Dr. Hamza Khan

20/11/2025

جی جی ڈاکٹرز کو دوائی لکھنے کی اجازت نہیں لیکن اس جاہلِ مطلق کو ہر پوڈکاسٹ اور چینل پر بیٹھ کر لوگوں کو مس گائیڈ کرنے کی اجازت ہے اور کیوں نہ ہو کہ ہم جیسے پسماندہ اور شعور سے عاری معاشروں میں جو بکتا ہے وہی دکھتا ہے۔جب کہ ہماری میڈیا ریگولیٹری اتھارٹی ایک مخصوص ادارے کی باندی بنی ہوئی ایک سیاسی جماعت کے خلاف پروپیگنڈا کرنے میں مصروف ہے۔

لائیک اور ویوز کے چکر میں بھاگتے چھوٹے موٹے پوڈکاسٹر ہوں یا مین اسٹریم میڈیا سب کا رجحان صرف ریچ اور ویوورشپ تک محدود رہ گیا ہے اسی لیے بغیر تحقیق کیے ایسے جاہل لوگ میڈیا پر بٹھا دیے جاتے ہیں جو کینسر سے لے کر دل کے مختلف امراض کا جعلی علاج بتا کر لوگوں کو گمراہ کرتے ہیں اور پھر یہی لوگ بیماری کے بگڑ جانے تک مختلف ٹوٹکوں اور تعویذوں کو آزماتے آزماتے جب ہسپتال آتے ہیں تب بات ڈاکٹروں اور میڈیکل سائنس کے ہاتھوں سے نکل چکی ہوتی ہے۔

05/10/2025

آج کل وائرل فلو کی وبا پھیلی ہوئی ہے۔ جس میں باقی علامات جیسے نزلہ، زکام، بخار، جسم درد کے ساتھ ساتھ سب سے بڑا مسئلہ ناک کی بندش کا رہتا ہے جس کی وجہ سے اکثر مریضوں کو سانس لینے میں دشواری پیش آتی ہے۔ اسی وجہ سے لوگ میڈیکل سٹور سے Nasal Decongestant سپرے خرید کر خود استعمال کرتے ہیں جس سے ناک کی بندش وقتہ طور پر ختم ہو جاتی ہے اور مریض پُرسکون رہتا ہے لیکن چند گھنٹوں بعد ناک دوبارہ سے بند ہو جاتا ہے اور مریض کو دوبارہ سے نتھنوں میں سپرے کرنے کی ضرورت محسوس ہوتی ہے۔ اب چونکہ مریض بغیر کسی ڈاکٹر سے مشورہ کیے سپرے استعمال کر رہا ہوتا ہے اور وقتی ریلیف بھی حاصل ہو رہا ہوتا ہے جبکہ میڈیکل سٹور پر بیٹھے شخص نے مریض کو استعمال کا طریقہ کار اور مدت نہیں بتائی ہوتی اس لیے یہ پریکٹس کئی دنوں بلکہ ہفتوں تک جاری رہتی ہے نتیجتاً مریض ان نیزل سپریز کا عادی ہو جاتا ہے۔

ان Nasal Decongestant sprays کا نقصان یہ ہوتا ہے کہ لمبا عرصہ استعمال کرنے کی وجہ سے ناک میں موجود خون کی رگیں سکڑ جاتی ہیں اور ناک کی جلی میں سوزش ہو جاتی ہے اسی لیے ہمیشہ یہ سپرے کم مدت کے لیے دیے جاتے ہیں وہ بھی اگر مریض کو واقعی اس کی ضرورت ہو وگرنہ اینٹی الرجک یا کسی ممکنہ صورت میں لو ڈوز اسٹیرائیڈ سپرے سے کام چلایا جاتاہے۔

ان Nasal Decongestant sprays کی بجائے ناک کی بندش کی صورت میں اگر اس طرح کا Nasal Stock Inhaler استعمال کیا جائے تو ناک کی بندش میں کافی حد تک کمی آ جاتی ہے اور مریض سپرے سے ہونے والی پیچیدگیوں سے بھی بچا رہتا ہے مزید برآں اس انہیلر کے کوئی سائیڈ ایفیکٹس بھی نہیں ہیں اور آپ دن میں کافی مرتبہ اسے استعمال بھی کرسکتے ہیں۔

یاد رہے اس inhalerمیں کوئی دوا نہیں ہے اور یہ کسی بیماری کا علاج بھی نہیں ہے یہ صرف symptom reliever کے طور پر کام کرتا ہے۔

ڈاکٹر حمزہ خان

29/09/2025

To note down.

27/09/2025

خدارا ان ٹھگوں سے بچیں اور اپنی صحت کا خیال کریں۔ گردے فیل ہونے کی صورت میں ہمیشہ مستند ڈاکٹر کے مشورے پر عمل کریں۔

20/09/2025

HPV ویکسین کام کیسے کرتی ہے؟
ویکسین کی آڑ میں پروپگینڈا اور اس کے جواب ۔۔

19/09/2025

02/09/2025

Stem cell therapy is challenging chronic illnesses.

