرز کو خصوصی الاؤنسز، بونس اور دیگر مراعات دی جاتی ہیں، لیکن ہمارے ہاں صورتحال اس کے برعکس ہے۔

مزید برآں، موجودہ دور میں مہنگائی نے عام آدمی کے ساتھ ساتھ ینگ ڈاکٹرز کو بھی شدید متاثر کیا ہے۔ پٹرول کی قیمتوں میں مسلسل اضافہ ہو رہا ہے جبکہ دیگر ضروری اخراجات بھی کئی گنا بڑھ چکے ہیں۔ ایک طرف ملک کے بیشتر شعبے "ورک فرام ہوم" کے اصول پر کام کر رہے ہیں، وہیں ڈاکٹرز ایک ایسا طبقہ ہے جو اس سہولت سے محروم ہے۔ ینگ ڈاکٹرز روزانہ اپنی ذاتی بائیکس اور گاڑیوں پر مہنگا پٹرول خرچ کر کے ہسپتالوں تک پہنچتے ہیں اور اپنی ڈیوٹیاں سرانجام دیتے ہیں۔

افسوسناک امر یہ ہے کہ ان تمام مشکلات اور مالی دباؤ کے باوجود نہ تو ان ینگ ڈاکٹرز کو مناسب طور پر سراہا جاتا ہے اور نہ ہی ان کی حوصلہ افزائی کے لیے کوئی مؤثر اقدامات کیے جاتے ہیں۔ یہ رویہ نہ صرف ان کی پیشہ ورانہ کارکردگی کو متاثر کر سکتا ہے بلکہ ان کے حوصلے کو بھی پست کرتا ہے۔

ینگ ڈاکٹرز ایسوسی ایشن (YDA) میو ہسپتال لاہور، حکومتِ پنجاب اور معزز وزیرِ اعلیٰ پنجاب سے پرزور مطالبہ کرتی ہے کہ ینگ ڈاکٹرز کے مسائل کو سنجیدگی سے لیا جائے۔ ڈاکٹرز کی تنخواہوں میں فوری اضافہ کیا جائے تاکہ وہ بڑھتی ہوئی مہنگائی کا مقابلہ کر سکیں۔ مزید برآں، پٹرول الاؤنس یا ٹرانسپورٹ الاؤنس متعارف کروایا جائے تاکہ روزانہ کے سفری اخراجات کا بوجھ کم ہو سکے۔

اسی طرح عید، محرم اور دیگر ہنگامی یا خصوصی مواقع پر ڈیوٹی انجام دینے والے ڈاکٹرز کے لیے خصوصی الاؤنسز کا بھی اعلان کیا جائے تاکہ ان کی خدمات کا اعتراف کیا جا سکے۔ حکومت کو چاہیے کہ وہ ینگ ڈاکٹرز کی فلاح و بہبود کے لیے ٹھوس اقدامات کرے اور انہیں ایک محفوظ، باعزت اور باوقار پیشہ ورانہ ماحول فراہم کرے۔

ینگ ڈاکٹرز ایسوسی ایشن میو ہسپتال لاہور اس عزم کا اعادہ کرتی ہے کہ وہ ہر حال میں مریضوں کی خدمت جاری رکھے گی۔ تاہم، حکومت کی یہ ذمہ داری ہے کہ وہ ڈاکٹرز کے جائز حقوق کو تسلیم کرے اور انہیں وہ سہولیات فراہم کرے جو ان کے پیشے کے شایانِ شان ہوں۔

ریگارڈز
کیبنٹ
ینگ ڈاکٹرز ایسوسی ایشن (YDA)
میو ہسپتال لاہور

YDA Punjab OfficialARY News UrduMaryam Nawaz SharifGovt of PunjabWorld Health Organization South-East Asia Region - WHO SEAROAhmad Kamal

22/03/2026

https://www.facebook.com/share/v/1CePgCCfCu/

"On this Eid,
we salute the unwavering dedication of our health professionals, who selflessly serve others even on their special day.
Your tireless efforts, compassion, and care don't go unnoticed.

Thank you for being the beacon of hope and care in our times of need 💕"

Dr Mudassar Nawaz Ashrafi
Chairman YDA Punjab

12/03/2026

پنجاب میں تقریباً 1200 ایڈہاک ڈاکٹروں کی ملازمت کے خاتمے کا ممکنہ فیصلہ انتہائی غیر منصفانہ اور ناقابلِ قبول ہے۔ یہ ڈاکٹر کئی برسوں سے محکمہ صحت میں دن رات خدمات انجام دے رہے ہیں اور مشکل ترین حالات میں بھی عوام کو طبی سہولیات فراہم کرتے رہے ہیں۔ ایسے میں ان کو اچانک ملازمت سے فارغ کرنا نہ صرف ان کے ساتھ ناانصافی ہے بلکہ صوبے کے صحت کے نظام کے ساتھ بھی زیادتی ہے۔

