Roman Eye Care Center And Clear Vision Optico Shewa

13/04/2026

میرعلی کلینک پر 13 سالہ بچہ آیا جسے ایک آنکھ میں اچانک دھندلا پن ہو گیا تھا۔
ہسٹری لینے پر معلوم ہوا کہ بچے گھر میں مقابلہ کر رہے تھے کہ کون زیادہ دیر تک لیزر لائٹ کو سیدھا آنکھ میں دیکھ سکتا ہے۔
نتیجہ: بینائی متاثر ہو گئی۔ اسے LASER Light Burn ہوگیا تھا۔
یاد رکھیں لیزر لائٹ کھلونا نہیں!
یہ آنکھ کے ریٹینا (Retina) کو نقصان پہنچا سکتی ہے اور نقصان مستقل بھی ہو سکتا ہے۔
والدین سے درخواست:
بچوں کو لیزر کھلونے دینے سے پہلے سوچیں اور نگرانی ضرور کریں۔
Naveed iqbal dawar

04/01/2026

⚠️ ٹِیٹنس کو معمولی نہ سمجھیں ⚠️

کل میرے پاؤں میں کیل لگ گیا۔ میڈیکل اسٹور پر زخم کی صفائی کروائی اور ہسپتال جا کے ٹیٹنس ویکسین لگوائی تو وہاں ٹِیٹنس کے دو نوجوان مریضوں کے کیسز دکھائے گئے، جنہیں معمولی چوٹ لگی تھی اور بدقسمتی سے دونوں جان سے گئے۔

ٹِیٹنس ایک خطرناک بیماری ہے جو کیل، زنگ آلود چیز یا گندے زخم سے ہو سکتی ہے۔

براہِ کرم یہ پیغام آگے شیئر کریں شاید کسی کی جان بچ جائے۔

18/12/2025

بھینگا پن کے علاج میں دیری کسی بھی صورت فائدہ مند نہیں ہوتی۔ یہ غلط فہمی عام ہے کہ بھینگا پن صرف بچوں کا مسئلہ ہے یا وقت کے ساتھ خود بخود ٹھیک ہو جاتا ہے، حالانکہ علاج میں تاخیر سے نظر کی کمزوری، آنکھوں کے درمیان ہم آہنگی کی خرابی، سٹیریوپسس کا خاتمہ، سر درد، دوہری نظر اور اعتماد میں کمی جیسے مسائل پیدا ہو سکتے ہیں۔ بچوں میں بروقت علاج نہ ہونے سے آنکھ سست (Lazy Eye) ہو سکتی ہے، جبکہ بڑوں میں بھی علاج میں تاخیر روزمرہ زندگی، پیشہ ورانہ کارکردگی اور معیارِ زندگی کو متاثر کرتی ہے۔ جدید طب میں بھینگا پن کسی بھی عمر میں مؤثر طور پر قابلِ علاج ہے، اس لیے تاخیر کے بجائے بروقت تشخیص اور مناسب علاج ہی بہتر بصارت اور بہتر زندگی کی ضمانت ہے۔