31/08/2025

یہ گردن دیکھ رہے ہیں؟

یہ میل نہیں ہے۔

اسے انگریزی میں Acanthosis Nigricans کہتے ہیں۔

اس کی کئی وجوہات ہوسکتی ہیں لیکن عام وجہ انسولین کی زیادتی ہے جو بعد میں ذیابیطس کی بیماری بنتی ہے۔

اگر آپ کی گردن، کہنیوں اور بغلوں میں اس طرح کی کالی جلد ہو رہی ہے تو یہ انسولین کی مزاحمت(insulin resistance) کی شروعات ہیں۔

آپ جلد ہی ڈایابیٹک کلب (Diabetic Club) کے ممبر بننے والے ہیں۔

جیسے بارش سے پہلے کالے بادل ہوتے ہیں اس طرح شوگر سے پہلے کالی گردن بھی ایک نشانی ہے۔

ابھی سے واک اور ورزش شروع کریں۔ روٹی چاول چینی بیکری آئٹمز میٹھے مشروبات بسکٹ پیزا برگرز کم کردیں۔

کسی بھی اچھی لیب سے جا کر مندرجہ ذیل ٹیسٹ کروا لیں۔

1. C Peptide
2. Fasting Insulin Serum

یہ دونوں ٹیسٹ خالی پیٹ کروائیں۔ یہ آپ کو یہ بتا دیں گے کہ آپ کی باڈی کتنی انسولین بنا رہی ہے۔

3. HBA1C

یہ ٹیسٹ آپ کو پچھلے 3 ماہ کی رپورٹ دے گا کہ آپ کی شوگر کتنی رہی ہے۔


شوگر کی بروقت تشخیص اور علاج بہت ساری موذی پیچیدگیوں سے بچاتا ہے۔

29/08/2025

یہ صرف لاعلمی نہیں نری جہالت ہے۔
پاکستان میں ہر دوسرا بندہ نہ صرف اپنا ڈاکٹر خود ہے بلکہ دوسروں کو بھی دھڑلے سے طبی مشورے دینا اپنا فرض سمجھتا ہے۔ پاکستانیو! خدارا خود پر اور دوسروں پر رحم کریں اگر کوئی آپ سے اپنی بیماری یا تکلیف کا ذکر کرتا ہے تو بجائے اس کو جاہلانہ مشورہ دینے کے کسی مستند ڈاکٹر سے رجوع کرنے کا کہیں۔
ورنہ تمام عمر "چڑا" شربت پیتے رہیں گے اور زہر والے ٹیکوں پر یقین کرتے رہیں گے۔

23/07/2025

خیرپور میرس: گمبٹ (گمس ـــ گمبٹ انسٹیٹیوٹ آف میڈیکل سائنسز) میں پیدائشی طور پر گونگے اور بہرے بچوں کا مفت علاج جاری ہے، جس میں سرجری اور کوکلیئر امپلانٹ کے ذریعے انہیں دوبارہ سننے اور بولنے کے قابل بنایا جا رہا ہے۔

ناک، کان اور گلے کے ماہر سرجن ڈاکٹر جنید مہیسَر اور اُن کی ٹیم نے حال ہی میں دادو اور لاڑکانہ کے دو مریض بچوں کے کامیاب آپریشن کیے ہیں، جن کے بعد دونوں بچے صحتیاب ہو چکے ہیں۔

اگر آپ کے علم میں کوئی ایسا بچہ ہے جو پیدائشی طور پر بولنے یا سننے سے قاصر ہے اور اس کی عمر پانچ سے آٹھ سال کے درمیان ہے، تو براہِ کرم اُسے گمس اسپتال گمبٹ کے ناک، کان اور گلے کے شعبے میں ضرور لے کر آئیں۔

براہِ کرم اس اطلاع کو زیادہ سے زیادہ لوگوں تک پہنچائیں تاکہ مستحق بچے اس سہولت سے فائدہ اٹھا سکیں۔

Hospital address
Gambat Medical College
Gims hospital gambat, district khairpur mirs
Sindh , Pakistan.

OPD days
Tuesday Wednesday and Thursday
Timings of OPD : 9 am to 2 PM.

ڈاکٹر مجیب الرحمٰن

14/07/2025

I have observed a consistent pattern in prescriptions from prominent doctors, especially general physicians, where physical examination findings, past medical history, and even presenting complaints are consistently absent, with only medications and investigations being documented.
To all practicing doctors, I stress the importance of including findings and history within prescriptions, as these are fundamental aspects that ensure a prescription's comprehensiveness.

10/07/2025

Angular cheilitis, commonly caused by fungi and bacteria. This child presented today in OPD with a history of this lesion for more than 2 weeks, his mother applied different herbs and powders making his condition worse. The patient was thoroughly examined and proper treatment was prescribed.
Dear parents if your child shows up with any symptoms please abstain from self remedies and consult a nearby doctor.