Fakhar General Hospital

20/02/2025

⚕️ سانس کے مسئلے اور الرجی والے بچوں کے لیے احتیاطی تدابیر ⚕️

اگر آپ کے بچے کو سانس کی تکلیف یا الرجی ہے، تو ان چند احتیاطوں پر عمل کریں تاکہ اس کی صحت بہتر رہے:

✅ گردن پر پاؤڈر نہ لگائیں۔
✅ تیز پرفیوم خود بھی نہ لگائیں اور نہ ہی بچے کو لگائیں۔
✅ پرندے اور جانور گھر میں نہ رکھیں۔
✅ بچے کو کمبل کے بجائے پولیسٹر (Polyester) کا لحاف دیں۔
✅ سفر کے دوران گاڑی میں بچے کے قریب والی کھڑکی بند رکھیں۔
✅ جھاڑو یا ڈسٹنگ کے وقت بچے کو اس جگہ سے دور رکھیں۔
✅ بچے کو پھولدار درختوں کے قریب نہ لے جائیں، نہ پھول توڑیں، نہ ان کی خوشبو سونگھیں۔
✅ قالین پر بچے کو نہ لٹائیں اور نہ کھیلنے دیں۔
✅ دھواں اور گرد آلود جگہوں سے بچے کو دور رکھیں۔
✅ بچے کے قریب سگریٹ یا حقہ نہ پیئیں۔
✅ بچے کو یکدم گرم جگہ سے زیادہ ٹھنڈی جگہ نہ لے جائیں۔
✅ موٹر سائیکل پر بچے کو آگے نہ بٹھائیں۔
✅ ہیٹر کے استعمال کے دوران کمرہ کی تھوڑی وینٹیلیشن رکھیں اور ہیٹر کے قریب پانی رکھیں۔

اپنے بچے کی صحت کا خیال رکھیں اور اگر کوئی مسئلہ ہو تو فوری ماہرِ اطفال سے رابطہ کریں۔

ڈاکٹر فخر امام چلڈرن سپشلسٹ حمزہ میڈیکل اینڈ سرجیکل سنٹر میر علی بازار
رابطہ نمبر
0928211114
03220959006

28/01/2025

20/01/2025

میڈیسن کب تک استعمال کی جا سکتی ہے ؟
Copied
ڈاکٹر فخر امام چلڈرن سپشلسٹ حمزہ میڈیکل اینڈ سرجیکل سنٹر میر علی بازار
رابطہ نمبر 0928211114
03220959006 call and watsapp

17/01/2025

■کیا بچوں کو پیڈیاشوئر (Pediasure) دینا چاہیے؟
■چلڈرن سپیشلسٹ
■ڈاکٹر فخر امام
■ حمزہ میڈیکل اینڈ سرجیکل سنٹر
■ میر علی بازار
03220959006■
، (copied) 0928211114■

11/01/2025

"تھیلیسیمیامیجر کیا ہے ؟"
تھیلیسیمیا میجر ایک موروثی (یعنی والدین سے بچوں میں منتقل ہونے والی) بیماری ہے جس میں والدین کے جینیات (GENES) کے اندر معمولی نقص ہوتا ہے جس کوآدھا تھلیسیمیا یا Thalassemia minor"o" کہا جاتا ہے اور وہ بظاھر بالکل ٹھیک ہوتے ہیں لیکن جب دو thalassemia minor کی آپس میں شادی ہو جائے تو 25 فیصد چانس ہوتا ہے کہ بچوں کی اندر پوری تھلیسیمیا کی بیماری یعنی تھیلیسیمیامیجر (Thalassemia major) ہو۔ ایسے بچوں میں پھر اپنا صحت مند خون بنانے کی صلاحیت نہیں ہوتی او ان کو ہر مہینے خون لگانے کی ضرورت ہوتی ہے۔

"تھیلسیمیا کے علامات کیا ہے؟"
تھلیسمیا کے مریض کو عمومآ 6 ، 7 مہینے کی عمر میں کمزوری پیلاہٹ اور سستی شروع ہوجاتی ہے اور خون کم ہونا شروع ہوجاتا ہے اور اگر بروقت علاج شروع نا ہو تو ایسے بچوں میں قد کی کمی، جگر اور تلی کا سوجھ جانا اور پیٹ پھولنا بھی شروع ہوجاتا ہے۔