01/12/2025

آج کل پھیلنے والی وبا کیا ہے؟ Influenza A — ایک اہم آگاہی
۔۔۔۔۔۔۔۔۔۔۔۔۔۔
آج کل پورے پاکستان میں ایک ایسی وبا پھیلی ہوئی ہے جو بالکل ڈینگی کی طرح محسوس ہوتی ہے، مگر ڈینگی ٹیسٹ ہمیشہ نیگیٹو آتا ہے۔
اصل مسئلہ ڈینگی نہیں… بلکہ Influenza A (خاص طور پر H3N2) ہے، اور اس وقت ہر دوسری OPD میں یہی کیسز نظر آ رہے ہیں۔
شروع میں مریض کو بالکل عام نزلہ زکام ہوتا ہے، چھینکیں، گلا خراب، ہلکا بخار اور بدن ٹوٹنا۔ پھر آہستہ آہستہ پیٹھ کی ہڈیوں اور جوڑوں کا درد بڑھنے لگتا ہے، سر بھاری ہوتا جاتا ہے، چکر آتے ہیں اور متلی محسوس ہوتی ہے۔
اس کے بعد بخار یک دم تیز ہونا شروع ہوتا ہے اور بہت سے مریضوں میں 103–104 تک پہنچ جاتا ہے۔ 3–6 دن تک بخار کا نہ ٹوٹنا اب عام بات ہو چکی ہے۔ مریض جسمانی طور پر ٹوٹ جاتا ہے، بھوک ختم، منہ کا ذائقہ خراب، اور ہر وقت کمزوری اور بےچینی۔
جب بخار کا فیز گزر جاتا ہے تو آغاز ہوتا ہے دوسری مشکل کا:
ناک کا نزلہ گاڑھا ہو کر **Sinusitis** میں بدل جاتا ہے۔ بلغم بدبودار، سر بھاری، ناک بند، اور کھانسی بھی شامل ہو جاتی ہے۔ اس ساری کیفیت میں مریض کی کمزوری اتنی بڑھ جاتی ہے کہ کئی کئی دن تک اٹھنے کو دل نہیں کرتا۔
ڈینگی ٹیسٹ نیگیٹو اس لئے آتا ہے کہ یہ ڈینگی ہے ہی نہیں۔ Influenza A بخار، بون پین اور شدید کمزوری تو دیتا ہے، مگر platelets خطرناک حد تک نہیں گراتا۔ اسی لئے لوگ کنفیوز ہوتے ہیں کہ “علامات تو ڈینگی والی ہیں مگر رپورٹس کیوں نارمل؟”
اس وقت سب سے اہم چیز یہ ہے کہ مریض آرام کرے، پانی زیادہ پئے، steam لے، اور علامات کے مطابق symptomatic care کرے۔
اگر بلغم بدبو دار ہو یا سر بہت بھاری ہو تو یہ واضح سائن ہے کہ سائنوسائٹس ہو چکا ہے اور اس کا علاج ساتھ چلانا لازم ہے۔
شدید کمزوری میں multivitamins فائدہ دیتے ہیں۔
اگر سانس میں دقت، بہت زیادہ بخار، یا پانی کی کمی محسوس ہو تو فوراً ڈاکٹر کو دکھانا چاہیے۔
مختصر یہ کہ پاکستان میں اس وقت Influenza A کا زور ہے، اور اسی کی وجہ سے ہر طرف یہی بخار، نزلہ، کمزوری اور سائنوسائٹس والے کیسز نظر آ رہے ہیں۔
یہ کوئی نئی بیماری نہیں… مگر ہمارے ہاں جس طرح لوگ اسے پوسٹ کی شکل میں شیئر کر رہے ہیں، ویسے لگتا ہے جیسے کوئی انجان، خوفناک وائرس اچانک آسمان سے اترا ہو۔
ہر دوسرا بندہ واٹس ایپ اسٹیٹس پر، فیس بُک پوسٹس میں، ایسے بتا رہا ہوتا ہے جیسے کوئی نئی وبا ملک میں پھیل گئی ہو۔
اصل مسئلہ بیماری نہیں ، ہماری لاعلمی ہے۔
ذرا سا بخار، ذرا سا نزلہ، کوئی ایک نئی علامت…
فوراً: “نیا وائرس آ گیا۔
یہ شاید کوئی خطرناک جراثیم ہے۔
“ڈینگی جیسا لگ رہا ہے مگر ٹیسٹ نیگیٹو ہے، کچھ تو گڑبڑ ہے”
لیکن حقیقت بہت سیدھی ہے،یہ کوئی نیا وائرس نہیں۔ یہ کوئی نئی تباہی نہیں۔ بلکہ وہی پرانا، موسمی Influenza A (H3N2) ہے جو دہائیوں سے موجود ہے اور ہر سال موسم بدلتے ہی دوبارہ پھیلتا ہے۔
ہاں ، اس بار شدت زیادہ ہے، علامات زیادہ تکلیف دہ ہیں، اور لوگ اسے “”نئی بیماری”” سمجھ کر گھبرا رہے ہیں۔
✅ انفلیونزا اے (Influenza A) یہ دراصل ہے کیا؟
یہ ایک سانس کی نالی کا وائرس ہے جو انسان سے انسان میں بہت تیزی سے پھیلتا ہے۔
یہ کوئی نیا وائرس نہیں، بلکہ وہی موسمی فلو ہے جو ہر سال شدت بدل کر واپس آتا ہے۔
کبھی H1N1، کبھی H3N2
لیکن بنیادی مرض ایک ہی ہے: Influenza A۔
یہ وائرس ناک، گلا، اور سینے کے اوپری حصے پر حملہ کرتا ہے اور اس کی وجہ سے بخار، کھانسی، جسم درد اور کمزوری ہوتی ہے۔