ینگ ڈاکٹرز ایسوسی ایشن پنجاب حکومتِ پنجاب، وزیرِ اعلیٰ پنجاب محترمہ مریم نواز شریف اور سیکرٹری ہیلتھ اینڈ پاپولیشن ڈیپارٹمنٹ محترمہ نادیہ ثاقب سے واضح اور دوٹوک مطالبہ کرتی ہے کہ ایڈہاک ڈاکٹروں کو ملازمت سے فارغ کرنے کا فیصلہ فوری طور پر واپس لیا جائے۔ یہ ڈاکٹر کُش پالیسی نا صرف مزید برین ڈرینج کا باعث بنے گی بلکہ قوم کے مسیحاوں کو بڑی تعداد میں بے روزگاری سے بھی متاثر کرے گی لہذا اگر محکمہ صحت کوئی نئی پالیسی نافذ کرنا چاہتا ہے تو ان ڈاکٹروں کو لوکم یا کسی مستقل پالیسی کے تحت فوری طور پر ایڈجسٹ کیا جائے۔

یہ ڈاکٹر برسوں سے صحت کے نظام کا اہم ستون رہے ہیں، اس لیے ان کے مستقبل کو داؤ پر لگانا کسی صورت قابلِ قبول نہیں۔ اگر اس مسئلے کو فوری طور پر حل نہ کیا گیا تو یہ نہ صرف ہزاروں خاندانوں کے لیے معاشی بحران پیدا کرے گا بلکہ صوبے کے پہلے سے دباؤ کا شکار صحت کے نظام کو بھی شدید نقصان پہنچائے گا۔

ہم مطالبہ کرتے ہیں کہ حکومت فوری طور پر اس معاملے میں سنجیدہ اور عملی اقدامات کرے اور ایڈہاک ڈاکٹروں کے روزگار، عزت اور پیشہ ورانہ مستقبل کا تحفظ یقینی بنایا جائے۔

ڈاکٹروں کے ساتھ ناانصافی ہرگز برداشت نہیں کی جائے گی۔

ینگ ڈاکٹرز ایسوسی ایشن پنجاب

12/03/2026

https://www.facebook.com/share/v/1858awTCKP/

09/03/2026

BismiLLAH
پریس ریلیز:
ینگ ڈاکٹرز ایسوسی ایشن چلڈرن ہسپتال لاہور کی طرف سے افطار ڈنر
لاہور (9 مارچ، 2026ء):

ینگ ڈاکٹرز ایسوسی ایشن (YDA) پنجاب کی سینئر قیادت نے آج چلڈرن ہسپتال لاہور کے آفیسرز کیفے ٹیریا میں منعقدہ ایک پُروقار افطار ڈنر میں شرکت کی۔ اس تقریب میں صدر وائی ڈی اے پنجاب ڈاکٹر شعیب خان نیازی، پیٹرن ان چیف ڈاکٹر سلمان حسیب چوہدری، چیئرمین ڈاکٹر مدثر نواز اشرفی اور جنرل سیکرٹری ڈاکٹر حسیب تھند سمیت لاہور کے بڑے ہسپتالوں کی قیادت نے بھرپور شرکت کی۔ جناح ہسپتال سے ڈاکٹر حمزہ نذیر، میو ہسپتال سے ڈاکٹر احمد گجر، سروسز ہسپتال سے ڈاکٹر عدیل و ڈاکٹر ذیشان اور گنگارام ہسپتال سے ڈاکٹر عثمان گجر اپنی کابینہ ممبران کے ہمراہ موجود تھے۔ تقریب میں چلڈرن ہسپتال کے ینگ ڈاکٹرز، نرسز اور پیرا میڈیکس ایسوسی ایشن کے نمائندگان نے بھی بڑی تعداد میں شرکت کر کےڈاکٹر لمیونٹی کے اتحاد کا ثبوت دیا۔ اس موقع پر قائدین نے خطاب کرتے ہوئے اس عزم کا اعادہ کیا کہ وائی ڈی اے ہی ڈاکٹرز کے حقوق کی واحد حقیقی نمائندہ جماعت ہے جو ہر مشکل گھڑی میں اپنے ساتھیوں کے ساتھ سیسہ پلائی دیوار کی طرح کھڑی رہے گی اور ڈاکٹرز کے وقار پر کوئی سمجھوتہ نہیں کیا جائے گا۔ مہمانوں نے صدر ڈاکٹر سلیم نیازی اور کابینہ کا شکریہ ادا کیا
منجانب :
ینگ ڈاکٹرز ایسوسی ایشن (YDA) چلڈرن ہسپتال لاہور

