What are the opening hours?

Monday 15:00 - 21:00 Tuesday 15:00 - 21:00 Wednesday 15:00 - 21:00 Thursday 15:00 - 21:00 Friday 15:00 - 21:00 Saturday 14:00 - 21:00 Sunday 10:00 - 20:00

http://kidshealthforums.blogspot.com/

Dr.Ateeq Ur Rehman-Child specialist, Bakhtawar Amin Hospital, Northern Bypass, Mattital Road, Multan (2026)

14/11/2024

A sweet gesture by the parents of a newborn, who got discharged today after 07 days in Nicu

13/06/2024

آپ چنا چاٹ بنا کر بیچ سکتے ہیں۔
آپ سبزیاں کاٹ کر ان کے پیکٹس بنا کر دے سکتے ہیں۔
آپ گھر بیٹھے سلائی کڑھائی کر سکتے ہیں۔
آپ فروزن فوڈز کا بزنس کر سکتے ہیں۔
آپ ہوم میڈ فوڈ کی سروس شروع کر سکتے ہیں۔
آپ گھر گھر جا کر فیشل کی سروس دے سکتے ہیں۔
آپ ہول سیل سے سکارف ، پنز ، جیولری یا اسٹیشنری کا سامان اٹھا کر بیچ سکتے ہیں۔
آپ کسی سکول میں کینٹین لگا سکتے ہیں۔
آپ اسائنمنٹس بنا کر کما سکتے ہیں۔
آپ گھر پر لوگوں کے کمبل دھو کر دے سکتے ہیں۔
آپ کیک بیک کر سکتے ہیں۔
آپ کو اگر دوسروں سے مانگنے کی عادت نہیں ہے ، اگر آپ ایک ہزار منافع دماغ میں رکھ کر نہیں چلتے ، آپ اپنے پیروں پر کھڑا ہونا چاہتے ہیں تو یقین کریں بہت کم سرمائے سے آپ اپنا کام شروع کر سکتے ہیں۔
میں نے دیکھا ہے لوگوں کو ۔۔۔۔ لہسن ادرک کا پیسٹ بنا کر اجرت لیتے ہوئے ۔۔۔۔آج ماشاء اللہ اپنے تین منزلہ گھر میں بیٹھی ہیں۔
میں نے دیکھا ہے کیلی گرافی ، ٹو ٹی پھوٹی سلائی سے کیک بیک کرنے والی کو۔۔۔۔ آج وہ اپنا گھر خود چلا رہی ہے۔
میں نے دیکھا ہے ٹیکہ اور ڈرپ لگانا سیکھنے والی کو ۔۔۔آج وہ ڈسپنسری میں بیس ہزار کما رہی ہے۔
ہزاروں مثالیں ہیں۔
آپ میں صرف ہمت ہونی چاہیے۔آپ میں صرف لگن ہونی چاہیے۔
اپنے بچوں کو قابل بنائیں انہیں ہنر سکھائیں۔آپ کے پاس قارون کا خزانہ ہے تب بھی اپنے بچوں پر مالی بوجھ ڈالیں۔انہیں معذور نہ بنائیں۔
اور
یاد رکھیں۔۔۔
کسی کا ہزار دو ہزار آپ کے چولہے کو گرم نہیں رکھ سکتا آخر میں اپنی لکڑیاں خود ہی جلانی ہوتی ہیں۔
مریم جہانگیر

Ateeq Ur Rehman

09/05/2024

" عالمی ہفتہ برائے حفاظتی ٹیکہ جات"

گزشتہ ہفتہ World Immunization Day کے طور پر منایا گیا اور مختلف ہسپتالوں اور طبی اداروں میں آگاہی کے سیمینار منعقد کیے گئے ۔
حفاظتی ٹیکے بچوں کو کئی محلق بیماریوں سے بچاتے ہیں۔لیکن بدقسمتی سے پاکستان میں ابھی بھی ایک کثیر تعداد اپنے بچوں کو ٹیکے لگوانے سے قاصر ہے۔جس۔کی وجوہات کئی طرح کی ہیں۔