" تھلیسمیا کی تشخیص کیسی ہوتی ہے؟"
اِس بیماری کی تشخیص کے لیے 3 بنیادی ٹیسٹ ہے
1۔ Blood CP and peripheral blood film
2۔ Hb electrophoresis/Hb studies
3۔ Genetic testing


"ان مریضوں کو اور کیا مسئلے ہو سکتے ہیں ؟"
ان بچوں کو خون لگنے کی وجہ سے کالا یرقان ، ایڈز، ملیریا اور دیگر جراثیم کی انفیکشن کا خدشہ ہوتا ہے اور جسم کے اندر فولاد جمع ہونے کی وجہ سے جگر، دل ، ہڈیوں اور باقی جسم کو بھی نقصان پہنچ جاتا ہے ۔

"تھیلسیمیا کا علاج کیا ہے؟"
1۔ ہر مہینے خون لگانا اور مریض کی خون کی مقدار کم سے کم (Hb 10 g/dl) سے اُوپر رکھنا
2۔ جسم سے فولاد نکالنے والی دوائی کا استعمال
3۔ صحت مند خون کو بڑھانے والی دوائی کا استعمال

"اس سے بچاؤ کیسے ممکن ہے؟"
1۔ سب سے پہلے کوشش کی جائے کہ شادی سے پہلے خون کا ٹیسٹ کروا کر دیکھا جائے کہ تھیلسمیا minor کا شبہ تو نہیں ہے
2۔ اگر مرد یا عورت میں کسی ایک کو تھلیسیمیا minor ہو تو دوسرے کا بھی ٹیسٹ کروا کے دیکھا جائے
3۔ اگر دونوں کو تھلیسیمیا minor ہو تو کوشش کی جائے کہ ان دونوں کی آپس میں شادی نہ ہو
4۔ اگر شادی ہوجاتی ہے تو پھر حمل کے ابتدائی 12 ہفتوں میں بچے کا ٹیسٹ کروا کے دیکھا جائے کہ اس کو تھیلسیمیا major تو نہیں ہے اور اگر ہے تو ایسے حمل کو 16 ہفتے سے پہلے تلف کیا جا سکتا ہے ۔

"کیا اس کا کوئی مستقل علاج ممکن ہے؟"
اس کا واحد مستقل علاج bone marrow transplant یعنی ہڈی کا گودا تبدیل کرنا ہے جس میں اس کے صحت مند بہن بھائی کے ساتھ HLA Matching کا ٹیسٹ کیا جاتا ہے اور اگر وہ دونوں کا ایک جیسا ہو تو صحت مند بچے سے صحت مند گودا لے کر بیمار بچے کو لگایا جاتا ہے او ر اس سے بیماری مکمل ختم ہونے کا 80 فیصد تک چانس ہوسکتا ہے۔
ڈاکٹر فخر امام چلڈرن سپشلسٹ حمزہ میڈیکل اینڈ سرجیکل سنٹر میر علی
رابطہ نمبر
03220959006
0928211114

23/12/2024

اس بچے کو کھانسی اور سینے میں جکڑن کی شکایت کے ساتھ ہمارے ہسپتال لایا گیا تھا۔
جب میں نے اس کی شرٹ کو اوپر کیا تو تصویر میں دکھایا گیا منظر تھا۔
ماں نے بچے کے سینے پر بھر کر ٹیلکم پاؤڈر لگایا تھا۔
ہم نے ماں کو اس کے مضر اثرات کے بارے میں بتایا اور اسے اگلی بار بچوں کے لیے استعمال نہ کرنے کا مشورہ دیا ۔

اکثر ہم سے یہ سوال پوچھا جاتا ہے کہ کیا ٹیلکم پاؤڈر بچے کے لیے محفوظ ہیں؟
اس کا جواب نہیں ہے.
وجہ یہ ہے کہ بچے انہیں سانس کے زدیعے پھیپھڑوں میں لے سکتے ہیں جس سے پھیپھڑوں کے مسائل جیسے کھانسی، گھرگھراہٹ اور سینے میں جکڑن پیدا ہو سکتی ہے۔