✅ یہ بیماری کیسے لگتی ہے؟
پاکستان جیسے ملک میں یہ بہت جلدی پھیلتی ہے، کیونکہ:
ہم بند اور تنگ جگہوں میں زیادہ وقت گزارتے ہیں
ماسک/ہاتھ دھونے کا خیال کم رکھا جاتا ہے
بچے اسکولوں میں ایک دوسرے سے جلدی پکڑ لیتے ہیں
گھروں میں سب ایک ساتھ کھانسی/نزلہ میں رہتے ہیں
یہ وائرس مندرجہ ذیل طریقوں سے پھیلتا ہے:
✔ کھانسی یا چھینک کے قطرے
✔ قریب بیٹھنے سے
✔ ہاتھ لگا کر چہرے اور ناک کو چھونے سے
✔ بیمار فرد کے قریب رہنے سے
✅ علامات (Symptoms)
انفلیونزا اے (influenza A) کی علامات عام نزلہ زکام سے شروع ہوتی ہیں اور پھر شدید ہو جاتی ہیں:
شروع کے دنوں میں :
گلا خراب، چھینکیں، ہلکا بخار، جسم میں درد، تھکن، سر بھاری
۔3 سے 5 دن بعد:
بخار 103–104 تک جا سکتا ہے، جوڑوں میں شدید درد، کھانسی، ناک کی بندش، بھوک میں کمی، کمزوری
بعد کا مرحلہ (کئی مریضوں میں):
بلغم گاڑھا ہو جانا، بدبو دار رطوبت، سر کے اندر دباؤ ( Sinusitis)، کھانسی لمبی ہونا
پاکستان میں لوگ کیوں ڈرتے ہیں؟
کیونکہ:
علامات ڈینگی جیسی محسوس ہوتی ہیں، ڈینگی ٹیسٹ نیگیٹو آتا ہے، بخار کئی دن رہتا ہے، کمزوری بہت زیادہ ہوتی ہے
مگر حقیقت یہ ہے:
یہ ڈینگی یا کرونا نہیں بلکہ انفلیونزا اے وائرس ہے۔ یہ Platelets کم نہیں کرتا۔ زیادہ تر لوگ 5–7 دن میں بہتر ہو جاتے ہیں۔
🔶 کن لوگوں کو خطرہ زیادہ ہے؟
مندرجہ ذیل افراد زیادہ خیال رکھیں، ان افراد میں پیچیدگیاں جلدی بنتی ہیں۔
✓ 5 سال سے کم بچے
✓ بزرگ افراد
✓ حاملہ خواتین
✓ دمے والے بچے
✓ دل یا پیپھڑوں کے مریض
✓ شوگر والے
✓ کمزور مدافعت والے لوگ
💊 علاج (Treatment) گھر میں کیا کیا جا سکتا ہے؟
اکثر لوگ گھر پر ہی بہتر ہو جاتے ہیں اگر یہ اقدامات کریں:
✔ 1. آرام
بخار اور وائرس کے دوران کام نہ کریں ، جسم کو سکون دیں۔
✔ 2. پانی
پانی، ORS، سوپ ، جتنا زیادہ لیں گے اتنی جلدی بہتری آۓ گی۔
✔ 3. بخار کی دوا
۔پیراسیٹامول وقفے وقفے سے
(بچوں میں وزن کے مطابق)
✔ 4. نزلہ/کھانسی کے لیے
بھاپ دیں۔
۔Antihistamine (ڈاکٹر کی ہدایت سے)
۔Saline nasal drops
✔ 5. شہد ( 1 سال سے اوپر بچوں کے لیے)
کھانسی میں فائدہ دیتا ہے۔
✔ 6. قوتِ مدافعت
گھر کا گرم سوپ، یخنی، نیند اور آرام ،سب بہترین مددگار ہیں۔
⚠️ خطرے کی علامات
اگر مندرجہ ذیل چیزیں ہوں تو دیر نہ کریں ڈاکٹر کو دکھانے میں:
بچے کی سانس پھولنا، پانی نہ پینا / پیشاب کم ہونا، بہت زیادہ سستی / غنودگی، 104 سے اوپر بخار کا برقرار رہنا، سینے میں شدید درد، نیلے ہونٹ
یہ علامات پیچیدگی کی طرف اشارہ ہیں
🛡️ بچاؤ (Prevention)
مندرجہ ذیل چیزیں بہت فرق ڈالتی ہیں:
✔ ماسک
بند، تنگ اور رش والی جگہوں میں پہنیں۔
✔ ہاتھ دھونے کی عادت
کھانے سے پہلے، باہر سے آ کر، کھانسی/چھینک کے بعد۔
✔ بیمار افراد سے فاصلہ
بچوں کے اسکولوں میں پھیلاؤ تیزی سے ہوتا ہے۔
✔ ویکسین
ہر سال Influenza Vaccine لگوانا بہت فائدہ مند ہوتا ہے۔
✅ ویکسین کس کو لگانی چاہیے؟
6 ماہ سے اوپر تمام لوگ، حاملہ خواتین، بزرگ افراد، دمے کے مریض، دل/پیپھڑوں کے مریض،ہیلتھ کیئر ورکرز
یہ ویکسین بیماری ہونے سے روکتی ہے،
اور اگر ہو بھی جائے تو شدت کم کر دیتی ہے۔
اور آخری بات ، گھبرائیں نہیں، سمجھیں
۔Influenza A نئی بیماری نہیں۔
یہ ہر سال آتی ہے، مگر احتیاط نہ کرنے سے پھیلتی ہے۔
بچاؤ ممکن ہے، علاج موجود ہے،
اور زیادہ تر لوگ مکمل ٹھیک ہو جاتے ہیں۔