اگلی پوسٹ میں ،میں انشاءاللہ حفاظتی ٹیکوں کے بارے مکمل راہنمائی فراہم کروں گا جیسے یہ کن بیماریوں سے بچاتے ہیں اور کب کب اور پورے پاکستان میں کہاں سے لگوائے جاتے ہیں۔نیز اگر بچے کو کسی وجہ سے ٹیکے وقت پر نہ لگ سکیں تو کیا کیا جائے۔

یہ سب اور بچوں کی صحت سے متعلق تمام معلومات کے لئے ہمارے پیج کو لائک کریں،اور دوستوں سے بھی شیئر کریں ۔شکریہ

ڈاکٹر عتیق الرحمن
کنسلٹنٹ چائلڈ اسپیشلسٹ

Dr.Ateeq Ur Rehman-Child specialist

01/05/2024

تصور کریں، آپ پرسکون نیند سو رہے ہوں، اور صبح کی اذان سے پہلے ہی ایک دنیا جاگ گئی ہو۔ جی ہاں! مزدور کی دنیا!
وہ کمبل سے نکلتا ہے، پہلے تو دن کی روشنی پھوٹنے کا انتظار سا ہوتا ہے،لیکن پھر ذمہ داریوں کا احساس اسے اٹھنے پر مجبور کرتا ہے۔ ایک گہری سانس لے کر، بہتر مستقبل کے خوابوں کا بوجھ اپنے کندھوں پر اٹھائے وہ فجرکی سرد ہوا میں شہر کی جانب نکل پڑتا ہے،
جہاں اس کاسارا دن کمائی میں گزرے گا،اس امید پر کہ اس کی آج کی مشقت ایک بہتر کل کا سبب بنے گی۔ دن بھر کی مشقت،کبھی تیز دھوپ میں، کبھی گردن آلود ماحول میں اس کی ہمت کم نہیں کر سکتی۔ شام کوجب وہ گھر لوٹتا ہے، تو اس کے ہاتھ کالے پڑے ہوتے ہیں، جسم تھکا ہوا لیکن دل میں خوشی ہوتی ہے کہ ان کالے ہاتھوں نے ہی اس کے خاندان کی خوشیاں لانی ہیں۔اور دن بھر کی محنت کے بعد گھر میں منتظر بچوں کی ہلکی سی مسکراہٹ اس کی ساری تھکن دور کر دے گی۔

آج ورلڈ لیبر ڈے پر، ہم ان تمام محنت کشوں کو خراج تحسین پیش کرتے ہیں جو اپنے پسینے کی دولت سے معاشرے کی بنیادوں کو مضبوط کرتے ہیں۔ وہ لوگ جو طلوع فجر سے لے کر شام ڈھلے تک محنت کرتے ہیں، تاکہ ہمارے گھر روشن ہوں اور زندگی آسان گزرے۔ ان کی قربانیوں کو سلام!
ٹحریر:ڈاکٹر عتیق الرحمن
کنسلٹنٹ چائلڈ اسپیشلسٹ
ایم بی بی ایس، ایف سی پی ایس۔
Dr.Ateeq Ur Rehman-Child specialist

28/04/2024

Humanity Has No Borders.

گزشتہ روز ایک نہایت تسکین بخش خبر ملی کہ
بھارت میں پاکستانی لڑکی، 19 سالہ عائشہ کو 69 سالہ بھارتی شخص کا دل لگا دیا گیا۔

بھارتی میڈیا کے مطابق عائشہ کو دل کا دورہ پڑنے اور دل کے کام کرنے کی صلاحیت نہ ہونے کے برابر ہونے پر پہلی بار 2019 میں پاکستان کے شہر کراچی سے چینائی لایا گیا تھا۔

چینائی کے سینئر کارڈیک سرجن نے ہارٹ ٹرانسپلانٹ کو مشورہ دیا تھا۔ عطیہ کردہ دل کے ملنے تک عائشہ کو ویٹنگ لسٹ میں رکھا گیا اور دل کو خون پمپ کرنے میں مدد کے لیے بائی وینٹی کولر اسسٹ(Biventricular assist) ڈیوائس لگائی گئی۔

عائشہ اس ڈیوائس کے ساتھ واپس آ گئی تھی لیکن 2023 میں اس کی طبیعت پھر سے بگڑ گئی کیونکہ ان کا دل دائیں جانب سے کام کرنے لگا اور دل کا پمپ بھی لیک ہو گیا۔ بھارتی ڈاکٹرز نے انھیں علاج کے لیے چینائی آنے کو کہا۔