اس لیے تمام والدین کے لیے پیغام ہے کہ بچوں کے لیے ٹیلکم پاؤڈر کے استعمال سے گریز کریں۔
ڈاکٹر فخر امام چلڈرن سپشلسٹ حمزہ میڈیکل اینڈ سرجیکل سنٹر میر علی
0928211114
03220959006

17/12/2024

بہت سے والدین کی طرف سے پوچھا جانے والا ایک بہت عام سوال یہ ہے کہ ھم اپنے چھوٹے بچے کو ٹھوس غذائیں کیسے شروع کروائیں!!!
نئے والدین کے لیے یہ ایک بہت بڑا سوالیہ نشان ہوتا ہے اور وہ کافی الجھن میں پڑ جاتے ہیں، جس کے نتیجے میں دودھ سے ٹھوس غزاٶں کی منتقلی میں تاخیر ہو جاتی ہے ۔اسکا نتیجہ بچوں کےمساٸل جیسے خون کی کمی، قبض اور مکمل طور پر دودھ پر انحصارکی صورت میں ہوتا ہے۔
اس تحریر میں ہم بچے کو دودھ سے ٹھوس غزا پر منتقل کرنے کے بنیادی اصولوں پر بات کریں گے۔
چھے ماہ کی عمر پرآپ اپنے بچے کو ٹھوس غزا شروع کروا سکتے ہیں۔
کھانے کے لیے جو چیزیں دی جاسکتی ہیں ان میں انڈہ، دہی، پھل جیسے سیب کیلا، ابلا ہوا آلو، چاول کی کھیر، دال کھچڑی، ابلی ہوئی سبزیاں جیسے گاجر، گوشت کاقیمہ اور یخنی شامل ہیں ۔
غزا کوشروع میں گاڑھی لیٹی کی شکل میں بنا کر دیا جاتا ہے اور پھر آہستہ آہستہ اسکا ٹھوس پن بڑھایاجاتا ہے ۔
ٹھوس غزا دن میں چار بار دو سے تین چمچ دے کر شروع کریں۔
چینی نہ ڈالیں۔
نمک نہ ڈالیں۔
آپ ضرورت کے مطابق دودھ اور گھی/آٸل ڈال سکتے ہیں۔
بچے میں ٹھوس غزا کھانے کی مقدار زیادہ کم ہو سکتی ہے لہذا اگر بچے ایک یا دو دن ٹھوس غذا لیناکم کر دیتے ہیں تو پریشان نہ ہوں۔
بچوں میں پیٹ بھرجانے کی علامات منہ بند کرلینا اور کھانے سے منہ موڑنا ہیں,زبردستی ہرگز نہ کریں۔
مختلف کھانے کی چیزیں دیں تاکہ بچہ کا ذائقہ وسیع ہو۔
بچے کو خود کھانے دیں, کرسی پر بٹھاٸیں اور سامنے کھانا پیش کر کے اپنی مرضی کرنے دیں۔
پانی چھ ماہ کی عمر کے بعد دیا جا سکتا ہے لیکن چھ اونس یا سو بیس ملی لیٹر سے زیادہ نہ دیں۔
شروع میں ٹھوس چیزیں دیتے وقت بچہ نکالے گا لیکن وقت کے ساتھ ساتھ لینا شروع کر دے گا اس لیے صبر سے کام لیں۔
بچوں کی مساٸل سے متعلق رہنماٸ کے لیے روزانہ کی بنیادی پر ھمارے معلوماتی پیغام پڑھتے رہیں ۔
ڈاکٹر فخر امام
چاٸلڈ اسپیشلسٹ
کلینک حمزہ میڈیکل اینڈ سرجیکل سنٹر میر علی
رابطہ نمبر 03220959006
0928211114

