25/06/2025
CARBO VEG
شروع میں ہی ایک ھومیو پیتھ کے ذہن میں یہ بات ڈال دی جاتی ھے کہ Carbo, Lyco اور Nux گیسٹرک کے لیے سب سے بڑی دوائیں ہیں۔ اور جو میری طرح کے ھوتے ہیں وہ ان ادویات کا مطالعہ کیے بغیر اندھا دھند دیے جاتے ہیں جس سے بہتری کم اور مسائل زیادہ پیدا ھوتے ہیں۔ میں نے کئی ایک گھروں میں اور معدے کے مریضوں کے ہاتھ میں Carbo 200 کی بوٹلز دیکھی ہیں۔ جبکہ ھومیو میں Carbo Veg کا شمار لاہف سیونگ میڈیسن میں ھوتا ھے۔ پہلے تو ھم یہ دیکھیں کہ اس میڈیسن کی ساخت کیا ھے اس کی کسمٹری کیا ھے۔ اگر اس پر ھم غور کریں تو پھر بہت ہی کم ھومیو پیتھ رہ جائیں گے جو صرف گیسٹرک کی علامت کو سامنے رکھ کر Carbo Veg مریض کو دیں گے۔
سب ھومیو پیتھ جانتے ہیں کہ یہ دوا لکڑی کے کوئلے سے تیار کی جاتی ھے۔ جب ھم لکڑی کو جلاتے ہیں تو لکڑی اپنے اندر سے کاربن کو ڈسچارج کرتی ھے اور آکسیجن کو اپنے اندر جذب کرتی ھے۔ بس اس ایک بات کو سمجھنے کی ضرورت ھے۔ جس نے اس بات کو سمجھ لیا اس نے Carbo Veg کو سمجھ لیا۔
ھم سب یہ بھی جانتے ہیں کہ جب ھماری باڈی میں آکسیجن کی کمی واقع ھوتی ھے تو اس سے بلڈ سرکولیشن متاثر ھوتا ھے۔ بلڈ کی سرکولیشن کم ھو جاتی ھے اور اعضاء رئیسہ کو جتنے بلڈ کی ضرورت ھوتی ھے اتنی میسر نہیں ھوتی۔ جس کی وجہ سے مریض گھبراہٹ کا شکار ھوتا ھے۔ اس کے ماتھے پر ٹھنڈے پسینے آنا شروع ھو جاتے ہیں، جسم ٹھنڈا ھونا شروع ھو جاتا ھے۔ ہر کتاب میں یہ لکھا ھوا ھے کہ مریض کہتا ھے پنکھا کرو۔ کیونکہ اس وقت مریض موت کے منہ میں ھوتا ھے۔ یہ صورت حال کسی حادثہ کی صورت میں پیش آسکتی ھے کسی بیماری کی شدت سے بھی ھو سکتا ھے یا پھر کسی شدید صدمے کی وجہ سے بھی۔
ھم یہ بھی جانتے ہیں کہ جب کسی جانور کو ذبح کیا جاتا ھے تو اس میں سے جو بلڈ نکلتا ھے وہ چند ہی لحموں بعد جم جاتا ھے اس کی وجہ کہ جونہی بلڈ کو ضرورت سے زیادہ آکسیجن میسر آئی تو بلڈ جم کر لوتھڑے بن جاتا ھے۔ یہیی وجہ ھے کہ Carbo Veg بلیڈنگ کو روکنے کی بھی دوا ھے۔ یہ دمہ کے مرض کی بھی لاجواب دوا ھے۔ یہ زخم سے بلڈ کو نکلنے سے روکتی۔ یہ عورتوں کے پریڈز میں زیادہ بلیڈنگ کو بھی ٹھیک کرتی ھے۔
اگر آکسیجن کو روک لیا جائے تو دنیا کا بہترین فیول تو کیا بلکہ ایٹم بم بھی پھٹنے سے قاصر ھے۔ اسے بھی پھٹنے کے لیے آکسیجن کی ضرورت ھے۔ یہی وجہ ھے کہ جب انسانی جسم میں آکسیجن کی کمی واقع ھوتی ھے تو بلڈ کی سرکولیشن رک جاتی ھے۔ اور انسان بیہوشی کی حالت میں چلا جاتا ھے۔ اور اگر انسانی جسم میں آکسیجن کی مقدار بڑھ جائے تو بلڈ اپنی ساخت تبدیل کر لیتا ھے جس سے انسانی جسم پر ورم آنا شروع ھو جاتا ھے۔
میری شروع کی پریکٹس میں ایک دن مجھے اچانک معدے میں تکلیف ھوئی تو میں نے سنی سنائی بات کے مطابق عمل کرتے ھوئے کاربویج 200 کی ایک خوراک لے لی۔ کوئی آدھ گھنٹہ گزرا ھو گا کہ مجھے گھبراہٹ شروع ھو گئی اور مجھے گردن لمبی کر کے سانس لینے پڑ گیا۔ میں نے نکس لی کوئی فرق نہیں ھوا۔ پھر میں مٹیریا میڈیکا دیکھا تو آرسینک لی اس سے میری سانس بحال ھوئی۔ اس واقعے نے مجھے کاربویج کی کسی حد تک پہچان کروا دی۔ نہیں تو میں بھی نکس، کاربو اور لائیکوپوڈیم والا ہی ھومیو پیتھ تھا۔
کاربویج اتنی بڑی لایف سیونگ میڈیسن ھے کہ کاشی رام نے اسے 10 صحفوں میں لکھا ھے۔
اب میرا سوال ھے ان ھومیو پیتھ سے کہ جو بغیر علامات کو دیکھے گیسٹرک کے نام پر مریض کو کاربویج شیشیوں کے حساب سے کھلائے جارھے ہیں وہ بتائیں یہ اللہ کی مخلوق کے ساتھ ظلم نہیں تو اور کیا ھے۔ میں نے اس میڈیسن کے بہتریں فوائد بھی اور غلط استعمال پر اس کے نقصانات بھی آپ کے سامنے رکھے ہیں۔ اس کا غلط استعمال ان مریضوں کے اندر کیا حشر برپا کرتا ھو گا جن کو بار بار دی جاتی ھے۔ اگر یہی کچھ کوئی دوسرا آپ کے ساتھ کرے تو سوچیں آپ کا ردعمل کیا ھو گا۔
اس لیے خدا راہ کاربویج کی تین علامات کو یاد کر لیں۔ بیماری کیا ھے اور تکلیف کیا ھے اس کو بھول جائیں۔ کاربویج آپ کی پریکٹس کو چار چاند لگا دے گی۔
1. ماتھے پر ٹھنڈے پسینے۔
2. پورا جسم ٹھنڈا۔
3. سانس کی تنگی.