عائشہ کے والد نہیں ہیں۔ دل کے ٹرانسپلانٹ کے اخراجات بہت زیادہ تھے اور پاکستان میں فی الوقت یہ سہولت دستیاب بھی نہیں ہے جس پر بھارتی ڈاکٹرز نے فنڈنگ کا انتظام کیا۔

ویزے کی وجہ سے عائشہ کے علاج میں کچھ تاخیر بھی ہوئی بالآخر ماں بیٹی بھارت پہنچیں جہاں 31 جنوری کو ایم جی ایم ہیلتھ کیئر کے انسٹی ٹیوٹ آف ہارٹ اینڈ لنگز ٹرانسپلانٹ کے شریک ڈائریکٹر ڈاکٹر سریش راؤ نے عائشہ کو ایک 69 سالہ شخص کا دل لگادیا گیا۔

عائشہ بہت تیزی سے روبہ صحت ہوئی اور اسے 17 اپریل کو ڈسچارج کردیا گیا۔ ہارٹ ٹرانسپلانٹ کے تمام اخراجات ایک این جی او ’’ایشوریہ ٹرسٹ‘‘ کے ذریعے طبی پیشہ ور افراد اور سابق مریضوں کی مدد سے پورے ہوئے۔
منقول۔۔۔!!
____________________________________

یہ اور ایسی کئی خبروں سے پتہ چلتا ہے کہ احساس کی کوئی سرحد نہیں ہوتی۔۔۔!!
لیکن نجانے کیوں ہم نے سرحد کو حساس ترین بنا لیا ہے۔۔۔
الگ الگ رہنے کا فیصلہ تو دو بھائی بھی کر لیا کرتے، پھر الگ ہونے کا یہ نظریاتی فیصلہ اتنی نفرت کا باعث کیوں۔۔۔جو چار جنگوں کا سبب بن چکی،اور نہ جانے کتنے معصوم لقمہ اجل بن گئے۔
میری خواہش ہے کہ کاش پوری دنیا میں یہ احساس پیدا ہو،اور ہم سب حضرت آدم علیہ السلام کی اولاد ہونے کے ناطے جذبہ ایثار و محبت سے سرشار ہوں۔
کاش ایسا ہو۔

ڈاکٹر عتیق الرحمن
کنسلٹنٹ چائلڈ اسپیشلسٹ
Dr.Ateeq Ur Rehman-Child specialist

#پاکستان میں صحت کی دیکھ بھال
#ملتان میں بچوں کی صحت
#بچوں کے سپیشلسٹ
#پاکستانی لڑکی کا دل کا ٹرانسپلانٹ

21/04/2024

⚘آپ سب کی سپورٹ کا بہت شکریہ، انشاء اللہ میں ایسے ہی بچوں کی صحت سے متعلق مفید معلومات اور والدین کی راہنمائی کیلئے مواد شیئر کرتا رہونگا۔

👇نیچے دی گئی تصویر میں دکھایا گیا،وہ بچہ ہے جس کے متعلق میں نے پچھلی پوسٹ میں بتایا تھا۔میں اپنے تمام فالوورز کا دعائوں کیلئے انتہائی مشکور ہوں کہ یہ بچہ اب بالکل ٹھیک ہے۔اللہ آپ سب کو جزائے خیر عطا فرمائے ۔آمین۔

⚘آپ سب بھی ہمارا پیج لائک کریں اور دوستوں کے ساتھ شیئر بھی کریں تاکہ بچوں کی صحت سے متعلق مستند اور اپ ٹو ڈیٹ معلومات سب والدین تک پہنچتی رہے۔

ڈاکٹر عتیق الرحمن
کنسلٹنٹ چائلڈ اسپیشلسٹ اینڈ نیوناٹولوجسٹ
پی جی پی این (امریکہ)
ایم بی بی ایس، ایف سی پی ایس
ایکس رجسٹرار مختار اے شیخ ہسپتال ملتان