02/12/2024

اج میرے کلینک میں ایک چھوٹے بچے کو لایا گیا جس کی چھاتی کی گرد اس طرح روئی کو لپیٹا گیا تھا ۔۔پوچھنے پر بتایا گیا ہے کہ ان کو کسی نے کہا ہے کہ اگر اس طرح بچے کی چھاتی کو کاٹن سے لپیٹا جائے تو بچے کو سانس کی تکلیف سے ریلیف ملتا ہے ۔۔
نوٹ ۔۔یہ سراسر غلط ہے ۔اس طرح اپ اپنے بچے کو مت لپیٹیں ۔۔اس سے بچے کے اندر سانس لینے میں مزید دشواری بڑھ جاتی ہے ۔۔اور مزید پیچیدگی شروع ہونے کا ڈر رہتا ہے ۔۔
ڈاکٹر فخر امام چلڈرن سپشلسٹ
حمزہ میڈیکل اینڈ سرجیکل سنٹر میر علی
رابطہ نمبر 03220959006
092821114

22/11/2024

بچوں میں نمونیا( Pneumonia) جان لیوا ثابت ہو سکتا ہے⚠
اگر بچے کی علامات میں تیز بخار اور کھانسی کے ساتھ سانس میں دشواری، تیزی سے سانس لینا یا سینے سے آواز کا آنا شامل ہو تو اس کو نمونیا کہتے ہیں۔ علاج میں تاخیر کئی پیچیدگیوں کا باعث ہوسکتا ہے ۔ ان میں سے ایک سینے کے اندر پانی کاجمع ہونا ہے۔
ضروری اقدامات:
⚫بچوں کو حفاظتی ٹیکے لگوائیں۔ اس کی بدولت بچہ مستقبل میں کئی بیماریوں، جن میں نمونیا بھی شامل ہے، بچ سکتا ہے۔
⚫ زکام والے افراد بچوں سے فاصلہ رکھیں یا بچوں سے قریب ہوتے وقت ہاتھ دھو ئیں، اور منہ اور ناک ڈھانپیں۔
⚫اگر بڑوں میں سے کسی کو لمبے عرصے کی کھانسی یا تشخیص شدہ ٹی بی (TB ) ہے اور علاج ابھی شروع نہیں کیا ہے تو جلد از جلد تشخیص یا علاج شروع کروائیں، اور علاج شروع کرنے تک بچوں سے فاصلہ رکھیں یا بوقت ضرورت بچوں سے قریب ہوتے وقت منہ اور ناک ڈھانپیں۔
🔴اگر بچے کو اوپر والے علامات لاحق ہیں تو بغیر تاخیر کیے قریب بچوں کے ڈاکٹر کو دکھائیں یا ہسپتال لے جائیں🔜
⚫ اوپر والے علامات کی صورت میں سینہ کپڑے وغیرہ سےنہ باندھیں۔ ایسا کرنا نمونیا کی شدت کو بڑھا سکتا ہے اور پیچیدگیوں یا موت کا باعث بن سکتا ہے🚫
⚫کھانسی اور سینے کی دوسری علامامات کے لیے دیسی دوائیں مستند ڈاکٹر کے مشورے کے بغیر استعمال نہ کریں۔

11/11/2024

کئی بار والدین پوچھتے ہیں کہ ڈاکٹر صاحب ہمارے بچے کا سر اور ماتھا گرم ہے جبکہ ہاتھ پاؤں ٹھنڈے ہیں، تھرمامیٹر بھی جسم کا نارمل درجہ حرارت بتا رہا ہے۔ تو یہ کیا ہے؟؟

میں اس پوسٹ میں اس چیز کی وضاحت کروں گا۔

بچوں کا دماغ بہت تیزی سے بڑھ رہا ہوتا ہے۔ پیدائش کے وقت سر کا سائز اوسطاً پینتیس سینٹی میٹر ہوتا ہے جو ایک سال میں بڑھ کر سینتالیس اور دو سال کی عمر میں انچاس سینٹی میٹر تک ہو جاتا ہے۔ اسکے بعد پھر زندگی میں صرف پانچ سینٹی میٹر تک مزید بڑھتا ہے لہذا ابتدائی تین سے پانچ سالوں میں سر اور دماغ کی تیزی سے نشوونما ہوتی ہے۔ تیز نشونما کا مطلب ہے تیز میٹابولزم میں اور میٹابولزم میں اضافہ کا مطلب ہے اس درجہ حرارت میں اضافہ ہے۔