03/10/2025

New Branded mall Arrived
Visit us
Umerkhitab Eye care clinic ND optico Thall City
Ph no. 03354177697

20/07/2025

آنکھوں سے پانی آنا بہت عام مسئلہ ہے جو بہت سے نوزائیدہ بچوں میں دیکھا جاتا ہے۔
عام طور پر ہمارے آنسو مسلسل بنتے ہیں اور ایک نالی کے ذریعے ہماری ناک کے اندر میں بہہ جاتے ہیں، جہاں سے ہم انہیں بغیر محسوس کیے پی لیتے ہیں۔ کچھ نوزائیدہ بچوں میں آنکھوں اور ناک کو ملانے والی یہ نالی پیداٸیش پر پوری طرح سے کھلی نہیں ہوتی ہے اس لیے آنکھوں سے پانی آنا شروع ہو جاتا ہے۔
اگر آپکے بچے کو یہ مسلہ ہے تو پریشان نہ ہوں، یہ حالت عارضی ہے اور آپ کو گھر پر صرف ایک سادہ مساج کرنے کی ضرورت ہے۔ اس کے لیے والدین کو ذمہ داری لینا چاہیے۔مساج سے پہلے آپ کو اپنے ہاتھ دھونے چاہئیں اور اپنے ناخن تراشنے چاہئیں۔ دن میں 3-5 بار مساج کیا جاتا ہے جیسا کہ تصویر میں دکھایا گیا ہے۔ زیادہ تر معاملات ایک سال کی عمر سے پہلے یہ مسلہ ٹھیک ہو جاتا ہے۔ اگر یہ مسئلہ ایک سال کے بعد بھی جاری رہتا ہے تو پھر سرجری کی ضرورت ہوتی ہے جو کہ ایک سادہ سلاٸ پھیرنے کا علاج ہے ۔
آنکھوں سے پانی آنے کے دوران اگر آپ کی آنکھوں میں گاڑھی زرد رطوبت نظر آۓتو اپنے ڈاکٹر سے ملیں، یہ آنکھ میں انفیکشن کی علامت ہے، جس کے علاج کی ضرورت ہے۔