Thanks for being a top engager and making it onto my weekly engagement list! 🎉 Saqib Riaz Qari Mahfooz Ahmad Saeedi Wazeer Hussain Lashari

17/04/2024

الحمداللہ
آج میرے پاس بختاور امین ہسپتال میں ایک نو مولود بچہ لایا گیا جو کہ کچھ لمحے پہلے پیدا ہوا تھا اور رویا نہیں تھا۔اتفاق سے میں نرسری میں ہی بیٹھا ہوا تھا۔
میں نے فورا بچے کا معائنہ کیا تو بچہ بالکل بے سدھ پڑاہوا تھا اور رویا نہیں تھا۔
فورا بچے کے منہ اور ناک سے رطوبتیں صاف کرنے کے بعد بچے کے پھیپھڑوں میں پمپ (Ambu bag) سے آکسیجن پہنچائی گئی تو اس کے جسم میں آکسیجن کی مقدار پوری ہوئی،لیکن بچہ ابھی بھی سست تھا اور رویا نہیں تھا۔
پھر بچے کے پھیپھڑوں میں نالی(ETT) ڈال کر اس کو مشین(ventilator ) سے آکسیجن دی گئی۔
کچھ دیر مشین سے آکسیجن دینے کے بعد بچہ بہتر ہوا اور ہاتھ پائوں مارنا شروع کیے۔اب بچہ کافی active تھا تو اس کی پھیپھڑوں والی نالی نکالی گئی اور سمپل آکسیجن پر رکھا گیا۔اس سارے عمل میں ڈاکٹر حنا صاحبہ جو ہماری سینئر پوسٹ گریجوئیٹ ٹرینی ہیں،اور سٹاف نرس نے میرا ساتھ دیا۔یقینا یہ لوگ قابل ستائش ہیں۔
اس وقت بچہ خوب رو رہا ہے، رنگ بھی بہتر ہے اور سانس بھی۔اب اس کو ہم نالی کے ذریعے دودھ شروع کریں گے۔
اس طرح بچوں کو روتا، ہاتھ پائوں مارتا اور والدین کے چہروں پر مسکراہٹ دیکھ کر جو خوشی ملتی ہے وہ ناقابل بیان ہے۔

آپ سب بھی اس پھول کیلئے دعا کریں کہ اللہ پاک اسکو مکمل صحت عطا فرمائے۔آمین۔

ڈاکٹر عتیق الرحمن
کنسلٹنٹ چائلڈ اسپیشلسٹ
بختاور امین ہسپتال ملتان

17/04/2024

آپ کو سکون اوراعتماد سے ذندگی گزارنی آنی چاہیے ، اسکا بہترین حل ہیے کہ دوسروں پہ کم سے کم نظر رکھیں اور اپنی زندگی پہ ذیادہ سے ذیادہ فوکس رکھیں ، جتنا دنیا کی باتوں میں آئیں گے اتنا ہی اپنی زندگی الجھتی جاۓ گی ، اس لیۓ الجھے بغیر سکون والی زندگی گزاریں-
ہر انسان کی زندگی ایک ٹائم لائن کے مطابق چل رہی ہوتی ہے۔آپ جس چیز کی سچے دل سے تمنا کرتے ہیں، اور اس کیلئے ان تھک محنت کرتے ہیں تو رب کریم آپ کو ضرور نوازتا ہے۔ہاں! کب اور کیسے نوازتا ہے یہ اس ذات پاک کے فیصلے ہیں۔

آپ آج اگر کسی کی شاہانہ طرز زندگی کو دیکھ کر اپنے لیے بھی ویسا چاہتے ہیں تو آپ کو محنت بھی اسی انداز سے کرنا پڑے گی۔آپ کیا جانیں آج کامیاب نظر آنے والے شخص نے کتنے رت جگے کاٹے ہیں؟

ڈاکٹر عتیق الرحمن
کنسلٹ چائلڈ اسپیشلسٹ
ایم بی بی ایس،ایف سی پی ایس

call for appointment
03142227878

15/04/2024

ڈاکٹر اور بالخصوص بچوں کا ڈاکٹر ہونا آسان کام نہیں۔آپ کو ہر وقت کسی بھی ایمرجنسی کیلئے تیار رہنا ہوتا ہے ،چاہےوہ عید کا دن ہی کیوں نہ ہو۔
میں اللہ کا شکر ادا کرتا ہوں کہ اس نے مجھے ایک ایسے شعبے کیلئے چنا جہاں ساری رات کی تھکاوٹ ایک ننھی سی جان کی ہلکی سی مسکراہٹ کے ساتھ ختم ہو جاتی ہے
دنیا کےتمام مسیحائوں کو میرا سلام