جسم کا مرکز دل ہے اور مرکز میں زیادہ حرارت ہوتی ہے جبکہ سر کے مقابلے ہاتھ اور پاٶں دل سے زیادہ دور ہوتے ہیں۔ لہٰذا جب خون دل سے چلتا ہے تو اس سے حرارت مختلف طریقہ کار کے زریعے کم ہو جاتی ہے جیسے پسینا، انسنانی جسم کو چھونے والی چیزیں اور جسم کے ارد گرد کا درجہ حرارت ,ہوا ۔
سر چونکہ دل کے قریب ہے بہ نسبت ہاتھ اور پاٶں کو تو خون کی گرماٸش سر کی طرف ہاتھ پاٶں کے مقابلہ میں زیادہ ہوتی ہے ۔

اھم یہ ہے کہ اگر آپکو لگتا ہے بچہ گرم ہے تو اسکا تھرمامیٹر سے ٹمپریچر چیک کریں۔اگر یہ 99 سے کم ہےتو تسلی رکھیں۔
دوسروں کے والدین کے ساتھ بھی شیئر کریں۔ جزاک اللہ
ڈاکٹر فخر امام (MBBS.FCPS)
چاٸلڈ اسپیشلیسٹ
رابطہ نمبر
0322 0959006

30/10/2024

سردیوں کا موسم آگیا ہے اور آپ سب بخوبی جانتے ہیں کہ اس موسم میں بچوں کے سینے کے مسائل بڑھ جاتے ہیں۔

ماں کی طرف سے اکثر پوچھا جانے والا سوال ان کے بچوں کے nebulization کے بارے میں ہوتا ہے۔

تو ہم آج ان تمام سوالوں پر بات کریں گے۔

1--- ڈاکٹر صاحب! نیبولائزیشن کیسے دی جائے

نیبولائزیشن کے لیے آپ کو ڈاکٹر کے مشورے کے مطابق نیبولائزر مشین اور دوا کی ضرورت ہوتی ہے۔

عام طور پر ہم دو سے تین ملی لیٹر نارمل سلاٸن لیتے ہیں اور اگر ڈاکٹر نے مشورہ دیا تو
اس میں دوائیوں کے قطرےڈال دیں گے۔

پانچ سے دس منٹ تک nebulizations جاری رکھنا ہوتی ہے۔

2--- ڈاکٹر صاحب! نیبولاٸزیشن کے لیے کیا عمر کی کو حد ہوتی ہے

نہیں، ایسی کوئی عمر کی حد نہیں ہے۔
آپ اپنے شیر خوار بچوں کو بھی nebulize کر سکتے ہیں۔

3---ڈاکٹر! کیا میں وینٹولین، ایٹم یا کلینیل ڈراپس استعمال کر سکتی ہوں؟

اگر آپ کا بچہ کی ناک میں بندش یا کھانسی ہے تو آپ گھر پر اسے نارمل سلاٸن سے نیبولائز کر سکتے ہیں لیکن ATEM، VENTOLINE اور CLEINEL دوائیں ہیں اس لیے آپ انہیں اپنے بچے کے ماہر کے مشورے کے بعد ہی استعمال کریں کیونکہ ان ادویات کے مضر اثرات بھی ہوسکتے ہیں۔

امید ہے کہ یہ معلومات آپ اور آپ کے خاندان کی مدد کرے گی۔

اللہ تعالیٰ ہمارے بچوں کو صحت و تندرستی کے ساتھ تمام بیماریوں سے دور رکھے۔
آمین.

اسے اپنے ساتھیوں اور دوستوں کے ساتھ شیئر کریں تاکہ وہ اس معلومات سے فائدہ اٹھا سکیں کیونکہ ہمارا مقصد بچوں کی صحت کی تعلیم ہے.
ڈاکٹر فخر امام چلڈرن سپشلسٹ
Contact number
03220959006
0928211114