Insaf Doctors Forum Dentistry KP

14/08/2025

حیات آباد میڈیکل کمپلیکس میں یومِ آزادی کی پُروقار کیک کٹنگ تقریب 🇵🇰

تقریب میں صدر انصاف ڈاکٹرز فورم خیبرپختونخوا ڈاکٹر نبی جان آفریدی، صدر آئی ڈی ایف حیات آباد میڈیکل کمپلیکس ڈاکٹر نظیف وزیر، ہسپتال ڈائریکٹر ڈاکٹر شیر زمان، میڈیکل ڈائریکٹر ڈاکٹر شاہسوار، ڈین خیبر گرلز میڈیکل کالج ڈاکٹر شہزاد اکبر بورڈ آف گورز کے ممبران ملک صادق اعوان، ملک اختر اعوان سمیت دیگر سینئر ڈاکٹرز اور ہیلتھ کیئر عملے نے شرکت کی۔

اس موقع پر شرکاء نے وطنِ عزیز پاکستان کی ترقی و خوشحالی کے لیے خصوصی دعائیں کیں اور اس عزم کا اظہار کیا کہ ہم سب مل کر صحت کے شعبے میں اپنی خدمات جاری رکھیں گے تاکہ ایک صحت مند اور مضبوط پاکستان کی بنیاد رکھی جا سکے۔ 💚🤍

انصاف ڈاکٹرز فورم خیبرپختونخوا
میڈیا سیل

13/08/2025

انصاف ڈاکٹرز فورم خیبرپختونخوا کا اعلامیہ

انصاف ڈاکٹرز فورم خیبرپختونخوا ڈسٹرکٹ ہیڈ کوارٹر ہسپتال ٹانک میں ایم ایس آفس میں ڈی ایم ایس ڈاکٹر مشقت اور ڈاکٹر کرامت بٹانی کے ساتھ پیش آنے والے افسوسناک واقعے کی شدید ترین الفاظ میں مذمت کرتی ہے۔ ہسپتال احاطے میں کسی صحافی یا کسی بھی شخص کو اپنی من مانی یا کارِ سرکار میں مداخلت کی اجازت نہیں دی جا سکتی۔ ڈاکٹرز، ہیلتھ کیئر اسٹاف اور مریضوں کی اجازت کے بغیر ویڈیوز بنانا نہ صرف ان کی پرائیویسی کی خلاف ورزی ہے بلکہ یہ ایک ناقابلِ برداشت اور غیر قانونی عمل ہے۔

متعلقہ افراد نے ڈاکٹرز کو زدوکوب کیا، بدتمیزی کی، اور یرغمال بنایا، جو کہ ایک کھلی غنڈہ گردی ہے۔ انصاف ڈاکٹرز فورم خیبرپختونخوا ڈپٹی کمیشنر ٹانک، ڈسٹرکٹ پولیس آفیسر ٹانک سے مطالبہ کرتے ہیں کہ ان غیر متعلقہ اور مداخلت کرنے والے عناصر کے خلاف فوری طور پر انتظامی ایف آئی آر درج کی جائے۔

مشکل حالات اور محدود وسائل کے باوجود ٹانک کے عوام کو صحت کی سہولیات فراہم کرنے کے لیے ہیلتھ کیئر سٹاف اور محکمہ صحت دن رات کوشاں ہیں۔ اس کے باوجود چند عناصر کی اس قسم کی حرکات کسی صورت برداشت نہیں کی جائیں گی۔ انصاف ڈاکٹرز فورم خیبرپختونخوا ضلع ٹانک کے ڈاکٹرز کے شانہ بشانہ کھڑی ہے ا ور کھڑی رہے گی۔

انصاف ڈاکٹرز فورم خیبرپختونخوا
میڈیا سیل

09/08/2025

Jobs in MTI Hayatabad Medical Complex Peshawar
Last date to apply: 24th Aug, 2025

05/08/2025

انصاف ڈاکٹرز فورم خیبرپختونخوا کے رہنماء صوبائی صدر ڈاکٹر نبی جان آفریدی کی قیادت میں حیات آباد ٹول پلازے پر اپنے قائد جناب عمران خان کی کال پر لبیک کہتے ہوئے موجود!

پاکستان زندہ باد
عمران خان پائندہ باد!

