08/02/2026
سب سے زیادہ استعمال ہونے والی دوا *درد کی گولی* ہے جو ہر گھر میں بے دریغ استعمال ہوتی ہے۔ خصوصا عورتیں گھر کے کام کاج سے تھک جاتی ہیں تو لے لیتی ہیں یا وہ بزرگ جن کو جوڑوں کے دردوں کی بیماری چل رہی ہو وہ لیتے رہتے ہیں۔ یہ درد کی گولی بہت نقصان دہ ہے، آہستہ آہستہ گردوں کو ناکارہ کر دیتی ہے۔ بہت مشاہدہ ہوا کہ ابتداء دردوں کی گولیاں کھانے سے ہوئی اور آخر کار انجام گردوں کی خرابی تک پہنچا۔
ایک تازہ مثال سے سمجھنے کی کوشش کرتے ہیں۔
کل ایک صاحب مشاورت کے لیے کلینک حاضر ہوئے اور بتایا کہ ایک قریبی رشتہ دار ہیں جن کے جسم میں بہت درد ہیں تو کوئی ایسی درد کی گولی دیں جس سے وہ سکون میں آ جائے۔
*آپ قارئین بخوبی جانتے ہیں کہ ہم کبھی بھی کسی مرض کے نام پر دوائی تجویز نہیں کرتے۔ بلکہ مریض کی مکمل کیس ہسٹری، موجودہ علامات، لیبارٹری ٹیسٹ رپورٹس، جسمانی و ذہنی کیفیت کا تسلی بخش جائزہ لے کر کسی نتیجہ پر پہنچتے ہیں پھر دوا تجویز کرتے ہیں۔*
اس لیے میں نے ان سے تفصیل پوچھی جو انہوں نے نہ چاہتے ہوئے تھوڑی تھوڑی بتا دی۔ مریضہ کی عمر 18 سال، تقریبا دو سال سے جوڑوں کے دردوں کا شکار۔ کبھی ایک جوڑ درد کرتا ہے تو کبھی دوسرا، کبھی بازو پکڑ کر روتی ہے تو کبھی ٹانگ۔ بہت دبانے سے بھی درد کم نہیں ہوتا۔ ان کے بقول اب وہ چارپائی پر ہے اور جسم اکڑ چکا ہے، ڈاکٹرز کوئی مرض نہیں بتاتے کہتے ہیں ٹیسٹ ٹھیک ہیں۔ اب یہاں ہم کیسے نتیجہ اخذ کر سکتے ہیں، کیسے دوائی تجویز کر سکتے ہیں۔ اتنی نوجوانی کی عمر میں وہ چارپائی پر چلی گئی اور لواحقین چاہتے ہیں کہ درد کی گولی مل جائے۔
اس مریضہ کو مکمل علاج کی ضرورت ہے نہ کہ صرف درد کی گولی کی۔ نجانے درد کی کتنی گولیاں وہ کھا چکی ہو گی اور مرض تو اپنی جگہ مزید بڑھتا جا رہا ہے۔ درد کی گولی جسے عرف عا م میں پین کلر کہا جاتا ہے اس کا سب سے بڑا نقصان یہی ہوتا ہے کہ مریض سمجھتا ہے کہ مجھے آرام ہے جبکہ مرض بڑھتا جاتا ہے، کئی مرتبہ مرض دوسری صورت اختیار کر جاتا ہے یا مرض بگڑ جاتا ہے۔
اس لیے چاہیے کہ اپنی تکلیف یا درد کے لیے ابتداء سے ہی اچھی جگہ سے علاج شروع کیا جائے اور علاج بھی وہ ہو جو نقصان دہ نہ ہو، بے ضرر ہو۔
=====================
*الصحت ہومیوپیتھک کلینک*
آپ کی صحت کے لیے کوشاں
*برانچ 1:* عزیزآباد، ایوب خان چوک،
بائی پاس نزد دستور مارکی ہال مانسہرہ 3759575-0333
*اوقات کار:* پیر۔منگل۔بدھ۔جمعرات
دن 03:30 تا عشاء
*برانچ 2:* میر کالونی، نزد ایلمنٹری کالج، سلک وے سی۔این۔جی غازیکوٹ مانسہرہ 3759575-0333
*اوقات کار:* ہفتہ ۔ اتوار۔
دن 03:30 بجے تا عشاء