02/03/2026

پریس ریلیز
وائی ڈی اے پنجاب

مورخہ: ٠١ مارچ ٢٠٢٦

وائی ڈی اے پنجاب کو حالیہ لوکم بھرتیوں کے حوالے سے بڑی تعداد میں نوجوان ڈاکٹرز کی جانب سے شدید تحفظات اور شکایات موصول ہوئی ہیں۔ ڈاکٹرز کا کہنا ہے کہ UHS کے تحت ہونے والی لوکم بھرتیوں میں نہ کوئی باقاعدہ انٹرویو لیا جاتا ہے، نہ شارٹ لسٹنگ کا شفاف عمل سامنے لایا جاتا ہے، بلکہ براہِ راست سلیکشن اور جوائننگ آرڈرز جاری کر دیے جاتے ہیں۔

متعدد امیدواروں نے وائی ڈی اے پنجاب کو آگاہ کیا کہ انہیں UHS کی جانب سے فون کال موصول ہوئی، انہوں نے اپنی رضامندی ظاہر کی، مگر اس کے بعد نہ کسی میرٹ لسٹ کا اجرا کیا گیا اور نہ ہی کسی باضابطہ سلیکشن پراسیس سے آگاہ کیا گیا۔

نوجوان ڈاکٹرز کے بنیادی سوالات یہ ہیں:

• سلیکشن کا معیار کیا ہے؟
• میرٹ لسٹ کیوں جاری نہیں کی جاتی؟
• انٹرویو یا اسکریننگ کا طریقہ کار کیا ہے؟
• امیدواروں کو طریقہ کار سے آگاہ کیوں نہیں کیا جاتا؟

وائی ڈی اے پنجاب واضح کرتی ہے کہ کسی بھی سرکاری بھرتی کا عمل مکمل شفاف، تحریری قواعد و ضوابط کے مطابق اور قابلِ احتساب ہونا چاہیے۔ خاموش یا غیر واضح سلیکشن پراسیس نہ صرف شکوک و شبہات کو جنم دیتا ہے بلکہ نوجوان ڈاکٹرز کے اعتماد کو بھی متاثر کرتا ہے۔

وائی ڈی اے پنجاب حکومتِ پنجاب اور متعلقہ حکام سے مطالبہ کرتی ہے کہ:

1. لوکم بھرتیوں کا مکمل طریقہ کار فوری طور پر پبلک کیا جائے۔
2. تمام امیدواروں کی میرٹ لسٹ جاری کی جائے۔
3. سلیکشن کے معیار اور اسکریننگ میکانزم کو واضح کیا جائے۔
4. آئندہ ہر بھرتی میں شفافیت اور میرٹ کو یقینی بنایا جائے۔

اگر اس معاملے میں فوری شفافیت نہ لائی گئی تو وائی ڈی اے پنجاب مشاورت کے بعد آئندہ کے لائحہ عمل کا اعلان کرے گی۔

: ترجمان
وائی ڈی اے پنجاب

25/02/2026

https://www.facebook.com/share/p/1CZ9whqATD/?mibextid=wwXIfr

پریس ریلیز
ینگ ڈاکٹرز ایسوسی ایشن (YDA) میو ہسپتال لاہور

آج ینگ ڈاکٹرز ایسوسی ایشن میو ہسپتال لاہور کی کابینہ نے King Edward Medical University کے وائس چانسلر سے ملاقات کی۔ ملاقات میں حالیہ معاملات پر تفصیلی گفتگو کی گئی جس کے نتیجے میں 6 اراکین پر مشتمل ایک انکوائری کمیٹی تشکیل دے دی گئی ہے۔

مزید برآں یہ احکامات جاری کیے گئے ہیں کہ جب تک انکوائری رپورٹ مکمل نہیں ہو جاتی، متعلقہ پروفیسر صاحبہ اور اسسٹنٹ پروفیسر صاحبہ کو وارڈ میں آنے سے روک دیا گیا ہے تاکہ شفاف اور غیر جانبدارانہ تحقیقات کو یقینی بنایا جا سکے۔

یہ بھی اعلان کیا گیا ہے کہ گائناکالوجی کے پانچوں وارڈز میں سے اگر کسی بھی ڈاکٹر، پوسٹ گریجویٹ ریزیڈنٹ یا اسٹاف کو کسی قسم کا مسئلہ درپیش ہو تو وہ بلا خوف و خطر انکوائری کمیٹی کے سامنے پیش ہو سکتا ہے۔ کمیٹی تمام شکایات کی منصفانہ سماعت اور داد رسی کو یقینی بنائے گی۔ یہ انکوائری کمیٹی لیڈی ولنگٹن ھسپتال میں جا کر اپنی انکوائری مکمل کرے گی۔

ینگ ڈاکٹرز ایسوسی ایشن میو ہسپتال لاہور اس عزم کا اعادہ کرتی ہے کہ میرٹ، شفافیت اور ڈاکٹرز کے تحفظ پر کسی قسم کا سمجھوتہ نہیں کیا جائے گا۔

ترجمان
کابینہ ینگ ڈاکٹرز ایسوسی ایشن
میو ہسپتال لاہور