29/07/2025

انصاف ڈاکٹرز فورم خیبرپختونخوا پروفیسر ڈاکٹر سید ناصر شاہ کو خیبر کالج آف ڈینٹسٹری، پشاور کے ڈین کے طور پر اگلے پانچ سالوں کے لیے دوبارہ تقرری پر دل کی گہرائیوں سے مبارکباد پیش کرتا ہے۔

اس موقع پر انصاف ڈاکٹرز فورم خیبرپختونخوا کے ایک وفد نے
ڈاکٹر سردار محمد سعد (ایڈیشنل سیکرٹری جنرل انصاف ڈاکٹرز فورم خیبرپختونخوا و فوکل پرسن برائے ڈینٹسٹری) کی قیادت میں
پروفیسر ڈاکٹر ناصر شاہ سے ان کے دفتر میں ملاقات کی اور انہیں اس اہم ذمہ داری پر دوبارہ تقرری پر دلی مبارکباد دی۔

وفد میں ڈاکٹر رابعہ (سینئر نائب صدر، انصاف ڈاکٹرز فورم ہزارہ) اور
ڈاکٹر انس (رکن، انصاف ڈاکٹرز فورم کے سی ڈی) بھی شامل تھے۔

انصاف ڈاکٹرز فورم خیبرپختونخوا پُرامید ہے کہ خیبر کالج آف ڈینٹسٹری پروفیسر ڈاکٹر ناصر شاہ کی قیادت میں ترقی کی نئی منازل طے کرے اور تعلیم و تحقیق میں مزید کامیابیاں حاصل کرے۔

انصاف ڈاکٹرز فورم خیبرپختونخوا
میڈیا سیل

29/07/2025

انصاف ڈاکٹرز فورم خیبرپختونخوا کے نمائندہ وفد کا چیئرمین ہیلتھ پالیسی بورڈ خیبرپختونخوا پروفیسر ڈاکٹر نوشیروان برکی کے زیرِ صدارت صوبے کی مجموعی ہیلتھ پالیسی کے متعلق اہم اجلاس۔

اجلاس میں مرکزی صدر انصاف ڈاکٹرز فورم و توکل پرسن برائے صحت ڈاکٹر مُدیر خان وزیر کی شرکت۔

اجلاس میں صوبے کی مجموعی ہیلتھ پالیسی اور میڈیکل ٹیچنگ انسٹی ٹیوشنز (MTIs) کے بورڈ آف گورنرز کی کارکردگی پر تفصیلی تبادلہ خیال کیا گیا۔ اجلاس میں انصاف ڈاکٹرز فورم کے وفد نے تجویز دی کہ تمام ایکٹنگ بنیادوں پر کام کرنے والے ایگزیکٹو افیسرز کے عہدوں پر مستقل بنیادوں پر افیسرز تعینات کیا جائے تاکہ انتظامی تسلسل اور مؤثر قیادت کو یقینی بنایا جا سکے۔ انصاف ڈاکٹرز فورم نے اس بات پر زور دیا کہ تمام ایم ٹی آئی ہسپتالوں کے مابین باہمی رابطے کو مضبوط بنانے کے لیے ایک مربوط ریفرل سسٹم اور ون ونڈو آپریشنل فریم ورک متعارف کروایا جائے، جو مریضوں کے بہتر اور بروقت علاج کو ممکن بنائے گا۔

مزید برآں، انصاف ڈاکٹرز فورم نے تجویز دی کہ جہاں مالیاتی آڈٹ کا عمل جاری ہے، وہیں طبی خدمات کے معیار کو جانچنے کے لیے کلینیکل آڈٹس کا آغاز بھی کیا جائے، تاکہ ہسپتالوں میں بہتر نظم و نسق اور شفافیت کو فروغ دیا جا سکے۔

انصاف ڈاکٹرز فورم خیبرپختونخوا
میڈیا سیل

25/07/2025

پشاور – صدر انصاف ڈاکٹرز فورم خیبر پختونخوا، ڈاکٹر نبی جان آفریدی کا ایف سی پی ایس پارٹ وَن کے “لیفٹ اوورز” امیدواروں کے نمائندہ وفد سے ملاقات۔

ملاقات میں 150 اضافی اسٹائپینڈری سلاٹس کی منظوری کے حوالے سے مشاورت کی گئی، اور اس سلسلے میں وفد کو انصاف ڈاکٹرز فورم خیبرپختونخوا سے درکار تعاون پر تفصیلی تبادلہ خیال ہوا۔ وفد نے اپنے مسائل اور مطالبات صدر ڈاکٹر نبی جان آفریدی کے سامنے تفصیل سے پیش کیے۔

ڈاکٹر نبی جان آفریدی نے وفد کو یقین دہانی کرائی کہ مشیر صحت خیبر پختونخوا، محکمہ صحت اور انصاف ڈاکٹرز فورم اس اہم معاملے میں ان کے ساتھ مکمل تعاون کریں گے اور اس کا جلد از جلد محکمہ خزانہ سے منظوری کے لیے مؤثر اقدامات اٹھائے جائیں گے، ان شاء اللّٰہ۔