ڈاکٹر عتیق الرحمن
کنسلٹنٹ چائلڈ اسپیشلسٹ
ایم بی بی ایس،ایف سی پی ایس

Dr.Ateeq Ur Rehman-Child specialist

12/04/2024

معصوم پھول⚘

سردیوں کی ایک شام گھر کے صحن میں بچے دوڑ رہے تھے اور خوب مستی کر رہے تھے۔5 سال کا عمیر بھی بچوں کے ساتھ کھیلنا چاہتا تھا لیکن اس کی ماں اس کو بھاگنے سے منع کر رہی تھی۔لیکن بچہ بضد تھا کہ میں نے کھیلنے جانا ہے،کیونکہ وہ اپنی بیماری سے بے خبر تھا اور ماں اس کو دوبارہ تڑپتے نہیں دیکھ سکتی تھی۔عمیر اور زور سے رونے لگا تو ماں نے اسے گلے لگایا اور چپ کروانے لگی۔کیونکہ وہ جانتی تھی کہ عمیر کیلئے کھل کر رونا بھی کسی بڑے مسئلے کی وجہ بن سکتا تھا۔
عمیر چپ نہ ہوا اور پھر وہی ہوا جس کا ڈر تھا دیکھتے ہی دیکھتے عمیرکےہونٹ،ہاتھوں اور پائوں کی انگلیاں نیلی ہو گئیں اور وہ اچانک بے ہوشی کی حالت میں زمین پر گر گیا اور اس کا جسم اکڑنے لگا۔
یہ دیکھ کر ماں نے زور سے چلانا شروع کردیا،وہ سوائے اپنے معصوم پھول کو مرجھائے ہوئے دیکھنے کے اور کر بھی کیا سکتی تھی؟
رونے کی آواز سن کر اندر سے عمیر کا والد بھی بھاگتے ہوئے باہر نکل آیا۔جلدی سے عمیر کو اٹھایا اور شہر کی طرف بڑے ہسپتال کیلئے نکل پڑے
ایک گھنٹے کے بعد جب ہسپتال پہنچے تو عمیر ابھی بھی نیم بے ہوشی کی حالت میں تھا ۔ڈاکٹر نے جلدی سے اس کو آکسیجن لگائی اور کچھ ادویات دیں تو کچھ دیر بعد عمیر بالکل نارمل حالت میں ماں کے ساتھ کھیل رہا تھا ۔

عمیر کو کیا ہوا تھا؟
کیا اس کو کوئی دماغی بیماری تھی یا پھر دل کا مسئلہ؟
اور ماں باپ گھر پر کیا کر سکتے تھے جس سے عمیر کو ہسپتال لے جانے کی ضرورت نہ پڑتی؟

دراصل عمیر کو دل کی پیدائشی بیماری ہے جسے Tetralogy Of Fallot یا TOF کہتے ہیں۔اور اس وقت عمیر کی جو حالت ہوئی تھی اسے نیلے پن کا دورہ یا Tet Spell کہتےہیں جوکہ اسی بیماری کا حصہ ہے،اور بچے کے بہت زیادہ رونے ،غصہ کرنے،بخار،موشنز یا پانی کی کمی کی وجہ سے یہ دورہ پڑ سکتا ہے، اور اکثر یہ صبح کے وقت ہوتا ہے۔

اس بیماری کو سمجھنے کیلئے پہلے ہمیں دل کی بناوٹ سمجھنا ہوگی۔
دل کے چار خانے ہوتے ہیں جن میں سے دو چھوٹے اوپر کے خانے جن کو Atria کہتے ہیں اور دو بڑے خانے نیچے ہوتے ہیں جن کو Ventricles کہتے ہیں۔دائیں طرف والے اوپر اور نیچے کے خانوں میں جسم سے گندا خون واپس آتا ہے اور پھر وہاں سے پھیپھڑوں میں جاتا ہے-پھیپھڑوں سے صاف ہو کر خون دل کے بائیں اوپر اور نیچے والے خانوں سے ہوتا ہوا جسم میں چلاجاتا ہے۔