19/07/2025

🔍 10 آنکھوں کے مسائل جنہیں والدین بچوں میں نظر انداز نہ کریں

👀 آپ کے بچے کی آنکھیں نہایت قیمتی ہیں۔ اگر بروقت پہچان لیا جائے تو کئی سنگین مسائل کا علاج ممکن ہے، لیکن تاخیر بینائی کے مستقل نقصان کا باعث بن سکتی ہے۔ یہ ہیں دس اہم علامات جنہیں کبھی نظر انداز نہ کریں:

1️⃣ سفید پتلی (Leukocoria)
اگر بچے کی آنکھ میں، خاص طور پر تصویروں میں، سفید چمک دکھائی دے تو یہ کیٹاریکٹ یا ریٹینوبلاسٹوما (ایک نایاب آنکھ کا کینسر) جیسی سنگین بیماری کی علامت ہو سکتی ہے۔
👉 مزید معلومات

2️⃣ آنکھوں کا تیرنا یا ٹیڑھا ہونا 4 ماہ کی عمر کے بعد
یہ اسٹرابزمس (Strabismus) کی علامت ہو سکتا ہے جو آگے چل کر لیزی آئی کا باعث بنتا ہے۔
👉 مزید معلومات

3️⃣ ایک آنکھ کا بار بار اندر یا باہر کی طرف مڑنا
یہ بھی اسٹرابزمس یا آنکھ کے پٹھوں کی کمزوری کی نشاندہی کر سکتا ہے۔

4️⃣ روشنی سے حساسیت (Photophobia)
یہ قرنیہ، یوویا یا پیدائشی گلوکوما جیسے مسائل کی علامت ہو سکتی ہے۔
👉 مزید معلومات

5️⃣ آنکھوں میں مستقل سرخی یا سوجن
اگر آنکھ مسلسل سرخ یا سوجی ہوئی ہو تو یہ انفیکشن یا اندرونی سوزش کا اشارہ ہو سکتا ہے۔

6️⃣ آنکھوں کا بار بار تیزی سے حرکت کرنا (Nystagmus)
اوپر نیچے یا دائیں بائیں تیزی سے حرکت کرنا بینائی کی خرابی یا دماغی مسائل کا عندیہ ہو سکتا ہے۔

7️⃣ آنکھوں میں پیپ یا بار بار آنے والا مواد
یہ مسلسل انفیکشن یا آنکھ کی صفائی کے مسائل کی نشاندہی کر سکتا ہے۔

8️⃣ بغیر وجہ کے مسلسل آنسو بہنا
یہ آنسو کی نالی کی بندش یا دیگر آنکھ کے مسائل کا نتیجہ ہو سکتا ہے۔

9️⃣ پلک کا جھک جانا (Ptosis)
اگر پلک اتنی نیچے ہو کہ بینائی میں رکاوٹ بنے تو یہ ایمبلیوپیا (Amblyopia) کا باعث بن سکتا ہے۔

🔟 آنکھیں میچنا، سر کو جھکانا یا ایک آنکھ کو ڈھانپنا
یہ نظر کی کمزوری یا آنکھ کے عضلات کی عدم توازن کی علامت ہو سکتا ہے۔

💡 خلاصہ:
اگر آپ کو بچے میں یہ علامات نظر آئیں تو فوراً کسی ماہر اپٹومیٹرس سے معائنہ کروائیں۔ 6

18/07/2025

14/07/2025

Umer khitab Eye care and clear vision optico
Address New Qayum market Tall city Bannu cHowk near Khyber Bank.
03354177697