انصاف ڈاکٹرز فورم خیبر پختونخوا اس بات پر پختہ یقین رکھتا ہے کہ صحت کے شعبے میں میرٹ، شفافیت، اور نوجوان ڈاکٹروں کے آئینی و پیشہ ورانہ حقوق کا تحفظ نہایت اہم ہے، اور انصاف ڈاکٹرز فورم خیبرپختونخوا ہر ممکن سطح پر اس جدوجہد کو جاری رکھے گا۔

انصاف ڈاکٹرز فورم خیبرپختونخوا
میڈیا سیل

25/07/2025

23 July, 2025

پشاور – انصاف ڈاکٹرز فورم خیبر پختونخوا کا ایف سی پی ایس پارٹ وَن کے “لیفٹ اوورز” امیدواروں کے اہم مسئلے پر پیشرفت

آج صدر انصاف ڈاکٹرز فورم خیبر پختونخوا ڈاکٹر نبی جان آفریدی نے ایف سی پی ایس پارٹ وَن کے “لیفٹ اوورز” امیدواروں کے نمائندہ وفد کے ہمراہ مشیر صحت خیبر پختونخوا، جناب احتشام علی سے ملاقات کی۔

ملاقات میں اسٹائپینڈری سلاٹس کی تخلیق کے حوالے سے تفصیلی گفتگو ہوئی۔ مشیر صحت نے “لیفٹ اوورز” امیدواروں کے لیے تناسب کے مطابق اسٹائپینڈری سلاٹس کی اصولی منظوری دے دی، اور اس معاملے کو اب محکمہ خزانہ اور کابینہ کے ساتھ باضابطہ منظوری کے لیے بھیجا جائے گا۔

انصاف ڈاکٹرز فورم خیبر پختونخوا اس اہم پیشرفت کو نوجوان ٹرینیز کی جدوجہد کی کامیابی سمجھتا ہے، اور اس عزم کا اعادہ کرتا ہے کہ وہ میرٹ، شفافیت اور ہیلتھ کیئر پروفینشلز کے آئینی و پیشہ ورانہ حقوق کے تحفظ کے لیے ہر فورم پر اپنی آواز بلند کرتا رہے گا، ان شاءاللّٰہ۔

انصاف ڈاکٹرز فورم خیبرپختونخوا
میڈیا س

25/07/2025

وزیراعلیٰ علی آمین خان گنڈاپور کے زیرِ صدارت محکمہ صحت کے حوالے سے اعلیٰ سطحی اجلاس

پشاور – وزیر اعلیٰ خیبر پختونخوا علی امین خان گنڈاپور کی زیر صدارت محکمہ صحت کے موجودہ نظام کا جائزہ لینے کے لیے ایک اعلیٰ سطحی اجلاس منعقد ہوا۔ اجلاس میں چیئرمین ہیلتھ پالیسی بورڈ خیبرپختونخوا پروفیسر ڈاکٹر نوشیروان برکی، سابق گورنر خیبر پختونخوا شاہ فرمان اور مرکزی صدر انصاف ڈاکٹرز فورم و فوکل پرسن برائے صحت ڈاکٹر مُدیر خان وزیر کی شرکت۔

اجلاس میں اہم اُمور پر تفصیلی غور کیا گیا۔ اجلاس میں خیبر پختونخوا میں صحت کی مجموعی صورتحال کا جائزہ لیا گیا، خصوصاً اسپیشلائزڈ ہیلتھ کیئر سروسز پر توجہ مرکوز کی گئی جو میڈیکل ٹیچنگ انسٹی ٹیوشنز (MTIs) کے ذریعے فراہم کی جا رہی ہیں۔ تمام شرکاء نے اس بات پر زور دیا کہ صحت کی سہولیات کے معیار کو بہتر بنانے کے لیے مؤثر حکمت عملی اختیار کی جائے۔

اجلاس میں فیصلہ کیا گیا کہ خیبر انسٹی ٹیوٹ آف چائلڈ ہیلتھ (KICH) جیسے زیر التواء منصوبوں کو فوری مکمل کر کے فعال کیا جائے گا۔ نان MTI اضلاع کے ڈسٹرکٹ ہیڈکواٹر ہسپتالوں کو مضبوط کرنے پر اتفاق کیا گیا اور فیصلہ کیا گیا کہ ڈی ایچ کیو ہسپتالوں میں کنسلٹنٹس، میڈیکل آفیسرز، نرسز سمیت تکنیکی عملے کی فراہمی کو یقینی بنایا جائے گا۔ ان ہسپتالوں کو جدید آلات اور بہتر انفراسٹرکچر سے لیس کیا جائے گا تاکہ ایم ٹی آئیز ہسپتالوں پر ورک لوڈ میں کمی ہو اور عوام کو معیاری علاج کی فراہمی اُنکے گھر کی دہلیز پر دستیاب بناناممکن ہوسکے۔ ساتھ ہی MTIs میں اسپیشلائزڈ سروسز کے معیار کو بہتر بنانے پر زور دیا گیا۔