دل کے دائیں اور بائیں جانب والے اوپر اور نیچے کے خانوں کے درمیان ایک پردہ یا دیوار ہوتی ہے جو کہ صاف اور گندے خون کو مکس ہونے سے بچاتی ہے۔ لیکن TOF کی بیماری میں دل کے نیچے والے بڑے خانے یا Ventricles کے درمیان پردے میں سوراخ ہوتا ہے جس کی وجہ سے گندا اور صاف خون مکس ہو جاتا ہے اور وہی مکس شدہ خون جس میں اکسیجن کی مقدار کم ہوتی ہے،پورے جسم میں چلا جاتا ہے جس کی وجہ سے بچے کے ہونٹ،زبان اور انگلیوں کے سرے اور ناخنوں کا رنگ نیلا ہو جاتا ہے۔
اس سوراخ کے علاوہ TOF کی بیماری میں دل میں سوراخ کے علاوہ اور بھی 3 طرح کے نقص ہوتے ہیں ۔

1۔دل کا دائیں نیچے کے خانے کی دیوار موٹی اور سخت ہو جاتی ہے۔
2۔جسم کو خون پہچانے والی بڑی شریان کی جگہ تبدیل ہوتی ہے اور یہ دل کے سوراخ کے اوپر ہونے کی وجہ سے دائیں اور بائیں دونوں خانوں کا ملا ہوا کم آکسیجن والا خون جسم کو پہنچاتی ہے۔
3-آخری اورسب سے اہم نقص یہ ہے کہ دل سے پھیپڑوں کو خون لے جانے والی شریان تنگ ہو جاتی ہے،اور پھیپھڑوں کی طرف صاف ہونے کیلئے کم خون جاتا ہے۔دراصل بچے کی علامات یا نیلا پن کا دورہ کس عمر میں اور کتنی شدت کا ہوگا وہ اسی نالی کے سائز پر انحصار کرتا ہے ۔اگر نالی زیادہ تنگ ہوگی تو بچہ پیدائش کے بعد یا کچھ دنوں میں نیلا ہونا شروع ہو جائے گا۔
تحریر کا حصہ دوم جلد شیئر کروں گا جوکہ والدین کیلئےانتہائی اہم ہے،جس میں TOF کے بچوں کی گھر پر دیکھ بھال،چند ضروری احتیاط،بچے کو نیلے پن کے دورے سے کیسے بچایا جائےاور اگر دورہ ہو جائے تو کیا کیاجائے کہ گھر پر ہی بچہ نارمل ہو جائے،انشاءاللہ سب بتایا جائے گا،

اس کہانی میں نام اور کردار سب فرضی ہیں،کوئی بھی مماثلت محض اتفاقیہ ہوگی۔

تحریر: ڈاکٹر عتیق الرحمن
کنسلٹنٹ چائلڈ اسپیشلسٹ
ایم بی بی ایس، ایف سی پی ایس
پی جی پی این (امریکہ)

بچوں کی صحت سے متعلق تمام معلومات کے لئے ہمارا پیج لائک کریں،اور دوستوں سے بھی شیئر کریں، تاکہ بچوں کی صحت کا پیغام سب تک پہنچ جائے۔

Dr.Ateeq Ur Rehman-Child specialist Wapda Town Multan Phase 1 Royal Orchard Multan Bakhtawar Amin Memorial Hospital Multan

Dr.Ateeq Ur Rehman-Child specialist

14/11/2024

13/06/2024

09/05/2024

01/05/2024

28/04/2024

21/04/2024

17/04/2024

17/04/2024

15/04/2024

12/04/2024

Address

Opening Hours

Telephone

Website

Alerts

Contact The Practice

Shortcuts

Share

Category

Monday	15:00 - 21:00
Tuesday	15:00 - 21:00
Wednesday	15:00 - 21:00
Thursday	15:00 - 21:00
Friday	15:00 - 21:00
Saturday	14:00 - 21:00
Sunday	10:00 - 20:00