22/07/2025

18th July, 2025

انصاف ڈاکٹرز فورم خیبرپختونخوا کی ڈینٹسٹری کمیونٹی کے لیے تاریخی کامیابی!

باچاخان ڈینٹل کالج کو علیحدہ شناخت، DDO اختیارات اور بجٹ کی منظوری کے مراحل مکمل۔

پشاور – ایڈیشنل سیکرٹری جنرل انصاف ڈاکٹرز فورم خیبرپختونخوا و فوکل پرسن برائے ڈینٹسٹری ڈاکٹر سردار محمد سعد کی انتھک کاوشوں کے نتیجے میں ڈینٹسٹری کے شعبے میں ایک تاریخی پیش رفت ہوئی ہے۔ باچاخان میڈیکل کالج کے تحت کام کرنے والا ڈینٹل سیکشن اب مکمل طور پر بااختیار باچاخان ڈینٹل کالج مردان کے طور پر تسلیم کر لیا گیا ہے۔

باوجود اس کے کہ پاکستان میڈیکل اینڈ ڈینٹل کونسل (PMDC) اور وفاقی وزارت صحت نے 2016-17 میں اس ادارے کو بطورِ کالج تسلیم کیا تھا، لیکن یہ ادارہ انتظامی خودمختاری اور بجٹ کی عدم دستیابی کے باعث ایک آزاد ڈینٹل کالج کے طور پر کام نہیں کر پا رہا تھا۔

اب انصاف ڈاکٹرز فورم کی کوششوں کے نتیجے میں:

1. محکمہ صحت خیبرپختونخوا نے 18 جولائی 2025 کو جاری کردہ باضابطہ آرڈر کے تحت پروفیسر ڈاکٹر منیر خان، پرنسپل باچاخان ڈینٹل کالج مردان، کو DDO (Drawing & Disbursing Officer) کے اختیارات تفویض کر دیے ہیں۔

2. محکمہ صحت نے بجٹ کی علیحدہ تقسیم کے لیے بھی سمری محکمہ خزانہ خیبرپختونخوا کو ارسال کر دی ہے تاکہ باچاخان میڈیکل کالج اور باچاخان ڈینٹل کالج مردان کے درمیان بجٹ کی باقاعدہ تقسیم ہو سکے۔

3. ڈینٹل کالج کو “ڈپارٹمنٹ” کے بجائے باضابطہ طور پر ایک علیحدہ ادارہ (College) تسلیم کیا جا رہا ہے، جس کا نام نوٹیفیکیشن میں “Establishment/Rename of Bacha Khan Dental College Mardan” کے طور پر درج ہے۔

یہ اقدامات باچاخان ڈینٹل کالج مردان کو ایک مکمل خودمختار ادارے کی حیثیت دیں گے، جیسا کہ خیبر کالج آف ڈینٹسٹری کو حاصل ہے۔ یہ ادارہ اب انتظامی و مالی طور پر خود کفیل ہو گا اور معیاری ڈینٹل تعلیم و خدمات کی فراہمی میں مؤثر کردار ادا کر سکے گا۔

انصاف ڈاکٹرز فورم خیبرپختونخوا خیبرپختونخوا کے تمام میڈیکل و ڈینٹل اداروں میں اصلاحات، ترقی اور خودمختاری کے لیے اپنی جدوجہد جاری رکھنے کا عزم دہراتا ہے۔

انصاف ڈاکٹرز فورم خیبرپختونخوا
میڈیا سیل

22/07/2025

21/07/2025

انصاف ڈاکٹرز فورم خیبرپختونخوا کی ایگزیکٹو کونسل کی منظوری سے انصاف ڈاکٹرز فورم خیبر ٹیچینگ ہسپتال کابینہ، میڈیا ٹیم، مختلف کمیٹیوں اور وارڈ نمائندگان کا باقاعدہ اعلان کردیا!

ڈاکٹر یونس آفریدی صدر جبکہ ڈاکٹر نایاب احمد سیکرٹری جنرل مقرر، اعلامیہ جاری!

انصاف ڈاکٹرز فورم خیبرپختونخوا
میڈیا سیل